10年少了10年

北極o既冰，10年前科學家話2070年北冰洋就會消失
10年後o既今日，科學家話 2060年就會完全溶曬...........
想不到我在生之年可以睇到 「97回歸」呢個和平移交主權o既大事
仲有可能見證另一件世界大事.........

$3000!?!?!?

為了同 mi 慶祝生日，打算同佢去廸士尼玩一日同住一晚
好貴啊~~!!!!
可能係 10月國慶時間啦。兩個人要成$3000........
只會去一次，唔會再去第二次~~~!!!!!!!

汽水樽裡的咖啡

歌名：汽水樽裡的咖啡
歌手：何韻詩
作曲：阿卓
填詞：黃偉文
編曲：青山大樂隊
監製：青山大樂隊／HOCC@GOOMUSIC
誰出錯將咖啡都裝進汽水樽
我覺得很有問題
如果我突然想溝鮮奶　我應怎麼控制
這是條懷疑上帝的問題
男人的粗獷身體　裝了女人心
我有否心理問題
如果我是誰　必須根據染色體的設計
埋藏內心的幼細　大概就要荒廢

我身體裝著誰人　兩歲半已定形了　
早知包裝不太搭調　
但我忍到那日　跟你初見面　
才忍不了　砰砰蓬　猶如暴漲浪潮

我的心該屬誰人　壓制到接近忘了　
差一點將本我殺掉　
但咖啡可注入這汽水樽　情感（濃香）藏不了

如果你是蘋果汁裝進咖啡杯
似我這一個類型
何不也盡情湧出本性　別理裝的器皿
鹹甜或酸苦半世　亦照著你高興

我身體裝著誰人　我會說那是前世
跟今生的主角對調
但咖啡幽禁在這咖啡杯
同樣可使別人嚴重心跳
別怕軀殼外形　全部錯了　潛質先緊要

拆吧拆吧拆吧！！！

600多年歷史的圍村，話拆就拆，它是我們的歷史啊！
金錢真的比什麼也重要。發展=破壞？
還是你們是一班不懂把現有的東西用作發展的白痴！！
只懂把一切還原成一張白紙，才會在上明創作！
拆吧
來吧
反正這裡是個病態城市，沒有過去，沒有明天
把自己的根拔掉
把自己模糊化
你不是任何東西
因為你什麼都不是

7個人 vs 一隊波

今年第一個比賽，一個差勁的開始
輸比中銀 3:0
原因只有一個，無默契！上年輸波因素今場出返o黎！無進步過......
又唔使我落場，但場場都要到，真係煩！

打機

psp 出o左 winning9
哈哈，個個一到午飯時間就圍埋打機
細o既又係咁，連 d 大o既都打埋一份
唔可以俾呢 d 風氣繼續落去
好易出事~~~!!!!

念舊

沉醉在過去 常被人美化成念舊
為什麼過去的事總是美好

因為人會選擇記憶
醜惡的
悲傷的
錯誤的
都會被記憶遺忘

因為人會選擇記憶
美麗的
歡樂的
成功的
都會不時拿出來回味

再經過時間的沉澱 剩下的就只有美好的記憶
我們都被自己騙了
不是因為天真 是愚昧令我們甘心受騙
但也未算最可怕
最可怕的
是活過去的記憶 逃避現實的考驗
拒絕一切陌生的　新鮮的
殘酷的現實令你只想逃避

慢慢地
把自己變得軟弱不堪
漸漸地
把灰色填滿你的一生

又有人走.....

又有傳聞新同事唔做，唉。怪獸公司......
真係好鬼煩
好o既又留唔到
差o既又留唔到
都唔知點算.....

13-9-1005

今晚忽然身痕，走去買"孖膽"。我以為呢 d 特別彩池唔會有 $50投注金額限制。咁就出事
我劃o左張 $40 o既飛，俾張$100個阿姐。佢俾o左張現金劵我，之後至同我講叫我用張現金劵去 d 機度買。我 d 火就即刻上頭！
唔受我投注咪俾返張未打機o既飛同張 $100我 lor~~!!!無啦啦屈我買張現金劵，我即刻黑面，正想發難同佢死過。唔知邊度走個妹妹o黎拎o左我張飛去埋邊 d 機度打飛。俾返張飛同張現金劵我，再同我講而家張現金劵剩返 $60，可以留返下之用或者去窗口拎返 $60。全程好好禮貌。俾佢先發制人！攪到我好無癮>.<
之後我唔認輸，走返去o個個阿姐個窗口，黑口黑面拎返 $60！！！ >.<

存在的意義

唔知由幾時開始
覺得自己唔想留o係呢個世界，感覺同呢個世界已經無咩關係
因為我討厭呢個世界，一切都好討厭
係由好變壞
過去o既美好已經無曬
我每日期待o既，就係世界末日
氣溫上升，冰川消失，我聽到就會好開心
快 d 世界末日

我唔覺得自己有問題，如果有人同我講佢好喜歡而家呢個世界
除非佢住o係北歐
如果唔係，我會話佢痴 x 線！
為o左唔會令我自殺
我開o左個投注戶口，用電腦o係期期六合彩買死 6 個字
令我自己每個星期都有 d o野去等待

2005sep10

晨早走去搬o野，攪到成兩點至出到旺角
諗住睇書，又鬼咁多人，坐o左一陣就走
行去馬健記，見到許冠英
今日見到好多怪人，唔通.......物以類聚!?!?!!?

人生為咩呢？兩個人o係一齊，如果因為小小誤會就分手，好可惜喎
兩個人都想結婚，即係大家都有誠意啦
但為o左錢而傷感情就唔好啦
既然一個想有人管，咁另一個咪去管o下 lor
起碼佢知道自己o既缺點，有想辦法去改o丫

整 firewall

叫做安o左 個 firewall
不過
仲好擔心有病毒o係個腦度
希望可以捱到半年啦
~_~"

個個中數"獨"

風靡中環o既數字遊戲------數獨
very hard 真係好難玩
對住 d 數字真係企o左o係度 @_@

#1211 如果發展電動汽車，應該買得過~~!

廸士尼真係太多負面新聞
唔係阿 mi 要去，我都唔想去
海洋公園好 d ~~~!!!
起碼係我o地香港人自己o既~~~!!!!

今日好怪..

成條街o既煙霞都好大，望出窗口竟然矇到睇唔到香港島
好怪~~!

部電腦中o左木馬，希望可以捱多平年啦
過兩日都要去買 firewall 啦
唉~~!又破財啦~~!!!!!!!!

未來客話 2005年開始美國會開始十年內戰
真的嗎？但而家又好似好有可能
天曉得
係就最好啦~~!

呵呵呵

搬o左新架步
應該都唔會再搬o架啦
haha

陰質服務靠曬你

半年前，銀行已經出o左通告，講明所有職員家屬如果要享受公司o既福利/優惠，都要先向人事部登記資料，如果無，一律都無得傾。點知有條盲毛無理到，我地就收o左佢老婆手續費，盲毛就打o黎嘈啦，"又哩又lo"，又要搵經理，又要搵話得事o既o黎傾，仲賤過 d 街客！大家同一個集團，係你唔跟規則去做。為o左幾廿蚊走o黎同我地嘈，仲要扮"大袋"！你姓廖o既我都未驚啦。搵我地另一個經理同你傾，又要串串貢問"佢話得事o架呵？"我真係笑出聲，第二把交椅都唔識，你都好打有限，收皮啦！對住自己人都咁o既態度，指去佢地提昇公司服務質素，真係 "H 得 L" 啦！

賣咸脆花生就唔望發達

呢幾日個市忽上忽落，多o左好多人問價，我地落得盤o黎就報唔到價。之後有 d 客投訴報價電話無人聽，最慘係有 d 客打報價電話落盤。唉....得o個幾丁友，你打咩線都無人聽o架啦！落盤又花時間。仲要服侍o個班"問價友"，日日就打o黎問十幾廿次，係我地o既客都無話可說，分分鐘係 d 友唔知o係邊度知道我地有專人報價，抽起條筋就打o黎問o下價過過癮。一日有呢 d 友，我地都幾難有好o既業績。

同事間已經有幾個好不滿公司o既做法，因為浪費o左好多時間去報價做唔到盤，但又無可奈何，因為報價係我地o既工作之一 指意呢間公司幫你，不如調整自己o既心情好過啦！

o拿！早幾日「最高指示」話我地一年內開8-10間分行，重點o係大型屋村，又話好多客戶都有親身去銀行處理財務o既習慣，唔可以唔理佢地o既需要。仲話要做多 d 「街坊生意」。咁就得啦！咩問題都無曬！主導思想係做「街坊生意」，最緊要幫到 d 客，客戶開心又方便就得啦！賺唔賺錢又有咩所謂呢！所以，我地要將自己o既利益放埋一邊，我地係為市民服務。從來賣咸脆花生呢d「街坊生意」，蠅頭小利只可以搵到兩餐溫飽，搵大錢？我地唔志在！ 做o左咁多年，我而家至知我o係一間非牟利機構度工作。

點解你又發脾氣

點解你又發脾氣
次次都要我就你
其實你可知
我都有嬲o既權利
我就你 係因為我愛你
但唔好以為 我唔可以無o左你
想大家情若連理
就更要和和氣氣
我唔同你嘈 係唔想去到無彎轉o既餘地
期望你
可以好好平衡你o既義務同權利

放心，沒什麼事發生

過去對你的 全是純潔的愛
現在遺下的只是無盡的恨
多得你捨我而去 令我認識到另一個我
從未有想像過 會得到今天的所有
因為你 我發現自己的無限可能
因為你 我得了再生
何時何地 也想對你作出最大的報復
我知道這是沒有意義的恨
但你要知道
今天對你的恨有多深
當天對你的愛就有多濃
謝謝你的決絕 令我醒覺到過去是自己的一廂情願
錯的只有我
但願某日某地能跟你遇上
好讓你見到
這個再生的我
也讓你知道
當日我的錯
就是沒有被你選上

四季

嚴寒的冬季 我選擇一個人渡過
避開了漫天風雪 也錯過了普天同慶的節日
反正何時何地 我也是孤獨一個
即使身處人群當中 也只懂跟自己送上祝福

春天本會帶來無限生機
無奈我的因緣未有轉機
一切事物都開始新的一章
但我仍舊彈著老調 未想改變
對身邊的
我默默地
靜心欣賞

炎夏的天氣 是享受生命的好時節
我也可好好享受 孤獨的獨特意義
彷彿我身體有一種抗體作出守衛
陽光和熱情不能入侵我身體
我還是躲在樹蔭之下 看著一切在艷陽下忘情舞動

黃葉紛飛 大氣中充斥著濃濃秋意
斜陽映照下
金黃色的林蔭大道上遇到你之後
普天同慶的喜悅
生機無限的美好
熱情洋溢的興奮
現在都可以一一體會
我知道時間並沒有虛渡
過去的等待是要令我更珍惜現在的你
只要餘下的日子仍能與你同行
即使只是走在金色樹林的大道上
也覺得不枉此生