The Curious Case of Benjamin Button

假如不是Brad Pitt
假如不是「金像獎提名」
我想無人會讓它在農曆新年這個檔期上映

整套電影都有種"沉鬱"的感覺
自少困在老人院，加上傍人常說他很快會死去
令主角早早認識到何為死亡
雖然在電影中段主角嘗試積極面對自己的人生
但女主角遇到的意外讓他意識到，
「世事無常」的一切其實冥冥中早已安排

電影更道出了「真愛不能相伴到老」
主角知道自己的"病"，不可能令最愛得到幸福
為她安頓好生活後，便各自好好地活下去
直到主角的生命走到盡頭
再次跟最愛「重聚」，並在她懷中離開人世

在高高興興的農曆新年看一套這麼「不會令人愉快」的電影
離場時的感覺有點怪怪的
就好像「在靈堂上切生日蛋糕」

主角的「逆轉人生」
帶來的"生活問題"固然是電影的主要骨幹
但他的人生觀其實更值得細味
「嬰兒」跟「老人」但其實兩者沒有分別
同樣要人照顧，同樣需要關懷

車公大元帥真係好靈o架！

「君不須防人不屑」 「眼前鬼卒皆為妖」

你更係唔使防你身邊o既「人」啦！個個都係牛鬼蛇神，"送你上路"o架咋。

「秦皇徒把長城築」」「禍去禍來因自招」

唔好屈立法會呀，o個班人唔係你"選"o架。你"選"o個班係行政會，無法啦，你老哥玩"親疏有別"。

「家有內鬼，自身不安，家宅不吉，求財不遂」

講到咁白，唔識字o既都明啦！

不過

我知道，你係相神0既！

http://appledaily.atnext.com/template/apple/art_main.cfm?iss_id=20090127&sec_id=4104&subsec_id=11866&art_id=12137491


祠堂緊要定一條生命緊要先？
你班友保住個祠堂但係作孽，對得住祖先咩？
只係整一個窿救返佢出o黎o者，都唔得？
有隻懷孕o既狗監生餓死o係祠堂隔離，我又唔覺得有幾「老黎」lor！
祠堂餓死狗，我覺得係對祖先大不敬

又吹減人工

「沙士」就吹 CUT 人
而家就吹減人工

我都費事諗咁多
但個個就一人一句
驚咩喎，「一係做」「一係唔做」
你有得揀咩！

上次話CUT人，都攪一大輪
咪又係一兩個
而且，減人工係有「後遺症」o架
到個市一好，最快"起身"o既，一定係有能力o個班
呢一刻，你以為減人工佢地唔會反抗
但佢地係會記住，係最適當o既時間就會出手
最ON 9 o既係，你幫其他公司訓練緊一個人才
我呢 D ，高不成，低不就
你做咩我都無所謂
最好你 ON 9 到整走曬 D 人
到時你o係出面搵唔到人
我就等你升啦！:P
呢間公司，唔使鬥叻，只要唔好做最蠢o個班就得！

遊龍戲鳳 - 比想像中更好看

「愛情小品」一直是香港電影人的"撚手小菜"
加上劉德華主演，絕對有品質保證。
但其他配角也有出色表
實在是意想不到，
林嘉華固然寶刀未老
何韻詩也用行動告訴你，「我懂演戲」
姜大衛、肥媽，就連林子祥也會令你 "過目不忘"
加上兩位內地演員張歆藝及張涵矛，是度身訂造的角色
不得不佩服，電影背後的種種計算
全套電影都是在澳門取景
但拍攝背景的方法，令我聯想到「杜琪峰」


三對情侶的愛情故事
各自對愛情的態度，面對的問題，串成一部電影
但三個情況，其實也只是一個「世俗」的問題
愛情明明是兩個人的事，
但就過不了「世俗眼光」這個無形枷鎖
這個枷鎖在不知不覺間讓人不敢去「找尋幸福」
而電影用了一個好特別的手法 - 電視台直播節目
說出了「幸福是要爭取的」這個課題
有人找到，有人找不到
窮人，有錢人，誰也不會有優勢
比起農曆新年，其實更應該在情人節上映

而最最最想不到的是
這部愛情小品也有「催淚彈」
而且，是由林嘉華主理
到現在我也不明白
為什麼我會對這個男人的心態有共嗚....

赤壁下集

就算是「正史」，也是由人寫的
我信相，再"準確"的歷史，也會有偏差
所以我不會把「赤壁-決戰天下」拿去跟文獻比較
一來無聊，二來沒趣
「要了解歷史，請到圖書館，不要走進電影院」

我會說「赤壁」是一套好好看的電影
當然，我不會計算他的"歷史成份"
因為我相信導演想做的只是「借三國這段背景，說自己想說的事」
要指責吳宇森
請先去信日本領事館聲討一下「霸」、「一騎擋千」這些作品吧！

後世人都對赤壁之戰「津津樂道」
但導演把當時的場面重現大家眼前
並告訴你，「任何戰爭中，都只有輸家」

戰爭場面固然好得沒話說
周瑜跟孔明的"較量"，也很好看
草船借箭，道出孔明用自己的知識去解決問題
而周瑜則利用反間計去解決最大威脅的將軍
一個學識廣博，一個攻於心計兩各有所長，
根本就不需分高下
再說，「兵臨城下」仍作意氣之爭，本身就不是大將之材！
曹操的所謂「有容乃大」
從他提升"千夫長"的方法，
到斬殺將軍
說明了他確是「什麼人也用」
但也是因為他「有些人用不到」

當然，世上沒有完美的電影
孫尚香在"作戰會議"的舉動，
即使在唐朝，也叫過份，何況在三國時代？
勉強說是「表現人物性格」吧
一個"千夫長"對「奸細」的態度，太兒戲了
不可能以一句「北方人瀟灑。」就可以無視軍紀吧？
敵方大軍壓境下，孔明竟可"變"出一批「連弩」
比「起壇借東風」更神奇！
中村獅童的扮相，其實更適合做"大戲"
我最在意的是，
周瑜竟可以跟趙雲並肩殺敵
是周公瑾不成比例的強，還是趙子龍被大幅度"弱化"？

以上都是電影中的一些"問題"
但我覺得沒有什麼大影響
請把「三國志」及「三國演義」放在電影院外
好好享受這部精心製作的電影

同場加映

在香港電影市道低迷下
我發現到一個「商機」

話說近來，每次入戲院看電影
總會發現兩三個「喋喋不休」的組合
而且多是一男一女的組合
可能平時沒有什麼共同話題
但在看著同一套電影時，大家就是「做著同一件事」
而且這件事不能用在家看DVD代替的
因為只有困在戲院才可以「心無旁騖」

那就在戲院加建「獨立廂房」
好讓這些悶得沒話題的痴男怨女
困在房中談個地老天荒
不要侵犯其他人享受電影的權利

就是這些「沒教養的混蛋」
把真正想入戲院的觀眾趕出戲院
看來
我也要開始儲錢
更換家中的影音設備......

機動部隊--同袍

無論說得再動聽，說穿了，「警察」也只是一份工
就好像其他職場"打工仔"一樣，有著各式各樣「色相」

有人忠於自己的「職責」
有人利用手段 "上位"
有人求表現，不擇手段
有人不思進取，只懂怨「運氣不好」
活像一本「職場眾生相」

但相對其他職場
警察(包括所有紀律部隊)
「使命」也是構成職責的一部份
當大家都要以「警察」這個身份去執行"使命"時
大家就不再是「競爭對手」，是有難同當的「手足」
而這種「矛盾」
在杜琪峰眼中，其實跟「黑社會講義氣」沒有什麼分別

電影本身沒什麼特別
但導演卻暗地做了一些「手腳」
過去警察都令人有一種比較 "迷信" 的感覺
而已在更在電暘中加入這個角色去加強這個印象
但在尾後的槍戰
卻在聖詩把所有人帶到同一個地
而疑犯更是在聖母像前舉手投降
充滿「宗教意味」
「一切一切都自有神的安排」
「神會指引出"正確方向"」
導演在傳教啊！

09 JAN 2009

已唔想講「家庭」定「家居」
任何人受到暴力傷害
我地都有責任去保護佢地
唔係要你落手落腳，打個電話叫警察都得o瓜？

立法會議員o既「善變」
已經唔係新鮮事
呢 d 人係香港人揀o既
你鬧佢地無能即係間接笑自己係白痴
假如你以「我無投票」為傲
我會話你無資格做香港人
因為你無為香港o既未來出過力！

保障「同性戀關係間的人生安全」，是否等同承認「同性婚姻」
相信智力正常o既人都會有答案
偏偏立法會內最缺乏的就是這種人
就連所謂「愛世人的宗教」也可以為著「守護教條」而妄顧他人安危
簡直不知所謂
亦因此，我支持神再行一次「神蹟」- 天火焚城！

我絕對相信，衝擊「一夫一妻制」的人
異性戀的人一定比同性戀的更多
為什麼要把這個罪名加在同性戀者身上？
是否只要是異性戀，對伴侶不忠就可以得到寬恕
啊，不是的，會被人指罵為「賤男」、「狐狸精」，多"嚴重"！
同性戀者，即使從一而忠，也要被人"擲石頭"？

假如現在立法「任何對伴侶不忠的人都要被火活活燒死」
那麼，我會接受「家庭」不包括同性關係

關人隱仕！

基本法例明「國防外交屬中央政府管轄」
那麼，港人若在海外遇上問題，屬"外交事務"
根據基本法，好應該向當地中國大使館求助
假如由特區政府處理，就是「違反基本法」
試問在特區政府內，有哪一位夠膽去犯這天條？
我相信，當日由保安局到唐英年，心中都有這個"信念"
因為，「我們相信基本法」
即係"唔關我事，就唔想多事"

神探伽俐略電影版 - 被騙得很舒服

「我把一切都揹負，為的是要我愛的人可以得到幸福。
我不要求她有什麼回報，即使將來她把我忘記也沒所謂。
當我不奢求"愛"的時候，她竟然對我的愛作出回應，
我很悲傷，因為我為愛所犯的罪，最後令我得不到愛。
無奈、痛悲」



觀眾反應 ----- 笑



「當我在人生最低潮，正想了結生命時。
她闖進了我的生活，給我生存下去的意義」


觀眾反應 ---- 笑


冷血得近乎沒有人性，所以香港人現在這麼折墮是有原因的，是活該。





牢騷發完
回說說電影

看了的朋友不要把「行兇手法」告知未看的人
因為整套電影最好看的就是「看似是幾何的問題，其實要問的是函數」
看到湯川把他的分析娓娓道來，就只好怪自己沒有那份心思
因為，一切線索其實早已告訴你，是你未能把他們串連起來


柴咲幸的的戲份少了，完全是角色所限。她只是一個地區警署的警察
全權調查的，是直屬中央總署的草薙，當然不可以事事也「跟到尾」
最好笑的是，內海的拍檔知道案件交由其他部門處理時
做出一個「握拳」的手勢，表示 " YE~S ，唔使我地查啦？"
是其中一個「應該笑的笑位」

早幾天，陶傑在光明頂也說過這套電影，
我也認同幾個論點
雪山那一幕，說明了湯川其實是在石神之下
「物理是通過觀察，再透過實驗去得出結論」
「數學，一切都是在腦內進行推算」
沒有他人協助，物理天才就不能完全發揮
相反，數學天才只要靠一己之力，就可以解決問題
當然
也是因為這個原因，令這個數學天才覺得生存沒有意義
因為，沒有人明白自己，自己又對數學以外的一切毫無興趣

未入場時，我以為是類似「暗戰」的鬥智鬥力
但原來，是一套講述「天才都是悲劇人物」的電影

這裡是「鄉港」！

由「才子偷歡」到發展至今的「圍剿佳人」
人人仍樂此不疲
那種"關心"的程度
那種咬牙切齒的態度
令我不禁想問
閣下對貴子弟的感情生活
是否同樣「上心」？


證據就只有那麼一張照片
之後就炒作到女方啞忍廿年
真的「諗到就當真」
女方真的會是一個默默忍受伴侶不忠的女人嗎？
用腦想想吧！
令壽堂會可能「為O左頭家」啞忍丈夫北上包二奶
但她可是「新一代香港女性」的代表之一啊！
你認為她會忍，那就是侮辱了她

之後的說話就更加「反智」得可怕
什麼「得米」，什麼「甘心受騙」
「玉女掌門人」重出江湖，廣告合約即從四方飄來
足證自己仍有"市場"
需要為「金錢」委屈自己"搵靠山"嗎？
想不到在公元 2009 年
「封建思想」仍 "陰魂不息"

天啊
這個地方有資格稱為國際城市嚒？
這個地方沒有市民
有的，只是一班人云亦云的「鄉民」

最可悲的是
他們不相信世上有「真、善、美」
他們不相信「愛，可以包容一切」

真的要認真推行「集體談判權」及「工會法」

醫院職員「見死不救」
甚至更早時候的「雷曼事件」
有沒有想過，假如香港有相關工會
情況又會如何？

現在，有關負責人只是輕輕說一句
「前線人員做事不可"只跟指引"，要有common sense！」
真的是春冰薄，人情更薄。
銀行業的負責人就更賤
每月向職員 "捽數"時，就說要擇手段，最緊要「有數交」
到發現有不誠實銷售時，
就說是「前線人員的疏忽」
要數天下間最下賤的手法，些必"榜上有名"

想想以上事情
前線人員都只是「打份工」
攪不好，「嬴得了正義，但輸了工作」
沒有任何"力量"保護下，
面對不公義的事情
只有兩個選擇，「做」或「不做」
為了保著自己的利益
「與其我死，不如你死」
人性使然，實在不能責怪
易地而處，任何人也會這樣做

假如前線人員在有工會保護下
在業務上面對不公義的事情
他可以向工會反應
在工會支援下，他可以反抗僱主「過份的要求」
而且
員工亦可以表現得更專業
因為他們都知道
自己是一個專屬工會的一份子
有必要做好本份
建立行業的良好形象

我真的想不到理由
政府要對這個議題採取「拖字訣」

葉問 - 練武術不如習武德

「武術，是一種武裝力量。
但中國的武術，
更包含了儒家的精神，
武德，仁也」」

《葉問》是一套好電影，無容置疑
當甄子丹不再"甄子丹"的時候，他的動作變得更好看
當然，也有可能打的詠春，所以少了以往的「霸氣」

但我想說是
我覺得好看的原因
不是因為《葉問》是一套「動作片」
而是它描述了中國傳統夫妻的 "角色定位"
電影前半段，
無論男人在外面有多風光，甚至前呼後擁
回到家裡，也要尊重太太，事事以女人為先
而女人呢，只管好家事，就算有強敵上門挑戰
也要相信男人可以「盡快攪掂」
去到電影後半段
男人就算在外面捱得再辛苦，
回到家中也只是一句「搬煤o者，有幾辛苦！」
家庭而外的事，全都獨力承擔，
簡單就是，「不要令老婆擔心」
女人看到丈夫受傷，沒有問長問短
只是默默為丈夫處理傷口
要做的就是，「不要為丈夫添煩」

看到這些"傳統價值"重現
已經十分感動
再加上主角表現出一個「中國人」應有的 "氣度"
國難當前，面對入侵我國的敵人
出手要最狠最絕，不留餘地
太平盛世時，即使身為武術高手
總會向對方「留有一手」，只求分出高下，絕不傷人
假如要找一個宣揚「武德」的 "代言人"
我想葉問比李小龍更合適

荒失失奇兵2 - 四個好朋友的成長故事

如果將上集和今集合併來看
主角上集由動物園，去到以為是"非洲" 的馬達加斯加，
今集一開始是想由馬達加斯加「飛」返紐約，卻又誤打誤撞去到原先的目的地 - 非洲

我是看粵語版的，對白很好 (看得到有花心思)，讓人看得放心
今集少了詹瑞文，但周柏豪也很洽當，
因為今集的長頸鹿不再只是"神經質的傢伙"，而是一個"情竇初開"的少年
I LOVE U BOYZ 就更出色，我不會"穿"他們「聲演」什麼角色，但我可以保證
他們的演出真的很搶鏡，完全表現到對白需要的神韻

四隻企鵝和兩隻狐猴 (希望我沒有記錯吧)
為電影製造不少笑位
大家真的要細味他們的對白，因為真的很 "啜核"
好像在修理飛機時責怪達爾文
跟猴子公會談判
還有當大家決定要長頸鹿邁文做"祭品"時，狐猴最後說的那句說話
我覺得是最"寸"的一句對白
也有影射一下「人類破壞大自然，危害動物生存」

我會想
多少人會在四個主角身上找到自己的影子
你有引以為傲的才能，但卻被身邊的人否定嗎？
你有想過自己是獨一無異，到頭來卻發現跟你一樣的人原來比比皆是嗎？
你有因為傍人的說話，就懷疑甚至否定自己的能力嗎？
你四出找尋真愛，但你有發現最愛你的就在身邊嗎？

香港倒後鏡 - 結婚禮儀

香港倒後鏡 - 式微行業

地球停轉日 The Day The Earth Stood Still

不能說不好看，可能之前的「明日之後」「天煞-地球反擊戰」洗了大家的腦
大家都以為這是一套 "視覺特技片"

要欣賞得開心，就要用相應的心態
電影的目的不是要娛樂你
而是要教育你
沒有大量視覺特技及動作場面，十分正常
至於結局，我也覺得草草了事
但你又要想想，如果將「事實」拍出來
你接受得了嗎？草草收場，都是為了保護你們脆弱的心靈吧！

為什麼外星人不可以說我們的語言，
不可以食我們的食物
電影更道出一些好有趣的題目
外星人來到我們生存的地方，當然要用我們的形態去生存
而數學同音樂是宇宙共通文化
最最最重要的是，我們不是被一個外星文明觀察
而是「一組」文明，而且他們也很包容，首先派出"觀察員"來評估我們
證實我們沒有資格在宇宙中存在
才去毀滅我們
畢竟「宇宙中絕少適合文明存在的星球，實在不容浪費」

看完這套電影，令我最心寒的是，
我們不止摧毀自己
更正在毀滅我們的下一代
戲中的小孩，一出場就是正在玩暴力的電腦GAME
之後，對未確定來意的生物所採取的態度竟然是「先下手為強」，
開口閉口都是「殺死他」
聽見都感到可悲

文明的進化，應該是心靈和科技一同提昇
一個擁有高科技但心靈低等的文明，
最後只會毀滅自己
具體例子，電影已說了出來
單看美國政府應付外星文明的態度就知道！
這部電影，不只是講「環保」，講「愛護地球」這麼簡單。

無聊文 @ 08-12-12

我發現自己到了一個地方
這裡十分熱鬧，男女老幼不停穿梭
但我卻是在一個牢籠內看著這個光境
牢籠之內不只我一個，大家都被擠在起
籠外有人在指指點點
他們選定之後
便會有人帶走我們其中一個
由於實在攪不清發生什麼事
我便向身傍那位問，那些人要帶我們去哪裡？
那傢伙冷笑一聲，
「你新來的嗎？他們不是要帶我們走，是要殺死我們。」
「為什麼要殺我們？」我大惑不解。
「你這傻子！他們是要吃掉我們呀！」
那傢伙開始怒罵
「你知道我們在這裡等什麼？等死呀！」
我慌忙探頭出籠外
看到那個剛被人帶走的傢伙
被人到刀子在頸項劃了一刀，然後隨手拋進一個桶子內
那傢伙沒有即時死掉，仍在桶內不停掙扎
我向身傍那位抗議，「為什麼他們要這樣殘忍？」
那傢伙冷冷地說，「這叫放血，他們說這樣會好吃一點。」
「把血放掉之後，他們便會拔掉我們的毛，挖出我們的內臟，再把屍體掛起。」
我實在不敢相信
在一個熱鬧的地方，會公然進行這麼殘忍的暴行
我四處張望，我要知道這裡是什麼鬼地方
最後，我看到兩個字
「雞檔」

lkaromn教導魔術方塊LBL基本解法

Burn After Reading

一套睇得好舒服O既電影
故事簡單易明
睇完會有 D O野諗O下
但又唔使好用腦

笑O下 D 只注重外表O既人
寸一寸自以為好叻O既美國人
笑CIA O既權力令美國無曬私穩
又諷剌一O下官撩制度下
政府部門O既運作可以有幾荒謬

如果唔係有奧斯卡呢三個字
我估Brad Pitt 同 George Clooney 都未必拍呢兩兄弟
呢兩個都算係少數靚仔得O黎又識做戲O既演員

其他想轉形O既「靚仔小生」
應該學一學佢地兩位
唔係話"乸"埋塊面，肥腫難分 + 滿面鬚根就叫「有演技」。

樹大好摭陰
其實都幾O架
特別呢度O個班「中層管理人」
同特區官員一樣唔使點用腦
「主導思想」講咩就做咩
"無風無浪到公卿"
小事唔想理，大事又唔到我理
最重要你地唔好俾鑊我揹
打到呢D工，幾生修到啦！

次次都係咁
大行一有裁員行動
我地都會有風吹出O黎話 CUT 人
都好O既等大家都有「危機感」
唔會 DUM 懶個身

其實大環境係有裁員
不過銀行CUT O既係 IT同SALE 「個人理財」班 SALES
基本運作O個班，仲未波及到
因為佢地都有早幾年O既經驗
SARS O個陣 CUT O左太多人
到個市一起返就唔夠人用
特別係 SARS 後發展O既"非利息收入"
要O係市場上搶人
今次 CUT 呢班
我相信好多都係O個時搶返O黎O既人
特別「雷曼迷債」之後
政府一定會嚴管銀行O既銷售服務
到時根本就唔需要咁多 SALES

睇返呢間公司
我又驚唔驚呢？
都唔到你驚，天要下雨，娘要嫁人
到你決定咩！
而且，過去請O既，好多都係"落盤機器"
我覺得真係有料O既，唔到一半
當然，我諗O既，又點會同老闆一樣

邊個理性，邊個民粹。一眼睇曬！

民進黨連「船飛錢」都輸埋 LU

藍 綠 互 轟 　 蔡 英 文 被 罵 「 無 恥 」

民 進 黨 發 起 「 圍 城 」 抗 議 卻 意 外 爆 發 嚴 重 警 民 流 血 衝 突 ， 藍 綠 陣 營 昨 繼 續 相 互 究 責 並 要 求 對 方 道 歉 負 責 。 藍 營 指 控 民 進 黨 預 謀 施 暴 ， 民 進 黨 主 席 蔡 英 文 應 負 責 ； 綠 營 則 指 控 馬 英 九 總 統 懦 弱 不 能 捍 衞 台 灣 主 權 ， 才 會 逼 民 眾 走 上 街 頭 。 蔡 英 文 昨 到 醫 院 看 望 受 傷 的 綠 營 立 委 時 ， 意 外 被 民 眾 嗆 聲 ， 指 她 「 無 恥 」 。 蔡 則 反 指 ， 馬 如 走 過 街 頭 ， 就 會 明 白 「 人 民 期 待 是 甚 麼 」 。 蔡 英 文 被 視 為 台 灣 下 一 屆 總 統 選 舉 馬 英 九 的 主 要 競 爭 對 手 。 近 期 ， 一 改 昔 日 理 性 形 象 ， 積 極 走 上 街 頭 ， 頻 頻 在 新 政 府 的 施 政 上 ， 與 馬 針 鋒 相 對 的 蔡 ， 昨 日 與 馬 分 別 到 醫 院 探 望 圍 城 中 受 傷 的 民 眾 。
諉 過 黑 幫 惹 黨 人 反 感
不 過 ， 蔡 英 文 往 台 大 醫 院 探 視 因 圍 城 活 動 受 傷 的 黨 籍 立 委 ， 意 外 遇 到 一 名 中 年 婦 人 不 斷 怒 罵 ： 「 蔡 英 文 ， 無 恥 ！ 你 讓 那 麼 多 人 受 傷 ！ 無 恥 ！ 」 蔡 相 當 尷 尬 ， 低 調 回 應 稱 ： 「 社 會 有 不 同 的 看 法 ！ 」 多 位 國 民 黨 立 委 昨 怒 斥 民 進 黨 是 「 暴 力 黨 」 ， 指 蔡 應 改 叫 「 暴 力 小 英 」 ； 指 她 沒 有 擔 當 ， 不 敢 負 責 。 馬 英 九 也 指 ， 蔡 英 文 應 對 流 血 衝 突 「 負 最 大 的 責 任 」 。 他 說 ， 蔡 「 選 擇 了 一 條 她 不 熟 悉 的 路 ， 做 了 一 些 她 不 擅 長 的 事 情 ， 得 到 了 一 些 意 想 不 到 的 結 果 。 」 馬 昨 日 下 午 亦 臨 時 決 定 ， 到 新 光 醫 院 探 視 受 傷 警 員 ， 除 致 贈 慰 問 金 之 外 ， 並 要 求 警 政 署 長 王 卓 鈞 ， 務 必 把 施 暴 者 繩 之 於 法 。 對 於 圍 城 釀 成 流 血 事 件 ， 蔡 英 文 稱 ， 不 能 排 除 有 中 南 部 的 黑 道 人 士 ； 針 對 部 份 媒 體 指 圍 城 行 動 失 控 ， 她 反 駁 表 示 都 控 制 在 合 理 範 圍 內 ， 比 較 遺 憾 有 部 份 群 眾 到 圓 山 ， 如 黨 內 有 人 涉 及 ， 「 會 以 黨 紀 處 理 。 」 對 此 ， 民 進 黨 台 中 市 黨 部 主 委 陳 大 鈞 聽 了 後 ， 很 不 爽 。 他 反 批 蔡 沒 有 經 驗 ， 出 了 事 又 沒 有 擔 當 。 而 根 據 目 前 警 方 逮 捕 的 十 多 名 滋 事 分 子 來 看 ， 初 步 清 查 暫 無 發 現 幫 派 分 子 。 台 灣 《 蘋 果 日 報 》



共產黨同國民黨眉來眼去，香港人唔好再發夢啦！

忽發奇想

美國，其實你認唔認同都好，始終係一個有能力影響全球o既國家
邊個成為美國總統，好多人心目中都認為呢個人有能力影響全球

假如你相信，人類o既起源係來自非洲
講得非洲，即係"黑人"啦
即係話，地球人o既「正宗"」係"黑人"啦！

咁，而家有個黑人做美國總統
即係"地球"由「正宗o既地球人」"管理" 啦！

外星人應該都願意同我地溝通啦o瓜..................................................

很久沒有寫 BLOG，可能是我想盡情去玩
因為下個月開始我又要回到「學習模式」
準備十二月的 CFP 考試
也有可能是我開始"化"，
早幾年還有點「憤世嫉俗」
但是近來我寫少了對公司的不滿或是對社會的不滿
不知是「哀莫大於心死」還是被現實同化了。

我承認，升O左我做 SENIOR ，有人認同自己O既價值，
我係開心O既
但你話係唔係咁就滿足呢？
都係O個句啦，加我人工好過升我職啦
我又無學位，唔通叫人升我做經理咩
我仲驚過你啦！
我而家工作上O既滿足感，其實大部分都係來自教 D 新同事做O野
隨時間O既改變，自己O係公司O既角色一定會唔同O左
有 D 新人睇住你，好難好似以前咁「率性」
又係唔係要做「狗」呢？
打工，難聽 D 都係做人隻狗O架啦
睇你想做隻聽話O既門口狗定係幫到主人O既獵犬O者
我知，我未有資格做牧羊狗O既！

睇O左黃毅力本「 CEO實戰手冊」，
個名改得怪怪地
因為成本書都係教「打工仔」心得
當然佢係由老闆角度去睇件事，
再加上以前佢打工O既心得
仲有好多做人處世O既道理
$128 可以學到呢 D O野，真係物超所值
覺得貴O既，可以買 CK 本「人在中環」，
平 D但水平就差少少。
好想介紹俾人睇呢兩本書，
但又怕人以為我寸佢
唉！！！

近排個世界"立立亂"
早兩日，英國官方又承認有同 UFO 接觸仲有外星生物目擊事件
好鬼末日 FEEL
如果末日O既意思係將我地固有O個套價值觀同生活系統打破
重新建立另一個制度同價值
咁末日應該到O左啦！

之前有人吹「秘密」呢本書
講到驚為天人
但本書講O既O野我由細個已經開始咁諗
對我來講之不過係一本「心靈雞精」
呵呵
由此推斷
我可能真係一個 " OLD SOUL"
不過極其量只係一個 "LIGHTWORKER"
轉生到地球O既「工作」就係幫助
"indigo children"同"crystal children"去改變呢個世界
:P

好在，應該做o既都仲有人識做！

港府採兩項措施保障存戶及穩定金融市場
14.10.2008 18:51


港府因應世紀金融海嘯的沖擊，即日起動用外匯基金，全面保障所有銀行存戶，亦會成立銀行備用資本安排，在銀行要求下提供額外信貸，措施會到2010年底，再作檢討；財政司司長曾俊華強調，本港銀行體系健全，但需居安思危，防範於未然，兩項措施都是預防性，目的是加強公眾對銀行的信心，不預期會啟用外匯基金。金融管理局總裁任志剛表示，由於其他地區亦加強存款保障，香港如果不為存戶提供百分百保障，可能出現存款跨境轉移的風險，他又強調，本港聯繫匯率制度二十五年來行之有效，不擔心聯匯受到沖擊。

你係咪低能架

<匯港通訊> 立法會議員對於本港是否提供百分百存款保障意見分歧，金融服務界代表詹培忠認為，現時為存戶提供10萬元最高賠償上限，已不能切合需要，建議政府提供百分百保障，加強社會對金融市場的信心。
他相信提高存款保障將有助提升香港金融中心的地位，尤其有助吸納大量內地存款。他認為，政府可動用外匯基金為銀行存款擔保，但監管機構需加強監管，檢討是否要增加存款保險的保費或要求存戶負擔部份保費。
然而公民黨黨魁余若薇則認為要小心研究百分百存款保障的議題，因涉及金額龐大，大幅提高保障額會帶來較大風險。雖然香港外匯儲備雄厚，惟本港人口老化、貧富懸殊，亦需資源處理，無可能動用大部分外匯來保障存款。

大佬呀，呢個係一個保障，係俾存戶一個信心。等佢地可以放心將存款放o係銀行。要真係銀行出事，政府先要科水O架！而家水浸眼眉，你就去關懷弱勢人士？早幾年唔見你講！你呢番說話O既潛台詞係話香港銀行體系有問題，提高存款保障，政府會拿屎上身。
你老闆，你呢 D 咪叫唱衰香港LOR！

你係唔係賤人？

問: 增肉成先生，請問你係唔係賤人？
增: 我係唔係賤人，同我參選係無直接關係。而且一般人都對"賤人"呢個詞語有負面思想。所以我唔僧回應呢個問題。

咁，我相你就算唔係賤人，都應該係一個屎忽鬼！

無知，不是免除罪惡的藉口

所謂o既「銀行理財中心」
原來只係一個"免受監管下進行受監管活動" o既地方？
所謂o既「客戶經理」
亦只係一班 "把口幫你理財，個心就想顧住自己 D 財" o既「推銷員」？
呢D 情況，好易出現哄騙、誘導o既出現


我支持證監同金管一定要查到底
加強監管
收緊銀行"被容許"進行o既「銷售活動」

點解我身為「半個」銀行從業人員會咁講呢？
因為
我考緊 CFP 嘛
如果政府對"財務管理"o既要求收緊o左
咁我呢個 CFP o既專業資格就更被肯定
呵呵呵~~~~~

風雲決 - 上o左畫你都未必知！

原來早在七月份，國內已經上映
但就吊詭在
國內一直都無「出碟」
連我那個常常北上"買碟" 的朋友也沒有聽過這套動畫
疑幻程度
直逼「阿拉臘山上的挪亞方舟遺址」

雖然不是首部香港出品的動畫
我覺得值得入場
不過
請忘記過去有關風雲的記憶 (包括漫畫、電影)
由於近年 ONLINE GAME 的興起
令電腦動畫技術好進步
背景很出色，但人物就比下去
打鬥場面做得不錯
完全把"港式動作片"移植到動畫上
而且
過去由真人演出時，由於加入了電腦效果
總覺得有點 ...... "不真實"
今次這些效果用在動畫上，
整件事情就變得「合情合理」

也不是沒有缺點的
好像
「爬上陸地"覓食"的鱷魚」
「三條絃的"二胡"」
還有
近乎業餘水準的配音......

支持香港電影 - 保持通話

荷里活o個個版本，我真係未睇過
所以，陳木勝話保留o左 D 原版o既"好o野"
我真係唔知係咩
我俾錢入場只係因為三個字 - 陳木勝

雖然原版都係叫「荷里活電影」，但其實唔係咩大片
個故事就更加係"搵戲o黎做"
不過，你唔好理，慘得過當年有老闆肯拍
我相信如果唔係「改編荷里活電影」
有個香港編劇向老闆賣條咁o既橋
我肯定佢一定被人用粗口鏟到上天花板！

"保持通話"，
成套全部都係香港拍o既，
又飛車又鎗戰，成套戲好緊湊
好o岩香港人睇

o係香港政府o既"支持"下，算拍得好好o架啦
特別最後o個場戲
將機場博覽館化身做香港機場
都真係估佢唔到，但又好似喎
香港政府時時話香港國際機場幾勁幾優秀
點解唔借俾香港人拍戲，去宣傳你呢個咁優秀o既機場呢
我真係 R 曬頭。

電影最後加o左 D o野去化解男主角同個仔o既心結
又俾 D 空間你地諗下佢同女主角o既發展
平衡o左之前o個 D 緊張刺激o既情緒
古天樂同張家輝真係好用心去拍
當你睇完套戲
知道劉燁o既真正身份
你會覺得，呢個角色真係好o岩"講普通話o既人"做喎！ :P

20世紀少年

無睇過漫畫其實唔係咩大問題
有可能你會因為睇完電影而去睇返漫畫版
電影一開始，其實已經講o左成個故事
都無必要故弄玄虛啦，可能八成入場o既，都知道個故事講咩


第一集o既故事只係兩個時空
已經唔算難明
最頂癮o既係，
佢地可以將電影角色o既造型跟足漫畫o既做型
真係問你死未？

無我想像中咁「大懷舊」
起碼"大板世博"就已經 CUT o左好多
(根據漫畫所講，呢件事其實係好影響o個一代細路o既思想
巨大機械人o既意念其實都係從中走出o黎)

在不同的跑道上，走向同一個方向

一個廿多年的"兄弟"，終於排除萬難結婚了
感覺有一點奇怪
坐在席上，看著這個「茂利」
回想大家中學時的"奇行怪事"
就好像是上星期發生的事
一轉眼，就進入人生的另一個階段

人生在世
大家都係向著同一個方向走(死亡)
不過，有時會與其他人走在同一條跑道上，
面對相同的處境，建立共同的記憶
有時又會因為各自的際遇而跑到不同的跑道
創造各自的人生
難得廿多年仍可跟他維繫這份友誼
老實說，我已把他視在兄弟

看著這個"兄弟"
我衷心祝福他這段婚姻
因為，他真的花了很多心力
不過我也很怕仔被騙，左右做人難.......

結婚，絕對不只是兩個人的事。

處境故事
阿甲同阿乙星期日去旺角行街，
咁O岩佢地前便有個行動不便O既人阻住佢地
阿甲就爆O左句，「行得咁慢就唔好出街啦」
阿乙聽見，就話，「你咁講O野O架，人地行得慢，更係有原因O架啦」
阿甲就解釋，「我都係出於善意O者，條街咁多人，佢行得咁慢，好易比人撞親O架」

成件事，到底係阿甲O既表達能力令人誤會
定係阿乙對別人O既言論太敏感
我唔敢下定論
唔同人睇事物都有唔同角度
我覺得「無禮O既善，本身就係一種惡」

奶粉就毒幼兒
豆腐渣學校就害學童
無牌酒吧就殺年青人

我真係唔知呢個"國家"到底想點?

可否不要那麼仆街
當初無人迫你玩期指
你亦知道係要追孖展


賺你應為係應該
O甘輸我就話你活該

追你孖展就型阿之阿佐
再唔係就惡言相向
又話返緊工，又話咁短時間湊唔到錢
呢 D o野，DAY ONE o個陣已經講o左俾你知架啦！

為咩先
做人可以做到咁仆街
我真係唔識做

睇o下邊個大鑊 lor！

http://news.bbc.co.uk/chinese/trad/hi/newsid_7620000/newsid_7621300/7621312.stm

如果無中央，香港早就「完蛋」的話

咁無香港o既話，你班友 D 仔女個個帶部洗腎機讀書啦！

"香港叻仔"的下場

o係香港，被叫得做「叻仔」o既，唔多唔少都有以下特質
滑頭、看風轉舵、耍小聰明

最「香港仔」o既人版，就係特首曾先生

睇到佢而家o既處境
而你仲以「香港仔」為榮

我衷心祝福你
「無風無浪到公卿」

http://news.sina.com.hk/cgi-bin/nw/show.cgi/2/2/1/553508/1.html

http://opinion.atnext.com/viewArticle.php?iss_id=20080830&art_id=11539982&fid=269

http://news.sina.com.hk/cgi-bin/nw/show.cgi/273/3/1/852467/1.html

睇O左好多網上論壇
有 D 言論，你又唔可以話佢錯

成日話選舉論壇好似街市賣菜
大佬！知唔知選舉條例扼殺O左候選人O既創造力。
所有人都要有公平O既時間發言，名單又有十幾人，一張名單得O個幾分鐘，可以講到咩呢？
班人仲要言不及義，講一大堆廢話，你認為成個選舉論壇可以有幾"理性討論"？
係我都用O個幾分鐘去引人注意啦！
咁要引人注意，自自然然就要鬥大聲，呢個係必然結果，
如果人地大聲講O野你就行開，完全唔俾機會自已去了解對方說話O既內容，
損失O既，可能係你自己。

又話如果唔係比例代表制，單議席單票制，民建聯O既代表就會入唔到立法會，到時就成為一言堂，總之就講到世界末日一樣。
怕咩O者，到時親建制派就大條道理叫政府開多D委任公職。選都費事，正接入局。
而且，今屆投票率得45%，上一屆叫做"高"，都好似無60%。
有人計過，親建制O既「鐵票」兩屆都係大約五十零萬。
我相信，以佢地O既"動員力，單議席單票制O既時候，佢地就會有另一個玩法。
呢個係雞同雞蛋O既問題，唔可以話因為而家個結果係咁，就話另一個方法會不利，
因為另一個規則，就會有另一個玩法。

最重要O既係，全香港人都知，真正主導香港政制發展O既，係中央政府，
反正而家個環境又唔係咁好。
政府O個班高官又好似有智障咁，樣樣政策都亂咁O黎。
更係要搵D惡人入去"鎮一鎮"啦！
我到呢一刻都仍然相信(將來唔敢保證)
當立法會有更多榷力，個政府又開明開放O既時候，
香港人就選一D真真正正"做到O野"O既議員入立法會，
同政府一齊建設香港。
我希望這個不是夢想。

2008年香港立法會選舉

因為輸了直選議席就說「更加擔心直選」
是哪門子的道理？
明明是自己不得人心 (或策略錯誤)
就否定一個較現在更"公平"的制度
這幫人永遠「輸打嬴要」
妄想一輩子白吃政治免費午餐

社民連的選舉戰略是成功的
看看九龍東，「前特首候選人」一心要當"票王"
最後只得到進入立法會的最後一個名額
別忘記民主黨是分拆了兩張名單參選
結果是「李華明讓你半臂都夠嬴」
癲狗早說了要在泛民選民中搶票只是你們危機意識差，沒有作出準備
你們竟妄想"領導香港民主發展"
請清醒一點，社會地位比別人高，並非什麼大不了

我最可惜的是陶君行
要不是今屆少了一個席位，未來四年，社民連就會有四個人坐在議事堂
他，絕對有資格成為一顆政壇明星

我的機械人女友

http://cyborg.gyao.jp/

日韓o既混合體
一套睇得好舒服o既電影

認真一D睇
唔單單係一套"時空交錯"
直情就係一套「平衡宇宙理論」o既入門

第一個
因為死唔去而癱o左 o既時間
第二個
因為機械人的出現而改變o既時間
第三個
因為"女朋友" 出現而將會發生o既時間

但其實
有好多o野，好難解釋

心理影響生理

就好像傷心會流淚

他的心裡
任他說得多瀟灑
還是有壓力
他的腳踝，只是反映他的壓力
實在不必要有太多陰謀論(有部份我是相信的)

人的身體
是很玄妙的

地心探險記

http://www.journey3dmovie.com/

如果唔睇 3D 立體版
只係一套好普通o既「暑假o靚仔電影」
呢 D 戲，你當係去「狄記」或者「環記」睇 4D 電影啦！
唔同o既係，張椅無機關
而且
戴住個眼鏡成個幾鐘，都幾唔習慣。

個故仔講咩其實無所謂
分分鐘仲衰過 「木乃伊 3」
不過
睇得呢套戲，如果唔睇 3D版，真係唔好浪費時間睇呢 D 戲

老實，係好好睇o既！
不過，你話下集會拍「阿特蘭提斯」，我又覺得野心大o左 D
但如果佢真係拍到，我又期待喎，「阿特蘭提斯」o係海底
你想像一下用立體方法展示"波濤洶湧"o既水，幾壯觀呀！

仲有，你要有準備，成個 HOUSE o既觀眾都會 " V 嘩鬼叫"
不過
無所謂啦，咪當自己去o左主題公園睇 4D 電影LOR！
$90 張飛，值唔值，自己諗。

北京奧運對我最大o既得著
就係令自己更確定會被人打成「漢奸」！

柔道決賽，無中國就唔講
足球，好波唔播，中國隊就跟足
夢 8 o既比賽，睇怕都要搵 BT
因為中國無咩泳手，所以就全程跟足「菲比斯」，好在！
中國人
13億人口o既「強國」
隊際運動o既成績，除o左女排同女足，仲有咩可以俾人睇？
搵幾十個出色o既運動員去踢足球同打籃球，真係咁難？
中國男籃，有鋒無衛
中國男足，連落場都未有資格

中國男人無團隊精神，唔會合作，
一個人都仲可能做到成績，成班人o既話，就只會互相扯後腿，影衰曬！

做人咪 X 咁貪！

http://www.takungpao.com/news/08/08/05/GW-942078.htm

可能o係佢眼中，
「我退休打咩工關你 X 事，你班友唔好阻我搵錢！」
「三百萬一年喎，你做唔做先！」

不過
梁先生，我地就係要阻你發達
你退休之後，已經袋o左幾百萬
之後個個月可以領長俸到死o個日
老實講，夠啦！
你仲想點呀！
你係要做，都用o下腦諗諗丫！
你去老麥賣包，無人會出聲o架！

你鹵味
做人咪 X 咁貪啦！

存在的意義就是戰鬥
世界只有同伴與對手
沒有是非對錯
只需揮舞拳頭

把武器緊握在手
無論是敵人或戰友
只能跟著命運走
奉獻我們的所有
不需選擇朋友
不會寬恕對手
更未想過要逃走
全因你幾個指頭

當系統關掉之後
所有的生死戰鬥
都只是純粹虛構
明瞭這一切之後
求你別再當人偶
白白讓生命流走

近來在facebook瘋狂地玩著一個小遊戲,叫古惑仔online,發現這個平台已被"香港化"。

竟然有人可以超過一百個朋友!
假如每星期跟十個朋友見面,也要三個多月才可把所有朋友見一次。
忙碌的程度,可以想像。

我很懷疑,在這些人心中,"朋友"代表什麼?
是跟你一起殺時間的"戰友"?還是可以互相扶持的知己?

表面上交遊廣闊,但內心可能空虛寂寞。
我的交友態度可能會令人覺得很冷漠。
但我十分清楚什麼是朋友。

世界變得越來越有趣。
明明是做着一件強人所難的事,卻把自己幻想成「公民抗命」的先鋒。

在八號風球下,不但不考慮自身安全,更要求別人向你提供協助。是哪門子道理?
人家早已說明不是先到先得,但你們就是不相信。
請問,為什麼你們會安排貴子弟報讀一所你們不信任的學校?

為一個幻想,妄顧生命的人固然愚不可及,
但屈服於這班人的白痴更是"膠"到不得了。
把自己弄得兩面不是人,試問你對得起接受勸喻離開的市民嗎?

政府威信之所以江河日下,
原因就是出於這些不知所謂的危機處理。
為解決一個小問題,却引發出一個大問,
即是"超低能"。

低能政府配一個反智社會,
絕對是世紀大災難。
難怪有人說幾十年後,香港就會成為"中國其中一個城市",
慢慢失去原來的光彩。

何時才有屬於我們的「食客」

呢套戲o係戲院上映o個陣，我就知道係"好o野"

不過，一陣無時間，連DVD 都無時間睇

好在今晚有時間可以o係有線睇到，果然真係一套好電影！

我一直都好欣賞人地保留自家傳統文化

所以我喜歡日本、歐洲，因為佢地識得欣賞自己o既歷史文化

成套戲唔單止係介紹韓國o既飲食文化

仲係好正面咁向觀眾介紹一次韓國o既傳統同歷史

難怪o係韓國有好好o既票房成績

每次睇完呢 D 戲，我都好感慨

點解人地可以拍得到，仲咁好睇

而我地(兩岸三地)就........

o黎緊有套「一個人的奧林匹克」

我好希望好希望

呢套戲會令我有「中國人」o既身份認同

香港女士越來越強。
這是個不爭的事實，一方面，女人越來越多，成功的比例自然會多，另一方面，男人越來越不濟。
其實我不是想說社會問題，我係想講 WALL E
係，仲係 WALL E

因為我睇完之後，我覺得 ...... 真係好中!
當你o既正規學歷只係去到中五，而可以有一個大學畢業o既女朋友
呢個女朋友仲要唔係「港女」
咁你睇完呢套戲，你都會有同感
無論你幾落後，都有機會搵到一個好好o既伴侶
當然你都可以有一個同你同水平o既伴侶，但所需o既條件都係一樣。

男人們，你地好似忘記o左吸引女仔o既一種武器 --- 生活情趣
可能你而家o既工作係好乏味，但唔代表你o既生活都同樣乏味
生活情趣，係可以唔使錢，簡單 D 講，要求好底o架咋！
再強o既女人，其實都係一個女人，只要你唔乞佢憎
大膽 D ，表現一下你o既情趣，再關心一下對方，體貼D。
成功率好高o架
來來去去都係o個兩三招，你唔悶，個女人都悶啦！

由今日起，培養一下生活情趣啦
唔知點做，就睇多 D 書啦

從來只想放任自由
地厚天高漫遊宇宙
無奈現實規矩太落後
難以去一展身手

未要當群龍之首
只想活在當下就夠
求有自由天地
用血汗去實現所求

無名無利無成就
是否叫一無所有
只想活到最後
仍能對生命無疚
創新思想未會接受
行空天馬成階下囚
墨守成規到最後
棟樑盡變爛木頭

緊抱心中的宇宙
自在自樂已足夠
棱角決不會磨走
努力仍未被接受
只好說句請你走

一個人,一間屋,只得一部兩匹冷氣機。
唔開就熱死,開就十分唔環保。都係吹風扇算啦!

四年前,我俾咗機會公民黨。
過去四年,我見識到呢班人只係擺形象、得把囗。
今年,我決定俾機會社民連,
至少,佢地真係會落手落腳幫社會最底層嘅市民。
死啦,三十歲人先做"左仔"!

看完一套好電影，即使凌晨三時，仍未會想睡

過去一個星期,全香港只有一個話題: 蝙蝠俠。
因為電影本身實在有太多話題,IMAX拍攝、香港取景、Heath Ledger 的過世,甚至近日Christian Bale打母親及姊姊,不得不說一句,滿城盡說黑騎士!

有太多太多人談論過這部電影,我也不想再說太多。
不過,我認為一定看IMAX版本,畫面的細緻,只能用"歎為觀止"來形容。

無論問哪一個,想信任何人也會答,今集的主角必定是JOKER,
但應該說,蝙蝠俠是今集的大配角。

JOKER當然是蝙蝠俠的一體兩面。
TWO FACE 的改變,GORDON 的經歷,全都要靠蝙蝠俠的襯托才變得完全。

想不到Gary Oman 可以把GORDON 演得這麼有血有肉。
Heath 的過世,更是觀眾的損失。不能拿他跟Jack Nicholson 比較,
後者只是把一個漫畫角色電影化,
但Heath 是把JOKER 現實化。
個人覺得,Heath 是死於"方法演技引發的工業意外"。

電影的成功在於,任何人也用不同角度去欣賞這部電影。
可以單純的看一套特技片。
又可以把它看成諷刺美國的反恐手段。
而JOKER 的種種手段,更是哲學入門,他操控別人的陰暗面,簡直是一種藝術。

太多人去考究JOKER 的過去,但我認為,出自他囗中的兩個故事都是假的,只是操控別人的技倆。
反而ALFRED 說
「他們不能被收買、被威脅、被說服或被協商,有些人只想看到這個世界陷於混亂。」
這段說話已完全解釋JOKER 的一切。

一套講愛情o既環保電影

好睇，好笑
但又有D可悲
因為竟然要用到機械人出表現人類單純o既愛情

我有d擔心，因為理論上，機械人係無性別之分o既
咁會唔會影響班細路

反思一下，科技對我地o既影響
我地運用科技o既態度

班機械人都過癮o架
點解遍離規則就要判定為不正常
後段佢地成班都搶鏡o架！

WALL E 成個角色都好可愛，又有人性，呢d角色，一定受歡迎。

屬於吳宇森o既"三國"。

點解?日本漫畫將三國故事同人物玩到天花龍鳳都無咩迴響,

「一騎擋千」將所有三國人物變成宅男最愛嘅漫畫美女,

「霸」就仲絕,直頭話劉備係日本人。

點解你班上契咗俾歷史嘅契弟唔出聲?

我覺得套戲拍得好好喎。

話無拍出歷史人物嘅靈魂,你講緊三國演義定三國志先?吳宇森拍一套有自己風格嘅作品,有錯咩?

好多話故事拖太長,反而我覺得唔夠。孔明舌戰群儒太簡化,成為孫權嘅內心掙扎。

打老虎太無聊？孫權老豆叫江東之虎。呢埸戲有意思架。

同隻馬接生,係要表現孔明學問淵博。由兵法到動物接生都略懂,呢兩場戲可能係下集借東風嘅引子。

八卦陣嗰場戲,可能個陣真係太複雜,有啲混亂。但每個武將都有表演機會,關羽更令我諗起「英雄本色」MARK哥楓林閣熗戰場戲。但我無諗過，周瑜真係咁好打？

唔可以怪套戲太長,中國人同日本人當然了解"三國關係"。但要西人代入故事,就要花啲精神。

攪到套戲明明叫「赤壁」，但就無講"赤壁之戰"。

吳宇森o既赤壁，值得一看。

一個歌手o既基本條件

但o係香港，呢d叫「技驚四座」。
因為大部分歌手都唔得！

香港的悲哀

由於幾年前突然出現嘅嬰兒潮,令近來多咗好多父母拖男帶女咁喺條街度出現。

家庭樂,其實無咩問題。
但呢班咁嘅「ME世代」,缺乏同理心,凡事都只考慮自己。
明知假日條街鬼咁多人,就咪推架嬰兒車出街啦!
之後個老公就推架放咗個大袋嘅車,個老婆就自己抱住個B,條街你地一家三囗行曬啦!

可能有人覺得無問題,但我就認為呢種係自私到極嘅行為。
被呢啲咁自私嘅人去培育我地嘅下一代。
我覺得香港嘅未來會出現"劣幣驅逐良幣"。

兩套"特技片"

Wanted<殺神特工> & Hancock<街頭超人>

睇呢d戲，千萬不可執著故事橋段
但個人認為
Hancock 係好睇d。
因為，反正都係睇超現實o既事，輕鬆d o既故事會睇得比較舒服

除非你好喜歡Angelina Jolie，同睇子彈轉彎。
d 飛車特技太"超現實" (即係假)，完全無代入感
呢套戲，係我近年唯一會睇到(目訓)著 o既戲。
個故事真係好爛，仲衰過 JUMPER！

我開頭以為Hancock係一套諷刺大美國主義o既電影。
點知原來真係一套簡簡單單o既輕鬆喜劇
真係吹佢唔漲！

「文雀」 - 應該納入香港歷史檔案的電影

文雀,一如杜琪峯其他電影一樣,都係一班男人去完成一件事。
不過今次唔係警察,唔係黑社會,係一班扒手(文雀)。

故事唔係電影嘅重點,
反而令我欣賞嘅係配樂同畫面,
同一個港島區,
點解佢可以搵到咁靚嘅角度?

拍得香港好靚,將"香港情懷"好具體咁表達出黎。
應該納入香煙歷史嘅一部份。

如果等出DVD,唔係唔得,但你有無一個好大嘅螢幕先?
我覺得,入戲院睇大銀幕,至感受到鏡頭下"香港的美麗"。
呢套電影完全滿足到我嘅"大香港主義"。

點解一定要我認同你地o既價值觀？我都有表達意見o既權利。

我唔覺得「對同性戀出現負面情緒」係一件"低水平"o既行為喎！
你地可以向我sale 呢件事
但唔代表我要認同你地，甚至要接受你地

尊重認同你地o既人，
更要尊重唔認同係地o既人
(對方如果出於惡意攻擊，梗係要同佢死過啦！)

身為一個男性異性戀者 (仲話世界大同？你睇我要用幾多個字去界定自己身份)

「被男性同性戀者示愛，甚至追求。係一種侮辱，
係對體內 dna 天性o既一種侮辱。嚴重性仲大過被人 "x老母"！」
希望各位男性同性戀者明白，呢 d我地o既尊嚴。

終於都到呢一日

28,29 / 6

CFP
卷一、卷四

GOOD LUCK！
作最好準備
作最壊打算

失望....

http://www.thehappeningmovie.com/


The Happening
破天‧慌

未睇都唔明點解咁多人踩 M. Night Shyamalan
鬼眼喎！
森魔喎！
禍水我都覺得好

但呢套就........
睇到一半已經咩都講曬出o黎
拍得又一般。 Mark Wahlberg，做戲其實唔係好好睇....
頂唔順o既會覺得成套戲 d人走o黎走去，唔知做 mud

無曬之前o個 d作品o既佈局
唉 .........

真正的 HULK

沒有被人騎劫去舒發自己O既「父子情意結」
漫畫迷o既立場，李安O既 HULK 當然有所不足，因為太人性
無o左"漫畫"應該有O既天馬行空
當年作為打入荷里活o既「考牌」作品，我覺得佢要顧慮o既事實在太多
但平心而論，是一套有內涵的漫畫改編電影，就是因為「有內涵」，所以兩面不討好
最後片房慘淡

MARVEL 自家品牌第二部，
因為已經有前作去介紹 HULK o既由來，所以今集可以多 D空間講其他o野
即係打得更勁！
已經唔可以用「迫真」去形容電腦特技
應該用
「o下！假o既咩？」
當然有 D位係睇得出啦！
但結局有 D 「草草收場」o既感覺
不過算啦，MARVEL 講到明呢個係一個系列
咪等下一集 LOR

有人話 Robert Downey, Jr 做 IRONMAN，
Edward Norton 做 HULK
係大材小用，仲話荷里活搵食艱難，呢 D 有實力O既演員都要拍漫畫改編電影
但我又咁睇
有人用最好o既材料去做一味最普通o既小菜被我地，係我地o既福氣
求求其並搵個二打六都得，但我會睇唔起 MARVEL lor ！
Robert Downey o既 IRONMAN ，出到o黎，人人都讚
而 HULK o既內心掙扎，絕對只有Edward Norton 呢D級數o既演員至會做得好睇
MARVEL
有能力o係荷里活佔一席位！

原來「美林」有份投資 MARVEL STUDIOS o架！

唔好呃自己啦！

荷蘭 6分
羅馬尼亞2分
法國、意大利各得 1分

最後一輪分組賽

荷蘭 VS 羅馬尼亞
法國 VS 意大利

只要荷蘭送 3分比羅馬尼亞
法國同意大利O既比賽已經無意思
我希望荷蘭要求分組賽全勝，否則，意大利根本無機會出線.........

唔好賴身處死亡之組！
人地荷蘭可以打到清風送爽，你地對羅馬尼亞差 D 輸埋
世界杯冠軍，你無O野下話！！

「基本」上係無「分析」！

#655 正股價$1.07，最高都係 $1.11
#2938 股權 $0.125，最高 $0.2 ！！！！

可能你未必一眼睇到咩事
#2938係 #655 O既供股權
持有 #2938 O既人士有「權」以 $1 去認供 #655 呢隻正股

假如
市場購入#2938 ，再去認供 #655
個成本就係
$0.125 + $1.0 = 1.125
未計買賣成本同手續費
用 $1.125 去買而家值 $1.07 O既股票？！

#2938 買賣期限只有一個星期，如果買入之後唔供股，就會自動作廢。
我唔明炒呢隻股權O既人有咩心態

賭還賭，都睇睇自己賭緊咩O丫！！！

新球季其中一個賣點

想不到車路士的新領隊會是史高拉利。
大菲在國際賽的成績,有目共睹。不過,去到賽程頻繁的英超,我會懷疑他能否保持水準。

對穩定球隊,大菲實在是首選,畢竟,國際米蘭加摩連奴這個組合的號召力不能低估,
選錯領隊,有可能令大半主力他投。大菲的個人魅力,應有一定作用。

從領隊的人選,估計車仔來年會以引入葡語球員為一,當然包括西班牙藉球員。不過,歷史已證明英超球隊引入巴西球員只會是一場惡夢。反而非洲葡語國家機會更高。

不排除大菲在今屆歐洲杯為葡萄牙隊進行"造星運動",好為來屆在車路士引入"兄弟班"。

有誰可以制止？

看來
真的會有「十月驚喜」

未到 $150已經咁亂，真係上到$200，世界大戰就會開打。

加人工從來都不是一個公平的遊戲

係，我承認呢間公司唔會令人快樂
佢亦唔會去令你快樂

但要睇O下自己O既目標係咩 LOR!
你認為「威武不能屈」!
佢加人工唔公平
但呢個世界從來都唔公平O架啦！
唯一可以做O既，只可以將優勢拉近自己
如果你認同呢個想法
就咬緊牙關，DUP 底頭做好自己O野，時間耐O左。係有回報O既。



如果你一口咬定自己留底都已經無意思
咁我都只可以祝你有更好O既選擇
畢竟
只有你自己至有權決定自己條路唔點行。

裸體無罪，罪在觀賞者用什麼心態觀賞！

可能投訴人覺得自己好文明
但佢一定無文化！！！

將裸體扯到不雅，呢 D 人心內面諗O既O野至係最淫褻！
同呢 D 人身處同一個城市，令我自己好羞恥！！


2008-6-3 蘋果日報
一 人 投 訴 　 九 巴 封 殺 電 影 赤 膊 海 報
【 記 者 雷 子 樂 、 倪 清 江 報 道 】 政 府 要 將 香 港 打 造 成 國 際 文 化 都 會 ， 但 社 會 連 一 幅 赤 膊 男 兒 電 影 海 報 也 容 不 下 。 棒 球 電 影 《 無 野 之 城 》 近 日 在 港 九 多 個 巴 士 站 張 貼 宣 傳 品 ， 海 報 有 五 名 男 子 赤 裸 上 身 。 海 報 「 出 街 」 後 有 一 名 市 民 向 運 輸 署 投 訴 。 九 巴 收 到 轉 介 後 急 忙 要 片 商 更 換 轄 下 巴 士 站 的 海 報 。 電 影 導 演 及 演 員 大 嘆 部 份 港 人 越 來 越 保 守 ， 擔 心 香 港 「 遲 早 變 做 『 冇 之 城 』 ！ 」 《 無 野 之 城 》 的 宣 傳 攻 勢 在 上 月 15 日 開 始 ， 片 商 安 排 了 20 幅 巨 型 海 報 ， 在 中 環 、 銅 鑼 灣 、 彌 敦 道 的 巴 士 站 擺 放 。 海 報 由 六 名 來 自 香 港 棒 球 代 表 隊 的 運 動 員 兼 演 員 拍 攝 ， 中 間 的 一 人 身 穿 棒 球 服 ， 其 餘 五 人 沒 穿 上 衣 ； 海 報 只 刊 出 他 們 上 半 身 褲 子 以 上 位 置 。 不 過 ， 電 影 導 演 雲 翔 表 示 ， 有 一 名 路 過 市 民 接 受 不 了 ， 向 運 輸 署 投 訴 ， 運 輸 署 通 知 九 巴 。 因 為 一 宗 投 訴 ， 九 巴 在 5 月 22 日 要 片 商 更 換 海 報 ， 否 則 任 由 廣 告 位 「 開 天 窗 」 。 他 們 急 忙 找 來 另 一 款 海 報 頂 替 全 部 舊 款 海 報 。 新 海 報 中 ， 演 員 依 舊 赤 膊 上 陣 ， 但 已 清 楚 讓 觀 眾 看 到 他 們 有 穿 褲 子 。
遲 早 變 做 「 冇 之 城 」
雲 翔 解 釋 ， 舊 款 海 報 是 想 藉 演 員 赤 膊 表 達 在 港 打 棒 球 沒 有 前 途 ， 好 像 一 無 所 有 。 他 承 認 有 關 設 計 也 是 想 引 人 注 意 。 他 慨 嘆 有 關 部 門 及 部 份 市 民 作 風 保 守 ， 怕 香 港 「 遲 早 變 做 『 冇 之 城 』 」 。 電 影 被 評 為 Ⅱ B 級 ， 有 不 少 演 員 在 更 衣 室 、 球 場 正 面 全 裸 的 鏡 頭 。 雲 翔 表 示 ， 這 些 場 景 只 為 表 達 球 員 生 活 最 真 實 的 一 面 。 面 對 九 巴 抽 海 報 ， 演 員 梁 宇 聰 直 斥 投 訴 人 無 聊 ， 女 主 角 董 敏 莉 則 說 該 張 海 報 純 粹 是 藝 術 。 商 務 及 經 濟 發 展 局 表 示 ， 影 視 及 娛 樂 事 務 管 理 處 收 到 三 宗 有 關 該 電 影 海 報 的 投 訴 ， 正 在 跟 進 。 淫 褻 及 不 雅 物 品 審 裁 處 審 裁 員 張 民 炳 看 過 該 張 海 報 後 表 示 ， 海 報 沒 露 出 男 士 私 處 ， 應 該 可 以 「 過 關 」 。 九 巴 發 言 人 昨 表 示 正 在 了 解 事 件 ， 暫 未 能 回 應 。 電 影 《 無 野 之 城 》 講 述 香 港 棒 球 代 表 隊 成 員 的 奮 鬥 、 成 長 故 事 。 「 野 球 」 即 是 棒 球 ， 導 演 雲 翔 想 點 出 香 港 是 個 近 乎 沒 棒 球 運 動 的 地 方 。 香 港 棒 球 代 表 隊 首 席 投 手 梁 宇 聰 （ 阿 聰 ） 、 投 手 香 子 俊 （ 阿 俊 ） 粉 墨 登 場 ， 在 大 銀 幕 做 回 自 己 。 香 子 俊 昨 受 訪 時 表 示 ， 希 望 透 過 這 電 影 吸 引 更 多 人 認 識 棒 球 運 動 。

到底咩事？

係，國家有事，好慘。
但唔代表個世界要圍住你轉。

大庭廣眾鬧人地唔知道中國地震係白癡
咁唔該所有中國藝人要馬上惡補世界時事，免得成為自己人口中的白癡
緬甸風災，受災人數唔分分鐘多過你，仲要加個無人性o既政府，慘過你啦！
非洲，有人因為買唔到糧食而暴亂
有人連泥都食唔起，因為用o黎撈泥o既菜油漲價，佢地買唔起
阿富汗、巴勒斯坦、孟加拉
事但一個都慘過你啦！

捐款，人地o係你地方做生意，佢地做錯咩事要被你地圍？
唔捐又鬧，捐o左又話人捐得少！真係好笑，使唔使要人包埋生養死葬？
強迫捐款，同打劫有咩分別？
仲要中傷人地
到有日人地集體撤資，擺到明抵制你地，你地會點？

至於香港o個班奴才o既奴才，同埋自宮o既傳媒
我都費事去睇
因為佢地要聽完上面點講至夠膽講，食屎啦！
話人要求下半旗係攪事
調查豆腐學校係涼薄
你班契弟咪又要面懵懵跟住做！

絕對不是口號

再窮不能窮教育
再苦不能苦孩子

根本就係要製造啟示錄O既末日！

別太上心，會精神分裂的

3000 唔算多，唔叫少

莫因善小而不為
要求回報的"善行"，只是一宗交易

老豆，我都唔知對唔對得你住，
我原本想"一分一毫"咁去儲錢買一隻真O既 ROLEX ，去完成你未完成O既心願(碌卡就無意思啦)
其實我都唔知係唔係你心願，不過如果我做得到，就證明我已經超越你，我想，每個父親都希望兒子可以超越自己吧！

但我見到四川攪到咁，一個唔好彩有兩三個水壩出事，就真係死得人多
即係呢，如果我唔做 D O野，會覺得自己唔係人 LOR，幫到就幫啦
錢O既O野，用O左就搵得返
希望你明啦！

http://www.worldjournal.com/wj-ch-news.php?nt_seq_id=1717993

可能是涼薄，也可能是不想面對的事實

在主流媒體看不到的資訊

IRON MAN - 令MARVEL在荷里活「起躲」

荷里活又多一個漫畫英雄人物
又多一個美式英雄讓全世界認識

作為一部打響頭炮的作品，絕對不止及格，是滿分！

期待"Civil War " 搬上銀幕。

http://en.wikipedia.org/wiki/Civil_War_(comics)

可算是一埸賭博(或投機)

任何人問我點解主動去做「DIRTY WORK」，
我都會答，「得一個人做唔到咁多，我咪幫下手LOR」

其實原因係，DIRTY WORK 可以了解多 D 內部運作，我覺得係做 AM o既基本條件。
至於話，"考多 D 試做多 D 不同工作"，SORRY ，我覺得工作表現幾出色都好，都只係表示你係一個好o既「技術人員」。唔代表係你係一個適合做管理o既「人材」。(只是"材"料，不是"才"俊)
見你做得，咪叫你再做多 D LOR，"你"只係一件幫到手o既工具，唔代表 D 咩格。

我從來都無興趣做「最出色o既員工」。
武功高強，不代表可以做大將軍。
我情願躲在背後，做一個低調o既管理人。
但以我o既能力，又何以成為一個管理人呢！
所以唯有自己製造機會。
難得佢地又可能會俾呢個機會我去試，都算踏出一小步。

你問我係唔係機關算盡，我會話"係"！
(成件事都係我一手一腳去製造機會)
但我都唔係印印腳等收成o架。
唔好忘記，我只係掙取到一個可以處理DIRTY WORK o既機會
我做得唔好，都係白費心機o架咋！

SICKO : 冷血的制度，無分資本主義或社會主義

看完之後,你可以說導演有預設立場,有部分我覺得是近乎中傷他人。
不過,這就是他的手法。

你有否想過,假如你有病,決定你應否接受或接受什麼醫療程序,甚至吃什麼藥的決定權不在你或醫生手上,而是在保險公司手中。情況會有多可怕。
美國政府把大部份的醫療福利都轉移到私營的保險公司之下,保險公司為着自身利益,首先把市民的投保條件調高到近乎不合理的地步,再在申請索償時百般刁難,幾乎所有貴價的醫療程序,都會被保險公司的醫療顧問認為"非必要"。如此這般,即使醫生認為可行.病人願意接受,但保險公司說一句不。一切都會泡湯。

當國民遇到意外受傷,第一件考慮的是擔心付不起醫療費用。
可以說,這個國家不把國民當作人去看待。

當日還是總統夫人的希拉莉,曾積極推行國民醫療保障,希望國會可以通過。
但郤被既得利益者妖魔化成社會主義,到全國各地散播"國民醫療保障令醫療人員失去自由"。美國不能成為共產社會。
那麼,英國、法國及加拿大是共產社會嗎?

電影尾段,美國人竟然在古巴這個"敵對國家"內,不但購買到超乎想像的平價藥物,更接受到應有的治療。其中幾位參與911拯救行動的人員,更得到古巴消防員的致敬。
這批身在古巴的美國人,應該百般滋味在心頭。

假着自由之名,把需要協助的人拒於門外,更強迫國民只可購買貴價藥物。
這種冷血的自由,根本就是垃圾。

是時考慮一下,如果多付稅款,而換來一個政府醫療保障,會否令你安心一點。

又話國防外交歸中央管O既，即係中央旨意啦！

http://chinaoutlook.scmp.com/trad/tradchifulltext_200804294.php

為什麼要把人標籤？

歐聯四強

今年的歐聯四強,其中有三隊屬英格蘭球會。
但今年六月舉行的歐洲國家杯決賽週,卻未能入圍。

十年前,意大利也出現同類情況,球會出色,國家隊就水平之下。
當時的意大利有不少天價球員,反觀今天的英格蘭也出現同類情況,彷彿職業球員就是一份工作。用自己的球技去換取金錢。漸漸忘記了自己是一個運動員。參加國家隊的比賽成為「交差」。

作為運動員,工作就是不怕艱辛的練習,在競賽中全力以付。(姚明說,他也是體力活)
回報從來只有一個,就是勝利帶來的榮耀。再多的錢也買不到

人性而已

近日正留意UonLIVE上潘兆聰的起飛腳事件。

由被新城唾棄到棲身於UonLIVE,
我想對潘的打擊真的很大,
被一個工作十多年的機構唾棄,由電台到網台。多難受。

現在有人出手挖角,感覺有人嘗識。
這種快感,足教任何人失去理智。
再加上人家囗才了得,要你上釣,真的易如反掌。

既然某人覺得這是翻身機會,「寧教我負天下人,莫教天下人負我。」
也只好「你要死,我唔俾你死咩!」

自問無愧天地的人,實在不需再動氣,反已成事實,再多的惡言或美言,也是徙然。

挺起胸膛,憑自已的力量去創造自己的聲音。不是更值得驕傲嗎?
其實當初我也是因為潘的轉投才得悉這個網台,一個容許UJ滿囗懶音的網台。
但我欣賞他們的理念 : 讓年青人說自己想說的東西。

我已是深宵正播室的fans。
這個台有不少能人異士,既然主理人聲稱擁有最專業的硬件,也期望這幫人能令這個網台變得更具力量。

不過.....滿囗懶音,即使讓你講,別人也不易明白! 這個絕對不可包容！
向別人說話時咬字清晰，是對別人的一種尊重！

要令一個媒體打出名堂,不是招攬外來明星,而是培育自己的巨星。
別用不專業的態度, 去做專業的工作。

這就是國際金融中心

早年前,新股潮鬧哄哄。
一個月可以有十隻新股招股,而且全都有價有市。

但近半年市況回落,令多隻新股縮沙。
不禁令我懷疑這些公司的上市目的。

假如上午是為公司有更靈活的集資方式,
令公司可以更具規模及更好的發展,
市況的好壞其實影響不大。因為目標是長遠的。

但現在的新股,一句市況不佳就可以暫停所有計劃。
就好像招股是一項一次過的活動,搵完老襯就關人鬼事。

仲可以暫停無耐又黎過!
攪到股票市場變成遊樂埸咁兒戲。

經紀當然唔會出聲,保薦人更樂於收多幾次錢。
連所謂的球證也不聞不間。小投資者,請自求多福。

節錄
不過，愛國壓倒一切(這裏「愛國」嘅定義係要依據呢個護火隊背後嘅組識所界定)，只要係愛國，即使為國家添煩添亂，都係神聖不可侵犯嘅。我都好愛國，所以我堅決支持成立抽水護火團，希望警方盡快開綠燈，等全中國站起來，齊護火，同抽水。

抵制什麼？

佢顧用你地O既人，用你地O既供應商
人地成個經濟循環都係發生O係你地國內

你地抵制佢，後果係:
你地少O左一個有能力顧用大量勞工O既顧主，少O左一個可以購買大量供應品O既買家
人地只係少O左一個經營地區，仲可以專心發展東歐業務

我唔信而家O個班人真係愛國 LOR
除非所有國家駐中國O既大使館都無人辦出國/留學簽證，海外華僑全數歸國「貢獻」
賣清一切國外資產，沽冧期貨市場

咁就真係愛國啦！

我覺得，因為老闆"西"面就轉工。應該無一份工可以做多過三個月。有邊個老闆塊面唔"西"O架！有！唔出糧俾你O個 D 咪係 LOR！

如果俾我揀，我覺得"西"面O既老闆較易控制。O個 D 「喜怒不形於色」O既，真係玩死你你都仲傻下傻下。

講到尾，轉工只有三個原因:

1 錢，2 錢，3 前途

that's all !!!!!

告訴你：常山有個趙子龍

三國人物數量之多，關係之複雜，要用百多分鐘去表達出來，實在不易。
而且，電影竟然選了一個地位較"次等"的趙雲去當主角，實在值得尊敬。

用第三身去描述主角，手法簡單，不用太多篇幅已可以交代大部分劇情，但故事就會比較鬆散。不過電影本身不是要「講三國故事」，所以這樣反而令節奏爽快。

我最喜歡的，是導演加入了原創人物在三國這個舞台。
「曹嬰」一個盡得曹操真傳的"新生代"，用她來反映西蜀的人才凋零。
「羅平安」更是電影的要角，沒有他，誰來說故事。

全套電影，有關趙雲的，都說了。一己之力可克制關羽、張飛，百萬操軍中救回阿斗。
就跟宣傳一樣，電影只想告訴你，三國歷史中，有一個人叫趙子龍

但有關三國歷史的其他，暗地裡也有帶過，但未必每個人也看得到。
其實我更喜歡另一個傳聞 --- 趙子龍係女人 :P
電影其實是"呃鬼佬"的「華語大製作」。但手法高明，未有淪落到丟了華人的尊嚴。
反觀另一套什麼"功夫之王"...........唉.................................

彭浩翔的破事兒的彭浩翔

由於上映時正值考試,抽不到時間去欣賞這套彭浩翔做回自己的作品。到近日才有時間把DVD看完。

難怪連陶傑當日也不停放鱔,因為電影中保留了香港電影的元素。
當然,男女間的角力,更是彭浩翔的強項。

「不可抗力」的對夫妻間"性愛"的寫實及「做節」將部份男性對女友視作洩慾工具的情節,真的很彭浩翔。

「尊尼亞」及「增值」是我最喜愛的。
用初級殺手投射在現今年青人對工作的態度,口說自己是專業,但對前輩的無禮,對工作的輕率以及夠鐘收工的心態,真的令我一邊看一邊笑。

「增值」說出了男女間最親密的事,可以是一件沒有感情的交易,事後男士為女士提供一個小幫忙,反而令兩者在那一刻產生了微妙的感情。但大家都明白遊戲規則,離開房間之後,兩者就不會有任何關係。

「德雅星」是一個學生用謊言去討女朋友的歡心的故事。

反觀「公德心」裡,用英語在夜店溝女,向來認為成功機會較大。但假如說話內容俗不可耐,說英語還是中文,是沒有分別的。男士們,追求女生最有效的方法只有一個-多費心思。

人們談論最多的「大頭阿慧」,故事反而不太吸引我。
因為這些港女遭遇及港女心態,我見得太多。
吸引我的,是八十年代的背景及陳百強的歌曲。

聽聞電影的票房不太理想,當然啦!現在有多少人會帶着腦袋到戲院看電影?
在香港,好電影不會賣錢。

港女十式---頂癮！