其實，我已經差不多有八年沒有去「香港書展」
原因？可能是我變了，又可能是書展變了

中學年代，我是"書展"的常客
排長龍，迫入場
都算得上是青春期的「ON 居事」之一
那一年，"迫爆玻璃門"
到今天，我仍引以為傲

不知道是人大了，還是書展越來越失去價值
以前入場，都會有空間去"看書"
接收不同層面的資訊
但今天，大部份人入場的目的只有一個
「用折扣買書，"折扣"省下的補貼入場費。
然後讚賞自己是一個"精明消費者"。」
而出版又把書展變成一個「散貨場」
"要錢唔要貨"就是各「參展商」的目標
這樣的一個書展，實在找不到一個入場的理由
同樣現象不只發生在書展
食品展、婚禮展各式各樣的"展覽"，說穿了，只是一個又一個的「散貨場」
或許是"香港地"的宿命
絕對是香港人的悲哀

作為一個漫畫迷，當初書展"引入"漫畫出版商
對我來說是一個天大喜訊
也是我每年參與書展的原因之一
大量的漫畫迷入場
令主辦單位"誤會"香港不是「文化沙漠」
基於可觀的入場費收益
主辦單位對漫畫商也「隻眼開隻眼閉」
漸漸把書展變成"限量物品銷售活動"
以致發展成日後的「兵器展」
而我，亦在「兵器展」開始，絕跡於書展

及後，"偶像"也出書
狗屁不通的文筆加上無聊到極的內容
唯一的可取之處，就是作為語文科的「反面教材」
借「簽名會」的招徠，販賣的，是附有文字的色相
在我看來，書展已經變成一場「一年一度的鬧劇」
當然，淫審處的荒謬，又是另一場鬧劇

直到今年的「0靚模事件」
積壓的情緒開始爆發出來
"0靚模"成了眾矢之的
有人跳出來說要"悍衛書展"
又有人跳出來說「寫真集也是"書"，到場推銷有何不可？」
冰凍三尺，非一日之寒
沒有當日主辦單位讓「偶像」矇混過關
今天的「0靚模事件」也不會發生

眼前的"爭論"，一開始就放錯了焦點
你說香港有很多「愛讀書的市民」
我說香港有更多「愛襯墟的鄉民」

我考慮將「純種香港人」呢一項，加入我0既個人覆歷上面

就好似"出生地"同"籍貫"一樣，係一項有必要0既個人資料

殺人犯 - 掛羊頭賣狗肉！

唔好被海報呃0左
唔好被宣傳呃0左
當你買飛入場，完場之後只有一個感覺 - 中伏！
除非你真係好BUY 郭富城啦！
佢「做戲」又真係做得好好0既。

明明一開始係「玩心理」
去到結尾，阿導演聲稱「扭橋」0既方法
原來係用一件無呢啦更0既事去串返成套戲
仲要係用一個角色一輪咀自己講曬出0黎
真係好有當年「金田一少年事件簿」，有佢講無你講

無錯，我地係要俾多D機會新進導演，支持香港電影
但我真金白銀買飛入場
你呃我！？

變形金剛 2 狂派再起 - 物超所值的垃圾片

作為一套商業電影，我會話「好好睇！」
但如果你係一個喜歡睇"故事"0既觀眾
咁就真係SORRY 啦，呢套戲絕對唔係你杯茶
純粹用故事去評分0既話，呢套屬於「垃圾級別」
剔除所有同機械人有關0既情節
成個故事就係男、女主角0既感情問題
我唔明白，如果自己個女朋友「好有市場」
而自己只需要主動講一句「我愛你」就可以穩住呢段關係
點解會要求女方講呢句說話先呢？
我真係"R"曬頭！

俾0左 $70 入場，都仍然覺得「好好睇」0既原因
係因為呢套戲"算得太盡"
有特技，有打鬥，有追蹤，有攪笑，仲有 「美瑾霍斯」
官能上0既刺激完全令你忘記，其實呢套戲有2小時40分！
一開始0既「上海激戰」到之後0既「柯柏文以一敵三」
仲有「攻擊航空母艦」同「"破壞者"合體」
齋睇呢幾場已經睇到你「嘩嘩聲」
不過最後柯柏復活0個場「大戰」，我就真係"跟唔切"
有D睇到眼花0既感覺，可能真係「年紀大」

「承接」上一集，今集都有意無意宣揚"外星人訊息"
總統代表同柯柏文0既對話，反映出人類0既「領導者」有幾短視到無知
又笑0下0個班「外星人狂熱者」幾咁"葉公好龍"
不停去調查"真相"但當佢地處身"真相"0既時候，郤驚慌失措，要求「置身事外」
今集將外星文明同古文明聯結起0黎，
上集都無講0既
但我覺得個「聯結手法」唔係太靚
三言兩語再加幾幅相就交代成件事，太兒戲啦
"異獸戰"就做得好睇好多
堅持要用呢條橋，我想可能係要向觀眾「灌輸一D概念」

要彈0既係，「沙拉保夫」個樣越來越"樣衰"，咁都有得紅落去，就真係天無眼！
明明係「變形金剛」，高智慧外星機械生命體
又撈埋其他0野
無啦啦又有個「美女機械人」，都唔夾0既
仲有0個隻「索斯機械犬」呢兩隻0野識唔識變形0架！
我最接受唔到0既係，狂派好多機械人都唔多識變形，
因為一出場就死，而且個個"差唔多樣"，
我有時都唔知死0左0個個係博派定狂派
睇死人咩！

今年開始，有人0係遊行之後"留守"0係政府總部「要求對話」

但口痕友話「0車，得0個幾丁友！」

但我想話比班口痕友知，今年無50萬人上街

"最多"得7萬幾人。我覺得，遊行人士0既"質"，開始起變化。

今次"只有"百零人，下次、再下次？

係唔係要等到一日，七一遊行只有「萬零人」，但呢萬零人遊行完之後，全數留0係政府總部「靜坐」，到時我睇你叫幾多個差佬"做0野"

定還是0係「國際城市」實施"宵禁"，將執法權過戶俾解放軍。

如果真係有呢一日，我好想睇睇北角班土共有咩反應!!!

你班差佬咁樣跣一哥？

保安局局長、公務員事務局同行政會議
呢D全部都高一哥幾級
你班差當佢地臭四，完全無得傾
甚至煲0太都當佢唱歌

但一哥同你地講幾個鐘，其實都係0個D 0野
你班友個個拍膀頭，即刻「收韁」

大佬呀，而家你地係「中國人」管0架
你地有無讀歷史0架
咁樣攪一攪
一哥就「功高蓋主」
呢四個字係中國官場大忌
而警察仲係香港0既"武裝力量"
睇怕一哥都係「堀頭進士」無得再上0架啦
0係阿爺眼中，你"擁兵自重"
俾你做埋保安局局長，你咪連駐港解放軍都趕返上深圳?!?!
阿爺對差佬一定「抓得更緊」
「作法自斃」，就係你班差佬0既寫照

"漒水強"已經玩到第三單
呢件事除0左證明香港有好多「計時炸彈」之外
更說明，今時今日0既香港警察有幾"廢"
「回歸」之後，警察0既辦事能就每下愈況
當然，包括他們的"一哥"！

之前兩單，都係發生0係星期六0既傍晚
好易令人推測兇徒可能係一個有固定職業
返星期一至五0既上班族
有可能係一個白領
而星期六傍晚係案發地開始"熱鬧"0既地方
進一步估計，「嘈雜聲音」就係觸發佢行兇0既"因素"
人多嘈雜，但唔係最"旺"0既時間
如果兇徒0既"目的"係要「對社會做成最大傷害」
我想佢會選擇星期日0既下午
所以，兇徒好大機會係一個"精神有問題"0既人

但去到第三單案發生之後
因為時間係星期一，
「返星期一至五0既上班族」呢個論點開始站唔住腳
亦有可能係佢0係呢幾個星期"俾人炒0左"
但好肯定佢會係一個精神有問題0既人
而且，佢會係案發地點付近0既居民
而0係第一次犯案之後
警方「大鑼大鼓」話加派人手
但兇徒仍"冒險"0係附近犯案，睇得出兇徒唔係一個「理性」0既罪犯
因為「理性」0既人，係唔會"冒險"去滿足自己0既慾望
0係香港，人多0既地方唔止旺角，犯不著"冒險"
但之後兩次0既案件都係0係附近發生
證明「旺角」，亦係行兇因素之一

而我最擔心0既係，原本第一次0既犯案只係兇徒情緒上0既發洩，
係偶發性0既
不過，特首0既行動，同警方0既表現
將兇徒"激化"成一個「反社會傾向」0既人
第二次同第三次犯案時，用返相同0既手法，
唔多唔少會係一種"TRADE MARK" 0既手段
目的係向警方表明，「我叻過你地，無人可以捉到我」
到第三次犯案，警方「天眼」0既"荒謬"，一定會助長兇徒繼續行兇
因為警方0既「醜態」，會為兇徒帶來更多「滿足感」同「成就感」
可以推斷，兇手係一個屬於「受社會壓迫0既階層」
平日0既生活充滿「挫敗感」，係被社會定性為失敗者0既人

最可怕0既係，而家兇徒可以0係任何日子"犯案"
下次會係幾時，真係無人會知
但估計佢仍會0係旺角行兇
因為第三次犯案，令佢帶來空前0既成功感
佢點會捨得呢度
而下次佢0既行兇目的會開始轉為「對社會做成最大傷害」

目前，我估計兇徒有以下"背景"
中年男性
居住0係旺角
低下階層、低學歷
一個唔需要輪班0既「低級打工仔」
有可能剛失業
精神有問題(但無精神病紀錄)
獨居、性格孤癖、報復心強
有「反社會行為」、「被迫害妄想」

作為一個「必需」於旺角出沒0既市民
可以"自保"0既方法
就係唔好0係下午三、四點之後係案發地點附近出沒
盡量行一 D 唔會太多人同太嘈0既地方
「亞皆老街」同「西洋菜南街」都會係"高危地方"

沒有參與本想參加的活動
原因是「藥物反應」
那夜的心情其實不大好
畢竟是「二十年」的紀念，好應該支持一下
不能出席，感覺很難受
看了相關的新聞之後
六萬幾，十五萬，二十萬
"出席人數"從來是「沒有共識」，已經見怪不怪
但我在新聞上，
看到台上那些人總令我覺得有點「不自然」
為什麼這些「主持人」總喜歡把這些紀念活動弄得如此"嬌柔造作"
觀看著電視畫面，也令我起了「雞皮疙瘩」
來來去去就是唱歌，"分享"
難怪被親共陣營訕笑「吃老本」
不是要你把"活動"攪得有「殺傷力」
但也不必要一直活在二十年前吧？
看完新聞，之前的難受感覺，忽然間減輕了
過去二十年，一直沉醉在「出席人數」
這個迷思中
就當那夜有二十萬人，又如何？
我更希望有二十萬人會在那一夜以外的時間用真相去感染身邊的人，
那種「幅射效應」
比起「出席」，更有價值
我不是否定晚會的意義，
每年一次的活動，提醒我們不要忘記
更提醒當權者，我們沒有忘記
比起"破紀錄的出席人數"
我高興看到有內地的自由行旅客出席
當然，加入了年輕人的力量就更令人鼓舞
成功在下一代埋下種子
才可以把歷史傳承下去
我相信，在我有生之年，
當權者會承認自己當日的惡行
「六四紀念館」一定可以在中國的土地上建立

我懂得是非曲直
但不代表要我絕對認同你的價值
當日陳同學的論述，也不是被你們一句「你講錯！」
被壓得不能翻身，更被你們打成"隱形左派"
在我眼裡，也是一種語言暴力
假如他的觀點有錯，應該用真相去反擊
當日程翔先生的理據已經十分有力
但之後「百犬吠聲」，
更有人用扮訪問去「騙取真說話」
手法之"低"，令人側目
呂志偉在城市論壇上被主持追問得啞口無言
也令實在大快人心
你可以「薪火相傳」
難道別人就不可「找繼承人」嗎？
沒有理據支持的"論述"，
一定會消失在歷史中
其實我認同這種反向的論述存在
只有在不同言論之下，下一代才有空間去分析
去明辨是非
我們要做的，是提供歷史的真相給下一代去思考
而不是當「一言堂」去命令下一代"接收"我們的價值觀

「我不認同你的言論，但我也誓死保護你的言論自由」
這才是民主。

尸位素餐

在為一個制定財務政策0既官員，受到別人提問一D自己無能力解決0既問題時，就爆一句「咁你有咩提議」，喂，個皇點唔係我有咩提議，係你採納咩提議，執行咩提議。

引申到任何管理人，如果有人批評你0既指揮，質疑你0既決定，你要做0既，係檢討自己0既決定，認為自己無錯0既，就做到底。咁當然你要有接受失敗0既勇氣。

如果個個「在位者」，自己攪唔掂都問"咁你有咩提議？"你對唔對得住個個月入落戶口0個筆「人工」？我會質疑你到底有無資格坐0係呢個位。

0係好耐好耐之前，有一個地方
有間電訊公司，因為"編制"問題，
將「銷售熱線」跟「查詢熱線」轉駁到同一批"職員"處理
而理由係「呢 D 0野係佢地0既職責，梗係要佢地做曬啦！」

碰巧，這個地方遇上了"經濟起飛"
市民對電訊服務的需求與日俱增
而這個地方對電訊業的銷售時間有一個古怪的規定 - 每天 4 小時
在規定時間以外，是絕對禁止一切銷售活動的

這間電訊公司的職員開始面對一個"結構性問題"
在「規定時間內」不止要處理"銷售熱線"的「生意」
更要處理"查詢熱線" 的客戶問題
而這間電訊公司的管理人認為，
在規定時間內職員應該用最短的時間處理"查詢"，
好讓有更多時間去處理"銷售熱線"
但職員所面對的查詢，往往非三言兩語可以解決
如是者，因為要同時處理兩條性質完全不同的"熱線"
這班「電訊職員」根本就不可能在"規定時間"內提高自己的「銷售數字」

可惜，管理人卻認為是這班「電訊職員」未盡全力
不斷地逼迫這些「電訊職員」，
卻不打算在編制上解決這個"結構性問題"
可憐這班「電訊職員」，
一方面受著"電訊公司"的壓力
另一方面，因為客戶不會理會這所「電訊公司」的編制
他們只想「我的要求要馬上得到回應」
所以常常投訴「無人聽電話」，
而管理人又會基於這些客戶投訴對「電訊職員」施予更大壓力
活在這個「無間地獄」下，
這些「電訊職員」真是啞子食黃蓮 - 有苦自己知。

這時候，看著這個故事的你會問「把客戶查詢留在"規定時間"以外處理不就可以嗎？」
但，這正正就是這班「電訊職員」不幸的地方
因為在"規定時間"以外，他們有著各式各樣的「文書工作」
更甚者是電訊公司的伺服器都會在"規定時間"以外進行更新，
有時更會關掉
「理論上」可行的，「實際上」難以連作

好好笑LOR

幾個星期前，至同我地講「回應客戶問題都係我地0既"職責"」
幾個星期後0既今日，就要我地"要長話短說"
即係要我地做一個"落盤機器"
好大程度呢句說話會累死新入0黎0既同事

一味要佢地落盤，對其他問題就唔識解決
即係要廢佢地武功，到他日無咁多盤要落0既時候
佢地就會變成只識落盤0既"廢人"
對公司會有幾大好處呢?

將考勤表現同落盤數量掛鉤，個個就只想落盤
完全拒絕花時間去學習更多工作上0既知識
其實變相就做死而家識做0野0個幾個

他日"新領導"上場，我地會點樣都唔知
我對新人0既忠告只有一句說話，
識多D0野，就無咁容易被人踢走

天水圍的日與夜與霧

我覺得，未看「日與夜」，不要看「夜與霧」
係，有人覺得「日與夜」好悶
反而我覺得佢淡淡然中透出一點"正能量"！
一個女人，家中0既長女，
為0左頭家，放棄學業，捱大D細佬妹
之後個個出曬身，生活得最差0個個，又而係自己
結婚，生仔，老公死0左，又要一個人守住頭家
個仔唔算好好，但又唔係好壞
一個女人，自食其力，與人為善
好人好事，個個區都會有。
天水圍，也只是一個平凡的社區

但「夜與霧」，內容源自"天恆村滅門案"
用倒敘方式去講呢個故事
個男人係唔係死有餘辜？我真係唔知
上到大陸，搵到個又溫柔又靚，最緊要係"使費唔多" 0既女人
以為申請佢地0黎香港，食住綜緩過埋收尾十零廿年
但又唔考慮0下個女人咁後生，唔通要人下半世都跟你食綜緩咩？
自己百無聊賴一個人胡思亂想，成日怕個老婆起飛腳，自己就人又老錢又無
可能就係呢種思想，令佢一步一步將自己迫到無路走........
電影中係有D 事去演繹得個男人好壞，但係唔係事實，我就唔知啦

我建議有關部門，好似社署同警察部門都買返「夜與霧」呢套DVD，
作為一個訓練前線人員0既教材。

好難理解會有股東認為#8派 $1.3特別息係一件好事
「阻止私有化」成功，唔代表保得住間公司
小股東以為，一日保持上市地位，一日都仲"有仇報"
可惜佢地忘記0左，
"二少"有班財技高手

而家咁樣，係就係私有化不成
但二少袋落袋0既錢，反而仲多0左

市值三個幾，抽$1.3現金俾你
個價就得返兩個幾，
仲抽走八成現金，攪到公司元氣大傷
#8 已經成為一個半死不活0既植物人
守唔守得住 $2 呢個位都成疑問
相對私有化0既作價
呢個結果其實更 "ON居"
假如一早已經將呢筆"投資" 註銷
袋返 $4.5 現金，點都好過$1.3

我估小股東0既心態係，
保住間公司上市
之後好"天真"咁等「有心人」用佢0既資產注入去
幫佢地「管好間公司」，抬返起個價
但呢個「世紀金殼」，到底有無老襯肯捱義氣
真係「耐人尋味」

有班人比小股東更可憐
就係#8 0既債權人
眼白白睇住佢有錢唔還，仲拎去派曬俾人
想出聲有無計
因為會計制度同公司條例賦予#8有權咁做
呢劑真係長命債長命還
一個唔該，二少"興起"玩「破產保護」(要睇返香港有無得咁玩先？)
咁真係好睇過戲！

"國際金融中心".......

同公司同事踢波，係為0左其他理由
可以收多D唔同0既料，
了解一下公司到底吹緊咩風

特別係PR，佢比較接近"權力核心"
但又唔係真係可以話事0個幾個
如果唔係佢有責任心
可能佢一早就拍拍屁股走0左去
留底班友日日0係度"圍威喂"
聽完佢吐苦水，都有心無力
大家都知道，呢度最大0既問題
係無一個健全0既制度，可以做到「相應0既職位，有相應0既權力」
樣樣都係最大0個個"說了算"
邊有運行0丫！

可能因為阿P 就0黎退休
個個都有一種多一事不如少一事0既末世心態
都幾可悲
一來係阿P 唔想攪咁多啦
二來，攪咁多做咩0丫
將來邊個0黎睇呢度都未知
無謂0丫
再睇睇分行0個班
好明顯，個阿頭就係唔夠班
我一直認為，「管理人」最需要0既，係智慧，唔係知識
可惜，"傳統華資"只睇兩樣0野，「背景」同「學歷」
特別呢度0既中層管理人
水鬼比城隍多！

LS 近年都興「食飯」，我開頭都不以為然
之後，我開始明白佢係想用飯局去收料
但明顯，作為分行阿頭0既RN，一定唔會咩都講
咁UNDER 佢0既阿水，就更加唔敢講太多
阿水係就係口水多，但佢都唔係白癡0黎0既~~~
如果唔係踢波0個陣RN唔在場
我估阿水都唔會講咁多

好笑0既係H
見LS耐唔時請我地呢班舊人食飯
又興起叫我地出去食LUNCH，咪玩啦，對住你，邊有胃口先！
有傳阿P想推H坐佢個位，「食LUNCH」呢條橋，都唔知係唔係阿P諗出0黎
「攻心計」好難用0架
你想收買人，都要人先有興趣至得0架
個個食完餐飯，對你0既好感不加反減
成件事就錯曬啦！

你問我呢
SM 就應該無野心0既，掟0左去分行0既都應該無機會
但LS 同 H 呢，我就唔包啦
根據LS 呢幾年0既舉動，可能佢開始做緊0野
用飯局收風，0係阿P面前做出一個"好了解公司"0既感覺
試圖改變阿P 0既心意，推佢上去
亦可能阿P見到咁，就叫阿H去搵D舊人去食LUNCH

如果真係咁，就真係要買定花生等睇戲啦！

金錢帝國

王晶一早講明，呢套戲0既「目標觀眾」唔係香港人
但
作為一個香港觀眾0既我，我覺得十分好看
回憶一段香港歷
一個根深蒂固0既組織被瓦解
成個社會0既價值觀
因為一個機構0既成立
因為一個權力0既授予
完全改變
係變得更好，八、九十年代香港經濟起飛
廉正公署絕對有功勞
只有公平廉潔0既社會
至可以令所有人都有公平0既機會
用自己0既能力去改善自己0既生活

講返套戲
真係好好睇，
梁家輝同黃秋生，已經係信心保證
都可能係因為有佢地
我覺得陳奕迅表現差0左D
可能佢呢個角色有太多內心交戰
電影中描述0既世界，絕對無誇張
當年0既香港，就係咁黑暗
始終都係一套商業性質0既電影
你唔可以要求佢有太多「歷史資料」
好多時，相關0既事件都只係用傍白去交代
但都可以接受

我真係好希望呢套戲0係國內有好好0既票房

2009 台灣遊

其實都無諗過要寫，不過，為免他日我咩都唔記得
都係寫啦


今次都算出門遇風雨，登機delay，起飛又delay
去到台北機場已經 4 點幾，到0左北投0既"春天酒店"都成 7 點
無時間去淡水，只好去市林夜市
去到一間食店，得一個貌似高中生0既女仔，仲有個似小六0既妹妹
唔知點解，令我諗起7、80年代0既香港，自食其力，拚搏
紅燒羊肉面，雲吞湯同魯肉飯，食到飽飽，都唔使60蚊(港幣)
成晚都落雨，又濕又凍，行0左"市林"一陣就酒店泡溫泉，
第二朝又泡0左一次，好可惜無時間0係北投行0下
我發現北投有個原住民紀念館，下次有機會一定要睇睇！


第二日，食0左早餐，行0左一陣就 check out
搬0左D行李去天成之後，就去0左「二二八紀念館」，
為0左0係裡面拍照，我用0左本護照做抵押.....好笨！
我明白，佢地全都係志願工，但基於佢地有可能係「民進黨」0既人
我好難唔會"胡思亂想"
拎返本護照之後，我好小家咁check 本護照
而家諗返，人地抄曬你D資料就得啦，使鬼換你本護照咩！
個紀念館0既內容，值得睇，但我相信唔係歷史0既全部
旁邊有個紀念公園
咁0岩0個日有"台獨團體"搞活動，好衰唔衰我著0左件印住 CHINA 0既衫
個背脊，有D寒寒地
個日有好多人0係公園打太極，但睇睇又似詠春0既黐手，
又有一老一少打緊唔知係合氣道定係太極，
總之好似去0左「天下第一武道大會」 @_@
之後去0左忠孝敦化度行0下買0下，
又去0左台北車站周圍行
台北 D 地下街真係會迷路！好在佢好多地方都有地圖 :P
返到天成，佢地話upgrade 0左我地間房，有兩張雙人床，間房大好多
唔只咁，間房仲係....尾房>.<
午餐0係百貨公司0既美食廣場搞掂，食物唔難食，而且大把位


第三日都係無無聊聊就周圍走
去0左敦化0既誠品
又去0左行西門
之後「翻兜」一轉市林，下午 5 點幾，無咩人，但無咩店舖開0左
都幾好行



最後一日就0係西門買曬所有想買又未買0既0野
食完個午飯，呢餐最貴啦，食0左5樣0野，成六百幾台幣
3點幾就去機埸
去到都係4點幾，個機場又無咩0野行
0個兩個幾鐘，真係好難殺！


下次要研究0下，係唔係可以0係台北機場坐台鐵去台北車站！
0係台灣食0野真係超平，但唔難入口喎！
如果唔係要買好多0野
去台北玩幾日，真係"唱" 千零蚊港幣就夠曬！
他他條條咁過0左4日
周圍行0下睇0下
悶悶地就搵個地方坐0下，地下街有好多俾人坐0既地方
好舒服
再唔係搵間 CAFE ，十零蚊港幣一杯咖啡，坐幾耐都得
而且間間都大把位，坐得好安心
總之，兩個字，「悠閒」

新宿事件 -- 孕育"歧視"的土壤，名為「自卑」

我唔明點解內地唔「放檢」喎！
成套電影，本身就係一套「華人血淚史」
有咩咁肉酸呢？
唔止日本，歐美一樣有同類事件，呢個係事實
再講，係就係描寫華人0係外國做一D非法勾當
但去到最後，個個都得到應有0既懲罰
用0黎做教材去教育下一代都0黎唔切啦！仲禁！！
唔夠膽面對現實，顯得自己更心虛

「自己人打自己人」唔係中國人特產
日本都有，而且，如果無華人0既加入
黑幫0既力量都唔會大到可以影響社會秩序
黑幫同華人，只不過係互相利用，無話邊個著數

講到文化差異
不得不承認，現今中國人0既文化
如果帶到其他國家，又真係會為當地人做成困擾
呢個，係我地要學習0既地方
唔可以一句「強國掘起」，就唔去尊重人地0既生活文化

見到竹中直人講"漢語"
成龍講日語
我就諗，我地仲需唔需要咁強調種族同國界？

睇完DISCOVERY0個集講詠春0既 FIGHT QUEST
其實當日佢地0黎拍0個陣，報紙都有講過
當然吹到籮咁大，又咩弘揚國術，又咩中國文化吸引鬼佬
最攪笑0既係，搵0左拳總阿徐家傑去做栽判
但有睇開0既都知，0個兩個鬼佬每集都會返佢地學0既搏擊去"玩"返一場比賽
真係唔使太認真，好似少林寺0個集，明明兩個鬼佬唔夠打，
個"主持"都可話打成平手，講到尾，一個SHOW 0者！

0個兩個節目主持當然無義務去幫你弘揚國術
佢地將詠春講成係香港六、七年代一種街頭搏擊技巧
真正詠春0既來由更加提都無提
「連消帶打」「留情不出手、出手不留情」
呢 D 概念更加係"得個零"
0係佢地0既角度，詠春係一種「李小龍學過0既，0係香港好普遍0既近身搏擊技巧」
一切，源於港產功夫片0既「幻想」
都唔係未試過，講合氣道0個集，兩個白癡走去韓國
加入0左跆拳道0既"異種合氣道"當然，
佢地亦無講過，合氣道係源於日本貴族0既"武技"
對住一班不求甚解0既外國人，
唔好被 DISCOVERY 呢個"牌頭"呃0左你

但我真係不得不佩服梁挺
詠春之所以「風行國際」，佢真係出0左唔少力所以，
我好羨慕其中一個節目主持可以接受佢0既教導，雖然只有五日
梁挺梗係一個好好0既「推銷員」
呢個絕對唔係負面形容詞
當另一個節目主持同另一個師傅學點樣將詠春拳確確實實咁應用0既時候
梁挺就帶個主持呢度去，0個度去
去西貢碼頭，企0係船上對打
又去新界圍村，教個鬼佬「六點半棍法」
可能梁挺知道，睇呢個節目0既人係一班從未聽過詠春0既人，
所以就加0左呢D「花巧0野」去吸引佢地0既注意
因為詠春0既「實用性」有另一個師傅去介紹
佢就選擇用呢種手法去介紹詠春0既另一面

呢種推銷手法，好犀利。

供股後記

今次都可以話係一次大型0既「公司行動」
成個中環0既AE都要參與
當然，我呢個一直做開供股，而又做得耐0既，梗要跟到足

第一日係好混亂，之後就上曬軌道
好慶幸唔使日日開OT，最後兩日，有D同事仲可以準時走人
我呢個「由頭跟到尾」0既人，都覺得好成功

六千幾個客，最後搵唔到0既只有八十個人
「盲毛」就得兩個，都算係咁LOR
又有機會見識一下班友係點開會，
SM又問我幾時考完CFP，有一刻我真係諗「呢壇0野如果攪得好好睇睇，係咪會升我0架？」

但我最在意0既，係有人唔開心
當日，L問我要咩人幫手，我諗都唔諗就話要RN
個死仔成日話無0野做，無心機
今次咪當試0下佢係唔係得把口LOR，佢真係唔掂0既，以後又可以「睇少個」
呢個細路係懶散，但佢係做到0野0既
只不過我地公司0既文化，要上面D人覺得你「得」，至會俾0野你做
難得今次我叫做有少少話事權，咪幫0下佢LOR
費事佢真係走0左，0黎個低能0既，損失0既，咪又係公司
但我千算萬算，就係算漏今次負責呢壇大0野0既經理級，係阿RY
真係好難理解聰明人個腦諗0既0野，RY 係想件事行得好D
不過，佢想0個套，我覺得實際係行唔通，畢竟，一直落手落腳0個個係我
只不過今次「情況特殊」至要搵個經理睇實成件事
頭一兩日我已經盡量掩護呢個漏洞，但因為溝通0既問題
最後都係出0左事，我以為RN俾阿DN 炒0左鑊，所以唔開心
點知原來係因為RY話佢"唔做0野"而發老脾
唉，後生仔，衝動都睇對手0丫！
有傳RY 試過初0黎報到就已經篤走人0架啦，人地高手0黎0架！
基於寧可信其有，我都拿拿聲0係阿L面前同RN 講返兩句
同L 洗0下腦，費事RY真係發功，攪走RN
之後又要安撫返RN，費事個傻仔學人"遞信"！

今次供股事件，都算係寶貴0既一課。

舞吧!昴 - 電影好看，漫畫更好看！

以「改編」來說，可算是"忠於原著"
當然，要求100%「絕對移植」，是不切實際
人物性格，以及彼此的「關係」也明確地道出
但有很多細節，「由於時間關係」而省掉了
所以，喜歡這套電影的朋友，一定要找回漫畫去"補習"

其實它不是一套「芭蕾舞電影」
它想說的，是一個天才的故事
只是這個天才所身處的，是芭蕾舞的世界

加菸草稅

我雖然支持社民連
但站在「加菸稅」這個立場
我就跟他們唱反調

社民連認為
減酒稅加菸稅是一種「不公義行為」
但政府早說過要發展餐飲業
減稅是很理所當然的決定
就好像港英時代為避免有太多私家車佔用路面
對汽車首次登記稅便抽得又重又狠

加菸稅可以看成是禁菸的其中一項措施
而且菸不是「必需品」抽少一點、戒掉真的那麼困難嗎？
你說酒後駕駛傷害大
但由抽菸引起的慢性病也在拖垮醫療系統
這種爭論是沒有結果的
你要反對加菸稅，就請說「堅決反對增加菸草稅」
不要說，「加菸稅，減酒稅。殘民自肥」
增加菸稅，目的是要阻止年輕一代成為菸民
假如你們真心為「食0左幾廿年菸」的市民著想
應該考慮的是如何減輕他們的負擔
而不是動不動就「上街抗爭」

18MAR2009

一個警察用熗擊斃一個南亞裔非法入境者
其實真的很難定錯對
胡椒噴霧無效
用警棍又不及人家一張木椅子
在「生命可能受威脅」下，用熗，也是"逼於無奈"

我覺得問題的根本，
就是「訓練不足」
為什麼在一對一的情況下
胡椒噴霧加警棍也不能把疑犯制服？
答案顯而易見再說下去，就好像在侮辱警察

近年來，我覺得警察的處事方式改變了
以往的「使用最低限度武力」這個信條已放到"櫃桶底"
取而代之，就是「用壓倒性力量去對付目標」
情形就像用十個警察對付三個古惑仔
用五個警察對付一個示威市民
用商業罪案調查科去對付發佈鹹相和老翻的電車男

在這種潛移默化下
胡椒噴霧無效就要警棍
用警棍也敗給對方就要動用手熗
「程序」十分合理
因為「用壓倒性力量去對付目標」
哪管是在單對單的情況下，對方只有一張木椅

watchman 保衛奇俠 - 中年人的碎碎唸

以下評論可能有所偏頗
因為我是在一個「頭痛到爆」的狀態下欣賞這部電影

兩個半小時不停說話
故事又轉來轉去，以為轉到結局
原來是另一個引子
令人覺得很「醃悶」
最"倒胃口"的，是那些人物做形
不但「甩甩漏漏」
而且
由一個中年發福的女士穿上一件緊身衣，
實在有點....虐待觀眾

拍這個題材有點向難度挑戰
因為不把各個人物交代清楚
就說不清楚電影想說的"主題"
我明白，所有主角都是「古人」
不免要花時間作出"介紹"
但四、五個角色實在有點「口水多個茶」！
更甚者，很多事件都只用對白交代
看得懂的，就會明白不
懂的，就不知道他想"寸"什麼

電影本身有很多話要說
我們希望得到神的保護，
但我們卻用神的力量去殺人，
在神的眼中，我們根本不值得保護。
我們希望有英雄「維護和平」
但又有誰去「維護英雄間的和平」?

面對人類的墮落
英雄們好像失去了團結的力量
有選擇逃避，有選擇不聞不問
有堅持伸張正義
更有人想到用更大的「恐懼」
去令一觸即發的世界大戰消失於無形
看到這裡，你會否想起911及之後的事情?

當然，要"寸"不止911
還有我們縱容罪惡的司法制度
人類好戰的特質
「英雄」的"價值"
就連"神"的存在也暗暗地受到質疑

電影本身的點子很好
可惜真的有太多沙石
像一個有很多果核的西瓜
甜美多汁，可惜弄得一口都是核

龍珠-全新進化

假如你係因為鳥山明0既龍珠而"有興趣"睇呢套戲
我會建議你慳返呢$60
因為，真係掛羊頭賣狗肉得好緊要
如果無0左"龍珠" 0既元素
其實係一套「美國青春片」
成件事變0左另一樣0野
我每次睇呢D「改編電影」，我都會催眠自己
「將"相關資料"放0係電影院門口，我而家係睇緊一套"全新"0既電影。」
結論係，「美國青春片」唔係我喜歡0既類別。
唯一可以讚0既，係D特技好睇得出係特技 lor

當日睇完「22世界殺人網絡第三集」
我就對荷里活0既"真人版龍珠"好有信心
我指0既信心，係特技0個方面
心諗正正經經抽"原著"一段0黎拍都 OK 啦
點知信心被摧毀，佢仲將件事改到鬼五馬六
由友情、冒險，變0左救世界、信自己

我最失望0既係，佢將「西雅人」0既身份改0左
唔係「宇宙中0既好戰民族」
即係日後可能無「比達」、「超級西雅人」0既出現，好灰.......

我唔明，日本文化同中國文化真係咁難分
鬼佬要笑我地0既飲食文化，我無0野好講
因為佢地0既飲食根本就無文化
但你唔好將日本、中國同西藏 0既文化"撈"埋一舊叫做東方文化
然後灌輸俾你班美國細路 lor

估唔到出0黎做0野十幾年
仲有機會俾我見到「ON 9 仔」鬥「低能仔」
真係太陽底下無新事

一個明明係夠膽做唔夠膽認0既懦夫
0係FACEBOOK 寫D 0野單單打打
就當自己係英雄
好 ON 9 LOR！
兜口兜面講，「我唔妥你」我就話你叻

大家成年人，出0黎做0野
你估仲係小學生咩
真係咁本事，咪唔好「屈」0係度LOR
都唔知 D 人諗 MUG？
唔妥佢0既，呼當佢透明LOR
勞氣都覺得「益0左佢」

而且，我都好同情「低能仔」
根本一開始佢就入錯行
「鐘意呢份工」有Q用咩！
真係做得到至得0架
我有同佢講過叫佢搵另一份工
因為佢真係好唔掂，
但佢一句「鍾意」真係俾佢吹漲！

我明有D人係變態0既，
喜歡搵一個「既定目標」去"鬥"
就算係損人不利己
都在所不惜
你以為咁做，就代表自己好巴閉咩？
"攪屎棍"、影響公司"和諧"
我係老闆都唔會升呢D ON 9 仔啦！
無權在手你都攪到多小動作
到你有權0個陣，你咪癡X 0左線
唔好咁 ON 9 啦
由分行俾人調返0黎都仲唔「醒水」
"性格決定命運"，多少都有D 道理。

成龍為什麼不能背棄香港？

今日，信報副刊徐詠璇話「成龍怎能背棄香港！」
哈！真係好笑
因為「成龍係香港哺育出0黎0既國際巨星」
根據呢個羅輯，所有接受香港教育0既人，都唔應該移民
因為你地0係度「背叛香港」
即係你能力不濟，我搵另一個幫手，
你話「一場兄弟咁都唔搵我，你無義氣，唔諗交情。」
你係唔係癡0架！

首先，我唔係成龍0既fans
我只係覺得，一個人，用0左十幾年去同政府「要求/爭取」一件事
政府都係 "闊佬懶理"，再有熱情0既，都「X 你老X」啦！
你老兄而家話人地背棄香港？！？！
紫檀係最堅硬0既木材，做出0黎0既建築物，本身已經係一個特色
再者，成龍係一個好受日本歡迎0既國際巨星
你要發展旅遊業，日本0個班銀髮族點解唔係你地0既目標？

人地成龍花0左十年時間，效率再差0既制度都會有回應啦！
唔好再叫人地「等多一年都值得」
唔好當任何人係白癡！尊重一下人地0既智慧。
根本政府 DAY ONE 就無考慮過呢件事。
所以我支持成龍0既舉動0架
你又懶懶閑，人地主動向我提出喎！十日之內有回應喎
被你都受啦！

雖然，我好欣賞新加坡有關部門0既效率
不過，他日我有錢移民，新加坡都唔會係我選擇0既頭三位！
由一個極權去另一個極權？
咁做咩要移民呀？

阿姐莫生氣

阿姐其實唔使咁嬲o既
「崇洋媚外」一直都係呢個政府o既"特色"
而家全世界都興「電腦動畫」
人地係"國際品牌"加上政府唔使俾一大筆錢出o黎
就算人地真係「掛羊頭賣狗肉」
呢個白癡政府都會"落疊"o架啦！
都唔係第一次O架啦！嬲咩o丫！

再講，過去幾十年，粵劇有無「與時並進」先
一講粵劇，個個就只會聯想到「嘈宣巴閉」、「大龍鳳」
o依o依o我o我，都唔知唱咩
最衰係唱來唱去都係o個幾個劇目，大部分係中國歷史
阿姐，而家中學無「中國歷史」呢科o架啦！
你搵咩去吸引年青人呀？
老D o個班又鐘意返深圳"唱曲"，
唱完仲可以揼埋骨
使鬼屈o係香港呀！

八和會館有幾個多成員係40歲以下o架？
民建聯都知道要年輕化啦！
你地有無鼓勵年青偶像去推廣粵劇先？
人地詹瑞文「單人匹馬」都可以打出名堂
你地咁"歷史悠久"o既社團
日日就話政府唔幫你
又話比人陰亁，淨係識攬住間爛鬼戲院要生要死
想點呀？幾廿歲人，識諗啦！

粵劇有太多「歷史包袱」
而且又鬼咁多"迷信o野"
呢樣又唔改得，o個樣又唔做得
有心人都俾你地BAN到無癮啦！
點樣將傳統容入現代，就係你地八和要做o既事
政府唔幫你？大佬呀，你地有人有錢有政協
咁都要人幫，即係要人睇小你o者！

責斥別人前，都要檢討一下自己
唔係話你錯曬，但有D o野係要做o既
當然，你可以一直「保持現狀」
等你地死下一個，死下又一個(唔係詛咒你地，人一定會死)
「粵劇」呢個文化就會俾你地用o黎陪葬。

敗在別人的心魔下

直到今天，我仍然覺得大菲(史高拉利)沒有離開車跆士的理由
上一季，"無人駕駛"也得到「三亞王」
不是教練利害，是球隊本身的「動力」太強
就像一輛跑車在行走時放開油門，車子本身也有動力繼續前進
只要接手的不犯什麼大錯，車路士也會有好成績

到今季大菲接手
季初的好表演，已證明他老人家的功力
可惜
車路士本身主力老化的問題，也開始出現
「衝」了大半季，隊中的傷兵、疲態開始出現
正當大菲想去解決這些問題時
老闆就說你無能，要炒！
真的很無辜？

大菲再利害，也不能令車路士今季拿下聯賽冠軍
因為車路士有著「球員老化」這個問題
歐冠也有可能，因為是主客淘汰賽
只要在聯賽中「避重就輕」，保著下一季的歐聯資格
拿個歐冠「串」一下摩連奴，不是皆大歡喜嗎？

為什麼老闆不給大菲兩三季的時間去調節球隊？
我想到的只有一個原因 --- 源於他對摩連奴的心魔
「佢可以，點解你唔得？」
「佢都得，你就唔可以唔得！」
摩連奴的成功，是天時、地利、人和下「神的惡作劇」
拿他的"成功"來比較，對任何一個接手的，都是不公平

情形就好像，你女/男朋友的「前度」是一個"近乎完美"的人(至少你的另一半認為是)
而你的女/男朋友又時時用你和他來比較
當然會常常被「比下去」
無論你做什麼好事，
得到的都是「佢比你做得好」
在這樣的關係中
你會快樂嗎？

13feb2009

不經不覺，又過了一年。
大約一年前，有人說過，讓我試試處理客戶投訴，
但一年過去，又好像什麼事也沒有發生
反正見怪不怪，我才不會放在心上
畢竟，嘴巴吐出來的一切，從來都是「零責任」
當日我也是抱著「係真唔係呀？」去接收這個信息
對別人，我的要求會定得比較低
因為不是人人都跟我一樣，守著同一套價觀

別人覺得，話是我說，但不是由我決定
所以責任不在我。這是哪門子道理？
「每個人都要對自己的說話負責，
自己沒有能力影響的事，
不會亂作決定」
明明是一個傳統道理，偏偏就沒有太多人照著做
這種人當我的上司
實在是我的福氣，
因為無需花太多心機跟他「鬥法」

又"吹風"改收費方式
我第一個反應就是，無人會再"月供股票"
之後，我們的"主要工作"就是電話報價
到九月港交所真的推行免費即時報價
我們就不再有存在價值

早幾年積極開拓「基層市場」
是一個不錯的方向，
可惜用錯方法
新的收費方式一但推行
假想敵就不再是耀才、大福這類證券行
因為我們已失去跟他們比併的競爭力
回歸到「銀行證券交易服務」這個戰場
這個戰場，更難打
雖然匯豐、恆生等大銀行開始"淡出"
但其他銀行早幾年已發展出「音頻電話落盤」、「SMS 覆盤」等增值服務
但持著「真人落盤」，我們一直"不屑"去發展這些服務
在相同的收費基礎下，我們明顯"落後"很多。
很快，我們的「基層客戶」便會流失。

「馬後炮」一點
當時要做的，絕對不是請一大班沒有經驗的「持牌人士」
應該大大提升網上交易系統，為「網絡化」做好準備
除了提升硬件，更要加強職員的工作能力
不是請一大堆「落盤機器」
而是改變A.E. 的角色，把「搵錢」的工作交給電腦，
讓「人」去處理交易以外的客戶服務
一方面客戶交易時可以更快捷
另一方面，處理客戶其他問題時，
亦可提供一個專業形象。
可惜，「口爽荷包"立"」
加上無謂的硬件投資錯
失了一個好機會
更要面對當下這個高不成低不就的困局

家有喜事2009 - "笑片"而已

剩女、敗犬，都是近年形容香港女士的名詞
事業心強加上社會地位較高
令這班女士缺乏追求者，甚至變成別人眼中的「變態老姑婆」
用這個人物做故事主體
假如正正經經的去發揮
以谷德昭的"功力"，我相信可以挑戰近年拍得有點濫的
「偽愛情哲學」電影

可惜，把這個主題拍成笑片
是最大的浪費
而且，電影本身連「喜劇」也算不上
被人家騷腳板，大部分人都會笑
但不代表騷腳板會令人快樂
笑聲過後，其實什麼也沒有
「過年睇o既戲，真係唔好有太大要求」

古天樂的表現，跟「絕世XX」系列差不多
吳君如，我覺得她把"中女"的形象放得太大
鄭中基的發揮不多
令我真心發笑的，竟然是李香琴及夏春秋


電影中的笑料，部分是「炒冷飯」
你可以說是向歷代「家有喜事」致敬
但以一套中港合作的作品
同樣經過刻意計算的電影
「遊龍戲鳳」明顯高明得多
"我還未準備進入你的世界，但歡迎你進入我的世界"
這對白如果是代表「遊龍戲鳳」中香港電影人的立場
那「家有喜事2009」就是
"一頭跳進對方的世界"

全民退休保障的阻力

我之所以支持社民連，除了他提倡廢除「"強制性"公積金」外
還有要求進行全民退休保障

「強積金」的設立
其實是政府對「全民退休保障」的"卸責方案"
把由政府負責的支出
轉嫁到市民身出，由金融機構管理，
表面上，市民用現在的收入去支付將來的支出
實際上，市民要獨力承擔二、三十年的投資風險
更要向金融機構支付一筆高昂的「管理費」
整個制度中，金融機構得到即時回報，政府逃避了將來的負擔
市民得到的，只有「聽天由命」四個字。

全民退休保障，一切由政府包底
政府的收入，來自各項稅務
開支大了，自然就要加稅
有些白痴的政客，為討好選民
這邊要求減稅、那邊喊增加福利
根本就是愚弄選民的混帳王八蛋

可惜，香港人
好聽的叫「自食其力」
難聽就叫「自掃門前雪」
對歐美那一套「高稅率，但全面保障」
當聽到高稅率三個字已反感，管你什麼全面保障！
特別現在的經濟環境
歐美已開始考慮減少社會福利的開支，
「全民退休保障」已經受到衝擊
風平浪靜時，在香港推銷這個制度也困難重重
在金融海嘯的當下，就更是「不可能的任務」

世上沒有完美的制度
你要少交稅，就要為自己準備「保障」，
問問自己，你有能力不至於「臨老唔過得世」嗎？
如政府提供良好的醫療、教育服務
有能力讓所有長者"有尊嚴"地生活
但要你繳交收入的30%甚至50% 作為稅款

你會如何選擇？

100個咯喀等你請！

上個有成百個咯喀比人炒o左，反正都係兩個站最嚴重，咪每個站擺四十個，其餘廿個分派其他車站。我保證無人夠膽再衝閘！

The Curious Case of Benjamin Button

假如不是Brad Pitt
假如不是「金像獎提名」
我想無人會讓它在農曆新年這個檔期上映

整套電影都有種"沉鬱"的感覺
自少困在老人院，加上傍人常說他很快會死去
令主角早早認識到何為死亡
雖然在電影中段主角嘗試積極面對自己的人生
但女主角遇到的意外讓他意識到，
「世事無常」的一切其實冥冥中早已安排

電影更道出了「真愛不能相伴到老」
主角知道自己的"病"，不可能令最愛得到幸福
為她安頓好生活後，便各自好好地活下去
直到主角的生命走到盡頭
再次跟最愛「重聚」，並在她懷中離開人世

在高高興興的農曆新年看一套這麼「不會令人愉快」的電影
離場時的感覺有點怪怪的
就好像「在靈堂上切生日蛋糕」

主角的「逆轉人生」
帶來的"生活問題"固然是電影的主要骨幹
但他的人生觀其實更值得細味
「嬰兒」跟「老人」但其實兩者沒有分別
同樣要人照顧，同樣需要關懷

車公大元帥真係好靈o架！

「君不須防人不屑」 「眼前鬼卒皆為妖」

你更係唔使防你身邊o既「人」啦！個個都係牛鬼蛇神，"送你上路"o架咋。

「秦皇徒把長城築」」「禍去禍來因自招」

唔好屈立法會呀，o個班人唔係你"選"o架。你"選"o個班係行政會，無法啦，你老哥玩"親疏有別"。

「家有內鬼，自身不安，家宅不吉，求財不遂」

講到咁白，唔識字o既都明啦！

不過

我知道，你係相神0既！

http://appledaily.atnext.com/template/apple/art_main.cfm?iss_id=20090127&sec_id=4104&subsec_id=11866&art_id=12137491


祠堂緊要定一條生命緊要先？
你班友保住個祠堂但係作孽，對得住祖先咩？
只係整一個窿救返佢出o黎o者，都唔得？
有隻懷孕o既狗監生餓死o係祠堂隔離，我又唔覺得有幾「老黎」lor！
祠堂餓死狗，我覺得係對祖先大不敬

又吹減人工

「沙士」就吹 CUT 人
而家就吹減人工

我都費事諗咁多
但個個就一人一句
驚咩喎，「一係做」「一係唔做」
你有得揀咩！

上次話CUT人，都攪一大輪
咪又係一兩個
而且，減人工係有「後遺症」o架
到個市一好，最快"起身"o既，一定係有能力o個班
呢一刻，你以為減人工佢地唔會反抗
但佢地係會記住，係最適當o既時間就會出手
最ON 9 o既係，你幫其他公司訓練緊一個人才
我呢 D ，高不成，低不就
你做咩我都無所謂
最好你 ON 9 到整走曬 D 人
到時你o係出面搵唔到人
我就等你升啦！:P
呢間公司，唔使鬥叻，只要唔好做最蠢o個班就得！

遊龍戲鳳 - 比想像中更好看

「愛情小品」一直是香港電影人的"撚手小菜"
加上劉德華主演，絕對有品質保證。
但其他配角也有出色表
實在是意想不到，
林嘉華固然寶刀未老
何韻詩也用行動告訴你，「我懂演戲」
姜大衛、肥媽，就連林子祥也會令你 "過目不忘"
加上兩位內地演員張歆藝及張涵矛，是度身訂造的角色
不得不佩服，電影背後的種種計算
全套電影都是在澳門取景
但拍攝背景的方法，令我聯想到「杜琪峰」


三對情侶的愛情故事
各自對愛情的態度，面對的問題，串成一部電影
但三個情況，其實也只是一個「世俗」的問題
愛情明明是兩個人的事，
但就過不了「世俗眼光」這個無形枷鎖
這個枷鎖在不知不覺間讓人不敢去「找尋幸福」
而電影用了一個好特別的手法 - 電視台直播節目
說出了「幸福是要爭取的」這個課題
有人找到，有人找不到
窮人，有錢人，誰也不會有優勢
比起農曆新年，其實更應該在情人節上映

而最最最想不到的是
這部愛情小品也有「催淚彈」
而且，是由林嘉華主理
到現在我也不明白
為什麼我會對這個男人的心態有共嗚....

赤壁下集

就算是「正史」，也是由人寫的
我信相，再"準確"的歷史，也會有偏差
所以我不會把「赤壁-決戰天下」拿去跟文獻比較
一來無聊，二來沒趣
「要了解歷史，請到圖書館，不要走進電影院」

我會說「赤壁」是一套好好看的電影
當然，我不會計算他的"歷史成份"
因為我相信導演想做的只是「借三國這段背景，說自己想說的事」
要指責吳宇森
請先去信日本領事館聲討一下「霸」、「一騎擋千」這些作品吧！

後世人都對赤壁之戰「津津樂道」
但導演把當時的場面重現大家眼前
並告訴你，「任何戰爭中，都只有輸家」

戰爭場面固然好得沒話說
周瑜跟孔明的"較量"，也很好看
草船借箭，道出孔明用自己的知識去解決問題
而周瑜則利用反間計去解決最大威脅的將軍
一個學識廣博，一個攻於心計兩各有所長，
根本就不需分高下
再說，「兵臨城下」仍作意氣之爭，本身就不是大將之材！
曹操的所謂「有容乃大」
從他提升"千夫長"的方法，
到斬殺將軍
說明了他確是「什麼人也用」
但也是因為他「有些人用不到」

當然，世上沒有完美的電影
孫尚香在"作戰會議"的舉動，
即使在唐朝，也叫過份，何況在三國時代？
勉強說是「表現人物性格」吧
一個"千夫長"對「奸細」的態度，太兒戲了
不可能以一句「北方人瀟灑。」就可以無視軍紀吧？
敵方大軍壓境下，孔明竟可"變"出一批「連弩」
比「起壇借東風」更神奇！
中村獅童的扮相，其實更適合做"大戲"
我最在意的是，
周瑜竟可以跟趙雲並肩殺敵
是周公瑾不成比例的強，還是趙子龍被大幅度"弱化"？

以上都是電影中的一些"問題"
但我覺得沒有什麼大影響
請把「三國志」及「三國演義」放在電影院外
好好享受這部精心製作的電影

同場加映

在香港電影市道低迷下
我發現到一個「商機」

話說近來，每次入戲院看電影
總會發現兩三個「喋喋不休」的組合
而且多是一男一女的組合
可能平時沒有什麼共同話題
但在看著同一套電影時，大家就是「做著同一件事」
而且這件事不能用在家看DVD代替的
因為只有困在戲院才可以「心無旁騖」

那就在戲院加建「獨立廂房」
好讓這些悶得沒話題的痴男怨女
困在房中談個地老天荒
不要侵犯其他人享受電影的權利

就是這些「沒教養的混蛋」
把真正想入戲院的觀眾趕出戲院
看來
我也要開始儲錢
更換家中的影音設備......

機動部隊--同袍

無論說得再動聽，說穿了，「警察」也只是一份工
就好像其他職場"打工仔"一樣，有著各式各樣「色相」

有人忠於自己的「職責」
有人利用手段 "上位"
有人求表現，不擇手段
有人不思進取，只懂怨「運氣不好」
活像一本「職場眾生相」

但相對其他職場
警察(包括所有紀律部隊)
「使命」也是構成職責的一部份
當大家都要以「警察」這個身份去執行"使命"時
大家就不再是「競爭對手」，是有難同當的「手足」
而這種「矛盾」
在杜琪峰眼中，其實跟「黑社會講義氣」沒有什麼分別

電影本身沒什麼特別
但導演卻暗地做了一些「手腳」
過去警察都令人有一種比較 "迷信" 的感覺
而已在更在電暘中加入這個角色去加強這個印象
但在尾後的槍戰
卻在聖詩把所有人帶到同一個地
而疑犯更是在聖母像前舉手投降
充滿「宗教意味」
「一切一切都自有神的安排」
「神會指引出"正確方向"」
導演在傳教啊！

09 JAN 2009

已唔想講「家庭」定「家居」
任何人受到暴力傷害
我地都有責任去保護佢地
唔係要你落手落腳，打個電話叫警察都得o瓜？

立法會議員o既「善變」
已經唔係新鮮事
呢 d 人係香港人揀o既
你鬧佢地無能即係間接笑自己係白痴
假如你以「我無投票」為傲
我會話你無資格做香港人
因為你無為香港o既未來出過力！

保障「同性戀關係間的人生安全」，是否等同承認「同性婚姻」
相信智力正常o既人都會有答案
偏偏立法會內最缺乏的就是這種人
就連所謂「愛世人的宗教」也可以為著「守護教條」而妄顧他人安危
簡直不知所謂
亦因此，我支持神再行一次「神蹟」- 天火焚城！

我絕對相信，衝擊「一夫一妻制」的人
異性戀的人一定比同性戀的更多
為什麼要把這個罪名加在同性戀者身上？
是否只要是異性戀，對伴侶不忠就可以得到寬恕
啊，不是的，會被人指罵為「賤男」、「狐狸精」，多"嚴重"！
同性戀者，即使從一而忠，也要被人"擲石頭"？

假如現在立法「任何對伴侶不忠的人都要被火活活燒死」
那麼，我會接受「家庭」不包括同性關係

關人隱仕！

基本法例明「國防外交屬中央政府管轄」
那麼，港人若在海外遇上問題，屬"外交事務"
根據基本法，好應該向當地中國大使館求助
假如由特區政府處理，就是「違反基本法」
試問在特區政府內，有哪一位夠膽去犯這天條？
我相信，當日由保安局到唐英年，心中都有這個"信念"
因為，「我們相信基本法」
即係"唔關我事，就唔想多事"

神探伽俐略電影版 - 被騙得很舒服

「我把一切都揹負，為的是要我愛的人可以得到幸福。
我不要求她有什麼回報，即使將來她把我忘記也沒所謂。
當我不奢求"愛"的時候，她竟然對我的愛作出回應，
我很悲傷，因為我為愛所犯的罪，最後令我得不到愛。
無奈、痛悲」



觀眾反應 ----- 笑



「當我在人生最低潮，正想了結生命時。
她闖進了我的生活，給我生存下去的意義」


觀眾反應 ---- 笑


冷血得近乎沒有人性，所以香港人現在這麼折墮是有原因的，是活該。





牢騷發完
回說說電影

看了的朋友不要把「行兇手法」告知未看的人
因為整套電影最好看的就是「看似是幾何的問題，其實要問的是函數」
看到湯川把他的分析娓娓道來，就只好怪自己沒有那份心思
因為，一切線索其實早已告訴你，是你未能把他們串連起來


柴咲幸的的戲份少了，完全是角色所限。她只是一個地區警署的警察
全權調查的，是直屬中央總署的草薙，當然不可以事事也「跟到尾」
最好笑的是，內海的拍檔知道案件交由其他部門處理時
做出一個「握拳」的手勢，表示 " YE~S ，唔使我地查啦？"
是其中一個「應該笑的笑位」

早幾天，陶傑在光明頂也說過這套電影，
我也認同幾個論點
雪山那一幕，說明了湯川其實是在石神之下
「物理是通過觀察，再透過實驗去得出結論」
「數學，一切都是在腦內進行推算」
沒有他人協助，物理天才就不能完全發揮
相反，數學天才只要靠一己之力，就可以解決問題
當然
也是因為這個原因，令這個數學天才覺得生存沒有意義
因為，沒有人明白自己，自己又對數學以外的一切毫無興趣

未入場時，我以為是類似「暗戰」的鬥智鬥力
但原來，是一套講述「天才都是悲劇人物」的電影

這裡是「鄉港」！

由「才子偷歡」到發展至今的「圍剿佳人」
人人仍樂此不疲
那種"關心"的程度
那種咬牙切齒的態度
令我不禁想問
閣下對貴子弟的感情生活
是否同樣「上心」？


證據就只有那麼一張照片
之後就炒作到女方啞忍廿年
真的「諗到就當真」
女方真的會是一個默默忍受伴侶不忠的女人嗎？
用腦想想吧！
令壽堂會可能「為O左頭家」啞忍丈夫北上包二奶
但她可是「新一代香港女性」的代表之一啊！
你認為她會忍，那就是侮辱了她

之後的說話就更加「反智」得可怕
什麼「得米」，什麼「甘心受騙」
「玉女掌門人」重出江湖，廣告合約即從四方飄來
足證自己仍有"市場"
需要為「金錢」委屈自己"搵靠山"嗎？
想不到在公元 2009 年
「封建思想」仍 "陰魂不息"

天啊
這個地方有資格稱為國際城市嚒？
這個地方沒有市民
有的，只是一班人云亦云的「鄉民」

最可悲的是
他們不相信世上有「真、善、美」
他們不相信「愛，可以包容一切」

真的要認真推行「集體談判權」及「工會法」

醫院職員「見死不救」
甚至更早時候的「雷曼事件」
有沒有想過，假如香港有相關工會
情況又會如何？

現在，有關負責人只是輕輕說一句
「前線人員做事不可"只跟指引"，要有common sense！」
真的是春冰薄，人情更薄。
銀行業的負責人就更賤
每月向職員 "捽數"時，就說要擇手段，最緊要「有數交」
到發現有不誠實銷售時，
就說是「前線人員的疏忽」
要數天下間最下賤的手法，些必"榜上有名"

想想以上事情
前線人員都只是「打份工」
攪不好，「嬴得了正義，但輸了工作」
沒有任何"力量"保護下，
面對不公義的事情
只有兩個選擇，「做」或「不做」
為了保著自己的利益
「與其我死，不如你死」
人性使然，實在不能責怪
易地而處，任何人也會這樣做

假如前線人員在有工會保護下
在業務上面對不公義的事情
他可以向工會反應
在工會支援下，他可以反抗僱主「過份的要求」
而且
員工亦可以表現得更專業
因為他們都知道
自己是一個專屬工會的一份子
有必要做好本份
建立行業的良好形象

我真的想不到理由
政府要對這個議題採取「拖字訣」

葉問 - 練武術不如習武德

「武術，是一種武裝力量。
但中國的武術，
更包含了儒家的精神，
武德，仁也」」

《葉問》是一套好電影，無容置疑
當甄子丹不再"甄子丹"的時候，他的動作變得更好看
當然，也有可能打的詠春，所以少了以往的「霸氣」

但我想說是
我覺得好看的原因
不是因為《葉問》是一套「動作片」
而是它描述了中國傳統夫妻的 "角色定位"
電影前半段，
無論男人在外面有多風光，甚至前呼後擁
回到家裡，也要尊重太太，事事以女人為先
而女人呢，只管好家事，就算有強敵上門挑戰
也要相信男人可以「盡快攪掂」
去到電影後半段
男人就算在外面捱得再辛苦，
回到家中也只是一句「搬煤o者，有幾辛苦！」
家庭而外的事，全都獨力承擔，
簡單就是，「不要令老婆擔心」
女人看到丈夫受傷，沒有問長問短
只是默默為丈夫處理傷口
要做的就是，「不要為丈夫添煩」

看到這些"傳統價值"重現
已經十分感動
再加上主角表現出一個「中國人」應有的 "氣度"
國難當前，面對入侵我國的敵人
出手要最狠最絕，不留餘地
太平盛世時，即使身為武術高手
總會向對方「留有一手」，只求分出高下，絕不傷人
假如要找一個宣揚「武德」的 "代言人"
我想葉問比李小龍更合適

荒失失奇兵2 - 四個好朋友的成長故事

如果將上集和今集合併來看
主角上集由動物園，去到以為是"非洲" 的馬達加斯加，
今集一開始是想由馬達加斯加「飛」返紐約，卻又誤打誤撞去到原先的目的地 - 非洲

我是看粵語版的，對白很好 (看得到有花心思)，讓人看得放心
今集少了詹瑞文，但周柏豪也很洽當，
因為今集的長頸鹿不再只是"神經質的傢伙"，而是一個"情竇初開"的少年
I LOVE U BOYZ 就更出色，我不會"穿"他們「聲演」什麼角色，但我可以保證
他們的演出真的很搶鏡，完全表現到對白需要的神韻

四隻企鵝和兩隻狐猴 (希望我沒有記錯吧)
為電影製造不少笑位
大家真的要細味他們的對白，因為真的很 "啜核"
好像在修理飛機時責怪達爾文
跟猴子公會談判
還有當大家決定要長頸鹿邁文做"祭品"時，狐猴最後說的那句說話
我覺得是最"寸"的一句對白
也有影射一下「人類破壞大自然，危害動物生存」

我會想
多少人會在四個主角身上找到自己的影子
你有引以為傲的才能，但卻被身邊的人否定嗎？
你有想過自己是獨一無異，到頭來卻發現跟你一樣的人原來比比皆是嗎？
你有因為傍人的說話，就懷疑甚至否定自己的能力嗎？
你四出找尋真愛，但你有發現最愛你的就在身邊嗎？

香港倒後鏡 - 結婚禮儀

香港倒後鏡 - 式微行業

地球停轉日 The Day The Earth Stood Still

不能說不好看，可能之前的「明日之後」「天煞-地球反擊戰」洗了大家的腦
大家都以為這是一套 "視覺特技片"

要欣賞得開心，就要用相應的心態
電影的目的不是要娛樂你
而是要教育你
沒有大量視覺特技及動作場面，十分正常
至於結局，我也覺得草草了事
但你又要想想，如果將「事實」拍出來
你接受得了嗎？草草收場，都是為了保護你們脆弱的心靈吧！

為什麼外星人不可以說我們的語言，
不可以食我們的食物
電影更道出一些好有趣的題目
外星人來到我們生存的地方，當然要用我們的形態去生存
而數學同音樂是宇宙共通文化
最最最重要的是，我們不是被一個外星文明觀察
而是「一組」文明，而且他們也很包容，首先派出"觀察員"來評估我們
證實我們沒有資格在宇宙中存在
才去毀滅我們
畢竟「宇宙中絕少適合文明存在的星球，實在不容浪費」

看完這套電影，令我最心寒的是，
我們不止摧毀自己
更正在毀滅我們的下一代
戲中的小孩，一出場就是正在玩暴力的電腦GAME
之後，對未確定來意的生物所採取的態度竟然是「先下手為強」，
開口閉口都是「殺死他」
聽見都感到可悲

文明的進化，應該是心靈和科技一同提昇
一個擁有高科技但心靈低等的文明，
最後只會毀滅自己
具體例子，電影已說了出來
單看美國政府應付外星文明的態度就知道！
這部電影，不只是講「環保」，講「愛護地球」這麼簡單。

無聊文 @ 08-12-12

我發現自己到了一個地方
這裡十分熱鬧，男女老幼不停穿梭
但我卻是在一個牢籠內看著這個光境
牢籠之內不只我一個，大家都被擠在起
籠外有人在指指點點
他們選定之後
便會有人帶走我們其中一個
由於實在攪不清發生什麼事
我便向身傍那位問，那些人要帶我們去哪裡？
那傢伙冷笑一聲，
「你新來的嗎？他們不是要帶我們走，是要殺死我們。」
「為什麼要殺我們？」我大惑不解。
「你這傻子！他們是要吃掉我們呀！」
那傢伙開始怒罵
「你知道我們在這裡等什麼？等死呀！」
我慌忙探頭出籠外
看到那個剛被人帶走的傢伙
被人到刀子在頸項劃了一刀，然後隨手拋進一個桶子內
那傢伙沒有即時死掉，仍在桶內不停掙扎
我向身傍那位抗議，「為什麼他們要這樣殘忍？」
那傢伙冷冷地說，「這叫放血，他們說這樣會好吃一點。」
「把血放掉之後，他們便會拔掉我們的毛，挖出我們的內臟，再把屍體掛起。」
我實在不敢相信
在一個熱鬧的地方，會公然進行這麼殘忍的暴行
我四處張望，我要知道這裡是什麼鬼地方
最後，我看到兩個字
「雞檔」

lkaromn教導魔術方塊LBL基本解法

Burn After Reading

一套睇得好舒服O既電影
故事簡單易明
睇完會有 D O野諗O下
但又唔使好用腦

笑O下 D 只注重外表O既人
寸一寸自以為好叻O既美國人
笑CIA O既權力令美國無曬私穩
又諷剌一O下官撩制度下
政府部門O既運作可以有幾荒謬

如果唔係有奧斯卡呢三個字
我估Brad Pitt 同 George Clooney 都未必拍呢兩兄弟
呢兩個都算係少數靚仔得O黎又識做戲O既演員

其他想轉形O既「靚仔小生」
應該學一學佢地兩位
唔係話"乸"埋塊面，肥腫難分 + 滿面鬚根就叫「有演技」。

樹大好摭陰
其實都幾O架
特別呢度O個班「中層管理人」
同特區官員一樣唔使點用腦
「主導思想」講咩就做咩
"無風無浪到公卿"
小事唔想理，大事又唔到我理
最重要你地唔好俾鑊我揹
打到呢D工，幾生修到啦！

次次都係咁
大行一有裁員行動
我地都會有風吹出O黎話 CUT 人
都好O既等大家都有「危機感」
唔會 DUM 懶個身

其實大環境係有裁員
不過銀行CUT O既係 IT同SALE 「個人理財」班 SALES
基本運作O個班，仲未波及到
因為佢地都有早幾年O既經驗
SARS O個陣 CUT O左太多人
到個市一起返就唔夠人用
特別係 SARS 後發展O既"非利息收入"
要O係市場上搶人
今次 CUT 呢班
我相信好多都係O個時搶返O黎O既人
特別「雷曼迷債」之後
政府一定會嚴管銀行O既銷售服務
到時根本就唔需要咁多 SALES

睇返呢間公司
我又驚唔驚呢？
都唔到你驚，天要下雨，娘要嫁人
到你決定咩！
而且，過去請O既，好多都係"落盤機器"
我覺得真係有料O既，唔到一半
當然，我諗O既，又點會同老闆一樣

邊個理性，邊個民粹。一眼睇曬！

民進黨連「船飛錢」都輸埋 LU

藍 綠 互 轟 　 蔡 英 文 被 罵 「 無 恥 」

民 進 黨 發 起 「 圍 城 」 抗 議 卻 意 外 爆 發 嚴 重 警 民 流 血 衝 突 ， 藍 綠 陣 營 昨 繼 續 相 互 究 責 並 要 求 對 方 道 歉 負 責 。 藍 營 指 控 民 進 黨 預 謀 施 暴 ， 民 進 黨 主 席 蔡 英 文 應 負 責 ； 綠 營 則 指 控 馬 英 九 總 統 懦 弱 不 能 捍 衞 台 灣 主 權 ， 才 會 逼 民 眾 走 上 街 頭 。 蔡 英 文 昨 到 醫 院 看 望 受 傷 的 綠 營 立 委 時 ， 意 外 被 民 眾 嗆 聲 ， 指 她 「 無 恥 」 。 蔡 則 反 指 ， 馬 如 走 過 街 頭 ， 就 會 明 白 「 人 民 期 待 是 甚 麼 」 。 蔡 英 文 被 視 為 台 灣 下 一 屆 總 統 選 舉 馬 英 九 的 主 要 競 爭 對 手 。 近 期 ， 一 改 昔 日 理 性 形 象 ， 積 極 走 上 街 頭 ， 頻 頻 在 新 政 府 的 施 政 上 ， 與 馬 針 鋒 相 對 的 蔡 ， 昨 日 與 馬 分 別 到 醫 院 探 望 圍 城 中 受 傷 的 民 眾 。
諉 過 黑 幫 惹 黨 人 反 感
不 過 ， 蔡 英 文 往 台 大 醫 院 探 視 因 圍 城 活 動 受 傷 的 黨 籍 立 委 ， 意 外 遇 到 一 名 中 年 婦 人 不 斷 怒 罵 ： 「 蔡 英 文 ， 無 恥 ！ 你 讓 那 麼 多 人 受 傷 ！ 無 恥 ！ 」 蔡 相 當 尷 尬 ， 低 調 回 應 稱 ： 「 社 會 有 不 同 的 看 法 ！ 」 多 位 國 民 黨 立 委 昨 怒 斥 民 進 黨 是 「 暴 力 黨 」 ， 指 蔡 應 改 叫 「 暴 力 小 英 」 ； 指 她 沒 有 擔 當 ， 不 敢 負 責 。 馬 英 九 也 指 ， 蔡 英 文 應 對 流 血 衝 突 「 負 最 大 的 責 任 」 。 他 說 ， 蔡 「 選 擇 了 一 條 她 不 熟 悉 的 路 ， 做 了 一 些 她 不 擅 長 的 事 情 ， 得 到 了 一 些 意 想 不 到 的 結 果 。 」 馬 昨 日 下 午 亦 臨 時 決 定 ， 到 新 光 醫 院 探 視 受 傷 警 員 ， 除 致 贈 慰 問 金 之 外 ， 並 要 求 警 政 署 長 王 卓 鈞 ， 務 必 把 施 暴 者 繩 之 於 法 。 對 於 圍 城 釀 成 流 血 事 件 ， 蔡 英 文 稱 ， 不 能 排 除 有 中 南 部 的 黑 道 人 士 ； 針 對 部 份 媒 體 指 圍 城 行 動 失 控 ， 她 反 駁 表 示 都 控 制 在 合 理 範 圍 內 ， 比 較 遺 憾 有 部 份 群 眾 到 圓 山 ， 如 黨 內 有 人 涉 及 ， 「 會 以 黨 紀 處 理 。 」 對 此 ， 民 進 黨 台 中 市 黨 部 主 委 陳 大 鈞 聽 了 後 ， 很 不 爽 。 他 反 批 蔡 沒 有 經 驗 ， 出 了 事 又 沒 有 擔 當 。 而 根 據 目 前 警 方 逮 捕 的 十 多 名 滋 事 分 子 來 看 ， 初 步 清 查 暫 無 發 現 幫 派 分 子 。 台 灣 《 蘋 果 日 報 》



共產黨同國民黨眉來眼去，香港人唔好再發夢啦！

忽發奇想

美國，其實你認唔認同都好，始終係一個有能力影響全球o既國家
邊個成為美國總統，好多人心目中都認為呢個人有能力影響全球

假如你相信，人類o既起源係來自非洲
講得非洲，即係"黑人"啦
即係話，地球人o既「正宗"」係"黑人"啦！

咁，而家有個黑人做美國總統
即係"地球"由「正宗o既地球人」"管理" 啦！

外星人應該都願意同我地溝通啦o瓜..................................................

很久沒有寫 BLOG，可能是我想盡情去玩
因為下個月開始我又要回到「學習模式」
準備十二月的 CFP 考試
也有可能是我開始"化"，
早幾年還有點「憤世嫉俗」
但是近來我寫少了對公司的不滿或是對社會的不滿
不知是「哀莫大於心死」還是被現實同化了。

我承認，升O左我做 SENIOR ，有人認同自己O既價值，
我係開心O既
但你話係唔係咁就滿足呢？
都係O個句啦，加我人工好過升我職啦
我又無學位，唔通叫人升我做經理咩
我仲驚過你啦！
我而家工作上O既滿足感，其實大部分都係來自教 D 新同事做O野
隨時間O既改變，自己O係公司O既角色一定會唔同O左
有 D 新人睇住你，好難好似以前咁「率性」
又係唔係要做「狗」呢？
打工，難聽 D 都係做人隻狗O架啦
睇你想做隻聽話O既門口狗定係幫到主人O既獵犬O者
我知，我未有資格做牧羊狗O既！

睇O左黃毅力本「 CEO實戰手冊」，
個名改得怪怪地
因為成本書都係教「打工仔」心得
當然佢係由老闆角度去睇件事，
再加上以前佢打工O既心得
仲有好多做人處世O既道理
$128 可以學到呢 D O野，真係物超所值
覺得貴O既，可以買 CK 本「人在中環」，
平 D但水平就差少少。
好想介紹俾人睇呢兩本書，
但又怕人以為我寸佢
唉！！！

近排個世界"立立亂"
早兩日，英國官方又承認有同 UFO 接觸仲有外星生物目擊事件
好鬼末日 FEEL
如果末日O既意思係將我地固有O個套價值觀同生活系統打破
重新建立另一個制度同價值
咁末日應該到O左啦！

之前有人吹「秘密」呢本書
講到驚為天人
但本書講O既O野我由細個已經開始咁諗
對我來講之不過係一本「心靈雞精」
呵呵
由此推斷
我可能真係一個 " OLD SOUL"
不過極其量只係一個 "LIGHTWORKER"
轉生到地球O既「工作」就係幫助
"indigo children"同"crystal children"去改變呢個世界
:P

好在，應該做o既都仲有人識做！

港府採兩項措施保障存戶及穩定金融市場
14.10.2008 18:51


港府因應世紀金融海嘯的沖擊，即日起動用外匯基金，全面保障所有銀行存戶，亦會成立銀行備用資本安排，在銀行要求下提供額外信貸，措施會到2010年底，再作檢討；財政司司長曾俊華強調，本港銀行體系健全，但需居安思危，防範於未然，兩項措施都是預防性，目的是加強公眾對銀行的信心，不預期會啟用外匯基金。金融管理局總裁任志剛表示，由於其他地區亦加強存款保障，香港如果不為存戶提供百分百保障，可能出現存款跨境轉移的風險，他又強調，本港聯繫匯率制度二十五年來行之有效，不擔心聯匯受到沖擊。

你係咪低能架

<匯港通訊> 立法會議員對於本港是否提供百分百存款保障意見分歧，金融服務界代表詹培忠認為，現時為存戶提供10萬元最高賠償上限，已不能切合需要，建議政府提供百分百保障，加強社會對金融市場的信心。
他相信提高存款保障將有助提升香港金融中心的地位，尤其有助吸納大量內地存款。他認為，政府可動用外匯基金為銀行存款擔保，但監管機構需加強監管，檢討是否要增加存款保險的保費或要求存戶負擔部份保費。
然而公民黨黨魁余若薇則認為要小心研究百分百存款保障的議題，因涉及金額龐大，大幅提高保障額會帶來較大風險。雖然香港外匯儲備雄厚，惟本港人口老化、貧富懸殊，亦需資源處理，無可能動用大部分外匯來保障存款。

大佬呀，呢個係一個保障，係俾存戶一個信心。等佢地可以放心將存款放o係銀行。要真係銀行出事，政府先要科水O架！而家水浸眼眉，你就去關懷弱勢人士？早幾年唔見你講！你呢番說話O既潛台詞係話香港銀行體系有問題，提高存款保障，政府會拿屎上身。
你老闆，你呢 D 咪叫唱衰香港LOR！

你係唔係賤人？

問: 增肉成先生，請問你係唔係賤人？
增: 我係唔係賤人，同我參選係無直接關係。而且一般人都對"賤人"呢個詞語有負面思想。所以我唔僧回應呢個問題。

咁，我相你就算唔係賤人，都應該係一個屎忽鬼！

無知，不是免除罪惡的藉口

所謂o既「銀行理財中心」
原來只係一個"免受監管下進行受監管活動" o既地方？
所謂o既「客戶經理」
亦只係一班 "把口幫你理財，個心就想顧住自己 D 財" o既「推銷員」？
呢D 情況，好易出現哄騙、誘導o既出現


我支持證監同金管一定要查到底
加強監管
收緊銀行"被容許"進行o既「銷售活動」

點解我身為「半個」銀行從業人員會咁講呢？
因為
我考緊 CFP 嘛
如果政府對"財務管理"o既要求收緊o左
咁我呢個 CFP o既專業資格就更被肯定
呵呵呵~~~~~

風雲決 - 上o左畫你都未必知！

原來早在七月份，國內已經上映
但就吊詭在
國內一直都無「出碟」
連我那個常常北上"買碟" 的朋友也沒有聽過這套動畫
疑幻程度
直逼「阿拉臘山上的挪亞方舟遺址」

雖然不是首部香港出品的動畫
我覺得值得入場
不過
請忘記過去有關風雲的記憶 (包括漫畫、電影)
由於近年 ONLINE GAME 的興起
令電腦動畫技術好進步
背景很出色，但人物就比下去
打鬥場面做得不錯
完全把"港式動作片"移植到動畫上
而且
過去由真人演出時，由於加入了電腦效果
總覺得有點 ...... "不真實"
今次這些效果用在動畫上，
整件事情就變得「合情合理」

也不是沒有缺點的
好像
「爬上陸地"覓食"的鱷魚」
「三條絃的"二胡"」
還有
近乎業餘水準的配音......

支持香港電影 - 保持通話

荷里活o個個版本，我真係未睇過
所以，陳木勝話保留o左 D 原版o既"好o野"
我真係唔知係咩
我俾錢入場只係因為三個字 - 陳木勝

雖然原版都係叫「荷里活電影」，但其實唔係咩大片
個故事就更加係"搵戲o黎做"
不過，你唔好理，慘得過當年有老闆肯拍
我相信如果唔係「改編荷里活電影」
有個香港編劇向老闆賣條咁o既橋
我肯定佢一定被人用粗口鏟到上天花板！

"保持通話"，
成套全部都係香港拍o既，
又飛車又鎗戰，成套戲好緊湊
好o岩香港人睇

o係香港政府o既"支持"下，算拍得好好o架啦
特別最後o個場戲
將機場博覽館化身做香港機場
都真係估佢唔到，但又好似喎
香港政府時時話香港國際機場幾勁幾優秀
點解唔借俾香港人拍戲，去宣傳你呢個咁優秀o既機場呢
我真係 R 曬頭。

電影最後加o左 D o野去化解男主角同個仔o既心結
又俾 D 空間你地諗下佢同女主角o既發展
平衡o左之前o個 D 緊張刺激o既情緒
古天樂同張家輝真係好用心去拍
當你睇完套戲
知道劉燁o既真正身份
你會覺得，呢個角色真係好o岩"講普通話o既人"做喎！ :P

20世紀少年

無睇過漫畫其實唔係咩大問題
有可能你會因為睇完電影而去睇返漫畫版
電影一開始，其實已經講o左成個故事
都無必要故弄玄虛啦，可能八成入場o既，都知道個故事講咩


第一集o既故事只係兩個時空
已經唔算難明
最頂癮o既係，
佢地可以將電影角色o既造型跟足漫畫o既做型
真係問你死未？

無我想像中咁「大懷舊」
起碼"大板世博"就已經 CUT o左好多
(根據漫畫所講，呢件事其實係好影響o個一代細路o既思想
巨大機械人o既意念其實都係從中走出o黎)

在不同的跑道上，走向同一個方向

一個廿多年的"兄弟"，終於排除萬難結婚了
感覺有一點奇怪
坐在席上，看著這個「茂利」
回想大家中學時的"奇行怪事"
就好像是上星期發生的事
一轉眼，就進入人生的另一個階段

人生在世
大家都係向著同一個方向走(死亡)
不過，有時會與其他人走在同一條跑道上，
面對相同的處境，建立共同的記憶
有時又會因為各自的際遇而跑到不同的跑道
創造各自的人生
難得廿多年仍可跟他維繫這份友誼
老實說，我已把他視在兄弟

看著這個"兄弟"
我衷心祝福他這段婚姻
因為，他真的花了很多心力
不過我也很怕仔被騙，左右做人難.......

結婚，絕對不只是兩個人的事。

處境故事
阿甲同阿乙星期日去旺角行街，
咁O岩佢地前便有個行動不便O既人阻住佢地
阿甲就爆O左句，「行得咁慢就唔好出街啦」
阿乙聽見，就話，「你咁講O野O架，人地行得慢，更係有原因O架啦」
阿甲就解釋，「我都係出於善意O者，條街咁多人，佢行得咁慢，好易比人撞親O架」

成件事，到底係阿甲O既表達能力令人誤會
定係阿乙對別人O既言論太敏感
我唔敢下定論
唔同人睇事物都有唔同角度
我覺得「無禮O既善，本身就係一種惡」

奶粉就毒幼兒
豆腐渣學校就害學童
無牌酒吧就殺年青人

我真係唔知呢個"國家"到底想點?

可否不要那麼仆街
當初無人迫你玩期指
你亦知道係要追孖展


賺你應為係應該
O甘輸我就話你活該

追你孖展就型阿之阿佐
再唔係就惡言相向
又話返緊工，又話咁短時間湊唔到錢
呢 D o野，DAY ONE o個陣已經講o左俾你知架啦！

為咩先
做人可以做到咁仆街
我真係唔識做

睇o下邊個大鑊 lor！

http://news.bbc.co.uk/chinese/trad/hi/newsid_7620000/newsid_7621300/7621312.stm

如果無中央，香港早就「完蛋」的話

咁無香港o既話，你班友 D 仔女個個帶部洗腎機讀書啦！

"香港叻仔"的下場

o係香港，被叫得做「叻仔」o既，唔多唔少都有以下特質
滑頭、看風轉舵、耍小聰明

最「香港仔」o既人版，就係特首曾先生

睇到佢而家o既處境
而你仲以「香港仔」為榮

我衷心祝福你
「無風無浪到公卿」

http://news.sina.com.hk/cgi-bin/nw/show.cgi/2/2/1/553508/1.html

http://opinion.atnext.com/viewArticle.php?iss_id=20080830&art_id=11539982&fid=269

http://news.sina.com.hk/cgi-bin/nw/show.cgi/273/3/1/852467/1.html

睇O左好多網上論壇
有 D 言論，你又唔可以話佢錯

成日話選舉論壇好似街市賣菜
大佬！知唔知選舉條例扼殺O左候選人O既創造力。
所有人都要有公平O既時間發言，名單又有十幾人，一張名單得O個幾分鐘，可以講到咩呢？
班人仲要言不及義，講一大堆廢話，你認為成個選舉論壇可以有幾"理性討論"？
係我都用O個幾分鐘去引人注意啦！
咁要引人注意，自自然然就要鬥大聲，呢個係必然結果，
如果人地大聲講O野你就行開，完全唔俾機會自已去了解對方說話O既內容，
損失O既，可能係你自己。

又話如果唔係比例代表制，單議席單票制，民建聯O既代表就會入唔到立法會，到時就成為一言堂，總之就講到世界末日一樣。
怕咩O者，到時親建制派就大條道理叫政府開多D委任公職。選都費事，正接入局。
而且，今屆投票率得45%，上一屆叫做"高"，都好似無60%。
有人計過，親建制O既「鐵票」兩屆都係大約五十零萬。
我相信，以佢地O既"動員力，單議席單票制O既時候，佢地就會有另一個玩法。
呢個係雞同雞蛋O既問題，唔可以話因為而家個結果係咁，就話另一個方法會不利，
因為另一個規則，就會有另一個玩法。

最重要O既係，全香港人都知，真正主導香港政制發展O既，係中央政府，
反正而家個環境又唔係咁好。
政府O個班高官又好似有智障咁，樣樣政策都亂咁O黎。
更係要搵D惡人入去"鎮一鎮"啦！
我到呢一刻都仍然相信(將來唔敢保證)
當立法會有更多榷力，個政府又開明開放O既時候，
香港人就選一D真真正正"做到O野"O既議員入立法會，
同政府一齊建設香港。
我希望這個不是夢想。

2008年香港立法會選舉

因為輸了直選議席就說「更加擔心直選」
是哪門子的道理？
明明是自己不得人心 (或策略錯誤)
就否定一個較現在更"公平"的制度
這幫人永遠「輸打嬴要」
妄想一輩子白吃政治免費午餐

社民連的選舉戰略是成功的
看看九龍東，「前特首候選人」一心要當"票王"
最後只得到進入立法會的最後一個名額
別忘記民主黨是分拆了兩張名單參選
結果是「李華明讓你半臂都夠嬴」
癲狗早說了要在泛民選民中搶票只是你們危機意識差，沒有作出準備
你們竟妄想"領導香港民主發展"
請清醒一點，社會地位比別人高，並非什麼大不了

我最可惜的是陶君行
要不是今屆少了一個席位，未來四年，社民連就會有四個人坐在議事堂
他，絕對有資格成為一顆政壇明星

我的機械人女友

http://cyborg.gyao.jp/

日韓o既混合體
一套睇得好舒服o既電影

認真一D睇
唔單單係一套"時空交錯"
直情就係一套「平衡宇宙理論」o既入門

第一個
因為死唔去而癱o左 o既時間
第二個
因為機械人的出現而改變o既時間
第三個
因為"女朋友" 出現而將會發生o既時間

但其實
有好多o野，好難解釋

心理影響生理

就好像傷心會流淚

他的心裡
任他說得多瀟灑
還是有壓力
他的腳踝，只是反映他的壓力
實在不必要有太多陰謀論(有部份我是相信的)

人的身體
是很玄妙的

地心探險記

http://www.journey3dmovie.com/

如果唔睇 3D 立體版
只係一套好普通o既「暑假o靚仔電影」
呢 D 戲，你當係去「狄記」或者「環記」睇 4D 電影啦！
唔同o既係，張椅無機關
而且
戴住個眼鏡成個幾鐘，都幾唔習慣。

個故仔講咩其實無所謂
分分鐘仲衰過 「木乃伊 3」
不過
睇得呢套戲，如果唔睇 3D版，真係唔好浪費時間睇呢 D 戲

老實，係好好睇o既！
不過，你話下集會拍「阿特蘭提斯」，我又覺得野心大o左 D
但如果佢真係拍到，我又期待喎，「阿特蘭提斯」o係海底
你想像一下用立體方法展示"波濤洶湧"o既水，幾壯觀呀！

仲有，你要有準備，成個 HOUSE o既觀眾都會 " V 嘩鬼叫"
不過
無所謂啦，咪當自己去o左主題公園睇 4D 電影LOR！
$90 張飛，值唔值，自己諗。

北京奧運對我最大o既得著
就係令自己更確定會被人打成「漢奸」！

柔道決賽，無中國就唔講
足球，好波唔播，中國隊就跟足
夢 8 o既比賽，睇怕都要搵 BT
因為中國無咩泳手，所以就全程跟足「菲比斯」，好在！
中國人
13億人口o既「強國」
隊際運動o既成績，除o左女排同女足，仲有咩可以俾人睇？
搵幾十個出色o既運動員去踢足球同打籃球，真係咁難？
中國男籃，有鋒無衛
中國男足，連落場都未有資格

中國男人無團隊精神，唔會合作，
一個人都仲可能做到成績，成班人o既話，就只會互相扯後腿，影衰曬！

做人咪 X 咁貪！

http://www.takungpao.com/news/08/08/05/GW-942078.htm

可能o係佢眼中，
「我退休打咩工關你 X 事，你班友唔好阻我搵錢！」
「三百萬一年喎，你做唔做先！」

不過
梁先生，我地就係要阻你發達
你退休之後，已經袋o左幾百萬
之後個個月可以領長俸到死o個日
老實講，夠啦！
你仲想點呀！
你係要做，都用o下腦諗諗丫！
你去老麥賣包，無人會出聲o架！

你鹵味
做人咪 X 咁貪啦！

存在的意義就是戰鬥
世界只有同伴與對手
沒有是非對錯
只需揮舞拳頭

把武器緊握在手
無論是敵人或戰友
只能跟著命運走
奉獻我們的所有
不需選擇朋友
不會寬恕對手
更未想過要逃走
全因你幾個指頭

當系統關掉之後
所有的生死戰鬥
都只是純粹虛構
明瞭這一切之後
求你別再當人偶
白白讓生命流走

近來在facebook瘋狂地玩著一個小遊戲,叫古惑仔online,發現這個平台已被"香港化"。

竟然有人可以超過一百個朋友!
假如每星期跟十個朋友見面,也要三個多月才可把所有朋友見一次。
忙碌的程度,可以想像。

我很懷疑,在這些人心中,"朋友"代表什麼?
是跟你一起殺時間的"戰友"?還是可以互相扶持的知己?

表面上交遊廣闊,但內心可能空虛寂寞。
我的交友態度可能會令人覺得很冷漠。
但我十分清楚什麼是朋友。

世界變得越來越有趣。
明明是做着一件強人所難的事,卻把自己幻想成「公民抗命」的先鋒。

在八號風球下,不但不考慮自身安全,更要求別人向你提供協助。是哪門子道理?
人家早已說明不是先到先得,但你們就是不相信。
請問,為什麼你們會安排貴子弟報讀一所你們不信任的學校?

為一個幻想,妄顧生命的人固然愚不可及,
但屈服於這班人的白痴更是"膠"到不得了。
把自己弄得兩面不是人,試問你對得起接受勸喻離開的市民嗎?

政府威信之所以江河日下,
原因就是出於這些不知所謂的危機處理。
為解決一個小問題,却引發出一個大問,
即是"超低能"。

低能政府配一個反智社會,
絕對是世紀大災難。
難怪有人說幾十年後,香港就會成為"中國其中一個城市",
慢慢失去原來的光彩。

何時才有屬於我們的「食客」

呢套戲o係戲院上映o個陣，我就知道係"好o野"

不過，一陣無時間，連DVD 都無時間睇

好在今晚有時間可以o係有線睇到，果然真係一套好電影！

我一直都好欣賞人地保留自家傳統文化

所以我喜歡日本、歐洲，因為佢地識得欣賞自己o既歷史文化

成套戲唔單止係介紹韓國o既飲食文化

仲係好正面咁向觀眾介紹一次韓國o既傳統同歷史

難怪o係韓國有好好o既票房成績

每次睇完呢 D 戲，我都好感慨

點解人地可以拍得到，仲咁好睇

而我地(兩岸三地)就........

o黎緊有套「一個人的奧林匹克」

我好希望好希望

呢套戲會令我有「中國人」o既身份認同

香港女士越來越強。
這是個不爭的事實，一方面，女人越來越多，成功的比例自然會多，另一方面，男人越來越不濟。
其實我不是想說社會問題，我係想講 WALL E
係，仲係 WALL E

因為我睇完之後，我覺得 ...... 真係好中!
當你o既正規學歷只係去到中五，而可以有一個大學畢業o既女朋友
呢個女朋友仲要唔係「港女」
咁你睇完呢套戲，你都會有同感
無論你幾落後，都有機會搵到一個好好o既伴侶
當然你都可以有一個同你同水平o既伴侶，但所需o既條件都係一樣。

男人們，你地好似忘記o左吸引女仔o既一種武器 --- 生活情趣
可能你而家o既工作係好乏味，但唔代表你o既生活都同樣乏味
生活情趣，係可以唔使錢，簡單 D 講，要求好底o架咋！
再強o既女人，其實都係一個女人，只要你唔乞佢憎
大膽 D ，表現一下你o既情趣，再關心一下對方，體貼D。
成功率好高o架
來來去去都係o個兩三招，你唔悶，個女人都悶啦！

由今日起，培養一下生活情趣啦
唔知點做，就睇多 D 書啦

從來只想放任自由
地厚天高漫遊宇宙
無奈現實規矩太落後
難以去一展身手

未要當群龍之首
只想活在當下就夠
求有自由天地
用血汗去實現所求

無名無利無成就
是否叫一無所有
只想活到最後
仍能對生命無疚
創新思想未會接受
行空天馬成階下囚
墨守成規到最後
棟樑盡變爛木頭

緊抱心中的宇宙
自在自樂已足夠
棱角決不會磨走
努力仍未被接受
只好說句請你走

一個人,一間屋,只得一部兩匹冷氣機。
唔開就熱死,開就十分唔環保。都係吹風扇算啦!

四年前,我俾咗機會公民黨。
過去四年,我見識到呢班人只係擺形象、得把囗。
今年,我決定俾機會社民連,
至少,佢地真係會落手落腳幫社會最底層嘅市民。
死啦,三十歲人先做"左仔"!

看完一套好電影，即使凌晨三時，仍未會想睡

過去一個星期,全香港只有一個話題: 蝙蝠俠。
因為電影本身實在有太多話題,IMAX拍攝、香港取景、Heath Ledger 的過世,甚至近日Christian Bale打母親及姊姊,不得不說一句,滿城盡說黑騎士!

有太多太多人談論過這部電影,我也不想再說太多。
不過,我認為一定看IMAX版本,畫面的細緻,只能用"歎為觀止"來形容。

無論問哪一個,想信任何人也會答,今集的主角必定是JOKER,
但應該說,蝙蝠俠是今集的大配角。

JOKER當然是蝙蝠俠的一體兩面。
TWO FACE 的改變,GORDON 的經歷,全都要靠蝙蝠俠的襯托才變得完全。

想不到Gary Oman 可以把GORDON 演得這麼有血有肉。
Heath 的過世,更是觀眾的損失。不能拿他跟Jack Nicholson 比較,
後者只是把一個漫畫角色電影化,
但Heath 是把JOKER 現實化。
個人覺得,Heath 是死於"方法演技引發的工業意外"。

電影的成功在於,任何人也用不同角度去欣賞這部電影。
可以單純的看一套特技片。
又可以把它看成諷刺美國的反恐手段。
而JOKER 的種種手段,更是哲學入門,他操控別人的陰暗面,簡直是一種藝術。

太多人去考究JOKER 的過去,但我認為,出自他囗中的兩個故事都是假的,只是操控別人的技倆。
反而ALFRED 說
「他們不能被收買、被威脅、被說服或被協商,有些人只想看到這個世界陷於混亂。」
這段說話已完全解釋JOKER 的一切。

一套講愛情o既環保電影

好睇，好笑
但又有D可悲
因為竟然要用到機械人出表現人類單純o既愛情

我有d擔心，因為理論上，機械人係無性別之分o既
咁會唔會影響班細路

反思一下，科技對我地o既影響
我地運用科技o既態度

班機械人都過癮o架
點解遍離規則就要判定為不正常
後段佢地成班都搶鏡o架！

WALL E 成個角色都好可愛，又有人性，呢d角色，一定受歡迎。

屬於吳宇森o既"三國"。

點解?日本漫畫將三國故事同人物玩到天花龍鳳都無咩迴響,

「一騎擋千」將所有三國人物變成宅男最愛嘅漫畫美女,

「霸」就仲絕,直頭話劉備係日本人。

點解你班上契咗俾歷史嘅契弟唔出聲?

我覺得套戲拍得好好喎。

話無拍出歷史人物嘅靈魂,你講緊三國演義定三國志先?吳宇森拍一套有自己風格嘅作品,有錯咩?

好多話故事拖太長,反而我覺得唔夠。孔明舌戰群儒太簡化,成為孫權嘅內心掙扎。

打老虎太無聊？孫權老豆叫江東之虎。呢埸戲有意思架。

同隻馬接生,係要表現孔明學問淵博。由兵法到動物接生都略懂,呢兩場戲可能係下集借東風嘅引子。

八卦陣嗰場戲,可能個陣真係太複雜,有啲混亂。但每個武將都有表演機會,關羽更令我諗起「英雄本色」MARK哥楓林閣熗戰場戲。但我無諗過，周瑜真係咁好打？

唔可以怪套戲太長,中國人同日本人當然了解"三國關係"。但要西人代入故事,就要花啲精神。

攪到套戲明明叫「赤壁」，但就無講"赤壁之戰"。

吳宇森o既赤壁，值得一看。

一個歌手o既基本條件

但o係香港，呢d叫「技驚四座」。
因為大部分歌手都唔得！

香港的悲哀

由於幾年前突然出現嘅嬰兒潮,令近來多咗好多父母拖男帶女咁喺條街度出現。

家庭樂,其實無咩問題。
但呢班咁嘅「ME世代」,缺乏同理心,凡事都只考慮自己。
明知假日條街鬼咁多人,就咪推架嬰兒車出街啦!
之後個老公就推架放咗個大袋嘅車,個老婆就自己抱住個B,條街你地一家三囗行曬啦!

可能有人覺得無問題,但我就認為呢種係自私到極嘅行為。
被呢啲咁自私嘅人去培育我地嘅下一代。
我覺得香港嘅未來會出現"劣幣驅逐良幣"。

兩套"特技片"

Wanted<殺神特工> & Hancock<街頭超人>

睇呢d戲，千萬不可執著故事橋段
但個人認為
Hancock 係好睇d。
因為，反正都係睇超現實o既事，輕鬆d o既故事會睇得比較舒服

除非你好喜歡Angelina Jolie，同睇子彈轉彎。
d 飛車特技太"超現實" (即係假)，完全無代入感
呢套戲，係我近年唯一會睇到(目訓)著 o既戲。
個故事真係好爛，仲衰過 JUMPER！

我開頭以為Hancock係一套諷刺大美國主義o既電影。
點知原來真係一套簡簡單單o既輕鬆喜劇
真係吹佢唔漲！