我喜歡看CSI:NY,因為劇中的男主角的性格很吸引。
公私分明,正直清廉,對下屬有很高的要求,但不失人情味。
這個近乎完美的人也有缺點,對工作的要求太高,使理智常常操控着感情,差點更破壞了跟女友的關係。這個缺點令他更人性化。
我簡直愛死這個角色。

最近的一集,講述這位主角在工作出現一個危機。不是出現什麼高智慧變態殺人犯,而是要面對警局內的辦公室政治。某些人為了某種政治目的,把這位清廉正義的人,抹黑成一個濫權的暴力警察。拿來在公眾面前祭旗,改善警察在市民心中的形象。
故事的結局當然真相大白。

但我認為事件發生在現實生活的話,主角早就被打擊得永不翻身。作為一個小職員,面對上級的"政治力量",
逃,
就是唯一的機會。

尖東好地方

環境清靜，交通方便，絕對係休閒好去處。最好O既係可以睇到海境，中午過後又有大廈擋住陽光。GOOD

好耐都未試過面試啦！
死啦！
仲以為呢幾日都三十幾度，可以唔著西裝
點知可能會落雨
穩陣起見，陣間都係買返一套西裝

好緊張，不過史提芬話只要自我介紹，全中文攪掂，我都放心D！

A. Mighty

明明今集 evan 只不過被上帝點o左去做方舟，但因為要食返上一集o既譯名，
所以今次要叫「o黎多件衰鬼上帝」.......~.~"

方舟(ark) ，硬要玩食字+說教
便出了一句
Act
Random
Kind

聖經好像不是用英文寫的......
希伯來文中的「方舟」，拆開的話有這個意思嗎？我不知道 :P

但電影中有一段，上帝說
你祈求耐性，是要我賜予你耐性，還是要一個表現耐性的機會？
你祈求勇氣，是想我把勇氣注入你身，還是要一個展現勇氣的機會？
你祈求家庭團結，是想要一個團結的家庭，還是一個讓家人團結的機會？

大洪水，不一定要從天上來。
所謂的天災，大部份都是人做出來的。
現在的上帝很好做，
人類已在自己身邊放了很多"炸彈"，上帝也不用勞煩自己去為他們製造災難。

獵犬終歸山上喪

本 報 訊 】 自 小 移 居 澳 洲 、 擁 有 碩 士 學 位 的 證 券 經 紀 ， 涉 嫌 於 本 周 日 邀 約 一 名 20 歲 少 女 回 家 ， 給 對 方 飲 下 一 杯 酒 ， 在 她 神 志 不 清 、 毫 無 反 抗 能 力 下 將 她 迷 姦 。 涉 案 經 紀 昨 日 解 往 東 區 裁 判 法 院 提 訊 ， 控 方 指 他 被 警 方 拘 留 期 間 「 寫 紙 仔 」 ， 指 使 他 人 協 助 毀 滅 證 據 ， 故 反 對 其 保 釋 ， 裁 判 官 將 案 押 後 至 9 月 20 日 再 訊 ， 被 告 還 押 懲 署 。 外 表 斯 文 、 皮 膚 白 皙 的 35 歲 被 告 黃 章 達 ， 報 稱 證 券 經 紀 ， 暫 時 毋 須 答 辯 。 控 罪 指 他 於 今 年 8 月 19 日 ， 在 魚 涌 康 怡 花 園 一 單 位 內 ， 向 女 子 X 施 用 酒 精 ， 意 圖 使 她 神 志 不 清 或 軟 弱 無 力 ， 以 使 自 己 得 以 與 她 進 行 非 法 性 行 為 。 控 方 昨 日 申 請 將 案 押 後 ， 待 警 方 作 進 一 步 調 查 ， 並 反 對 被 告 擔 保 ， 指 被 告 在 警 署 被 扣 留 期 間 ， 意 圖 「 寫 紙 仔 」 指 使 他 人 協 助 毀 滅 證 據 ， 擔 心 他 會 干 擾 證 人 。
指 控 嚴 重 不 准 保 釋
辯 方 申 請 保 釋 時 表 示 ， 控 方 證 據 只 屬 環 境 證 供 ， 當 中 提 到 被 告 給 予 事 主 飲 酒 ， 但 被 告 只 是 應 事 主 要 求 。 辯 方 續 稱 ， 被 告 父 母 均 為 商 人 ， 他 於 5 歲 時 移 居 澳 洲 ， 取 得 碩 士 學 位 ， 今 年 4 月 返 港 ， 在 本 地 銀 行 任 高 級 職 員 ， 願 意 提 供 10 萬 元 保 釋 外 出 ， 最 後 裁 判 官 以 指 控 相 當 嚴 重 而 拒 絕 其 申 請 。 案 件 編 號 ： ESCC3902/07

假如"嫖妓不付錢"是最下賤的行為。
那麼僅次它的,就是迷姦。

八十年代有一句很流行的說話
「條女唔肯瞓低?咪用錢擲到佢瞓低lor!」
下流的說話,但至少它反映的只是一件交易。

在對方不知情下用藥把對方弄得失去意識,再滿足自己的獸慾。
這就是犯罪。

我認識他,可算是一個下流的人。
但犯罪嘛...我想不會吧!

一個有錢又不愁女人的他,會迷姦女子,太笨了吧!
我不排除他真的有犯案,畢竟有很多有錢的人也有偷竊癖。
可能他真的很想跟那個女子上床吧!天曉得。

也有可能是那個女的跟他攪完之後覺得後悔。
畢竟星期天不陪男友,卻跑到陌生男人家中,除非那個男友是白痴,否則哪會不起疑心?
那個女生跟她男友的關係,絕對影響她的行動。
可惜現在女方是受害人而且是她報警的,警察會認為她報假案嗎?

就當那女子寃枉你,但你的電腦已被警方拿去調查,假如發現其他問題,你也會一身蟻。
最大問題是,你點解要用假名?
警察會諗"唔係身有屎,點解要用假名?"
當檢控官問你,"黃先生,你用一個假名去認識受害人,你係唔係有其他目的?"
呢條問題你點答都死。
因為呢條問題唔係講俾你聽。真正既聽眾,係陪審團。

法蘭基,你都係洗定個屁股坐監啦!聽聞強姦犯在監獄中會被雞姦,希望迷姦犯不會吧!.

不露其長，恐其見棄; 過其長，死其見疑

好難想像,阿康會同我講佢曾經係阿P面前推薦過我。
比起佢話有人反對佢嘅建議,
我覺得前者更"震撼"。

阿康雖然無講明係邊個反對,
但呢d會議有咩人出席,估都估到,
而屬於我地部門既,五隻手指數得曬,
反對我進升嘅人,我都估到九成。

話我未夠料,我都仲可以接受,
用我既服飾去質疑我嘅工作能力,
打死我都唔服。

呢件事令我諗起一個已離職既同事-大力。
當日就係有人有意無意間打毒針,令大力漸漸成為阿P嘅眼中釘。
我亦相信,"疑人"係想踩住D叻過佢嘅人,免得受到威脅。
因為以大力嘅能力,假以時日,坐"疑人"個位真係卓卓有餘。

真不知道我今天的遭遇,
是"疑人"想享受弄權既快感,定係認為我威脅到佢
(都唔知係開心定唔開心)
唯有阿Q一點同自己講
"不招人妒是庸才"

香港人，你地連邊一樣需要保護都未知！

一棵二百多年的老榕樹死了，沒有人有反應

但就抱住一個只有幾十年「歷史」的碼頭要生要死！

唔該你地
早早收皮返屋企

風涼話

假如你認為,個細路仲細,
曳就係應該 管教係不該
仲白痴到自己呃自已
話第日佢大個自然就會好好睇

相信呢d神積既人
本身個腦就有問題
仲要俾佢生兒育女
不斷毒害呢個社會
以上嘅行為,影響大過黑社會

八歲唔識梆鞋帶
無人覺有問題
六歲要學齊六藝
無人覺有問題
自私無品脾氣臭
出自邊一個嘅手

十六歲前唔敢教佢性知識
攪出人命又話佢乜都唔識

明明一個考試定生死
但又唔幫佢地搵出路
仲要昆佢地
求學不是求分數

老填鴨教小填鴨
俾乜都受無要求
所謂既民主抗爭
真係笑大人個囗
不過無鏡照都搵盤水
你地又有咩資格鬧佢
之所以有今日嘅田地
諗下當日點樣對佢地

剛看完"變形金剛"
由於跟我少年時代的"設定"有所不同，心理上我會把電影跟「最原本的動畫版」分開處理。

我反而有興趣它對外星文明的描述。
史匹堡有意為大家進行教育，讓我們有足夠的心理準備去面對外星文明這個事實。
外星智慧有兩派，一方面我們透過他們得到各式各樣高科技，另一方面他們利我們的科技(互聯網)去了解我們的生活。也可以用它來對付我們。其中一派認為我們構造原始(會老、會死)，社會結構低等(以會種幼稚的理由自相殘殺)，根本就沒有資格在這個宇宙存在。但另一派卻認為我們有權去進化得更完美，他要做的事，就是低姿態地觀察我們，讓我們自行進化，以及保護我們，免得在我們進化之前，被人「毀滅」。

現實中，我相信外星人早已在地球「滲透」，潛在我們日常生活中。(不一定是交通工具)
而我們的文明及歷史，或多或少也受著他們的影響。
「文明有兩部份，"精神文明"及"物質文明"。文明的提升，就是透過兩者的互相影響，把層次慢慢推高。假如物質文明進步得太快，但沒有足夠的精神文明去支撐，文明就會被拖垮，最後，就是步向毀滅。」

可怕的不是被人「毀滅」，而是不知不覺地自己步向滅亡。
在你享受著物質文明時，也請你好好提升你的精神文明。
原因是，有說現時主動接觸我們的(我是指被官方高度保密的)，是一班不懷好意的外星生物，不斷推動我們的科技(想想近一百年，我們的科技是"幾何級數"的進步)。同時也令我們不自覺地變得墮落。
當你選擇自我毀滅時，即使別人想幫你，也沒有出手的理由，因為，你有權選擇，而這個結果，就是你自己的選擇。

網上交易系統出現問題,成交紀錄就由平日五、六千張跌到三千七。網上交易已經佔了差不多三成的生意額。但我們對客戶的技術支援,可以說是"不能令人接受的水平"。為什麼接聽網上交易查詢電話的人,會是我們這些負責落盤--負責搵錢的人去做這些工作。而真正處理這些工作的人,卻躲在房裡炒股票。這是什麼道理?說了九千多次,要把電話分流,重點是由適當的人去接聽適當的電話。而不是現在這種低能方法,表面上把街外的電話分流,最後所有電話都是由我們接聽。你們每天都被人投訴打不通電話落盤。難道你的沒有想過這個原因嗎?投放多點資源,得到更多回報。這方法很可怕嗎?

夢想

"夢想不是用金錢購買或別人賜予的東西,
夢想是憑自己的力量去達成的。"

by 戴志偉<足球小將>

這是一個理性決定。
看見永亨請share trader 仲要係call centre ,唔使做咁多無謂工作,二話不說就把那廣告剪下,準備行動。
但回心一想,我現在沒也有什麼, CFP張DIP 又未讀完,而家跳槽,一定收唔到而家既人工。而我喺呢間公司十年既credit 又會無曬。如果離開呢度既主要原因係要備戰明年公開考試,咁做又怪怪地,因為我留喺永亨唔會多過兩年,除非佢地會因為我係CFP而升我:P
最後,我用咗二十分鐘做咗一個決定--忍多半年,都忍咗幾年,就忍埋你呢半年,讀完張DIP至算。

阿根廷 VS 巴西

美洲國家杯決賽,南美兩大巨頭對決。
有趣的是,更似一場正邪大戰。
阿根廷在分組賽已表現出皇者風範,以不敗姿態進入第二階段淘汰賽,其後把八強及四強的對手贏得徹徹底底。好像跟全世說,"我們不是來比賽,我們是來當冠軍的。"令我這個阿根廷fans 看得大呼過癮!
反觀巴西,分組賽打得有神無氣。八強可以大勝6比1,但在四強卻被對手迫和2比2,靠十二碼進入決賽。進級過程古怪,加上大部份是新面孔,令人懷疑他們的心理質素能否撐到最後。
我當然希望阿根廷凱旋而歸,但對手是一班難以捉摸的神經刀,千萬不可掉以輕心,把冠軍送交別人。

無啦啦叫我入房,又話公司擴充緊,又話未來大把機會。唔好以為多咗新同事就無機會,公司一路傾向進升舊人,只要工作態度積極就有機會被提拔 BA BA BA ......
我從來沒有想過新同會對我構成任何威脅。因為我知道呢度嘅制度一日唔改,一日都唔會有威脅到我既人肯加入呢間公司。
我擔心嘅係,工作量日益增加,但我地沒有足夠人手去配合。如果呢個時候我話走,一定有人話我"起飛腳",再講,同班同事做咗咁多年,要佢地一下子做埋我嗰份,我又過意唔去。
別人給予機會當然重要,若別人不給,你當然不可以搶,但可以去其他地方找機會。機會隨時隨地也有,犯不着守株待兔。

八十萬去學"品味"!?
我有一隻好古怪嘅手錶,每次要看時間,也要按旁邊的按鈕,之後錶面會亮起幾個燈泡,每個燈泡都代表不同小時和分鐘。想知道現在是什麼時間,就要把代表的小時和分鐘全部加起,才會得到正確答案。
我覺得呢隻錶好代表到我嘅品味喎!
而代價只不過係 $1050 !!!!!

十年前,我只是一個在觀塘上班的小職員。無學歷、無經驗、無背景。在香港,像我這種人為數過萬。
我當時只想簡簡單單學一門手藝。一是去車房,一是去廚房。
但在人生中,你總會碰到一些人,他們不會給你什麼實質的利益,只是給你一個機會,一個讓你努力的機會。
影響我最深的,就是讓我入讀ktvct的面試老師。我當時只有一張見不得人的成績單,但她肯批准我入讀,令我可以接觸到會計這一科,亦因為會計這一科,把我帶到一個我從沒有想過有機會去到的世界。
十年間,我對世界的觀點改變了很多。我看的書的種類擴大了。對"學業"的認知改變了。我第一本買的全英文雜誌竟然不是playboy 而是economist!
會計考試、健身教練執照、股票交易商代表,到現在的財務策劃師。但最可怕的是,我竟然因為想讀張law dip 而練英文!我不知道,下一個十年,我又會是一個什麼樣的人。
當然我最想的,就是我的手錶可以長賣長有,賣到世界各地。不過,"小生意"的死亡率很高....

誰還有心做實業？

辛辛苦苦做好三隻手錶,放上e-bay賣,一個星期都無人購買。
相反在股票市場,只要看準時機,五天就賺了千多元.... 如此這般,又會有誰老老實實去做實業?
也好,至少可以幫補一下買錶錢 :P

我們都是 silver-surfer

看了新一集的"神奇4俠",不喜歡把新角色的中文譯名叫作「銀魔」。

由於要遷就思想簡單的小朋友,電影把silver-surfer描寫得很表面,只是簡單一句"we do have a choice "就可以"大義滅主"?小孩的世界真是單純得可愛。

人們亦把他跟十多年前"未來戰士2"的液態機械殺手比較,說兩者沒有分別。可能CG技術未能把silver -surfer 的心理狀態描寫出來,而且只用幾句對白去交代他的背景,一個這樣表面的人物。觀眾只能把看作一個沒有感情的毀滅者。好好一個角色,就這樣浪費了。

我跟大部份人一樣,做着一件自已討厭的工作,侍奉一個不應該侍奉的主人。但為着我們所愛護的人,我們不得不去做這份工作。但願我們都跟主角所說的一樣"we do have a choice "!

扁鼻、皮膚黝黑、眼珠帶啡色及個子不高。
自小已擁有"南蠻人"的特點。從小就相信自己就是"南蠻人"後代。
不過,聽到一個幾有趣嘅傳聞。原來漢族人嘅最後一隻腳趾上,會有多一片趾甲。我....我有架!咁我即係有漢族嘅血統!繼"英國殖民"同"中國人"之後,我又出現多一個身份危機!

我係南蠻定漢人？

任何事也不可能一下子出現。年尾我地就會有新嘅分行,地方好大,應該會好豪華。
不過,到今日我地都未請到足夠人手,難道我地好似孫悟空咁,拔幾條毛,吹口氣,就可以變出職員?

豪華嘅大堂,已經證實係中看不中用。睇睇三樓就知。好笑嘅係,會將客戶分級,即係兜囗兜面將啲客分化,後果係點?我諗會好睇過戲。我預期元朗分行會有好多"客"睇價。但落盤嘅唔會多過一半,除非你安裝一個干擾手提電話接收嘅裝置啦!不過一心黎涼冷氣睇報紙嘅,你整唔走架啦!

我諗只有我呢個怪人,至會喺同女朋友嘅記念日去睇"古蜀國文物展覽"。又難得有個傻人同我傻。呵呵!人海茫茫,兩個傻人都走得埋一齊,世事真係奇妙。

陰謀論

救兵到了!
香港人不敢買,令大戶不能大手出到貨推倒大市。站在高位，手上一大堆貨，一不留神，吃虧的可能是自己！
恆指每天都在兩萬至兩萬一千之間上落。形成了一個悶局。每天也有大行唱好港股,目的就是要引股民買貨。但股民也不是傻的,新股熱潮已開始冷卻,新手們沽了貨後都把資金拿去吃喝玩樂。因為大家都對大市缺乏信心。
但這個悶局有機會打破。國內資金"偷渡"買港股從來不是什麼秘密。有關人士近日更公開表示不能阻止任何人在香港買股票。看來,國內資金來港,將會成為半公開的秘密。大戶手上的貨，看來找到「潛在買主」了。
短期來看,這種活動有利為國內龐大的熱錢洩洪。對國內股市起到正面作用。但反過來說,中國的外滙管制便名存實亡,這情況又會衍生其他問題。
最令人擔心的是,國內股市是"塘水滾塘魚",資金走不出中國境內,但香港沒有外滙管制,任何人也可以把香港的資金轉到任何地方。假如這批國內資金來港後,成為外資大鱷的點心。做成變相外滙流失,那時候中央政府有什麼舉動,真是天曉得!

網上有人話我自以為是。我認架!我情願人地話我自以為是、目空一切,都好過俾人話我無立場、兩頭擺。前者,令我不斷推動自己,令自己成為"有料"嘅自大。但如果自己都唔企硬自己嘅立場,就會連企嘅地方都唔會有。

終於都開始,"創業的意念本身是不值一文,創業的執行力才是價值"就在這個假期,我總算行出了一小步。不知道是否可行,但是,總要放手一搏.

放假中，請勿打擾

行政手段?我真係想睇睇中國有咩方法去令市場降溫。
等多d公司返大陸發行A股啦!暫時唔好"走出去"啦!QDll?幾多錢偷渡來香港炒緊你知唔知?姿勢多於實際。無用架!
呢個世界無唔跌嘅股市,香港而家呢個較健全嘅股市,用幾多人嘅性命財產換返嚟!任何事都有代價。當權者已經講到出口,將來有咩事,就打死無怨。

係，過去十幾年我都無遊行

但我無忘記！
到YOUTUBE 搜尋 JUNE 4, 1989
大家會看到證據
我只是說「證據」，是否「真相」，你看過之後，自己決定。

我心中把火，沒有熄滅。

有無人知道,以下呢段說話想表達d咩?
"我本身好少睇電影,呢套電影係今年我睇過最好睇嘅電影...."
你都話自己好少睇電影,咁又有話呢套電影最好睇!你可以用咩標準去決定?

係年青人嘅思考有問題,還是缺乏表達情感嘅詞語?

明年沒有英超看了

有線失去了英超的播放權。我覺得沒有什麼所謂。
其實我不太喜歡看英超，除了利物浦和車路士，沒有其他球隊吸引到我。因為我較喜歡看領隊的戰略和部署。韋斯咸雖然今季有阿根廷射手泰維斯加盟，到季尾更有出色表現，但我想只是窮途末路 (要為護級打拚)下迫出來的水準。我怕下季會無以為繼。聽聞泰維斯下季更有機會轉會到利物浦。英超，還是只有利物浦和車路士。

可惜的是，看不到前曼聯球員堅尼 (ROY KEANE)帶領升班馬「新特蘭」在英超比賽。對我來說，他是繼賓尼廸斯和摩連奴後，第三個吸引我的英超領隊。假如他有能力立足英超，不出十年，他會是英格蘭足球隊的領隊人選！

立此為證

為免別人話我馬後炮，我而家就講。
「香港 08 奧運足球代表隊，注定失敗！」

香港足總一心振興足球運動，早在幾年前已成立一支08奧運的代表隊。並安排他們於乙組及甲組聯賽中作賽，美其名是吸收經驗。
事實卻是，經驗真的吸收了很多，不過大多是失敗的經驗。對甲組輸，對乙組又輸。
未正式參賽，已經把「輸」習慣了。
一隊習慣了「輸」的球隊，會有多強？

shooter (辣手槍)

時代真的變了，看完了辣手槍，令我想起十多年前的 First Blood 第一滴血。

越戰歸來的軍人，因為不能跟社會融合，最後以一人之力去對抗政府的軍隊。
RAMBO 出於「愛國」為國家出戰，回來得不到人民的認同，但至少也有軍隊的同袍作出同情。對付RAMBO的軍官，其實心底裡是不想把 RAMBO 迫上絕路，但無奈各為其主，不得不做。
電影說出，當時的政府，仍然把軍人視為「人」。

到了現在，電影說出了一個現象，政府只把軍人視為一件工具。必要時，軍人的生命可以犠牲。
更可悲的是，軍人用性命換取的，不是國家的利益，而是為政客服務。軍人出於「愛國」，為國家效忠，最後卻反被國家捨棄、誣告。令人想到---「我所效忠的，是什麼團體？我為什麼要效忠於她？」
RAMBO 尚且得到其他同袍的尊重，但男主角只可以單打獨鬥，得不到任何人的支援。
RAMBO 的價值觀沒有被摧毀，因為背叛他的不是國家，只不過是大家的觀念不同而引起衝突。他只會令你反思「戰爭何價」。

時代，真的變了..........

女人一直以為自己養了一隻不會吠不吃肉的狗。簡直就是人間極品。但有人當眾說出事實的真相。那隻不吃肉不亂吠的狗,其實只是一隻不折不扣的羊!
女人當場崩潰了。
情形就好像女人想要一個年青有為、有品味、懂得生活情趣、專一和有錢的英俊男士作為丈夫。我未遇見過,不敢說地球上沒,但我相信即有這種生物存在,也不會是男人。女人,認命吧!你心目中的狗根本不存在,就乾脆把那隻羊養得健健康康吧!

一個用錢買回來的冠軍,真的值得巡遊慶?一千萬的班費,是其他球隊的數倍,甚至十倍。假如嬴不到今年的聯賽冠軍。球員、領隊和班主也應該切腹謝罪!
花車巡遊?擦乾背上的冷汗也來不及呢!
今年最值得慶祝的,應該是"和富大埔"能成功護級,明年仍可在甲組比賽。我希望這支真正的地區球隊可以在甲組發光發熱。

小時候看漫畫、卡通,我們常常說成年人不懂欣賞。到我變了成年人,以成年人的角度去看,會發現,現時的漫畫故事橋段我早已看過，小時會說「大人不懂欣賞！」但事實是，成年人已看了太多。
我想這就是「經驗」和「見識」。

點解人可以咁"無品"?
見你排嘅價錢做唔到,好心打俾你問你改唔改價。個市d價去得咁急,我一定唔會夠佢快,咁就俾你話我"手腳慢",你要直出,我都有責任話你知做緊咩價,又話"即做就即係咩價都得啦!唔使講啦!你咁討厭架!"到底係個世界變到咁不知所謂,定係人嘅質素下降到咁?我只知道,呢度唔再係一個"好地方"。好在天有眼,10.84出完,上返11.0呵呵!真係痛快!

25/APR

我考CFP不是為了升職，我只想證明自己有能力去完成一個目標。
取得space 的文憑後，對我來說已達到目標。如明年可以考到CFP的專業資格，會是一個額外獎勵。

近來香港真的多了很多UFO目擊事件,傳言是真的嗎? 4月30日前，會有大量外星生物跟我們接觸。
但想深一層， UFO 又不一定是外星人，兩者沒有什麼關係
@_@

聽帶lor！

今日開會話，總裁會睇我地o既電話記錄。
喂，唔好齋睇呀！聽埋佢。
等你知道我地開市o個陣要聽幾多同落盤無關o既電話。
話我地做得唔好？
你有無諗過點樣幫我地去完善個制度，等我地可以更有效率。
呢ｄ係你地ｏ既工作 o黎o架！
唔好只係職埋怨同責備，有 d o野，你係可以做o架！！

出現意外事件.....

太多事要理，好像事事都向著既定方向前進。
但阿MI 的一句話，令我發現事件的盲點。
所有事情又要由再計劃過。
不過，再不被看好，我也要一試，輸掉了，也只要幾萬元！
大丈夫，知不可為而為之！！

洛鉬吹得好勁，我都打算試試 $8，睇o下入唔入到，短炒兩日

:p

明知我地o既人手根本就無可能應付兩三萬個客。仲要堅持只有我地至可以做 eipo。
唔好咁蠢啦！
你試o下企o係個客o既立場去諗我地o既做法，你就知道我地係幾咁 on 9。
人地俾錢你，你要人 24小時等你電話？你無o野o下話！
仲可以覺得無問題，你一定係有問題。
d 電話又例牌俾人打爆曬！又被人投訴到爆。
你地蠢俾人鬧係應該o架！但唔好累我都被人鬧啦！
之後又係用「臭蟲理論」去為自己開脫
「人地 xx d 電話都打唔到啦！個市旺o丫嘛。」

我心諗，咁多人死你唔去死！
"因為人地都係咁差，所以我地咁差係值得原諒o既。"
你一日有呢個心態，你一個都無可能進步！！！

我今日有一刻真係想擺低一個月人工執o野走。點做呀？日日做到十點幾。
我唔係話做要我做到十點幾我唔高興呀！
係我要咁夜打返俾 d 客，呢個 on 9 行為令我覺得自己好白痴呀！

一個二個都係傻o架！！！

個個都 buy china

唔知係唔係我個人偏見，人人都話投資中國無問題，因為基數低。我覺得投資一個國家都可以出現泡沫，中國發展o左二十年啦！仲基數低？一個國家無長遠o既發展目標，五年前o既計劃，因為負責人換了，五年後可以不聞不問，任由佢荒廢，呢 d 事件唔係少數，你叫我點 buy 呢個國家。

可能無人記得阿根廷出現過破產危機。地球上好似無一個國家o既經濟可以一直上升而唔跌o既！如果真係有，就一定係世紀大騙局。好似「鬱金香」咁，好多人發達，更多人破產。

澳洲都有事

限制供水啦，睇o黎石油唔值錢o架啦！
食水至係最貴重o既資源！

泰國又開始乾旱 lu

加人工

其實，人工去到呢個水平，我覺得俾多o左我....
我唔想要咁多呀！你俾咁多，我咪要做返多 d ！>.<
唔通呢 d 就叫雞髀打人牙骹軟.......

話之你，我就慢慢地去進行我o既大計。呵呵

考完 investment，好辛苦！@_@
在死亡邊緣，仲要用曬 5 日假期溫習
我應該係鬼上身，「書都好讀o既咩！」

大掃除理論

一間屋
如果平時經常打掃，到每年大掃除o既時候，做o既事就唔會好辛苦。因為平日已經有打掃，所以問題唔會太大。

可惜，假如你平時見到有少少污穢，但又懶得打掃。同自己講，「好少事o者，等埋一次過先搞掂佢啦！」咁你就出事，到年尾大掃除殺到埋身「唔做唔得」。你就知錯，起碼執屋執三日。仲要鬼咁辛苦。

扮o野小魔星！

呵呵，過多幾年，就到我呢個舅父出馬啦！

三月十四日

十年前的亞洲金融風暴,想不到會在歐美爆發。不要以前香港可以幸免。淡友一直搵一個做淡嘅理由,美國樓按爆煲,會係一個好好嘅理由。
日圓上升，我唔相信對亞洲地區唔會有影響。
看來，好戲開始上演了。

大約半年前,信和開咗一間專門租"格仔"俾人寄賣物品。
之後越開越多,而家應該有七、八間。我覺得,呢種店舖嘅入門要求非常低,只要一個舖位,間幾十個"格仔"就可以開業。而且容易俾人"頂爛市",唯一嘅現金流就只有租金收入。
要為"格仔"增值,可以話非常困難。
反而應該用"分地方比人"呢個既念。一邊賣自家貨品,一邊將多餘嘅地方租俾人。兩條腿走路,比較穩陣。

但另一方面，每個月俾幾百蚊，當有人同你「看檔」。由係一個幾好o既做生意方法，好o岩我呢種有正職，但又想「做老闆」o既人。

看了英女皇

可能係早場o既關係，又可能係主角嬴了奧斯卡........好多人！~_~"

我喜歡呢o的戲，平平淡淡，但對白出色。可惜，在坐有太多人唔喜歡，有人伸懶腰，有人打呵欠......

原來，「不輕易表達情緒，冷漠地面對世界」會嬴得世人o既尊重。
我自己天生就係一個喜歡收埋情緒o既人，但我又唔想令人覺得我對所有事情都好冷淡。不停咁去表現自己o既情緒。而家就好啦！既然呢個係其中一個處世方法，咁我就可以做返「真正o既自己」。

一面要保留皇室傳統，同時要為國家作出畢生奉獻。呢份工作，真係唔係人人可以做！
有人覺得佢地係白吃白喝o既大食懶。但佢地唔知道，有咩事，到最後團結全國o既力量，唔會係首相，而係邀請呢位首相管理英國o既君主。
太多太多o既規條需要遵守，太多歷史包袱。我唔相信皇室係討厭戴安娜，如果戴安娜明白，皇室生活是什麼一回事，而又安於呢種生活，都係一個唔錯o既結局，至少佢o既魅力，可以提升皇室o既形象。

沒有反映皇室生活，沒有什麼政治陰謀。一套可以話係平鋪直敘o既電影，假如你係一個喜歡用腦看電影o既人，我保證，你會覺得好好睇！

驚蟄

「驚蟄」，是一個中國曆法上，其中一個「氣節」。

世代的農民都是根據曆法上的氣節去進行耕作，理論上，氣節所反映的天氣，跟實際的天氣變化不會有太大偏差。

作天是「驚蟄」。傳說在這天，上天會打雷，目的是要叫醒冬眠的動物和昆蟲起來，迎接春天。理論上，天氣也會開始和暖，畢竟是春天嘛！

但今天的氣溫只有 11度。被天雷喚醒的小生物，可能一爬出來就被冷得半死。好可憐 ~_~"
要到週末才回暖，好冷的春天啊！！

看完了"大和號"。沒有什麼"軍國主義陰魂作崇"。有的只是一個一個有血有肉的軍人,面對死亡時各自的心態。有人義無反顧,有人懷疑犧牲的價值。但無論作出的是什麼選擇,所有人都知道"死了就什麼也沒有"。

沒有市民，沒有公民，只有刁民

以為自己有錢大曬，完全唔知道「顧客都要有顧客o既禮貌」。

有理無理，話o左人地錯先，到最後發現原來係自己理虧，只會講一句，「哦，係咩！」去到呢個位，事情就一定要了結。
唔好以為佢會道歉，再攪落去，只會令佢老羞成怒。又「發爛渣」

明知係錯都要做，搏人地會給你放便。唔好咁白癡啦！你地知唔知咩叫規矩？

行出街，成街都係垃圾！
香港有太多垃圾。

打死我都唔會將我o既下一代帶o黎呢個咁o既社會。
因為我愛護我o既下一代！

別發「黃金」夢了

第79界奧斯卡金像獎提名名單中沒有來自中國的最佳外語片，但由華裔導演楊紫燁和美國導演托馬斯.倫農聯合執導的記錄短片《穎州的孩子》擊敗另外三個入圍記錄短片捧回了奧斯卡金像獎。

中國人，關心一下身邊的事物吧！
不要再沉醉在「盛世」這個夢中！

用億萬金元堆砌出來的電影，可以得到什麼評價？
金碧輝煌又如何，內裡空洞無物，是什麼樣的一個「強國」！

黃偉文o既詞，真係好絕..

歌名：節外生枝歌手：謝安琪
作曲：蕭金鳳填詞：黃偉文編曲：周博賢監製：周博賢／小池石良

害怕 十個月後再　沒路徑可回頭
害怕 但是我卻未後悔　這是我所尋求
就像某某 情願放低事業去旅遊
半路有 大狀轉做賽艇手
誰和誰做了蠢事 誰和誰亂了主旨
平靜處　自願再生枝

捨平凡　愛動盪 人人其實有個願望
知回頭　會是岸 仍昂然投入去這巨浪
我所愛　我不改 千夫所責也不放
不愛看的不要看 也許我已厭了直航

任性 拿掉我任性　會事業有成
無奈我 其實太不習慣　世界太平
無辦法 慢慢老去又美麗又冷靜
情願聽 來撩亂我命運　那個叫聲

誰和誰做了蠢事
誰和誰亂了主旨
還未到　謝幕也不知

捨平凡　愛動盪 人人其實有個願望
知回頭　會是岸 仍昂然投入去這巨浪
我所愛　我不改
千夫所責也不放
不愛看的不要看 也許我已厭了直航

既沒有網　在四方 就恨沒勇氣闖闖
我這半世　未算趕 何妨迷路看風光

捨平凡　愛動盪 人人其實有個願望
知回頭　會是岸仍昂然投入去這巨浪
你放手了　我不放
千夫所責也不放不愛看的不要看
我的信仰　我會護航
捨平凡　愛動盪 誰人其實滿意現狀
知回頭　會是岸仍昂然投入去這巨浪
你放手了　我不放千夫所責也不放
且看我這點魯莽會否帶我上到殿堂　　

警察.....

【東方日報專訊】新春伊始，警隊爆出駭人聽聞的迷姦女同袍疑案。兩名駐守上水警署的男警，涉嫌先迷暈後輪姦一名新紮師妹。消息稱，兩周前兩男警相約一名剛入職的女輔警休班後到酒吧消遣，期間警花懷疑遭人落藥，加上酒精作用而神志迷糊，她致電男友求助後即不省人事。男友報案後與警員尋遍酒吧及時鐘酒店，最後在大埔一時鐘酒店發現三人衣衫不整同臥床上，懷疑女事主遭人迷姦，兩男警被帶署調查，案件由大埔警區重案組調查。



警察，其實即係有牌爛仔。想考警察o既朋友，諗清楚。學壞易過學好。

有病！

新聞報導話，有 d 上海有錢人想試o下捱苦o既滋味，目的係要令自己唔好因為有錢而目空一切。
都有病o既！
呢 d 人知唔知全中國，仲有好多人日日都吃緊苦！
如果你真係有錢到可以「貼錢買難受」，點解唔用你o既錢去幫 d 真正有需要o既人，仲要係同一個國家o既自己人。
請不要沉醉於「大國」同「盛世」中。你地只係一班有錢唔識用o既白痴！

情人節禮物有幾難諗？

個個都話，「唔知情人節送咩好。」
我會覺得，你地平時行街，唔留意o下有咩o既咩！你地無腦o架？

連另一半想要咩都唔知，又怕問，學咩人拍拖呀！

如果你女友係可以用錢攪得掂o既，咁就簡單啦！錢可以解決o既問題，根本唔係問題！咩話，你無錢？止蝕啦！呢 d 女知道你無錢，遲早都飛你o架啦！

如果你女友真你同你講心o既，只要你o既禮物係真係花過心思，只要唔係太過份，女仔都收貨o架啦！浪漫o既感覺，只不過係一剎那。只要o係o個一刻佢覺得浪漫就夠o架啦！
花 d 心思啦！如果你連花心思o既力量都無，你根本就唔係愛呢個女仔。

精英大師

我真唔明，點解 03年 sars 之後，個個都當o左精英大師呢隻馬神咁拜！
什麼從低級慢慢奮鬥，最後成為頂級國際馬王。
我真係想講，個個都係咁o架啦！有咩出奇呀！
你班友個個「當 dum 」，就將自己o既主觀願望投射落隻馬度。不如諗o下點樣幫自己走出谷底好過啦！
被人利用都唔知，同人宣傳比賽，阿毛都去買馬。馬主又忽然覺得自己好有社會責任，成日出來說教。都有病o既！

波又唔夠人踢，交又唔夠人打，食塞米！

這 場 火 爆 的 球 賽 ， 在 英 國 時 間 周 三 上 午 ， 於 倫 敦 西 部 昆 士 柏 流 浪 的 訓 練 基 地 舉 行 。 由 於 昆 士 柏 流 浪 球 員 遲 到 ， 令 比 賽 比 原 定 時 間 推 遲 了 半 小 時 。 上 半 場 ， 雙 方 球 員 已 互 有 碰 撞 ， 且 越 踢 越 粗 野 ， 充 滿 火 藥 味 。 國 奧 隊 於 41 分 以 零 比 一 落 後 。
後 衞 鄭 濤 被 打 甩 牙 脫 骱
在 下 半 場 比 賽 最 後 10 分 鐘 ， 國 奧 隊 仍 以 一 比 二 落 後 。 昆 士 柏 流 浪 此 刻 正 組 織 攻 勢 ， 來 自 河 南 的 21 歲 國 奧 隊 前 鋒 郜 林 ， 準 備 在 半 場 搶 接 對 方 一 個 大 腳 長 傳 時 ， 突 然 被 對 方 球 員 推 撞 。 郜 林 順 勢 跳 上 對 方 身 上 拍 打 了 數 下 。 兩 名 昆 士 柏 流 浪 球 員 見 狀 ， 走 上 前 將 郜 林 抱 起 ， 並 把 他 摔 在 地 上 。 雙 方 其 他 球 員 亦 一 擁 而 上 ， 拳 來 腳 往 ， 展 開 約 兩 分 鐘 的 混 戰 ， 兩 個 球 隊 的 練 及 裁 判 曾 上 前 勸 阻 ， 但 無 效 ， 裁 判 隨 即 宣 布 中 止 比 賽 。 國 奧 隊 至 少 三 名 球 員 受 傷 ， 包 括 隊 長 陳 濤 被 毆 至 頭 破 血 流 ； 來 自 遼 寧 大 連 的 22 歲 後 衞 鄭 濤 ， 除 頭 部 遭 重 擊 ， 甩 掉 一 顆 牙 外 ， 下 巴 亦 被 打 到 脫 骱 ， 躺 在 球 場 草 坪 上 昏 迷 了 近 5 分 鐘 ， 隨 後 被 送 往 醫 院 急 救 ， 至 少 要 休 養 三 個 月 ； 門 將 王 大 雷 也 受 了 輕 傷 。 國 奧 隊 塞 爾 維 亞 籍 的 主 練 杜 伊 科 維 奇 （ Ratomir Dujkovic ） 事 後 用 了 三 個 「 很 失 望 」 來 形 容 自 己 的 心 情 ： 「 我 們 在 這 是 來 進 行 比 賽 鍛 煉 ， 而 不 是 來 打 架 。 對 於 出 現 這 樣 的 局 面 ， 對 於 我 的 球 員 們 的 行 為 ， 我 感 到 非 常 失 望 ， 可 以 說 是 很 失 望 ， 非 常 失 望 。 」 他 指 ， 涉 及 毆 鬥 的 球 員 不 應 該 丟 中 國 人 的 臉 。 國 奧 隊 昨 日 更 在 倫 敦 下 榻 的 酒 店 舉 行 了 記 者 會 ， 就 事 件 公 開 道 歉 。 領 隊 李 小 光 及 練 組 組 長 賈 秀 全 ， 均 承 認 事 件 與 自 己 的 管 理 不 力 有 關 ， 並 決 定 對 八 名 球 員 做 處 罰 ， 取 消 他 們 在 本 月 18 日 大 年 初 一 來 港 踢 賀 歲 盃 的 資 格 。 廣 東 電 視 台 足 球 評 述 員 何 輝 認 為 與 中 英 兩 地 足 球 文 化 差 異 有 關 ， 他 說 ： 「 英 式 足 球 踢 法 硬 朗 ， 多 埋 身 接 觸 ， 國 奧 球 員 不 適 應 產 生 衝 突 。 但 作 為 一 支 國 家 代 表 隊 出 現 這 樣 的 行 徑 ， 身 為 中 國 人 都 會 感 到 失 望 。 」 至 於 曾 入 選 中 國 國 家 隊 的 本 港 班 霸 南 華 國 援 李 海 強 以 驚 訝 來 形 容 今 次 事 件 ， 他 說 ： 「 我 在 電 視 中 看 見 也 感 到 羞 恥 。 」

熊人

職場=一個大森林
有老虎，有豺狼，也有綿羊，但有更多的，是豬。

但在我公司，更多的是狐狸。有假著虎威的狐狸，也披上虎皮扮老虎的狐狸。

每天就看著這群狐狸爾虞我詐。我只想成為森林中的一頭熊人。森林中，沒有多少動物夠膽打擾熊人，而熊人又不會主動傷害其他人。他的要求很簡單，去河邊抓幾尾魚，到樹林找蜂蜜吃。龐大的身軀不是什麼武器，力量也不是用來破壞，他是森林的一份子，但對森林的事毫不關心，春夏之時，到處都是食物，他只會吃自己應有的一份。到開始入秋時，發現時間已到。慢慢地收集食物(在肚中)。到冬天來臨，有些動物抵擋不住嚴寒的天氣，而他，早已找到一個收藏自己的好地方，睡個大覺，懶理森林是否冰天雪地。因為他知道，當他睡醒時，又是另一個春天。

一步一步...

多年的計劃，開始有機會實行。太好啦！
不管是成功還是失敗，我總要試一試，三十歲前，一定要做！
假如失敗了，我還有機會再試。
若成功了，呵呵，不會有什麼大益處，只不過證明了一件事
「我做得到！」

連特首都只係打份工，可能係我要求太高

呢間咁o既公司，呢 d 咁o既上司
都係離開o既時候...

攪到 d 下屬個個情緒不滿，竟然可以大大聲講「唔關我事o架，我都係只指示做o架咋！」
既然你都講到出口，你就唔好要求我地對你有咩尊重。

人類o既自毀傾向，係建基於無知

正當聯合國科學家周五在巴黎發表一份有關全球暖化問題的報告之際，英國傳媒揭露美國一個右翼智囊組織意圖收買英美及其他國家的科學家和經濟學家，要他們撰寫一些質疑這份氣候變化報告的文章，以強調報告的缺點。這個智囊組織被揭發一直受到石油巨擘埃克森美孚（Exxon Mobil）資助，而且和美國總統喬治布殊的政府有密切關係。 據《衛報》報道，該個智囊組織名為「美國企業研究院」（AEI），一向受到埃克森美孚石油公司資助，和布殊政府有千絲萬縷關係。據悉AEI向英國、美國及其他國家的科學家及經濟學家發信，提出向每人支付一萬美元，作為撰文批評上述全球暖化報告的報酬。此外，這些科學家亦可以獲提供旅遊優惠及其他津貼。 這些由AEI發出的信件抨擊聯合國「政府間氣候變化專門委員會」拒絕接受合理的批評，並妄下一些欠缺分析研究支持的結論。信件又邀請收件人撰寫一些全面探討氣候模式有限轉變的文章。

(綜合報道)

(星島日報報道)科學家在即將發表的一項有關全球暖化危機的報告中警告，若全球暖化危機持續，到了二○八○年，全球會有十一億至三十二億人缺水，二億至六億人捱餓。世界自然遺產之一——澳洲昆士蘭名勝大堡礁亦可能會在數十年內被摧毀。　　聯合國政府間氣候變化問題研究小組周一起在巴黎舉行會議，將在為期五天的會後發表一份評估全球氣候暖化的報告。到今年四月，科學家會再發表一份報告，詳述暖化的後果及因應的方法。　　在四月的報告中，科學家警告，全球氣溫上升，會在二○八○年令到面對饑荒的人數增加二億至六億人。到了本世紀末，由於氣溫上升攝氏二至三度，會有多達十一億至三十二億人食水短缺。而缺水危機在中國及澳洲尤為嚴重，歐洲部分地區及美國亦會受到影響。　　聯合國氣候變遷基礎公約執行秘書波爾指出，中國去年近三千人死於與氣候有關的災難，並造成兩百七十億美元損失，同時喜瑪拉雅山冰消退正影響印度與中國的水源供應。　　科學家在報告中亦警告澳洲的大堡礁有可能在數十年內因為全球氣溫不斷上升而「滅絕」。科學家說，氣候暖化會令到大堡礁的珊瑚白化死亡，可能早至二○三○年開始，每年都會發生這種情況。白化之所以發生，是因為與珊瑚礁共生的單細胞藻類死亡所致。

「和平掘起」！？又想呃鬼佬

約 翰 德 羅 前 日 （ 周 四 ） 證 實 《 航 空 周 刊 與 航 天 技 術 》 的 報 道 ， 指 中 國 在 北 京 時 間 1 月 12 日 早 上 6 時 30 分 ， 在 四 川 發 射 一 枚 中 程 反 衞 星 導 彈 ， 並 在 太 空 釋 放 出 截 擊 器 ， 在 離 地 860 公 里 的 極 地 軌 道 ， 以 高 速 撞 毀 中 國 在 1999 年 升 空 的 「 風 雲 1C 」 氣 象 衞 星 。 中 國 沒 有 公 開 這 次 射 毀 衞 星 測 試 ， 地 面 也 看 不 見 這 個 「 人 造 太 空 煙 花 」 ， 但 這 次 消 息 對 美 國 帶 來 的 震 撼 ， 不 下 於 親 眼 目 睹 一 次 核 爆 ， 因 為 從 前 只 有 美 國 和 前 蘇 聯 成 功 做 過 ， 而 且 是 從 太 空 或 高 空 射 導 彈 ， 跟 中 國 做 法 不 同 。 美 國 太 空 專 家 奧 伯 格 （ James Oberg ） 指 出 ： 「 這 是 史 上 首 個 陸 基 導 彈 擊 毀 軌 道 衞 星 的 已 知 個 案 。 」 美 國 全 國 廣 播 公 司 （ NBC ） 指 北 美 防 空 司 令 部 一 直 定 期 發 放 幾 百 枚 受 關 注 衞 星 的 位 置 ， 「 風 雲 」 每 日 有 一 至 兩 個 報 告 ， 但 到 了 那 日 後 就 沒 有 報 告 ， 已 引 起 猜 測 。 華 府 一 直 秘 而 不 宣 評 估 情 況 ， 直 到 有 雜 誌 披 露 後 幾 小 時 才 證 實 。 NBC 相 信 當 局 已 排 除 衞 星 自 爆 的 可 能 ， 並 透 過 紅 外 線 觀 察 衞 星 的 數 據 ， 確 認 中 國 有 發 射 導 彈 。

幸福......還很遠...........

有人說，真正的幸福，不是「做自己喜歡做的事。」
而是「喜歡自己做的事。」

但很可惜，我只不過是「不討厭自己做的事。」
已經花了不少氣力。

幸福，看來還離我很遠~~~~~~~~

香港女士吸煙的原因

2007年1月1日，全港室內地方開始不準吸煙。令到街上多了一班人，三五成群圍著垃圾桶吞雲吐霧。
令我發現一件事。原來本港有很多女士都是吸煙人士，我更相信他們都不會是只因為社交原因而吸煙。要令一位女士不顧儀態在大街大巷上吸煙，我想他們一定是資深煙民。
如果說她們都是只為了「型」而去吸煙，未免太低估了我們「港女」的程度了。需知道，大多數香港人都受過教育，而接受過大專教育的女士，人口更比男生多。她們絕對有足夠的智慧去明辨吸煙的利害。
那麼，到底是什麼原因，令到她們明知有害，仍要去吸煙呢？我想，身為一個女性，在香港，無時無刻都要面對不同的壓力。
年輕的女士，要面對女多男少這個現實。花樣年華，可惜缺乏裙下之臣。每逢佳節，眼見自覺條件比自己差的，也找到伴侶。幾個同病相憐的閨中密友，不想放下矜持主動出擊。如果圍在酒吧飲悶酒，生怕被人譏為「少年怨婦」。心中的那份酸溜溜，就只有靠口中吐出的煙圈，在空氣中消散。
到踏入社會做事，工作上，為了不想被上司看扁和得到同男人相等的進升機會。唯有比男人更男人，但是，她們的心中只想當一個正常的女人。這種心理矛盾，每天都為我們的港女帶來沉重的壓力。能即時消除這種壓力的最有效方法，當然是一支「醒神煙」。
到了看透世情，明白一個女人只要找到一個合適的男人，就是最大的成就。可惜，存有相同想法的不止你一個，即使已經找到一個穩定的對象，仍時刻擔心有否其他競爭對手向你挑戰，更可怕的，是你的男人背著你偷食。不出聲，覺得自己白白受了委屈，出聲，又怕對方反將你一軍，乾脆提出分手。苦心經營的感情，不能自己一手摧毀。在每一個等他回家的深夜，陪伴你的，只有手中的一根香煙。

當你明白我們的港女所面對的問題後，下次你在街上再次看見一班打扮得花枝招展的女士圍著垃圾桶吸煙時，希望你們能夠作出體諒，更加不要假定她們都是不三不四的女人甚至「大陸婆」。
她們都是因為要面對太多壓力，才不得不成為一個「煙囪」。

唉，仲可以講咩o丫！

每天都有投訴,壞網、壞電話、壞i-trade,沒完沒了。現在可以做的,除了修補電話系統外,還要監察客戶的股票存量有否減少,以及轉倉到其他公司的活動有否增加。這樣才可以評估我們的"失誤"是否已經破壞了客戶對我們的信心。

新系統，殺傷力好大

新大廈落成。什麼都是新的。高科技的門禁系統，有好也有壞，好的是，上下班記錄一清二楚。壞的是，去一次洗手間要拍幾次咭。

沒有會議室，不打緊。我一直反對浪費時間去開會。可以的話我想用更多時間在開市前看一看報紙，讓我可以了解市場的發展。

可怕的是，新大廈的電話系統，沒有可能應付到我們的工作量。問題是，我們本身已經不太夠人，電話系統即使為我們作出分流，但最後，問價、落盤又是同一班人。有變過嗎？仍舊是客有客等，我們則要在開市時浪費時間報價、答問題，根本未能有效運用每一分秒。
太多人投訴打不通電話。我也不知道是什麼原因，每一個客都說打不通。老實說，現在的工作量真的是多得離譜，所以更加要分流。我不明白，為什麼在旺市時請一、兩個兼職報價會是一件浪費金錢的事。兼職的好處就是在淡市時，隨時可以不再僱用他。

現在最急切的，是建立一套音頻電話交易系統。劃一網上交易及音頻電話交易為 0.15%。把真人接聽的電話線路留給大額的客戶去用(當然交易佣金可以高一點)。單靠網上交易，不可能跟其他銀行作戰，人家只要一套電腦系統，已經可以吸走你「賴以為生」的散戶。而你，一方面流失小額的散戶，另一方面，大額的客戶也因為你「招待不週」而流走。

連踩兩日

星期五，其實個個 pack 好自己o野就可以走得。當然有公家o野要跟o既就要跟埋佢啦！
點知 billy 話打死都唔會返星期六，佢情願星期五留到十二點都唔返星期六。唉，成個部門得o個五個人都可以攪到咁，我真係無話可說......
好衰唔衰，交收部係全公司最多瑣碎物品要處理。得billy同阿妹兩個去pack，真係攪天光......
咁我唯有「捨命陪君子」啦！玩到十一點，頂唔順！要回家 sleep！@_@
如果唔係應承o左 peter 返星期六幫佢手，我真係唔會返星期六。個個阿頭都話「好多o野要跟喎！」但無一個人講得出，到底有咩具體o既工作要做。所以，既然我都攪掂自己 d o野，阿 mi 又要去幫佢表姐手，我難得一日「假期」，更係要「放假」啦！
班廢柴，吹水就叻！明知12月要搬，7月8月就開始 plan 到 d o野點攪啦！個個都懶懶閒，「等 joyce 返o黎先等佢跟啦！」都痴線o既！咁佢唔返o黎！呢 d o野就唔使做咩！佢又放o左幾個月大假，樣樣都唔知頭唔知路，你叫佢點跟！我都費事同班友「鬥低能」。所以星期五我已經決定，「聽日唔返工！」我無必要為呢間公司賣命！再講，你自己都唔知自己要做咩！我返o黎托呀？

點知星期五下晝，peter 問我星期六可唔可以返o黎幫佢手，我問佢「你想我幫你做咩？」佢話要人幫手數o下 d 紙箱，咁我見自己又無咩做，我又知道自己返o黎有咩做，咪應承佢 lor！十點返到去 (嘩！你唔係要我返 9 點o下話？我放假o架！)一做就到夜晚 9點.......我今日做o既唔係為呢間公司，我今日係屬於 peter 仔 :p

今次搬公司，peter 統籌成件事，我心諗，「你大 x 鑊啦！」
因為公司無地方，今次人地唔俾膠箱我地，因為我地無可能放得到幾百個膠箱。佢地第一個關心o既問題係「咁咪要俾 $ 買膠紙封箱」peter 谷鬼氣，自己走去買o左幾箱返o黎。費事花事間同佢地嘈！
其他部門都無咩o野，係 我地部門同交收部出事。成個部門，可以o係搬之前一日至去收拾物件。月頭開始叫佢地開始睇o下有咩可以執o左先。左一句「無時間」右一句「無地方」.....唉！sai 口水。如果星期五無其他人幫手，我真係唔知威廉可以點收科。阿康仲好笑，嘈 peter 點解無膠箱，o個日已經係20號，佢o既爭論根本幫唔到成件事。o係阿包面前就大大聲，得把死人口，咩都無做過。 louis 就只係職叫 pc 同阿釘去幫佢做o野。一日到黑唔係pc 就叫阿釘，我聽都覺等煩。一時一樣，呢頭叫佢做東，o個頭就叫佢做西，係要由零開始做過喎！攪到佢地兩個都做錯盤。俾我？我唔小到佢上天花板。唔該你諗清楚要我做咩至好叫我去做o野！
「我唔得閒同你個契弟混吉！」

考完試啦！

可以好好咁放聖誕假，可惜.......要搬公司！
廿五號竟然要人返工？都唔知邊個諗o既！
我就無咩問題，平時放假我都係 8點零就起身，廿四號又唔會玩到好夜，應該無咩問題。
但係，有幾多人會好似我咁先！平安夜喎！係人係鬼都玩到凌晨啦！
有無考慮過呢個問題o架！一年得一個聖誕節，你要咁玩？唉！
我無話可說。

((((((((((((((((((((( 吼 ))))))))))))))))))))))

死啦！
下個星期二就考試，成個星期都有 ipo，日日都放七、八點！實溫唔曬啦~~~~!!!
唉~~~~
最淺呢科，如果唔合格就 pk 啦！！

@_@

俾「意見」我地！？

竟然會有客用銀行o既「客戶意見書」去俾意見我地，睇完真係得啖笑！

話我地地方混亂！
咁叻，你地o係樓下大堂同佢開戶 lor，帶個客上o黎把 x 咩！你地都可以開股票戶口o架！

話我地o係會議室有食物殘餘！
阿姑，聽講o個陣係午飯時間喎！(不過，佢地又真係食得好鬼過份)

我地同銀行同事表現冷漠？
咁，係唔係要一見面就 say hi，打曬招呼咁？要唔要打埋車輪？？

我地將 d 客戶資料隨便放！
我地老闆都未出聲，佢都覺得無問題，關你咩事先？係都係我地被人告之嘛！

我地同事唔積極，解釋得唔清楚？
首先，如果o係 45分鐘o既過程裡面，你都唔提出問題，我地就當你面o架啦！再者，我地好多同事午飯時間要「午睡」o架！你知唔知你其實打擾緊人地o既睡眠時間呀！

未出街，先打爆

中煤o個個什麼孖展，遲出就例牌o架啦！隻隻都要 dum 到十一點幾至肯講，講完仲要改一兩次至作實........

之前個個打o黎問，都話未有，仲整緊。好啦！十一點幾走o黎話，「孖展爆o左啦！」 o_o"
唔係下話！咁都得？咁分行應承o左 d 客點算，唉！我都覺得佢地難做。鬼叫我地留曬 d 孖展額俾 d 「熟客」咩！

點知都未算最好笑，好啦！咁你話爆o左，咁 d 人打o黎問，我地咪話無 lor！有 d 問都好鬼絕「係唔係唔會再有？」咁問完佢地，佢地都係話，「無啦！唔會有啦！」
戲肉o黎啦！五點幾，走出o黎話，「中煤仲有一億孖展可以借。」 呵呵！我求神拜佛，今日打過o黎食o左「孖展檸檬」o既客唔好知道我地「彈弓手」，如果唔係就..........特別係分行同事，如果佢地問起，我真係唔識答......... :P

聖誕節......

總統宣佈菲律賓進入災難狀態[03/12 星期日 16:50]
超級颱風榴槤橫掃菲律賓，當地紅十字會說，死亡人數可能超過一千，總統阿羅約夫人，宣佈國家進入災難狀態．馬榮火山的嚴重山泥傾瀉，波及五百多條村莊，救援人員暫時只到達部分災區，有些村莊已被山泥埋沒。紅十字會收集的資料顯示，超過四百人死亡，仍有四百人失蹤，預計死亡人數會陸續上升．至於官方就說，有三百多人死亡，三百人失蹤．榴槤是四個月來，吹襲菲律賓的第四個超級颱風，導致八十三萬人受災．大部份死者都是阿爾拜省的居民，阿羅約夫人將會到當地視察災情
Hong Kong Commercial Broadcasting Co. Ltd.Copyright 2006

社區銀行，唔係咁玩o架！

如果擴大存戶數量，用高息去吸引客戶。一味"平霸"式o既經營手法就叫「社區銀行」，會俾人笑o架！
你定位自己做「社區銀行」，咁你有無諗過為社區作出貢獻？
你有無問過區議員，佢地o個區最需要o既，會係咩o野形式o既銀行服務？
社區銀行係一種最貼身o既服務形式，你夠膽講你地 d 員工有咁高o既能力咩！

你唔好玩我啦！
你地而家仲日日玩緊宮廷鬥爭，其他銀行已經知道自己要做 d 咩去避免被淘汰。你地，個個薪高糧準，得閒玩下自己 d 手下，同其他部門阿頭玩o野。你地唔死都無用！

社區銀行最重要o既就係靈活。你睇你地，個個死頭死腦。一味擦鞋，以身為太監為榮。姓廖o既都唔知係盲 x 曬，定老到有 d 懵懵地。朝令夕改，根本就係管理o既大忌，但你竟然視若無睹！
你鍾意睇你 d 手下鬼打鬼，而滿足你o既權力慾係你o既問題。其實都唔係咩壞事，反正權力只會令人腐化。你唔玩呢 d o野，我仲覺得你有問題。但唔好玩到咩都唔理至得o架！一個二個o係度呃飯食，你睇唔到o架！

大佬呀！你唔要面，我要o架！你玩到間銀行咁 on 9，我都同人講我o係參記做，都覺得有 d 唔好意思。

你有沒有一刻懷疑過，用了１００年，愛迪生的燈膽，７０％變成熱，３０％變成光，合理嗎？！現今世界的能源，錢大多花在愛迪生開創的專利上，每次弄一個蛋撻，便浪費了大量能源，令地球更接近死亡。魔術師用的是掩眼法，大商家亦然，近些看，再近些細心看，你會看到。

因為笨，所以更要努力！

看畢整套「東大特訓班」(日劇)
很好看，但漫畫版更好看！可惜香港沒有出版商引入。

為什麼那麼多人會過著失敗的人生？因為我們大多數為自己設了一個上限。明明看到了目標，但卻對自己說，這個目標太難了！我又不是天生特別有才能，哪會成功？
我們一天有這種想法，一天也不會成功。
十多年前，我也是過著這種人生，生活無憂，但也找不到存在的意義。讀書？讀不讀也是一樣。會考？考不到也不打緊，反正死不了！
當我拿著那張成績單，我知道，原來我什麼也不知道！

但我沒有放棄，反正一早已決定要去工作。順利找到一份自己有興趣的工作，原本打算「簡簡單單」地過活，老闆又鼓勵我去學日文，也叫做有「前途」吧！十六歲，過多幾年才計劃將來也不遲。
報讀會計，只不過是「還我媽一個心願」。因為她覺得，我應該多讀幾年書。說起也好笑，當初只是胡亂去報一些「平面設計」的課程，我以為這些課程都不會讀書。可能有太多人有我這種想法，所以滿額了！又胡亂地去報了「商業管理」。可能我樣子老實騙得到人吧！面試的老師又收了我。發現原來「商業管理」只是一個幌子，「會計」才是我要走的「正途」。一年的商業管理，再加一年我高級會計。就這樣，我考到了一張 LCC 的HIGH DIP。

亂打亂撞，又入了現在這間公司，由交收做到坐AMS，再到現在的A.E. + AMS。自覺要讀的書也讀完了吧！
但六、七年前的一次打擊，令我知道，我自以為所知道的，根本是微不足道。我連要在這個社會立足的能力也沒有。從此我就有了一個目標，而我亦努力去完成這個目標。十年前，我沒有為自己的將來作出準備。經過幾年的努力，我自覺現在有條件去挑戰這個目標。

我沒有因為比別人遲了十年起步而放棄。我會說，我比你們休息多了十年，我儲藏的力量比你們多十年。爆發出來的話，你們要小心啊！

何苦來由

你要玩o野都玩得高明 d ，搵個同你有關o既人o黎同佢地玩。阿差都估係你攪o野啦！
個傻佬叫我地搵o個個人o既資料出o黎 (都唔知為咩！拿住份文件又幫到你 d 咩o丫？)

件事同你無關o既話，我諗你要想想辦法攪攪佢。
如果件事同你有關o既，我會覺得你玩得好低莊，而且，件事已經攪到好多舊人都對你反感(新人都係聽舊人講)，日後搬去樓上樓下，面阻阻就無癮啦！

再講，我覺得總有一日我地會合併入銀行，到時係咩關係大家都唔知，我覺得你同傻佬玩o野無問題(我地最多當睇戲)，但攪到其他人，總覺得有 d 問題......

我擔心o既事，原來一早存在....

http://www8.discuss.com.hk/viewthread.php?tid=2642559&extra=page%3D1

如果係真o既話，明年初銀行就會有「逃亡潮」

推炒

我覺得我地開始俾人推住嚟行。
個市日日都三、四百億,分行又增加到四十間,而我地嘅人數反而少咗。
情況真係好差,更可怕嘅係,公司走去學人攪"孖展"。接就分行接,做就我地做,即係我地要應付四十間分行接收返嚟嘅客戶人數,我真係唔敢諗到時會有幾混亂。

其實要整死我地，根本唔需要太多小動作。只要o係政策上玩少少o野，我地就o野o野都要硬食。加上而家我地要應付 40間分行幾萬個客。只要每日有幾千人打入o黎，我地個十零個人就做到嘔血。仲未計其他部門要面對o既壓力。
我地o既生產力根本就唔足以應付而家o既分行數目。我唔知搬返去新公司會唔會請人，但我好肯定，如果我地仲係咁做o野，就會請一個走一個。

i-trade 開始負荷唔到咁多 order，朝朝都會慢到嘔，網上買賣就成日壞機。d 客遲早走清光！

"我地而家處於一個非常嚴峻嘅時期。除了外圍嘅競爭之外,內部嘅競爭亦都好激烈。希望大家可以同心協力做好啲。"
你鹵味!有事就同心協力,無事就用高層權力。想我地幫你保住你個位?你有無於過你對我地做過啲咩?

第一，我唔怕炒 (只要你賠足錢就得o架啦！)
第二，就算我地俾銀行收返自己做，我覺得我地基層職員面對o既壓力一定少過你地好多好多！
第三，我好樂意見到你俾人當垃圾咁掉埋一邊，甚至俾人 out。

死前要買的手錶

雖然係日本製，但唔會差得過勞力士，呀，應該係勁過勞力士tim！每一隻都係科技同藝術o既結合。加埋 ball watch o既Engineer Hydrocarbon Titanium ，其實我想買o既都已經齊曬！
但我仲有一個心結，我o係我老豆o既遺物度搵到隻勞力士.....不過係假o野。物為佢個仔，好唔好為佢了結呢個心願呢？係老豆都想見到自己個仔做到一o的自己想做，但未做到o既事。不過佢o個隻係大鋼黑面日曆(真係好叔父feel).........我地呢o的後生仔，更係買膠面o既舊款潛水錶啦！簡簡單單o既 exp I 我都鐘意。講到尾.....通街都係 rolex..........~_~ 咪玩啦！

給某位朋友

我想我要說的你也清楚了吧！

我曾說過，上天給了某人一項才能，不一定是要他成為什麼大人物。可能只是一件用調劑生活的小禮物，也有可能只是一項僅僅夠維生的技能。

上完這個課程，快點找工作吧！什麼工作也不要緊。這個世界是很大的，你，還有很多可能性，不要浪費時間啊！
最多我下次去台灣時，找你去KTV 一起唱過夠！ ^O^

是下流社會，也是M型社會

由於「少子」以及「高齡化」，日本的低下階層人數開始增加。
「中產人士」也開始慢慢掉進「中下階層」。一切都好似無咩o野，但整個經濟卻會被慢慢拖死！低下階層要承擔政府大部份支出，一個年輕人可能要供養三、四個老年人。更有可能要推遲退休年齡。一來要保持「勞動人口」，二來要減輕老人福利的負擔。

「下流社會」一書，用數字把事實告訴我們。
你會是哪一個「介別」，你有信心你下一代不會成為「下流人」嗎？

同樣是人口老化，社會上「低下階層」人士數量大增。但「M型社會」告訴了我們如何在新世代生存。

老人沒有強大的生產力，但他們有的是資產。他們理財保守，但同樣「可支配收入」卻是最多的一群。
年輕的低下階層，他們沒有主見，沒有目標。什麼事都不用煩，有人代勞就最好。而每一個低下階層都有一個心結----要過有「像錢人的生活」。就是說，他們要求的產品是「有上流的品味」，但要掛著「下流的價錢牌」。

我想說，任何有遠見的機構都開始打「中年人」的主意。因為他們將會是最有消費力的「老年人」。你看現在連證券行都提供「財務策劃」，你就知道個世界行緊去咩方向。
不要以為給引年輕群眾係一件好事，因為他們將會是社會上最貧窮的一班人，你可以從他們身上找到什麼收入？

可以的話，請看多一點書。

北京告別溫暖秋天將降至零度
[05/11 星期日 11:18]
北京受到入秋以來，最強烈的冷空氣吹襲，未來兩日氣溫最低會降至零度，令北京五十五年來最溫暖的秋季結束。當局已啟動大風天氣一級應急預案．預料局部地區，強風將達七至八級．另外，北京流感高峰季節，亦將開始。

Hong Kong Commercial Broadcasting Co. Ltd.Copyright 2006

倫敦大遊行要求制止氣候變化
[05/11 星期日 03:25]
大約二萬名環保活躍份子,在倫敦巿中心遊行,呼籲正視全球氣候變暖.
在特拉法加廣場,集會群眾要求英國政府立法,減少排放廢氣,以及協助發展中國家應付氣候轉變.英國政府委託進行的研究指,除非制止氣溫繼續上升,否則會嚴重影響全球經濟,每年損失相當於五分之一的經濟產量.

Hong Kong Commercial Broadcasting Co. Ltd.Copyright 2006

「我唔理」

"我唔理,你同我搞掂佢!"
真係一句好有型嘅對白。

特別你係管理階層,下屬有咩犯錯,只要好型咁將呢句對白拋出,一切嘅問題就唔再同我有關。
總之,個問題點嚟,我唔理;個問題點解決,我也不埋。我只關心自己要唔要揹鑊。
什麼團隊領導,我唔理!

白癡！！！

俾人入完,就足住啲癈柴呻。
呻咩吖!鬼叫你有位俾人入咩!一味話人地點樣點樣,又唔諗吓點樣可以唔俾呢啲事發生。

啲癈柴更話你啱架啦!唔通同你講真話咩！
仲要大大聲話"我地係經紀嚟架!"。即係點？即係人地間間行都星期二入數，你又星期二入數？點解唔行多一步？係唔係「就退休」所以咩都唔理。你旨意下面o個班廢柴！問心啦！佢地夠膽o係你面前俾意見咩！一個二個都無"賓周" o既！

無事就話係銀行,有事就認經紀!一班要做埋報價、入信同客戶服務嘅經紀?你咪笑大我個囗啦!

唉...

五千億,一日利息就差不多有四千萬。
俾我都唔會咁早退錢啦!要怪嘅,就只有怪我地喜逸惡勞,假如真係要星期五晚至收到錢,星期六都叫做有一日時間做嘢。

點解唔早啲同銀行反映,叫佢地幫手睇吓星期六入唔入到錢俾啲客。如果可以嘅,咪快手手搞掂佢lor。但如果銀行都話做唔到,到啲客要嘈時,我地都可以解釋得"理直氣壯"。

個個都大安旨意,"星期六唔係工作曰"。好似呢句說話就係擋箭牌。又唔諗吓今次嘅退款有幾大,人數有幾多。如果今次做得好,傳出去嘅囗碑,好過你賣三個月廣告。

一句到尾,根本就係做嘢唔上心,有位俾人入,係活該!

請用「水平」思考

想不到銀行會推出gift card 。

其實呢樣產品巿面未有太多同類產品,可以做到唔錯嘅成績。至少樓宇按揭嘅現金回增可以考慮呢個形式。又可以代替"百佳現金券"。成為我地特有嘅"禮品"。

重要嘅係,呢種咭要一開始就要有錢,試問又有幾多人咁「神心」,又申請又入錢吖!搵個理由俾咗張咭佢,至少佢有機會可以張咭。再講，有張好似八達通咁o既信用咭，又方便，又唔怕自己「使大o左」。用o黎網上購物就夠安全啦！

更加要喺大學做推廣,因為有興趣用呢種咭嘅人,財務智慧都唔會差得去邊,係有質素嘅客戶,當然要馬上吸納。因為呢班人大多數都有興趣用其他個人理財服務，對日後o既「交叉銷售」會有幫助。

唔用只當呢張咭係一張禮物咭！佢有好多可能性，唔好咁浪費。到其他銀行都有呢種產品o既時候，人地一定會咁用，你到時先諗，已經輸了時間！

識得用，其實好好用o架！！

哭？笑？

管理大師說,一個失敗的危機管理有五個步驟:
一)否認--internet 有事咩!多盤之嘛!
二)欺瞞--得架啦!整緊啦!
三)推卸--唔關我地事,infocast 嗰邊有事
四)找人"祭旗"--sorry,只要你係乖宝宝,公司又點會鬧你吖!
五)事過境遷--咩事都無發生過,下次點算?下次至算!

除了第四項,每次有事都會出現所有步驟!yeah!

你有從電影中學到什麼嗎？

你有看過"海神號"嗎?

當船翻了後,有一班人相信船身沒有問題,可以支撐到所有人獲救。
但另外又有幾個人,認為應該盡快去找出口,因為留在船倉內,仍有一定危險。

我覺得,「選擇」沒有對錯。但每個人都有責任去為自己的選擇付出代價。選了留下,即使船沉了,也請不要怨天尤人。
選擇去找出口的,假如途中意外死掉,也沒什麼遺憾。最少,我也為自己的生命作出掙扎。

我想，我是老派.........

"追求卓越,挑戰120%自己" 從來不是我杯茶。

但我相信 "自己的事自己做,還要幫助做家務" 這些「傳統價值」。

可惜，世界在變,我發現而家啲人做嘢係咁嘅
"你嘅即你嘅,阿公嘅唔係我係我嘅,我嘅你要同我做埋"
可以咁嘅?但竟然無人覺得有問題。
可能喺佢地眼中,呢啲根本唔係問題,有問題嘅,可能係我....

我的預計

全世界都話唔夠分,一定炒到3.5樓上。會嗎?別忘記,還有八成人手上有一千股,真的會有人用高價去買這些散貨?送錢給散戶?我也信會見3.5,但不會是長時間,之後大戶應該會喺3至3.3之間收集。收夠貨,至就會炒到上五蚊。

四百萬不是大問題！

李麗珊話，養一個小孩要四百萬。攪到個個都唔生仔。因為唔係個個都有四百萬。
但都有人因為喜歡小孩，生到兩個、三個。

我喜歡小孩，但我不會生(應該係我唔想令到人地生 :p)
原因不是四百萬，我從不相信廣告的鬼話！而是，這個世界太可怕。連我自己都不喜歡這個世界，我為什麼又要把我的下一代帶來這裡？

生小孩的人，常說不生小孩的人太計算。又說什麼小孩給你的快樂，是金錢買不到的。

但我想說，現在地球人口超過 60億，各國都不斷去爭奪資源，早晚也會發生世界大戰。每生一個小孩，也會為地球帶來負擔(你有看過 An Inconvenient Truth 這套電影嗎？)。再說近一點，看看現在街上的小孩是什麼模樣，你放心把你的將來交到他們手上嗎？你放心把你的孩子放在這些"怪物"埋中去接受教育嗎？

作為一個負責任的父母，絕對不會說出「天生天養」這種論據。承認吧！這四個字都只是你用來自欺欺人的借口。更不要跟我說，「如果個個人都左計右計，人類就會好似恐龍咁絕種o架啦！」假如人類真的能從地球上消失，我一定會為地球慶祝！！

五千？八千都得呀！

今次真係破記錄，有成五千幾個 eipo。
但其實我地o係開市時間做少o左好多盤，狂被人投訴。其實係做一單，賠 一單。

我覺得，如果可以由分行去接部份想 eipo o既客，由分行收集曬所有客o既資料，再由分行經理簽名確認。再將個 list 俾我地，我地做o既只係入返電腦，唔使再打俾個客"確認"。只要可以咁做，我地就可以o係開市時間以外o既時候去入機(入到夜晚10:00都得呀！)。又可以做到 eipo，又可以保持原有落盤o既"生產力"。可以將我地o既生產力去到最大。

不過，無人會咁做o架啦！原因係，「唔會再有咁大型o既招股o架啦，使咩做咁多！」
就係呢一種心態，我地要成為最多人用o既銀行，仲要多五十年................可能更多........~_~"

丹尼斯 vs 丹尼斯

一個eipo嘅小插曲,正當我地喺朝早落緊eipo嘅時候,突然所有資料都出唔到,原來因為負責嘅同事請假,另一位同事又"習慣遲返,原本應該喺開市前做嘅電腦update 要喺我地工作嘅時間進行。攪到我地做唔到嘢。
當然有人扯火啦!打入去問做咩要喺我地做嘢嘅時候去update 。得到嘅回應係"咁個電腦要update吖嘛!做唔到eipo之嘛!"就憑對方嘅說話,就知道對方用緊咩心態返工。呢條友,後生遙遙,就已經成為二等職員--等放工,等退休。對工作完全唔上心,唉!同啲咁嘅人做同事,真係映衰自己。話到尾我都係一個一等人--等炒 :p

其實我o既願望係好卑微，我只想得到「應有」的支援，去令我可以全心咁為公司搏殺。但往往就係因為我地要做太多不必要(只少不必要係我地去做) o既後援工作，令到我地綁手綁腳.......

得到「應有的支援」，這個要求是過份嗎？
但更過份的是，沒有人覺得他有錯。該人的上司竟說，「咁電腦係要 update o架嘛！」
我想話，個重點係-------佢係o係開市時間做 update，而佢咁做係影響到我地o架嘛！！~_~"

我想這是新世紀的行政管理

我從來沒有想過，一個團隊領袖可以o係佢o既隊員面前講，「我返工只係為o左月尾o個份人工。唔該公司叫你地做咩都唔好咁多聲氣。」
:o 我聽到真係:o o左出o黎！因為係句說話o既意思即係「我好廢o架咋，你地唔使指意我會保你地。」
我欣賞o既車路士領隊 - 摩連奴，當佢指派泰利成為隊長時，曾經同佢講過，「你一定要為你的隊友向我提出反對意見，即使這些意見有多無理，你也要為他們出頭。你不能因為害怕而拒絕，因為你是他們的隊長。」我真係感動到喊出o黎！我好想成為車路士o既一份子！！

我同意人係有軟弱o既時候，但當你軟弱o既時候，唔該你返屋企攬住你老婆大聲喊。唔好o係你 d 下屬面前講「我都係打份工o架咋！」呢 d 悔氣說話。不但幫唔到件事，而且o係打擊同事間o既士氣同時，你同樣輸o左你o既威信。一句三輸o既說話，你講o黎把鬼咩！

但最好笑o既係，你同我地講「你都係打份工」，但又要我地有「團體精神」，盡快攪掂 d "蘇州屎"。哈！你最叻o個句都係「有咩事唔該你入去同 p 先生講！」你只會企o係權力o個邊o黎打壓我地，我又唔明你有咩威信去令我地信服呢？

可能我讀得書少，呢 d 新世紀o既行政管理，我真係完全唔識。

呆了

南京上空出現的UFO

http://61.151.243.139/music/2006.wmv

性感就應該俾人非禮！？你個腦裝屎o架！

睇見周刊封面，張張相都喊到豬頭咁。竟然會有人話，
「真唔真呀！開心都o黎唔切啦！又做幾日封面喎！」
「平時都發姣o架啦，咪又係靠男人上位，搵老細！」

我聽到真係把火。
即係話，如果有個妓女，佢放工返屋企時俾人捉o左入後樓梯強姦，佢去報警就唔o岩。因為佢係妓女，應該俾人 x！
女仔著得性感 d ，就預o左俾人抽水？你地當所有性感o既女士都係妓女，因為你無當過自己係男人。你只係覺得自己係一個嫖客，見到所有女人只會想到性慾。你知唔知你好可悲？

一個藝人選擇性感路線，只係想用一種方法去吸引你o既注意力，等多 d 人喜歡佢。佢無義務滿足你o既性幻想。
唔該你地呢班平時對住電腦睇四仔打飛機o既電車男攪清楚！

呢個咩o野世界！ d 人可以咁樣思考？痴撚線！

政治不是請客食飯，辦公室政治都係！

之前有人神神秘秘咁叫我去食飯。如果係無謂o既飯，我多數都唔會去，而且佢地都知道。但今次見佢地攪到咁神秘，問極又唔講。我都係人o黎o架！有好奇心o架嘛！咁咪去 lor！

點知坐低先知道係 L 請o既。已經無咩胃口，再知道係佢請，直頭無心機。由於當晚在坐o既人數組合有 d 奇怪，於是我就問人點解 L 會請食飯，R 話，佢見之前大家做得咁辛苦，咪請大家食餐飯 lor。

呵呵，我聽完真係想笑出o黎。因為當晚在坐o既全都係舊同袍，一個新人都無。喂！人地都係同我地同一個部門o架！點解唔請佢地先？連一個辭o左職o既係都請，點解另外o個 9 個你唔請先？明明係一件好開心o既事，但我地唔可以俾人知。你其實知唔知自己好 on 9 ？

大人做大事，你係想慰勞一班做得咁辛苦o既同事，一係就大大方方請曬成個部門o既人食晚，一係就簡簡單單請大家食個"滿記糖水"，至少係一個光明磊落o既方法。但絕對不能好似而家咁，大細超。咁即係點呀！新人唔係人呀？無資格食你o既飯呀？

唔該你啦！個人蠢就唔好學人攪咁多o野啦！我地部門其實好脆弱o架咋！求o下你唔好再加多一腳攪分化啦！收買人心唔係咁o架！

逃亡潮可能出現了

阿s 做埋呢個月就唔做 lu，我地公司職員流失率之大，過去十年，我已經十分清楚。

但佢今離開，令大家都思考同一個問題，「我仲應唔應該留o係度」。根據我觀察所得，至少有兩三個人都想跳槽。都好o既，留o係度做咩o丫！而且我都無留人o既理由，唔通話，「你地唔好走啦！呢度幾好o丫。賺大錢唔會同你分，除o左落盤，仲要報價、解答問題、入信同落街拎招股書。算係咁啦！」我諗我講完呢句說話，想走o既人會更多！

唯一o既好處就係，每當呢間公司出現逃亡潮，人手短缺時，就係大市升到"吧吧聲"o既時間，到時我又可以叫人放心買股票！:p
我相信，歷史係唔會講大話o既！！

係意志？定係預知？

昨晚係中秋，可惜要返學......都未算最慘，仲要作病！唉！真係玩死人！

朝早起身，已經睇到個喉嚨有 d 紅腫，心諗，無事o既，聽唔到電話，咪反去摺信 lor。月頭呀！要趕寄月結單o架！

一返到公司，俾個「殺人空調」焗一焗，個人即刻暈暈地。之後不停報價，已經令我完全失聲.........到下午，個「殺人空調」竟然出"寒氣"！先焗後冷，令我即時"謝皮"..........

之後放工返學先精彩，見自己病病地，就打算上堂前食個飯，等自己有足夠o既營養去"打仗"。上課時，阿 sir話今晚上到 8:30 就放學，等大家可以早 d 去做節。我心諗，都係捱兩個鐘，應該得o既。點知越坐越唔對路，胃反反，知道自己一定會嘔，去廁所又嘔唔出。心知等到 8:30，我一定會o係回家途中出事。只有提早離開。由炮台山坐的士返慈雲山，係一件好貴o既事，雖然我係病，但都唔想咁浪費，只有坐 mtr 過返九龍先搭的士。o個程地鐵就精彩 lor！一有位就要要坐，好似就死咁。仲要同自己講，唔好o係地鐵嘔呀！頂到返屋企先呀！

去到觀塘，已經要跳落車轉的士。我原本想捱到去彩虹至落車o架！但真係頂唔順。上到的士，又係一輪搏鬥。「唔好o係人地o架車度嘔呀！」死忍爛忍，一返到屋企，即刻去廁所嘔到七個一皮！

都唔知係我意志力大，可以頂到返屋企先嘔。定係計算準確，如果堅持捱到 8:30至走，如果堅持彩虹落車..........
真係唔敢想像！ o_o"