單單一個月,BingLingBoomLoom走幾個人,
"已知"0既都有兩個人可能會走。
其實,連阿釘都「走得郁」,我諗我都要為自己考慮o下。


出面0既起薪點起碼15K,
你俾得果十一二K就以為自己出手好重,
唉,如果我唔係有而家呢份人工,我都走啦!

最慘0既係,走0既全部係有潛質0既人才,
留返D弱智同屎忽鬼0係度,太新0既,資質又普普通通。
連DL呢D咁HEA 0既都走,出面可能真係好好Pay。

其實班巨頭係真唔知,定係不願面對真相,
十幾年,你呢個制度留到幾多人才?又走0左幾多人才?
睇睇遲D會請D咩「極品」返0黎啦!

突然間空0左兩個位,你問我點諗?
多餘0既,一早講0左,唔升就走,仲要問?

反斗奇兵3 - 十年後一樣有驚喜

原來距離上一集已經係十年前0既事,不過今集一樣咁好睇。
我懷疑自己開始"適應"0左3D動畫,又可能動畫其實無必要用3D技術。
因為對我0黎講,好似無咩分別。

一開始0個埸「西部警匪追逐」,一次過見曬成班主角。等觀眾有足夠時間"熱身"。
之後0既新角色,都有交代佢地0既背景同身世,特別係KEN,真係好"頂癮"。而由攬攬熊為首0既「霸權」,未去到"赤裸裸",但我想小朋友會睇得明當中0既寓意。

去到尾段,我真好佩服度故仔0個個/班人,
明明成班主角手拉住手「等死」,
但又有本事逢兇化吉,
不得不大叫一句「三眼仔好勁呀!」

今集0既「人類角色」戲份都好重,
特別係ANDY,我無諗過今集會有「感動位」,
仲係由一個一直"無咩戲份"0既人類角色帶動!

無人玩0既「玩具」同垃圾有無分別?
將唔再用0既0野轉贈俾有需要0既人,
又或者一D同你一樣懂得珍惜佢地0既人,
其實都幾環保。

如果個個人(包括我)都小心d

根本就唔會攪到咁大件事
所有事都係因為睇漏眼
如果睇到修訂文件
如果睇到news 0既訊息
可能就會避免
始終人唔係電腦，犯錯係少不免
我只希望做到將錯誤0既影響減到最低
當然我都有責任
被人問兩問就攪錯曬d條款
但咁大件事，佢地竟然可以唔去問威廉
我講mug 就信mug
唔好咁啦，我ae 0黎0架咋
咁信我做咩0者！
唔好俾咁多責任我啦！

可能位置唔同，大家睇0野0既角度有分別
我覺得出信係無問題
因為供股比例無變，變0既只係送wt0既比率
而且仲係送多0左，我覺得「扮傻」出信，
可以將件事0既「殺傷力」減到最低。
但偏偏就要我地打電話
將出事0既機會率大大提高
仲要搵人0係開市時段做呢0野，
呢頭叫我地接多d電話，0個頭又要我地做呢d 0野
想點？

加上而家個個都話想走
攪到佢地都唔敢太責怪負責0既同事
當然佢地都無責怪我
但我反而覺得唔舒服
佢地都唔明，
d人要走，唔係因為俾你地鬧
係你地成個制度有問題
人地先想走！
你地成日話威廉呢樣唔知，0個樣唔知
梗係啦，次次都「case by case」
有規矩又唔跟，你問佢點做？
佢鬼知你地今次又會唔會「case by case」咩！
成日問d低級過你0既人點去解決問題
到最後又唔係用佢地建議0既方法
反而用一個最 on9 0既方法解決問題
阿差識答你咩！
咪玩啦！

民主黨賣香港實錄! 一夜轉軚大騙局!

當世界 不知不覺的變了 有時候 我懷念以前的我

作的夢 雖然遠遠的 想像是 一種快樂
擁有了 同時也失去什麼 而眷戀 原來會帶來軟弱
你讓我在霧裡成熟 心開始曲折

我不想捨得 不想懂得 是誰惹誰 言不由衷
說謊傷害 都是不安犯的錯 怕抱不緊什麼

我不想捨得 不想懂得 誰說割愛 才更深刻
彼此依賴 是愛不是負荷 互相照顧就是 幸福的

當世界 不知不覺的變了 有時候 我懷念以前的我
作的夢 雖然遠遠的 想像是 一種快樂
擁有了 同時也失去什麼 而眷戀 原來會帶來軟弱
你讓我在霧裡成熟 心開始曲折

我不想捨得 不想懂得 是誰惹誰 言不由衷
說謊傷害 都是不安犯的錯 怕抱不緊什麼

我不想捨得 不想懂得 誰說割愛 才更深刻
彼此依賴 是愛不是負荷 能握著手就是 感動的

我願意 一秒鐘放棄全宇宙 擠在只有我們 緊靠的小星球

我不想捨得 不想懂得 是誰惹誰 言不由衷
說謊傷害 都是不安犯的錯 怕抱不緊什麼

我多不捨得 多不懂得 誰說割愛 才更深刻
彼此依賴 是愛不是負荷 能握著手就是 感動的

說謊傷害 都是不安犯的錯 怕抱不緊什麼

我多不捨得 多不懂得 誰說割愛 才更深刻
彼此依賴 是愛不是負荷 能握著手就是 感動的

陰謀論

一個擲公字遊戲，你十二次中猜中了十一次結果，那麼，

你下一次猜中的機率是多少？「接近」九成？還是「二分之一」？
當所有人都把一隻八爪魚的「行為」"奉若神明"
反智至此，真的令人莫名其妙。
我情願相信，這是一個「世紀大騙案」

如果用陰謀論「解讀」
我會話係荷蘭奪標
話西班牙要用世界杯冠軍去"沖起"經濟
歐豬國入面，意大利同葡萄牙出局，國內經濟有無崩潰？
好似無被人「沽爆」喎！
即係國家隊0既表現同國家0既經濟無關係啦。
西班牙入面，主力大部來自巴塞隆那
但巴塞代表0既，其實係加泰羅尼亞
加泰羅尼亞一直希望能獨立成為一個國家
如果被今屆0既西班牙贏到冠軍，就更會助長呢股風潮
今屆歐聯，「地上最強」0既巴塞敗於國際米蘭
同樣可以用呢個「陰謀論」去"解讀"
(準決賽係用主客制，比決賽一場過，「贏波出局」較"合理")

陰謀論，一百個人有一個演繹
0係我眼中，比賽前0既陰謀論叫「段估」
比賽後0既陰謀論叫「馬後炮」

我真係唔知呢個人點做人「阿頭」
上一次招行供股
你一句說話都無出過
我同rd 咪又係咁樣做，有事咩！

今日無厘頭走0黎問交行供股做成點
「做成點？」
今日幾多號呀！
2918 上0左市幾耐呀！
咁多日你都無理過
偏偏0係最後交易日0既中午收市你走0黎問我做成點
我同RD 一早已經有曬計劃，無必要花其他同事0既時間
但偏偏條友就走0黎「指手劃腳」
一句，「全部都要 Call 0下喎」之後自己走食飯
個波就交俾joyce
咩人0黎0架！

好啦，得返個半小時
其他 AE 根本唔知頭唔知路
攪到我同rd 要花額外0既時間處理其他同事0既問題
令我地無時間處理需要盡快解決0既問題
仲要0係下午開市前積落一大埋碎股盤
ryn 又要接阿p d盤，咁咪入錯價lor，好在係小事0者
如果入錯行家no. 你話點算
收市後仲笑笑口，你 pk 啦，唔係你屎忽袈
我地使咁狼狽！

我唔介意你「指手劃腳」
我講過好多次，我好想只係做一部落盤機器
上次招行供股，你老兄一句說話都無講過
今次唔知抽起邊條筋走0黎「了解情況」
OK ！但你唔好0係隻rights 最後交易日0既中午過後
先走0黎同我「了解情況」再好輕率咁講你0既「決定」
我明白你「為公司利益」
但唔該你了解一下同事會遇到0既困難
一個缺乏計劃0既決定，通常都唔會係一個有益0既決定

2010 上海遊記

因為女友一句「想睇世博」，我呢個視返大陸為畏途0既港喱，
唯有陪女友去參觀呢件「祖國盛事」。

因為計過自由行無著數，咁就揀跟團。
女友又話唔想只睇世博，咁就報0左個由南京一路"玩"到上海0既團。
第一次跟美麗華還好同團0既大部分都係退休人士，
「後生」0既，得我地同埋另外兩對夫婦，領隊都好有責任，呢樣真係要讚。
反正上到大陸都係內地0既中旅社跟返，邊間旅行社其實都係一樣。

第一日由香港去南京，就係「苦難」0既開始，
由我腳踏南京開始，呢一日我坐足三個幾鐘頭車！
我知道會有「自費項目」，但無諗過第一日就要俾錢
好在都只係總統府同烏義古城兩個地方要自費。
南京，好多有歷史價值0既地方可以遊覽(空氣真係好差)，
但我地只係留得大半日，只可以去一去總統府同夫子廟
晚飯之後返酒店，第二日去一去南京大橋就要去蘇州

第二日由南京去蘇州，呢日仲經典
由南京食完午飯就去蘇州
去完寒山寺之後，就直殺上杭州食晚飯
其實寒山寺都係睇唔真，下次要再去睇真D
坐車坐到人都癲！
全日做得最多0既，就係0係架車度sleep！

第三日開始好D
0係杭州遊西湖，坐船0個隻
天不做美，下雨，但西湖真係好靚
午飯後再去烏義古鎮
不得不讚，成個區0既管理同規劃都做到好似日本0既旅遊區
亦都係呢個原因，我會再去一次蘇、杭。
之後又係每日重點-坐車
由杭州去上海！

第四日同第五日就開始入世博園區
人多，係好多好多
入場都用0左成個鐘
入到園區，周圍睇0下，影0下相
之後下定決心，排隊入德國館
感覺係 - 大開眼界
講0既唔係入德國館，係排隊0既過程
真係非筆墨所能形容，有心理準備0既先好「排隊」
去0左好多無人0既細館仔
有人話，無人排0既館無0野睇，
其實視乎你對咩有興趣0既0者。
第二日入場，可能「太好天」
烈日之下，我地0既團友同當地0既「遊人」差D 開拖！
好好彩，第二日0既世博行程可以入到中國館
好奇怪，入到去，睇住《清明上河圖》
你個自自然然就會擘大個口！

第六日，「上海半日遊」之後就上機返香港


去完呢個團，就決定要再去一次華東
蘇杭0既景色真係會"迷死人"！
入到世博園區，我覺得用排隊0既時間去睇多D 0野，可能更有價值
其實入面0既風景區好靚，夜晚就更「謀殺菲林」(而家應該叫「打爆記憶咭」)
同事去完話下午5:00之後，好多大館都好易入
鬼唔知咩，但我0個兩日係星期六、日，好多上海人入場
所以都係入唔到曬五大館。


P.S
你要預0左俾人打尖
特別係一大班戴住"鴨仔帽"0既"鴨仔團"
佢地一大堆咁湧埋0黎，你係完全無招架能力
最好避開呢一種人！
個個大陸人都以為自己識「千里傳音」
所以，小心保護自己0既聽覺！
唔好行埋去一D企定定望實一個方向0既大陸人身邊
因為佢地下一個行動就係大0益！
我發現佢地好奇怪
無論係五米之內還是相距街頭至街尾
佢地都係大大聲咁0益
所以，記得同大陸人「保持距離」！

4den

我一直以為自己係0個D「係朋友，就一定撐到底」
我以為，只要你係我朋友，無論你做任何事我都會企0係你0個邊
我以為，「無論朋友做過咩事，只要你係我朋友，我都會接受同包容」

但原來，有D底線
只要你越過0左，我就唔會再當你係朋友
盡管係十幾年0既「情誼」
濫藥？吸毒？
真又好，假又好
你已經不再是我認識的你
更可悲的是
我已經不懂得如何面對你
你想要的，已經得到
以後的日子如何，請你好自為之

dinner with gorman

今時今日0既民主黨

為0左可以同政府「同一陣線」

可以放棄 0708、2010普選

為0左保住現任議員日後0既議席
可以支持保留「功能組別」呢個當日聲稱係"過渡安排"0既政治癌細胞

我唔知道明年區議會選舉你地會點樣面對你地0既選民。
你班X 樣，有資格要我選你咩！

「中立」定「偽善」？

某位世界杯足球評述員講過「vuvuzela」0係非洲人0既文化
雖然會令人感到煩厭，但呢個係人地0既文化
希望香港0既觀眾應該包容....

已經有人証明0左，如果成場比賽都聽住「vuvuzela」0既聲音
無論對比賽中0既球員同欣賞比賽0既觀眾，都會對聽覺產生傷害
0係之前0既熱身賽已經有球員同教練投訴呢樣"樂器"
一種對別人做成傷害0既「文化」係唔係都需要「包容」？

如果係
「食人」呢個文化係想得到別人0既力量同保護自己
係唔係又應該包容？
部分非洲部落會0係少女進入青春期前進行「割陰唇」呢個"儀式"
咁出於「香港人0既尊重同包容」又係唔係應該容許呢D事繼續存在？

八九民運實錄（二十周年再版）

http://1989report.hkja.org.hk/site/portal/Site.aspx?id=A27-136&lang=zh-TW

飛砂風中轉 - "笑"0既唔止古惑仔

如果話套戲「笑」港產黑社會片
我覺得，更似「笑」緊呢一刻我地0既社會

郭峰0個班"叔父"
就好似建制內0個班既得利益者
下面班0靚只要搵到錢，呢班"叔父"做咩都唔會有人理
連亂吹出0黎0既"龍尾棍"都可以無人質疑
引用戲入面0既一句對白 -「公民意識太低」
余安安呢位「黑道阿媽」就更好笑
為0左可以令自己繼續可以吸毒
就「義無反顧」咁推個仔去做坐館
我地社會0既"毒品"，當然就係「投機炒賣」啦！
陳子聰個角色仲好笑
0係黑社會講「民主自由」
而目的就係為做"龍頭"
電影入面，鄭伊健係真正有能力做龍頭0既人
但佢已經睇清楚黑社會0既本質
佢同阿肥0係書店入面0既對白
就清楚講出，「黑社會」係一個好落後0既"制度"
好似現實社會上0既有識之士，只想追求自己0既人生
無興趣對黑社會"作出貢獻"
陳小春就好似你同我一樣
0係無選擇之下入0左黑社會
好努力咁上位，之後再想脫離黑社會
唔需要再做"狼"，亦無必要做"狗"
大家都可以做返一個"人"。

電影本身好好睇
係一套睇完笑完之後，有D 0野可以拎得走0既電影
如果有人睇完呢套戲之後仲想入黑社會
咁我諗佢同陳子聰個角色一樣 - 係低能0既！

散兵游勇！

幾時至學識團結？
用余若薇做代表，反映你地全體泛民0既立場
我唔覺得有需要「酸葡萄」
陶君行都仲叫有「量度」
何俊仁就真係不知所謂，人地無叫你，你走去「拉衫尾」！
有時間開記者會，不如約余若薇出0黎，合力"做好"呢場辯論啦！

為什麼?只不過是四十多年的事。竟有人妄想"改變歷史"。


「六七暴動」係香港一段重要歷史,係共產黨0既餘毒0係香港策動0既暴亂。當日0既"鬥委"承認,港英政府亦都清楚,香港市民看在眼裡,就更加知道,這些"左派害人虫"根本就是想配合大陸0既文化大革命去「解放」香港。

當中傷亡0既,有左仔,有警察,更加有無辜0既市民。
左仔為0左壓制"敵對聲音",用電油將播音員林彬活活燒死,事件發生後,「左報」都對此作出讚賞。

一切一切,歷史早已有定論。
今天,竟然有人試圖推翻歷史,將左仔當日0既暴行淡化。
身為一個有良知0既人,都只能嘆一句
「民建聯,最無恥。」

2010年5月16日 - 香港首個"變相公投"

種因得果
但大多數人都不想種因就妄想得到好果
沒有自身利益的話，連因也懶得去種
他日結出的，必定是一大堆苦果。

唔知會唔會有人同我一樣咁諗:
一個要依靠機器生存，用電腦同外界溝通0既人類
要用其他0野去「取代」佢，唔係一件難事
我相信
真正0既霍金可能一早死0左...

72 小時鬧劇

鍾舒漫 - 八十之後

主唱: 鍾舒漫

作曲：林立基
填詞：周耀輝

大人教導 用心的工作別太囂
我們 沒法相信我要折腰
誕生後 只看到生活無聊
還是大時代過了 才會更妙

可以去愛 盡情地去愛
相信我的心 我的心會跳
抑壓要叫 悶煩就當要笑
為曾拒絕現實 不緊要
信過先緊要

不必憂慮 若青春的我太輕佻
我們沒法相信世事難以預料
80之後 廣告蓋掩了童謠
還是大時代過了 才會做回自己了
我覺得不渺小

可以去愛 盡情地去愛
相信我的心 我的心會跳
抑壓要叫 悶煩就當要笑
為曾拒絕現實 會開竅
痛不緊要 我不渺小

或者有些出路少了 才會令我大志不少

可以去愛 盡情地去愛
給我片刻好嗎 我的心會叫
都市冷了 地球亦暖化了
為誰渴望日後 我的心會笑

活了活了 讓我為愛活了
但求美麗存在 我的心可以笑
活了活了 願你為愛活了
為曾拒絕現實 不緊要
痛不緊要

記得理想 先緊要

葉問2 - 教你做個中國人

我唔明點解大家對呢套戲有咁大評價
特別係電影入面0既「說教」，裡面"宣揚"0既0個套「中國人傳統」
我廿年前已經全部聽過
假如你對呢一套「價值」"驚為天人"
可能你來自一個唔講傳統道德價值0既國度
又可能證明我地0既教育制度唔再係「育人」0既制度

上一集係介紹「葉問」呢個人
去到今集，就係介紹「詠春」呢套功夫
由黃樑拜師，到葉問單挑各門派
都顯示出「詠春拳」0既"實用性"
將一個拎住米字旗出場0既拳手打底
有人睇到拍手叫好，又引申到"大國論"
我只覺得
"詠春"係一種好實用0既近身武術
招式變化俾拳擊多，嬴，係好正常
但兩師徒0係魚欄0個場戲，就真係「搵戲0黎做」
文戲少了
唯一叫做有D人情味0既，只係得兩師徒「話當年」0個幾分鐘

現今0既"黑社會"，以前叫"三合會"
"三合會"又源自"洪門"
洪門同洪拳唔多唔少又有D關係
睇睇葉師傅拒絕「交會費(陀地)」之後0既遭遇
就明白黑社0既「歷史演變」
但六、七十年代0既香港龍蛇混集
加入呢D"武術團體"，其實係好正常
電影入面亦都幫洪師傅搵到一個理由
但呢個理由，我接受唔到。

如果將電影入面0既「洋人警察」轉換成我地而家0既"宗主國"
你會睇到好多「洪師傅」同「肥波」呢 D 角色
不過
今日0既香港一定唔會出現「肥波現身報館」0個場戲為

上集打日本人，係剛勁0既空手道
今集打英國人，就係力量形0既拳擊
兩者都係擂台上單對單0既較量
但當去到中國人同中國人對打0既時候
單對單唔夠打，咪"圍揼"你LOR
你一個打十個？我咪搵十幾人拎刀砍你LOR
就係因為無，所以先拍套《葉問》出0黎
教你地咩叫「武德」之嘛！

IRON MAN 2 - 預期中的水準

一切都係預期中咁好睇。
不過，之前坊間吹0既電影內容就無曬影
咩失意、酗酒甚至 HULK 0既出現
全部都係亂吹一通

第一集救佢一命0既裝置
今集就成為佢0既生命威脅
而 TONY STARK 0既性格缺陷
令佢選擇一個人去承受呢個「生命倒數」0既壓力
因為呢個「不可告人」0既秘密
身邊0既朋友都以為佢成為超級英雄而性格大變
佢0既上校老友質疑佢，就連佢0既愛人都放棄佢
正當佢眾叛親離0既時候
就發現由細到大對自己漠不關心0既父親原來一直以自己為榮
仲留底0左一份最有用0既禮物俾佢

今集0既壞人只有一個
我對佢0既「上位」方式幾有興趣
老豆俾人屈0左幾廿年
對頭人個仔就風風光光做人民英雄
同樣係父親引以為榮天才
所以佢0既上位方式都充滿智慧
用有效限0既資源去挑戰對手
目的唔係打倒佢
係吸引其他「同道中人」0既注意
借用呢D「同道中人」0既資源
去完成自己真正0既目的
即使去到最後，佢都係選擇一個「以逸待勞」0既方法
用智慧多過力量
唔好俾呢個角色0既外型呃0左

其實今集有D位都幾騎呢
TONY STARK 個老豆用0黎留"訊息"俾佢0既方法
上一代0既恩怨，由下一代去解決
我覺得好"武俠小說」
短短半日就可以靠一己之力造一台"粒子加速器"？
0係摩納哥逃獄真係咁兒戲？
最後0既「二打一」，我覺得......超級英雄....二打一！@.@"

我的收音機只預設了兩個頻道-"881"同"903"

我一直都「引以為傲」

不過，竟然夠膽跟一個在FACEBOOK 有超過十萬人聲言「討厭」的政黨合作造節目
我真的呆了
就好像那位住在你隔鄰十多年的鄰居
一直以為他是好好先生
但某日警察上門
發現原來是一個專門姦殺少女的變態殺手
不是開玩笑，我真的有這種感覺

商台的營業部"見錢開眼"
是否不代表商台？
情形是否等同「本節目嘉賓說話內容，與本台立場無關」
是不是營業部找什麼客戶來，
你這位節目部阿頭也只考慮節目內容
不理會客戶身份
想提醒你，這是一個缺口
今天是政黨的「民生節目」"讓市民發聲"
他日共產黨跟你合作宣揚「環保」
你這位節目部阿頭又如何取捨？

黃永先生，多謝你把商台正式"正名"為「商業電台」
你把前人那套「堅守正義，悍衛自由」的價值完全抺掉
更不要提
「你對得住林彬先生嗎？」

林夕-法術勢

法術勢


2009年05月15日

母親節家庭聚會，我問在港大唸法律的外甥，有就學生會會長陳一諤去留投票嗎？答案是「沒有」。為甚麼？「因為覺得他罪不致死。」那為甚麼不投反對罷免一票？「因為看形勢，估計倒他台的人多，不投票是一種策略，如果最後總投票率低過十分一，公投的結果就會作廢。」

這倒是個新鮮的答案，讀法律的人，未畢業便鑽起遊戲規則的空子來，這令我想起法家法、術、勢三派，想保住會長，不依法制直接反對，而是用術去達到目的，看見了民意之勢，又錯估了投票率的走勢。

我不跟他糾纏在這個會長該去該留的問題，最重要的問題是投票的意義。投票率高低，可以反映了學生對讀書考試自身之外的課題，還有多上心；投票結果，反映港大生對他們會長的表現有甚麼看法。說到底，陳一諤的去留不重要，有意思的是看看大學生對這「一士諤諤」的奇詭六四言論，有甚麼反應，還有沒有反應。

為甚麼不行法道正道，爽快直接表態，而要迂迴地以不投票為暗票，以術來得到自己想看到結果？很多投票除了為了得出個結果，也為了看看正反意見的比例，譜出個民意所向的面目。

這修法之小子，那麼早就學會此等謀術，可能值得中聯辦參考。反對罷免陳會長的，倘能全部以拖低投票率為策略，尚有一線希望令投票結果無效。可惜的是，假如大家都玩這樣的遊戲，最後即使意外地因不能有法定足夠的票數，得保陳生會長一席，但出來的結果，從表面上看是一面倒支持罷免，保陳派也會面目無光，落得個雙輸局面。由此看來，世間很多真理雖若真如假，小聰明不能成大事、走小道達到目的也得不償失、機關不可能算盡，倒是值得緊記的常理。



history repeats itself, first as tragedy, second as farce

明明係負心0既一方,點解要扮作一個受害者。

內地0既歡埸,老實講,更本就無可能搵到真愛。
"北京"同阿芳,0係我眼中係一個「不尋常案例」
太多故事證明,
中港兩地0既所謂「愛情」只不過係一段建立0係金錢上0既性關係。

係「愛情0既偉大力量」定係「鬼迷心竅」
我呢個外人無資格出聲,
但呢段所謂"愛情",令你毀掉一段十年0既關係,
對你0既財政造成壓力,
更甚者影響工作表現同埋屋企人關係0既時候,
係唔係應該退一步,睇一睇,
問0下自己知唔知自己做緊咩!

股票的現價只反映"現在"
不過，供股權就是一個讓你在將來以某個價值得到股票的工具
個人覺得，從供股權的價值多少可以"推敲"到股票的未來值(短期)

現在值$1.16的東西
幾個星期後，會否變成$0.46？
我不知道
不過，我相信"市場"的無形力量

呢一刻#585 @ $1.16
如果你可以買一個行使價$0.07 0既認購權
咁呢個認購權0既「合理」價就應係 ($1.16-$0.07)
即大約 $1.09
因為短短幾個星期，相關股價唔應該相距太遠
但你而家0係市場上可以用$0.39買到
你心入面即刻會彈出以下算式
$1.16-($0.39+$0.007) = $0.7
嘩，無啦啦就「套戥」到$0.7落袋
但市場上，人人認為認購權"只值" $0.39 0既時候
你就要懷疑而家隻正股個價0既「可信性」
因為你要兩個星期後才收到股票在市場放售
單日波幅講緊廿幾三十個% 0既股票
兩個星期真係可以「翻天覆地」

中國人的「借」

在沒有知會下取去別人的東西
還在全世界面前展示出來
無恥地大談自己艱辛的 "創作經歷"
到事件被揭發
更可厚顏到去信人家說要「借用」
是哪門子道理
人家見你如此窘態
也不好意思拒絕閣下
向你落井下石

「禮義之邦」這四個字
現今日本可能更有資格引用

《勁揪俠》- 想像以外的好看

一套只係講「現實的超級英雄」0既電影，
竟然被評為"只許十八歲以上人士觀看"。
十六歲可以發生性行為，但睇戲要等到十八歲，
難怪咁多未婚懷孕同墮胎少女。

套戲真係好睇又好笑
近年好多"漫畫英雄電影"都著力將主角「人性化」「現實化」
好似「黑夜之神」同「蜘蛛俠 3」
都強調主角人性化0既一面。
不過，
《勁揪俠》就同大家睇睇
我地0既現實世界，如果真係有人走出0黎做超級英雄
咁件事又會係點呢？

一個好簡單0既問題
「如果超級英雄真係咁受歡迎，
點解無人走出0黎做？」
主角就係因為呢個問題，所以就"挺身而出"做一個「英雄」。
靠網絡0既力量，真係無啦啦俾佢做到「萬人愛戴」，
但其實佢做0既事，
唔需要面具，
唔需要奇裝異服，
更加唔需要腰纏萬貫或超能力。
只要你有勇氣走上前，其實任何人也可以是「超級英雄」
到男主角0既"感情"有著落之後
佢0既行動話0左俾你知，
點解現實世界無「超級英雄」

電影0既下半部，就到BIG DADDY 同 HIT GIRL呢兩父女玩曬！
呢兩父女就係照搬漫畫0個套0黎現實世界去演繹，
佢地"超乎想像"0既表現，為電影帶來應有0既「動作場面」
但大家細心諗0下，
其實所謂0既"超級英雄"只不過係為個人私怨去執行私刑0既變態暴力狂。
成套戲最後去返天馬行空0既「漫畫英雄模式」
當中唔少動作場面都有向其他電影「致敬」之嫌
最後勁揪俠0既出場方式，睇到有人拍手掌
我就笑到標眼水！

當中一幕黑幫「處決超級英雄」，
佢地0既扮相，令我諗起早幾年網上一段"割人頭"0既片段
不禁嘆息
現實世界沒有超級英雄
但瘋狂的惡魔卻到處張牙舞爪...

義工黃福榮遺體運送抵港 政府舉行遺體迎接儀式



18.04.2010 21:15


在青海地震捨身救人遇難的港人義工黃福榮，遺體在晚上九時過後，由靈車由廣州運抵深圳灣西部通道 ，特區政府舉行遺體迎接儀式。 黃福榮的家屬、多名中聯辦及特區政府官員，包括律政司長黃仁龍、民政事務局長曾德成到場迎接，專車稍後會將黃福榮的靈柩運往紅磡世界殯儀館。
 
 
我覺得香港政府做到過曬位
真係有心幫人，使唔使大鑼大鼓慌死無人知？
人地辦緊喪事，俾人地清靜一下啦...

Elaine 姨係我由細到大都覺得係一個好"犀利"0既人
今次阿恩結婚，佢都有出席
又見到阿mi

呵呵，我估唔到Elaine 姨0既評語係
「有眼光」
你明唔明俾一個你細細個就非常尊敬0既人讚你有眼光
0個種感覺
真係開心到痺

阿mi 我一定會娶
因為佢真係一個好女仔
仲會係一個好老婆(係唔識煮飯0既好老婆)

呵呵~~~~

516 五區公投！

可以參選一個由香港特區政府舉辦，但中央政府強烈反對0既選舉，本身已經係一件好有意思0既事。

我唔想廿年之後，有年輕人問我「點解你無參加當年0既新民主運動？」我怕我到時候會無地自容

好多人怕亂，特別係受過戰亂走難0黎香港0既市民。
你地最大0既願望你一家人安安樂樂有飯開，咩事都唔想理。
問良心，你覺得而家個市道真係好得過以前？
如果咩都唔做，你個孫一定比你個仔生活得更艱難！
唔係要你「作反」，只係想你表個態，話俾政府聽「唔該你做返0的0野！」
無人可以保證投0左票就「一天都光曬」
但你唔投票，坐0係度等，就「餓死都未天光」

有目的0既「蛋散」，根本不值一哂
今次0既五區公投，係睇投票率，係睇有幾多選民出0黎表態！
唔好俾人混水摸魚。

「投唔投都一樣0架啦！而家 D 議員入到去都做唔到0野！一味吵吵鬧鬧！」
希望大家了解，立法入面，民選議員只佔半數。
加上立法會議員只可以
「根據《基本法》第七十四條規定：「凡不涉及公共開支或政治體制或政府運作者，可由立法會議員個別或聯名提出。凡涉及政府政策者，在提出前必須得到行政長官的書面同意。」
而通過呢D 議案0既條件係:
「要分別得到功能組別，普選和選舉委員會兩個分組的過半數通過才算通過。」
睇唔睇到0個 4 個字，「功能組別」
一班我同你都無份選出0黎，但就足已影響我地生活0既「人上人」
如果你唔知「功能組別」係咩0黎，
請睇返之前0既"高鐵事件""$20最低工資"同"80%業權強行拍賣"
現實係，一日有功能組別同保皇黨，
任何人入到立法會，都係「咩都做唔到」。

我同你都無份選特首
我地0既選票，過去一直俾人當係「搵食工具」
今次我地可以用呢張選票去表態，大大聲咁講我地0既要求
唔好放棄呢個機會
話俾中央政府知
香港特別行政區0既市民有資格得到更多！

「愛多D，回報梗高D」- ~.~"

我唔知道原來"愛"係要求「回報」！
香港，
一個連"愛"都要用「月結單」量化0既地方。

最恐怖0既係，
佢灌輸一種概念 - 「今日"儲落"0既愛，0係將來係有回報0既」
咁就PK啦！
同一個人一齊，係望有回報？！ 咁結婚即係一單「收購合併」交易。
生個小朋友出0黎，要佢「報答」你一世？ 唔怪得咁多「仔斬老豆」新聞啦...

http://www.youtube.com/watch?v=1wBCfPTH044

勤勞有價？

唔知由幾時開始，我地個社會開始懲罰「勤勞0既老實人」

安安份份打工，用勞力去換取生計，就俾D仆街層層剝削，換到0既，係一個近乎可恥0既回報。

廿幾蚊一個鐘，以時薪計，乞兒都搵得多過你！

當社會上人人都想透過投機炒賣去「一朝發達」

政府又包庇特權富豪，漠視底下層0既基本生計，唔夠膽進行「財富分配」

你同呢班人講「勤勞有價」，得到0既，只會係一個涼薄0既恥笑。

簡簡單單，邊個睇我，我就撑邊個！！

為保障市民0既居住安全
政府決定通過一條可以俾人強制用低價去「拍賣」你間屋0既法例

點解唔選擇收緊「樓宇維修條例」？
一樣可以解決市民0既居住安全問題
呵呵
唔會0架！因為到最後政府要負責任
香港政府唔係向市民負責0架！
佢地0既思維係:
「 X ！你拿拿聲賣0左間屋，等我可以起樓"骨"水，
你拎住舊錢無資格拎綜援，柄埋一二邊等死啦！」

我係卡比路就安樂曬！

唔叫你去，成個英格蘭都話我係衰人！
叫埋你去，又唔知叫你做咩好
你個位，年輕過你0既大把，
一個大吉利是，唔搵你打正選輸Q 0左
一定被人 X 到仆街，放你落場，又一味得0個一招
大佬，0係美職聯就話呃到人0者！世界杯呀！
而家
英格蘭(才羅)冠軍我都覺得有可能！

愛麗斯夢遊仙境 - this is my dream

Tim Burton 呢個名已經係「必睇」
仲要有埋Johnny Depp同Anne Hathaway
點可以錯過！

睇完之後，我覺得套戲係想講
「你就是你自己的主人」
引伸到今時今日香港0既教育制度
真係睇到人萬分感慨...

alice 係一個「不按本子」0既年輕人
討厭"權威"同"盲目遵從"
0係現實世界，因為種種原因令佢失去選擇
不過，就算佢去到「仙境」
入面0既人物都不停叫佢「你要做呢樣，你要做0個樣」
跟現實一樣處處受人操控。
但佢不斷同自己講「THIS IS MY DREAM！」
一切都可以改，一切都可以由佢自己決定
「I MAKE MY PATH」
年輕人就是要有這種敢於做夢的可愛。

紅心女王沒有想像中的大奸大惡，
相反我有點同情佢，
一個不懂得"仁愛"0既人，其實都幾可悲！
如果你係一個關心社會運動0既人，
仙境入面0既人物會否令你將社會上某D人對號入座？

戲入面時時都有一個鏡頭
就係ALICE 0既主觀鏡望住一大班將視線集中0係佢身上0既人
原來
一大班人望實你，唔一定係向你「施壓力」
同一個畫面，都可以表示一大班人支持緊你。
睇完套戲你就明0架啦！

華麗后台 - 原聲大碟一定要買！

散場聽到有人(目訓) 0左，
心諗，無0野0下話(一.一)"

一開場男主角腦海入面0個場歌舞
已經講曬成個故事

每場歌舞都好正
每一場歌舞其實都講緊故事
好好睇
成班女主角都變成唱得又跳得
真係唔得你死！

電影原聲大碟一定要買！！

調查發現九成學校有學生吸毒
但"驗毒計劃"又一個「毒生」都查唔到
咁係個調查充滿水分
定係個驗毒計劃得啖笑

神火之賊- 無下次

先唔講套戲
一套"賀歲猛片"0既中文字幕
可以出現「謀朝"散"位」同「遊人如"織"」,
足可見香港電影從業員有幾…墮落。

講返套戲先,
完埸個個都話似哈利波特
都係0既,三個人、冒險、魔法
加上目不暇給0既電腦特技
不過,哈利仔無父無母
但波西就有個海神老豆
咩部未學就「大把水幫手」
論故事,哈利波特好好多!

有幾多香港人了解希臘神話呢?
「睇星矢大」0既我都只係"知D唔知D"
但套戲又好似預你咩都知咁
真係睇到"R"哂頭!
個故事又騎呢
眾神之神宙斯0既閃電捧俾人偷0左,
硬屈係海神個仔做0既,
仲威脅唔交返出0黎就整舖「大戰」
OK啦!反正希臘神話入面D神個個都有性格缺憾。

但故事發展竟然係"救老母+大冒險"@_@
直頭O曬咀!
例牌"鬥智鬥力"「打機式過關」
尾段真正0既小偷走出0黎「自白」,
0個偷"閃電棒"0既原因,真係搵戲0黎做
簡直令人想割櫈!

好睇0既
只係加0左特0既打鬥埸面
不過數埋都唔夠十分鐘....
原本我對呢套戲都有D期望
又一次證明「無期望就唔會失望」
會唔會睇第二集?
如果要我睇班主角0係營地入面好似戰狼300咁舞刀弄劍
都係等電影台好D!

一個關於食牛肉0既問題,
其實,係何解不可食牛肉呢?
如果係出於"戒殺生",
咁可能「食素」就更合適喎!

個人覺得呀0下!
去海鮮酒家指一條「即叫即蒸」0既海鮮,
又或者監生將D蝦用滾水「白灼」,
積落0既"孽"可能比食牛肉更大。
因為你0既慾念,
好地地一條魚就無o左條命,
D蝦仲慘,要活活比滾水淥死!

睇睇有D牛,一生出0黎就預0左比人食,
牛農會對佢呵護備至,
用成擔心機將隻牛成為餐桌上0既美食。

講0左咁多,都只係想講「戒肉不容易,守齋就更難!」
還時遵守老一輩的教誨「食齋不如講正話」
共勉之!
其實近年已經食少0左肉，
牛就更加絕少食
原因不是宗教問題
係因為-「食肉唔環保」

《緣滿情人節》

我覺得過年最「值得」睇0既電影一定係呢套。
俾六十五蚊，可以睇到Jessica Alba、Anne Hathaway同Taylor Swift仲想點？

荷里活明星演愛情小品，由小朋友0既 puppy lovez到老夫老妻0既愛。
真係男女通殺！
「散修修」0既故事情節，開始時令我出現"到底邊個打邊個？"0既問題
(Jennifer Grarner 同 Julia Roberts 都幾似樣)
但睇到中段，已經"控制"到，
仲開始玩「到底佢0既故事係點呢？」呢個遊戲。
一開場，Jessica Alba同Anne Hathaway 0既"床戲"
真係睇到我暈暈地

當中幾個人物0既故事係幾老套0既
好似花店老闆(Ashton Kutcher)
體育記者(Jamie Foxx)
同埋"詩人"(Anne Hathaway)

而兩位老人家(Hector Elizondo同 Shirley Maclaine)0個條線呢
我又覺得好睇喎
「坦白讓一切變成謊言。」
結尾大團圓，不過，
兩人的「愛」是半個世紀的"陳年佳釀"
唔好 ON 居居走去學呀！:P

四個中高生就話你知，愛情係好難「make it happen」
仲有，只有年輕人先有條件享受愛情 ~.~"
睇完 Taylor Swift 同 Taylor Lautner 個段你就知。

Julia Roberts 戲份好少
同佢做對手戲0既係 Bradley Cooper ，
如果你知道「情人節」到底係記念邊個
佢就係Julia Roberts 0既 "VALENTINE"
套戲去到結尾會講出佢0既"身份"
我覺得係「神來之筆」。

「THE END」之後會有 NG 片段
令我想起上世紀成龍0既"賀歲片"

祝大家「虎中作樂」

唔好否定我0既能力去將你0既決定合理化！

無得升，我預0左。
我唔會因為咁而扯火
但你話「睇唔到你工作上0既積極性」
我真係同你死過！

真係覺得我唔掂0既
留多D"機會"俾其他人啦！
再唔係掟我去分行做落盤機器
疊埋心水等退休，我仲開心！

都唔明係咩心態
覺得你唔好
但又係咁俾0野你做
大佬你精神分裂得好緊要喎！

一隊波，如果個個都「好積極」咁就去追波
輸死未天光啦！
你話我懶又好，咩都好
我係一個"防守型"
我鍾意企0係後場，堵塞球隊0既漏洞
如果咁樣0係你眼中係「唔積極」
OK，我認我唔積極！

見上げる星

それぞれの歴史が輝いて

星座の夜を

線で結ぶ瞬間

始まるLegend

オーロラ揺らめく

時空超えて

飛び込む

迷走するParalle World

on the Road

誰も旅の途中

本当の自分自身

出会うため

歩き続けるのさ今を

Weare All travelers

僕の目の前に広がる

九つの道はいつか

重なって

新しい夜明けと続く

道に変わるのだろう

目撃せよ

Jouney through the Decade

レンズ越しに

切り取った景色を

見つめても

真実とは

心の眼の中に

映るものさ

どこかで

戦いの幕が開き

『僕』という現実さらう

Halation

on the Road

旅に出る理由は

世界が滅びる未来

変えるため

もっと強く夢を抱け

Were　all　dreamers

僕の運命は必ず

十度目に立ち上がった

その時に

新しい風通り抜ける

道が開くのだろう

目撃せよ

Jouney through the Decade

自分が瞬間ごとに

決断する

そのすべてで

未来は

理想にも　絶望にも

変わってゆく

だからきっと

信じた道　走れ

on the Road

誰も旅の途中

本当の自分自身

出逢うため

歩き続けるのさ今を

We are All travelers

僕の目の前に広がる

九つの道はいつか

重なって

新しい夜明けと続く

道に変わるのだろう

目撃せよ

Jouney through the Decade

世紀「冤大頭」

香港起高速鐵路，講緊只係香港至深圳
造價-港幣六百八十億(或更多)

2010年，美國總統奧巴馬在國情咨文中
提撥80億元，補助興建13條高速鐵路和更新鐵軌、整修車站、購買設備，以創造大量就業機會。資助興建涵蓋31州的13條高速鐵路，包括800哩長的加州沙加緬度到聖地牙哥高鐵、美國鐵路公司(Amtrak)的波士頓─紐約─華府高鐵計畫，以及中西部9個州的高鐵計畫。
折算港幣約七百億

沒有比較，可以天花龍鳳
但美國用相約價錢可以興建覆蓋全國0既高速鐵路網絡
唔好再同我講第日會幾好幾快(攪唔到一地兩檢，永遠都唔會"快")
我只知道呢一刻，我同全香港人都做0左「老襯」
俾我地0既"代議士"出賣
我很不爽！！！

點解一個參加社運0既0靚妹，會成為香港垃圾週刊0既"目標"
將偷拍照放0係封面，又係咩居心？
偷拍"偽人"，你都仲可以話「佢地係"公眾人物"」呢個白癡理由蒙混過關
但佢只係一個0靚妹，你夠膽死賤格到偷拍佢！？
仲用抺黑"偽人"0既方式去「做」佢，你地咩 L 0野人0黎0架？
0係我眼中，主流媒體已經向權力下跪

如果你話佢係公眾人物，「讀者有興趣知道佢係咩人」
我都對梁愛思同譚惠珠0既感情生活好有興趣，你地幾時"做一做"呢兩位公眾人物？
再唔係睇睇民建聯內部爭鬥0丫，一定唔會比TVB 差得多！
一個咁0既0靚妹，點解你地要花咁多心力？

「呢條女成人日走出0黎出風頭，今次抵佢死啦！」
假如呢句係你0既心底話。
咁你即係覺得，一個著背心短裙0既女人俾人強姦係"應該"0既？
著得咁暴露係佢自己(才羅)0黎衰。
我會懷疑你係來自清朝.......

"硬" 0既，差佬已經秋後算帳，玩白色恐怖
"軟"0既，就係用呢D方法去搵代表人物0黎抺黑

早說過，政治係好污穢0架！

如果唔係Joyce走來問我,
我真係無興趣做「工作人員」
吃力不討好,仲要硬食"做馬"
我呢D,天生係「花生友」來架嘛!
只係想撓埋手睇戲
睇住班友為D唔值錢既野鬥到反哂面,
真係得意過TVB既垃圾劇

工聯會出賣工人! 反對高鐵工程優先聘用本地工人議案!

當日廿二條都未有咁"上心，今次0係度「張牙舞爪」，呢班人無"切身利益，我真係唔多信LOR！

高鐵撥款申請投票結果

－支持（ 31票）－
民建聯（ 9票）陳鑑林 李慧琼 劉江華 陳克勤 譚耀宗 張學明 *葉國謙 *黃容根 *黃定光

工聯會（ 4票）黃國健 王國興 *潘佩璆 *葉偉明

自由黨（ 3票）*劉健儀 *張宇人 *方剛

經濟動力（ 3票）*梁劉柔芬 *林健鋒 *梁君彥

*黃宜弘、葉劉淑儀、*霍震霆、*林大輝、*李國麟、*詹培忠、*梁家騮、*陳茂波、*謝偉俊、*劉秀成、*譚偉豪、*李鳳英



－反對（ 21票）－
民主黨（ 8票）甘乃威 李華明 涂謹申 鄭家富 黃成智 李永達 何俊仁 *張文光

公民黨（ 5票）余若薇 陳淑莊 梁家傑 湯家驊 *吳靄儀

社民連（ 3票）黃毓民 梁國雄 陳偉業

民協（ 2票）馮檢基 *張國柱

職工盟（ 1票）李卓人

街工（ 1票）梁耀忠

何秀蘭

－缺席投票（ 6票）－
*李國寶、*石禮謙、*梁美芬、*何鍾泰、*林健鋒、*陳健波

大家明明生活在同一個地方,為什麼要分成「八十後」「五十後」?
一月十日0既城市論壇,完全暴露香港呢個"國際城市"幾咁封建同守舊。
當班後生仔講0野大聲少少,發表自己0既主見。
你班老鬼就要佢地"冷靜",「接受人地0既意見」,
如果呢句說話0既潛台詞係"你班細路識咩0丫,等阿叔教精你啦"。
唔該你班老鬼早早收皮!

即使班細路真係有偏差,
作為長輩都要有一個胸襟,容許佢地犯錯。
再講,0個班細路講0野有板有眼,
要虛心聽人講?,其實係你班老鬼。
一唔0岩聽就叫人收聲。
詞窮理屈就話人「想奪權、攪港獨」,真係笑死人!

個世界咁多0野玩,班細路先無咁得閒走去從政。
佢地而家只係行使一個市民0既權利-監察政府。
當政府0既施政係行之有效,
制度可以保障所有人0既權益0既時候。
呢班人根本唔使去到咁"激",
係你班人無視佢地0既聲音,
係你地班享受緊既得利益0既老鬼迫佢地行呢一步。

班細路0既要求其實好簡單,
佢地只想地位對等0既溝通。
咁簡單0既要求,點解你地都視為「洪水猛獸」?
班細路個個拎住"成人身份證"0架!
尊重0下佢地啦!

荒謬的24小時

2010-1-09晚，廟街有人擲漒水。
2010-1-10早上，警方一隊人守0係電台門口以"襲警"「拘捕」陳巧文。
兩件事如果分開進行，其實無咩"殺傷力"，
但兩件事夾埋一齊，
警察就樣衰到痺.......................

呢一刻0既香港，我覺得好醜陋
抗爭，每一個世代都有，點解要抹黑呢班年輕人！
今日0既所謂「建制派」，回歸前咪又係港英眼中0既「搗亂分子」。

要知道，"M型社會"會產生大量低下階層。
而政府又無視呢班人存在同佢地0既需要，繼續同富裕階層夾手夾腳「利益輸送」
盲0既都會眼火爆啦！佢地都係「香港人」0黎0架！
有一班「衣食足後知榮辱」0既細路走出0黎開聲，
我真係開心都0黎唔切。
你班老鬼鬧佢地「食飽飯無事做？」
梗係啦，你地都就死咯，第日香港衰成點都唔關你事啦！

落馬洲線、西部通道，用0左幾多錢？又為香港帶來多少「利益」？
所為0既"融合"，除0左令廣東道企滿大陸人之外，香港有幾多好處？
點解窮人0既數目會多過港英時代？
大陸0既資金炒起香港樓市股市，但真正0既香港人得到幾多利益？
生活有無改善過？

六百幾億起一條無迫切性0既鐵路，一切配套都未有具體方案
但就已經攪到民怨沸騰，原因係咩？
既得利益集團可以毫不避嫌咁支持方案通過，
仲調返轉頭話人阻頭阻勢，咩人0黎0架！

香港已死！

阿凡達- 但願我也有那一撮觸鬚

呢套戲，一早已經決定要睇兩次
如果「柄埋」十幾年0既代價係可以換到幾十億美金票房0既成績
呢D就係高手中0既高手。
至於香港有班人話菜園村居民0既情況似Na'vi 族人，咪玩啦！
Na'vi 族人係成個族群一齊反抗一齊唔妥協，
菜園村有幾多村民已經接受賠償？
唔該，唔好侮辱一群唔存在0既種族。

或者Na'vi 0既「戰爭科技」真係唔及人類
但佢地完全知道自己係星球上0既其中一部分
知道點樣同佢地0既土地和諧共處
我最羨慕0既係，佢地可以用佢地0既身體直接同佢地0既神靈溝通
用心靈去感受星球上0既一切事物，
人類最可悲0既地方就係只懂得睇表面
天真到以為用 avatar 去教化Na'vi
其實係人地0既祭司想透過呢班活在夢中0既「睡夢人」去令人類知道自己有幾無知

James Cameron 最高手0既地方
就係可以令入場觀察完全同情一班唔存在0既生物
人類為0左金錢利
益去入侵人地0既地方，肆意破壞
用壓倒性0既力量去對付原居民
強迫人地接受自己0既一套，
到人地奮力反抗，就話自己生活受到威脅
要將呢班低等生物"連根拔起"
完全就係幾百年前地球上出現過0既歷史。

呢班藍色馬騮，過0既係「原始生活」，仲連火都唔用。
但跟住故事發展落去，你慢慢會嚮往呢種生活
認同佢地0既價值觀，
甚至會覺得
「精神上0既文明，比物質上0既文明更可貴」

黃總亂了!?

無啦啦開會講一埋無謂0野
什麼在其位謀其職
咪咁ON 9 啦！信都俾0左，仲同你仆心仆命咩
日日準時返工都俾面啦！
成埋廢話我只聽到一個信息，
你地要走0既無所謂，但你地都要好好睇睇
唔好HEA
真係笑死
今年走0左咁多個
呢D 0野又有「傳染性」
唔係應該做多D0野「收買人心」咩
扮牧師講廢話可以有咩幫助？

香港保衛戰

「普天同慶」之餘，請記得有一班人曾經拼死保護香港。
http://wapedia.mobi/zh/%E9%A6%99%E6%B8%AF%E4%BF%9D%E8%A1%9B%E6%88%B0

在1937年至1941年期間，在中國抗日戰爭中作為中立國的英國政府，仍然刻意維持香港的中立地位。這段時間進入香港的中國國民革命軍一律根據國際慣例，繳械後送入集中營。而香港的華人雖然亦有為祖國對抗日本的戰事出錢或出力，但是一切都需要在不影響英國和日本關係的前提下進行。

英國在1933年的倫敦海軍會議中通過廢棄《華盛頓海軍條約》。於是由1935年起，香港便開始展開其預算高達五百萬英鎊的防禦計劃。1937年底，當時剛上任的港督羅富國認為香港難以防守，曾建議香港列為中立的不設防城市，停止所有防禦計劃，但遭反對。而當時擔任英國海軍大臣的邱吉爾也曾表示「香港雖不能堅守，但一定要保衛」。

就在日本海軍偷襲美國太平洋上的珍珠港後數小時，即民國30年（1941年）12月8日香港時間早上8時，由酒井隆中將所指揮的日軍華南派遣軍（第23軍）之下陸軍司令佐野忠義大佐（第38師團）指派步兵司令伊東武夫屬下三大聯隊228、229、230步兵配合第66隊北島冀子雄炮兵團作先遣部隊從寶安縣（今深圳市）分打鼓嶺、羅湖及新田3組進攻香港。
當時負責防守香港的主要有步兵7個營包括英國兩營、加拿大兩營、印度兩營步兵和香港義勇軍6隊，加上皇家炮兵團及港星炮兵團，配合皇家海軍等總共約15,000人守軍。然而英軍自始即處於非常不利的的位置。日軍方面，陸軍有數量上的優勢、士氣高昂及訓練充足，還有由廣州開出日機飛行團在香港上空轟炸支援。反观英軍方面，陸軍由雜牌軍組成，訓練方面參差不齊，空中力量亦異常單薄，也缺乏雷達可以使用，最重要的是不同兵種间存在配合問題。負責防衛九龍及新界的，是一個稱為大陸兵團約5千人的英軍和印軍，其總部設九龍塘，包括第二皇家蘇格蘭營、旁遮普第十四團二營，拉吉普第七團五營，香港義勇軍第一連及炮兵及一小隊增援加軍榴彈兵。根據預定的計劃，英印軍放棄難以守衛的深圳河，而將主力放置在九龍北面的山地上，稱為醉酒灣防線。

日軍第三十八師團下的三個團：第228、229及230團，在12月8日早上起從正面越過深圳河，向南進發，228聯隊經林村上鉛礦凹，229聯隊經沙螺洞、赤泥坪後過馬鞍山出水牛山，230聯隊先去錦田、元朗及青山灣，沿青山公路出荃灣。直至12月12日傍晚，除鯉魚門北岸的魔鬼山外，九龍新界都已完全陷於日軍。12月13日，最後留守九龍的拉吉普營乘驅逐艦撤離到香港島，九龍淪陷。後來日軍曾派代表要求英軍投降，卻遭到港督楊慕琦拒絕。防守港島的是從九龍撤出的部隊、兩個加拿大团、第一米德薩斯軍团（1st Middlesex Regiment），以及義勇軍第一至第七連。總司令莫德庇少將（Major Gen.C. M. Maltby）把港島分為東西兩旅，東旅由九龍退回來的瓦理士准將作總指揮，主要防守銅鑼灣及深水灣以東的海岸線，包括北角至柴灣、大潭至赤柱及淺水灣，總部設在大潭道和石澳道交界的高地。西區則由羅遜准將任總指揮，把守西環及中環海軍船塢、薄扶林及以至香港仔壽臣山等西部海岸，總部設在黃泥涌峽附近。維多利亞城等要塞由蘇格蘭營軍及義勇軍4及7連防守，要塞指揮部及聯合指揮部都設在海軍要塞內。日軍於12月21日圍攻淺水灣及赤柱地區，米德薩斯營B連及加軍來福槍隊B連在淺水灣酒店一帶英勇反抗。

12月22日至12月24日，日軍在山區相繼攻破由西旅的蘇格蘭營及加軍榴彈兵聯防的金馬倫峽、馬己仙峽等防線，市區禮頓山據點失守，剩餘守軍兩營印軍、米德薩斯營Z連及炮兵海軍等轉步兵以灣仔盧押道及船街為最後防線，東旅加軍來福槍隊曾一度抗命，同時防線退守至赤柱村以南，海軍船塢及城區被日軍炮轟而引發大火。
12月25日下午3時，莫德庇少將（Major Gen.C. M. Maltby）向港督報告守軍無法組織有效的抵抗。港督楊慕琦在撤走部軍政人員後在下午5時至日軍司令部稱降，下午7時簽署降書。日軍將領、港督及守軍總司令莫德庇在九龍半島酒店燭光下簽降書，持續18日的保衛戰結束，但集中於新界的東江縱隊開始活躍，對日治政府做成壓力。

如果真係人才，就唔該你好好對人。
做得0野0既俾你整走曬
留底0既個人個淨係識吞POP流口水....

另一方面，
有無需要行到呢一步呢？
廢人、賤人，"十九西"
只要一間公司有返咁上下規模就一定有
特別係「傳統華資公司」
就一定會出現。
如果因為呢D生物而要自己走來走去
我覺得係搵自己笨
而且呢度，廢人特別多
只要好好做落去，一定有機會
又或者，未拎到好牌之前，不妨放棄盲注
拎到好牌至同佢ALL-IN
咁咪仲好

阿D 去到AM 呢個位
如果真係因為「一時意氣」走0左
對公司係一個損失！

記著這一天

2009年12月13日
民主黨反對「變相公投」
完全出賣了支持香港爭取民主的香港人

大家知唔知邊個係梁家熙
佢係今屆東亞運
110米跨欄0既香港代表
有份同"國寶"一齊跑決賽。
香港代表0既成績，新聞無講.....
入場0既小學生只識為"國寶"打氣，
有無人問佢知唔知代表香港0既運動員叫咩名！
喜歡"國寶"，因為佢係奧運金牌運動員
根本呢個城市只係對「成績」有興趣。

個個"支持"香港東亞運足球隊，
係因為佢地打入決賽
有幾多個可以講得出0個十一個正選球員0既名？
香港，喜歡體育運動的人太少，喜歡襯墟湊熱鬧的人太多。

你地係點樣祈禱0架？

「祈禱不是向神乞討。祈禱是向神立誓，下定決心去達成目標。」

唔好當我地係"kind"

今年0既賽會好有問題
(可能一直都有，不過今年影響到我地，所以要出聲！)

小組出線，阿輝明明入0左6球，你話你地"計到"五球
OK~！豪俾你。

踢完兩場淘汰賽，打生打死打甩脾。
仲同我地講入得五球！
「同東亞0個個"併列"射手榜第一位」！？仲要我地因為有黃牌，所以係人地排先！
咁 8 強賽入0個6球係邊個入0架？有片為證，阿輝最少入0左兩球。
4 強賽幾十隻睇眼住第二球係阿輝入0既，啊！又唔計數！？

各位落場0既球員，打好D
一球都唔好俾佢地入！！
我地0既攻擊力係咁多隧中最強，我對係大家0既入球能力好有信心！

之前我都唔係咁熱心叫人星期六0黎撐場，
但過0左今日，我好衷心希望大家0黎同我地打氣
被人當傻仔咁玩，真係好過份！
星期六，下午 4時，觀塘康寧道球場見！
我地唔係去做觀眾，我地係"參與比賽0既一份子"！！！

(點解我D 語氣咁似"黃毓民"？) :P

2012 - 借末日講政治

沒有任何人明確說出「2012將會出現"毀滅性災難"。」
所以，不要有任何不必要的憂慮。

故事真的爛得不能再爛，
不過，正如《變形金剛》一樣，
多得科技的幫助，讓世界上出現「可以很好看的爛片」。
每一個畫面也不能錯過，全都是經過精心計算的電腦效果。

但我最感興趣的，當然是電影背後的「隱藏信息」。
美國不再是「大阿哥」，
地球上最有錢的仍然是中東油王
俄羅斯人有錢，不過只是一個壞品味的「暴發戶」
黑人總統大仁大義，白人幕僚冷血自私
印度人外表落後，但有洞悉先機的智慧
為了「保障全人類的利益」，美國可以毫不猶豫地殺死任何人

如果中國人因為此片而沾沾自喜，我會覺得很可笑，
在全世界眼中，你只是一間「高效率的工廠」，
電影中，能夠付出10億歐羅的，是中東油王及俄羅斯富豪。
就算「登船」那一幕，也沒有一個「中國人」，
不過，帶著主角「走後門」登船的，正正就是「中國人」，
早說了，「走後門」是中國人的"國技"。

摘錄 - 社民連《五區總辭》政治說帖

民主派的力量來自香港市民，民主運動的力量同樣來自香港市民，
「五區總辭，全民公決」是民主運動的一項戰略，透過選票彰顯港人爭取普選的意志及人民力量。
「五區總辭」即由五個民主派立法會議員代表獲六成選民授權的民主派辭職，
在香港開埠以來是前所未有的行動，必定引起市民大眾、本地及國際傳媒的關注，
對北京當局及特區政府構成龐大的壓力。由補選而衍生的全民公決，
是全民意志一種清晰的表達，雖然不具法律效力，但其投票結果具有不可摧毀的道德力量，
迫使中央及特區政府正視港人爭取普選的訴求。

「五區總辭，全民公決」可以刺激港人反思民主的價值，
從而鞏固及壯大民主派的支持，並加強民主運動的力量。
無疑，近年香港人的政治意識不斷提高，但是董建華及曾蔭權上任之初的支持度也非常高，
及後由於不斷施政失誤才令二人的民望下滑。
民主派不得不承認，在政治高壓低下，港人對小圈子特首的施政也存有幻想，
民主並未能成為港人最核心的價值。「
五區總辭，全民公決」若成事，將是近年香港政制發展的重大事件，
不論支持或反對的本港媒體不能不作廣泛報導，
以往沉默的大多數，也要反思民主與自身權益的關係，
正如六四事件廣泛引發港人對民主的渴求。
補選過程是全港每名選民可以參與的過程，選民會接收大量文宣，
及第一次面對「選事而非選人」的「全民公決」投票模式，這是最好最難得的公民民主教育。

「五區總辭，全民公決」將開創香港直接民主實踐的先河。
我們不必過分擔心全民公決的結果，即使結果是支持政府的民意佔上風，問題也不大；
縱使民主的理想表面上落空了，雙普選的政治目標短期內不能實現，
但本港社會的民主化其實向前邁進了一大步，因為全民公決得以確立為最直接的民主政治模式，
日後便可成為民主運動的利器，直接影響香港未來的政治發展。由是觀之，這至少也是民主派在政治上退一步、進兩步的妙著。

請不要忘記：
我們每一位泛民主派議員，都在08年的選舉中向市民許諾會爭取2012年雙普選，
會以2012年雙普選為我們的底線。
人民選我們是為了實現選民的意志，我們斷不能為了戀棧權位及懼怕中央而不敢抗爭。
面對這時刻，我們必須向自己交待，以行動証明給今天及將來的香港市民看，
我們盡了作為香港民主過渡受託人的使命。
為此，社民連不計勝敗，已就立法會功能組別的公司票投票制度申請司法覆核，
這是在遊行示威已不濟事的情況下，在議會抗爭以外開闢的另一條戰線。
如此拉闊戰場，目的在維持民主運動於不墮。
若然官司勝訴，則從憲制上否定了四分一功能組別議員的合法性。
這將會是一場很好看的戲碼。
另一方面，我們提出「五區總辭，全民公決」方案，
這是目前為止最具認受性及代表性，且在現行憲制架構下完全合法的政治行動。


補選不是全民公決，它脫離憲政現實，也容易流於選人而不選事；而妄圖以之為談判籌碼，不是很天真嗎？
的確，《基本法》沒有設立公投權，「反全民公決論」論者也會緊咬著這點不放，
而保皇黨在對應補選全民公決的競選動員中，也會刻意將選民帶離普選議題。
但其實能否真的讓補選變成全民公決的，全繫選民本身。
在民主先進的國家，選民將補選變成全民公決，是司空見慣的。
很多時候，通過一次的補選投票，令執政黨在一個原本十拿九穩的選區陰溝裡翻船，
就可以明白表達對執政黨的不滿。而每每也有執政黨因這種選民訊息的明確表達而提前大選。
因此，是次全民公決本身也是重要的公民社會教育。
通過這次全民運動，政府、傳媒、學者及全港市民才能真正就政改問題作一次深入的大辯論，
市民才能夠實踐作為現代公民的應有義務，就關乎自身利益的重大議題作出選擇與表態。
它所帶動的公民教育及人民動員的效果，甚至將遠超過全民公決的議題本身，
足以啓蒙了一整代的香港市民，一如六四經驗或七一大遊行啓蒙了上兩代的市民。
它所產生的民意表之認受性及代表性，也將超過之前的選舉。
當然，泛民主派若進行這由補選衍生的全民公決，
也的確要盡力告知選民這不是一般意義上的補選，
因此其實不是選人而是選議題，那就是香港是否應該盡快有普選！
至於是否以全民公決結果為談判籌碼，中央及特區政府會否真箇理會這結果，
那是「反全民公決論」論者以圖減弱或挫折實踐全民公決的意志的說辭。
在任何政治角力中，意志的強弱的確是相當重要。
就如一個債仔，面對債主臨門的局面，一定會早早放風說無論債主做什麼行動，
他都一定不會還債。放風的目的，自然是挫折債主追債的意志。
惡形惡相的中央政府、及死皮賴臉的特區政府，自然是將狠話說在前頭，
因為他們欠了的，正正是香港人普選權利的債！
香港市民除非有正確心理質素認清自己其實是債主，自然不會為此種心理戰術所蠱惑。
其實泛民主派進行「五區總辭，全民公決」所希望顯示的，
應該是獲取明確的民意讓中央、特區政府和世界知道，
要求中央和特區政府尊重民意，而非作為什麼談判籌碼。

「五區總辭，全民公決」是浪費公帑之舉嗎？故意以五區總辭迫出補選，是「勞民傷財、愧對選民」嗎？
「反全民公決論」論者批評「五區總辭，全民公決」浪費公帑，
估計是次補選花費1億，因此必然是勞民傷財了。
這種輪調可以說是可笑的，因為照這種邏輯，民主先進國家的全民公決都是浪費！
試問，參照什麼樣的特區開支浪費，可以將五區總辭形容為「浪費」？
對比政府近期的副局長和政治助理委任制度、廣深港高鐵、迪士尼擴建所花掉的公帑？
搞「五區總辭，全民公決」，
難道還能比特區政府本年底已經預設答案的「2012政改諮詢」更加浪費？
事實是，一次真正可以反映民意的選舉，才是長遠節省社會成本，
令社會不用再政治爭抝，讓社會可穩定發展的、最具成本效益的方法。
它能夠讓整個社會就一些單一的重要議題作討論，
表決和授權，是現代政治的一個有用的工具。
正惟如此，民主先進國家的選民根本不會對全民公決作出浪費公帑的批評。
一個沒有民意授權的政府才是枉花市民血汗錢的源頭！
在現行市民沒有實在的監察權的制度下，政府浪費納稅人的金錢還少嗎？
政府每年開支總額為2000多億，
現時立法會的組成及規則，根本沒法讓民選的代議士修訂，更遑論反對政府的撥款要求！
因此，泛民主派希望藉雙普選全民公決，促進香港長遠有一個有效回應民意的政府及立法會，
倒是長遠確保公帑運用恰當的策略。

辭了職再補選，會被保皇黨攻擊為「玩嘢」，倘若市民誤會這是一場「政治騷」，豈非大大削弱了全民公決的效應，並對民主派的長遠形象與發展非常不利？
其實在保皇黨口中，所有民主派政黨發起的抗爭都是「政治騷」。
當「五區總辭，全民公決」真正落實時，其震撼程度令本地傳媒很難「冷處理」，
我們相信市民可以得到充足資訊，去判斷公決是否值得他們參與。
我們更相信許多一直支持民主派從政者的市民，
會與民主派議員一起向身邊的親友說明，這一場公投的意義。

若建制派完全不參與或只參與部分選區的補選，民主派便會自動當選，豈不是達不到全民公決之效？
既然不少左派人嘲諷民主派五區總辭之舉「自掘墳墓」，
建制派理應抓緊機遇，搶佔立法會議席。
而且這是保証2012年政制「發展」方案篤定通過的唯一機會，
若民建聯不負此重任，則愧對港人和中央。
但我們的確不能排除中央不想為五區總辭提供認受性，這也是極可能出現的狀況。
民主派應考慮到建制派可能選擇性地避戰，迫使某區民主派候選人唱獨腳戲自動當選，
破壞全港市民參與直接民主全民公決的機會，並挫折補選的認受性。對此泛民主派應有適當的對策。
我們的建議是，在任何一區提名日期將屆，而形勢明顯沒有任何人與泛民候選人競爭，
我們應派出第二名泛民候選人參選，令補選發生。
該第二名候選人同樣以「2012雙普選」為競選的單一議題，
將兩名泛民候選人的得票相加，成為在全民公決中支持「2012雙普選」的得票結果。

在補選進行期間，難道民主派候選人就完全不用回應對手提出的民生議題嗎？
這一次補選，建制派的候選人必然迴避政制議題，
將重點放在經濟和政治道德問題（即議員辭職後重選自己的議席是否道德）上。
一直以來，建制派都製造政治和經濟議題互相衡突的印象，
如推動民主政治會損害經濟等。在這次選舉，民主派候選人回答民生問題時，
一定要將民生問題的深層原因帶出。
經濟民生問題是和政府的財政、地政和金融政策息息相關的，
與現時政府的組成結構更有密切的關係。
現時香港的官商勾結問題嚴重，政策極度不平等地向富商傾斜，
歸根究柢是因為香港特區的首長由中央欽點，
並由一個八百名商人、人大政協代表、專業利益人士組成的選舉委員會「欽選」出來的！
中央政府和行政長官為求得到商人的支持，以香港人的利益酬謝富商。
因此民生問題和政制有莫大的關係！
民主派候選人回應對手提出的民生議題時必需明確指出這點。
所以民主派候選人回應民生議題的最有意義答案是：
盡快落實雙普選和政黨政治，以規範及引導商人的政治參與。

要是其他民主派不接受「五區總辭，全民公決」方案，社民連怎麼辦？若社民連未能說服泛民主派盟友參加五區總辭，是否代表社民連要與其他民主派的決裂？
泛民主派各黨派爭取2012年雙普選的決心是一致的，
但是在手段和策略上，的確存在分歧，
就如民主黨和公民黨不大認同我們掟蕉掃場的議會抗爭。
然而這個路線上的分歧，不足以動搖我們與民主派各盟友爭取民主和捍衛公義這一共識。
為回應市民對民主派團結一致的期許，我們會拿出最大的誠意，
說服各位盟友一同落實「五區總辭，全民公決」，
只要不是犧牲民主和公義的原則，我們願意作出技術性的讓步和妥協。

賭博默示錄 - 走向奴役之路

漫畫中0既"伊藤開司"比藤原龍也更「兜 mou」「頹廢」。
一個演員如果太靚仔，其實都係一個限制。
男主角好努力咁「扮頹廢」不過，有時我覺得佢0係度「chok 樣」
對松山研一唔好有太大期望，
係有好多對白，但其實係過場性質，
但舉手投足，都比藤原龍也來得自然。
做型亦「對板」好多，早說了，
「我對靚仔有偏見！」

串起成個故事其實係靠三個遊戲，「限定包剪dup」、「勇者之路」同「帝王牌」
電影版0既勇者之路已經比漫畫版仁慈(睇過漫畫版你就知)。
電影好多對白都係向現今日本社會0既「下流」化作出控訴，
下層市民永遠不能向上爬，上層的又不理"民間疾苦"，只看著自己的財富。
最尾0個場「帝王牌」對決，假如上層失去了"優勢"，
其實地位跟"奴隸"沒有分別 - 大家都只是一個普通人。
電影尾段0既對白非常之「不和諧」，而且充滿「煽動性」
國內有識見0既官員一定會禁止上映。

電影中令我心寒的是地下工場的生活
每個人每日都做著相同的苦工，過著集體的生活，沒有個人空間。
他們比囚犯更絕望，因為這些奴隸都背負一筆沒有可能清還的債務。
每月的發薪日成為了大家「消除辛勞」的大日子，
神秘集團更會用"甜言蜜語"去動搖你的意志，
用自己的"倍利"去享樂消費，辛苦賺來的，轉眼又雙手奉獻。
之後又一次「一無所有」，慢慢地，發薪日就是他們生存的目標。
不自覺地步向一個「自毀的人生循環」。
整個地下王國，就是現今資本主義社會的本質。

假如你認為，「0車！做戲0者！我又唔係做緊呢D苦工！」
咁我想你諗下，
你有無一筆為數不少0既債務？
你每月0既薪金係唔係大部份都用0黎還債同消費？
你係唔係做緊一份"無明天"0既工作？
你是否正踏上奴役之路..................................................

唔知為mug

旅行攪抽獎，無所謂啦，大家高興
「大獎」"只不過" 係一部幾千蚊0既netbook
真係唔係咩大數目

但有D人又想中獎0個個請食0野，叫做開心0下
中0個個又覺得無必要
......咁就出事啦！
我地呢班舊人，把口其實都幾臭
有時講笑講大0左自己都唔會知，
因為大家都係舊人，所以大家都知道「講笑0者！」

但新0黎0個班，平時無咩兩句
你突然同佢講笑，個樣仲要鬼咁認真
面皮薄 D 0既，真係頂你唔順0架！
件事本身其實好小事
發酵到要經理出面，我已經覺得「小題大做」
仲要處理得唔好，就更出事！
因為咁，大家心存芥蒂，又為mug呢！！！

酒

唔同人，有唔同0既酒
懶有個性0既，會飲清酒
年輕人，就多數要貴價紅酒
有D 無錢0既，啤酒都會飲
但年紀大0左，有D人就會飲麥酒(威士忌)

最討厭迫人飲酒
只要開心，不妨飲杯酒
祝大家，一路好酒！

公司又攪旅行，對我0黎講，只不過係開多兩三日OT。
「食得好，住得豪」OK，無所謂，都係0個句「俾$我會更開心」
反正我打呢份工，都只不過係為0左$$$$。

同班同事玩0左三日，係開心0既。
性格決定命運，明明有D 0野唔做，「留白」更完滿，
但就係要玩「大手筆」，結果撻曬Q，為咩呢？仲要0係D FD 面前(火羅) 0左，幾無謂！
下面班「巨頭」又係0既，醒少少啦！明知大陸D 0野你估唔到，就唔好爆咁多俾佢知啦！
無啦啦攪到佢無0左次面，你話你地「該當何罪」。
我地圍內攪「睇波」無得睇0既，我地可以玩其他0野，
但如果由佢帶頭，我地唔去又話唔俾面，去到又ON 99
仲要衰到真係無得直播，返到香港，都唔知有無手尾跟.....煩X麻！

個團如果去到下午解散，就已經好好，你想去食飯，咪同你D FD 去LOR，
我地食唔食，其實好閒。
攪到個個(才拿)住口面去食飯，仲要「走0下一個，走0下又一個」
古古怪怪咁。
間0野又PK 喎！咁PK 就咪X 咁大班人去啦！
仲要攪到我，好在我有返咁上下，唔係真係俾間PK 0野 "煽一鑊"！

阿H 仲要ON9 到問人「點睇自己同 L 。」
我聽到差D 笑0左出0黎，好在忍得住。
阿H 已經係「司馬昭之心」，我只可以祝佢一句「GOOD LUCK」
有D 0野，係要慢慢累積，
如果你之前好好地去做一個技術官僚，起碼都仲可以得到下面0既少少同情。
但可能又係「性格決定命運」，個個話你係"公公"，你自己都知點解啦！
而家至想補救，太遲啦，個個對你已經有負面評價，已經唔想「埋你身」
我相信，阿 P 唔多唔少都會知道。

用0左三日時間去訓練自己0既演技，
我俾自己.....80分！

2009年10月，我第一次夢見「大洪水」。

立此存照

2009年11月，日本大地震

2010年3月，台灣大地震

港人治港已死

個個都只識權鬥，但手段又鬼咁低能
已經睇到眼冤
有普選，無普選，定係「你揀俾我去選」，我都已經唔再關心
我只希望中央可以「救返香港」，唔好比佢沉落去

無0架啦，個個所謂0既特首
一上場就將前人所有0既0野都「推牌」
個個都貪圖名利，為自己「揚名立萬」，真係唔得你死
又怕得罪呢個得罪0個個，根本就無魄力去改善"根本0既問題"
之後自己又創一埋廢話，樣樣都從頭0黎過
根本就無可能有「長遠已有建設性0既發展」

要醫好呢個死症
方法只有一個，由中央成立影子政府
召集各路人馬，制訂一切香港0既長遠發展計劃
當然呢班人無可能由大陸搵班「鄉長、省長」0黎做啦
向國際獵頭，搵一班有料0既人去鎮住香港呢班"無料大代表"
只要中央肯"放下面子"，香港就有救。
到時，咪比你香港"一人票選特首" LOR
反正個個一上任就諗退任，做特首，為0左"威"之嘛，你估真係「為香港人民謀福祉」咩！

用返英國佬0個套啦，人地用0左百幾年，真係「WORK」0架！

已經腐爛都「出曬面」。

連咁簡單0既危機處理都攪唔掂，成班人又老又蠢又自私！

我一早轉投社民連，公民黨？過多幾年就消失0架啦！

一個女仔，無犯法，無傷害人(可能佢0既身材"傷害"0左好多港女)

做0既事仲令唔少人開心，至少可以「梳理」一下自己0既性慾 :P

點解仲要針對佢？我地唔係時時講「俾多D機會年輕人」咩！

俾條生路佢啦！

偽能叛變 - 諷刺現在？還是預言將來？

對燈發誓！我好耐之前已經諗過一個咁0既故事，
而家有人將佢拍成電影，我一定捧場！

一聽個故事，係人都知諷刺緊而家「人」同「互聯網」0既關係。
逃避現實、隱藏身份、將戰爭變成一場「零傷亡成本0既殺戮(燒銀紙)遊戲」，
呢D已經講到"口都臭"。
但電影一開始0個幾分鐘"偽紀錄片"，將現今確實存在0既科技，引入電影0既幻想空間。
不禁覺得，「都咪話無可能」！

戲入面有一班堅持拒絕用替身0既人類，為0左"逃避"呢種科技，成立0左一個個自治區，
有咩依郁，呢班人就會喊打喊殺，完全唔講道理。
又會將呢班人0既領袖有意無意間描寫成一個「疑似宗教領袖」
用演說去宣傳自己0既價值觀，而其實佢0既真正身份係........
我覺得係醜化緊現實中0既小數族裔同埋非主流宗教人士。

電影中「反派」0既心態好奇怪，
"因為人人都上0左癮，所以佢地全部都要死，咁至可以撥亂反正"
但係吸毒吸得最「出神入化」0既，其實就係佢，咩心態0黎0架！
而最後主角又有另一個方法令人「戒毒」喎，吹脹！



呢套戲，可以令Bruce Willlis 拎正牌"反老還童"
睇見一個二個人物塊面都好似「打0左臘」咁，其實都幾好笑！

給半年後的我

非洲
移動通訊
手機

如果

《時空旅的戀人》 - 推薦俾所有打算結婚0既情侶

之前睇0左預告已經好想睇
同一個人
未結婚之前，佢0既「特點」係你眼中0既優點
結0左婚，就成為佢0既缺點
問題係，你眼前0既人其實一直無變過
未得之前0既等待叫「浪漫」「癡心」
得到之後0既等待就係「煎熬」.....
男主角用佢0既能力解決0左呢個問題
但現實中0既我同你，點樣面對呢個問題，就要靠"大智慧"啦！

電影係講時空穿梭
但特點0既係，未來0既自己，係可以同過去0既自己相遇，甚至溝通
同過去有關0既"定律"完全唔同
而且因為咁樣，可以加少少笑料
唔會令到套戲"死浪漫"

雖然套戲講述男主角0係不同時空出現
不過，又好似無咩犯駁位喎
可能係我唔為意啦
由暢銷小說改編，故事有一定保證
男女主角又係型男美女
真係值得入場，當一個拍拖節目都唔錯

我們都有病

一個企圖自殺0既人，向「拯救」佢0既消防員進行攻擊
更甚者，佢0既攻擊有可能危害到消防員0既人身安全
消防員「為人為己」令"自殺者"失去攻擊能力
係最理智0既決定
其後"自殺者"因為受襲而「危殆」
又有班無聊人跳出來說三道四 - 涂謹申，因為你的言論，我發誓不會再投民主黨一票！

我地呢個社會到底發生咩事？
0個個人唔自殺，就唔會「受襲」
到頭來，你地話消防員有錯？
任何人都要為佢自己0既行為負責
消防員唔係警察，唔會主動走出0黎「襲擊」你
收到命令去救人，倒轉受到「待救者」攻擊
俾你都有火啦，條友仲癲到攬住死！
我認為消防員打得唔夠 tim 呀！

我最討厭人跳樓
俾你死到，D街坊就心驚驚
你死唔去，又要消防員0黎「救你」
「救一個想死0既人。」荒謬到不得了
真係想死0既，唔該"死遠D"，仲要"死快D"
真係想死0既，唔該唔好「等齊人，做大戲」

港女買電腦

前兩日細佬有單嘢，十分有趣又有啓發性，一定要分享吓：有日收到個call，原來係前度女友W打嚟，佢求救話想買部手提電腦，但係家陣又netbook又notebook，咁多款唔知點揀，想揾我陪佢買，本來我都想推，但男人衰心軟，又鍾意認吓叻，見佢又咁急住用，咪根據W所定嘅budget，去research定啲牌子同model囉，諗住去到高登快快趣就買完閃嘛！
男人買嘢，多數就做定功課，去到格吓價，就扑槌決定啦！於是我就選定咗某牌子嘅netbook，白雪雪10吋mon，5、6個鐘頭電量，上落三千銀左右，仲搵定多兩個型號俾W比較吓。點知去到高登，W就話netbook個mon細，驚cpu功能弱，無問題，我知道notebook至係佢真正需要，於是轉攻揀notebook！
揀咗一陣，我問吓有乜嘢牌子鍾意，W話無乜所謂，只要唔好係某台灣牌子就得，我唔明，以為人哋有咩技術上缺點，一問之下，先知原來個諧音因為似「笨Q」，我當堂死咗！我唔同佢拗，話晒係前度，一來知性格，二來俾吓面，我決定繼續努力下去，完成任務走人，鬼叫我大安旨意，打算用一粒鐘完事咩，下一場約咗人嘛！
W揀notebook一拎就嫌重，我都好耐心咁分析，要機動力强就要放棄功能，要大mon就要預咗會重，佢明明哋，於是鎖定12吋mon，唔要有光碟機。太好嘞！用咗大半粒鐘，終於縮細咗範圍，我以為有運行，麻煩啲sales哥哥推薦吓，有部似樣嘅真命天子出現咗！誰不知，W一拎依然覺得重，佢一，見到一排雪白色嘅netbook，竟然返轉頭考慮，話同事嗰部就好似呢啲咁，又輕又樣靚！不過佢又擔心開多兩個程式又會慢，睇得耐又驚對眼會攰，左右為難。
我預咗，真係預咗會咁！我又唔係第一日識佢，而且女人不嬲買衫都三心兩意啦！有乜出奇啫？其實W已經盡量理解我嘅分析，我仲好直接咁用比喻：買手提電腦就好似揀老公，要清楚自己首要要求係乜？靚仔未必專一，老實可能會悶；小男人易控制，大男人又安心，有錢有面愛你又專一嗰啲會有，但係嫁入豪門嘅代價唔係個個俾得起。總之一句，每部手提電腦都同男人一樣，各有缺點，問題只係响能力之內，揾「最大公約數」，呢個世界，「電腦無十全，西瓜無滾圓」。
但係故事仲未完結……

上回講到，W十五十六，唔知買netbook定notebook好，佢聽完「揀老公理論」之後，似有啲醒悟，再鎖定notebook先係真正需要，於是睇中咗H記一部，無論功能、屏幕、顏色、價錢、同重量，都符合要求，我諗住仲唔搞掂？點知原來W想免息分期，咁係人都知，會比現金或者直接碌卡貴幾個巴仙，於是乎女人又覺唔抵嘞！
我本著送佛送到西嘅精神，介紹佢去容祖兒做代言人嗰間買，去到MK店，嗰位哥仔好好人，服務周到，分期仲唔使加charge添，咁仲唔掂？果然不出所料，W話想打個電話再問吓同事意見，因為某啲公司軟件可能撞Vista，咁又等多一陣，點知嗰條同事聽見H記型號，就話部機會好熱，我知道因為係用A記CPU嘛，咁至會平啲嘛，怕熱又想點呢？
無問題！唔想熱之嘛，小事一樁啦！細佬立刻帶佢去旺電，根據嗰條同事介紹，搵到台灣A記新出，低功耗CPU電量12粒鐘嘅正嘢，兩部一比，梗係呢部涼快好多啦！正！又解決咗熱量問題，好開心，助人為快樂之本吖嘛！
但係我見到W皺住眉頭，住啲keyboard，有口難言，原來佢唔多鍾意啲掣喎。吓？輪到玩keyboard？唔係吖？似Apple一粒粒獨立黑色，有乜唔妥？其實使乜問，女人覺得唔妥，就係唔妥，係無得解。勢估唔到，最後死响粒掣手上，我兩個幾鐘嘅苦心，咪白白浪費？唔得！我要同佢權衡利害，唔可以為咗一排掣，放棄電腦嘅內涵！
經過我好仔細分析，同售貨哥哥嘅游說，W終於接受到啲掣，大功告成了！但係，佢竟然同我講，想等男朋友放工嚟碌卡同佢買！天呀！咁即係點呀？又話好急住用？揀到最合心水，臨門一腳，又嚟撻Q？我終於無晒氣力，認晒命！無話可說，忍著淚說goodbye。
細佬咁詳細描述呢個故事，目的只有一個，我想扮莊子大師，用一個生活化嘅故事，警惕港男港女，唔好跌入呢種「港女買電腦」嘅擇偶漩渦。如果自己可以付出嘅條件、對對方最重要嘅要求、迫切性、一概唔清晰；再加上人云亦云，身邊朋友多多意見，說三道四，就會氹氹轉，一世搵唔到另一半！枉度光陰。另外，到截稿為止，W仍然未買到手提電腦……死未？

相對於足球員，我更喜歡足球隊的領隊(經理人)
以世界杯為例，法國隊陣中不缺星級球員，
又挾住"前世界杯及歐洲杯冠軍"之名
為什麼現在爭一個外圍賽出線也顯得力不從心？
現在就連一個「小組次名」也未能"坐穩"
任何一個球迷也可以告訴你，法國隊的主要"死因"
就是領隊 - Raymond Domenech (杜明尼治)

球場如戰場，兩軍同場較量
個別球員水準或許有參差
但從來沒有「邊個好波邊個嬴」
畢竟，足球是"隊際運動"
團隊合作，比個人能力更重要
而要"團隊" 的能力發揮得最好，關鍵就是領袖

「士兵只是執行命令的工具」
強大的團隊，除了一班有能力遵守作戰策略的球員外
更需要一個可以定出「作戰部署」的領隊
史高拉利走了，葡萄牙告急
馬勒當拿掌管阿根廷，令國家隊陷入困境
鄧加令巴西「耳目一新」
卡比路為英格蘭球迷帶來希望
納比也靜靜地為意大利進行改造
沒有人會否定這些球隊的「作戰能力」
但為什麼只是一個「位置」換了人選，就出現這個大的變化？
因為領隊這個位置，就是球隊的大腦
換上一個好腦袋，能力就會出現幾何增長
只有腦袋壞掉的人，才會說
「沒關係，我有強壯的身軀，大腦能力差一點也不是問題！」

高中通識課程，最好直播世界杯決賽週！

一件仲未發生0既事，有人可以"言之鑿鑿"咁講個結果出0黎。
妙就妙在呢個人根本無份參與統籌，除非佢有預知能力，
否則，我會懷疑佢呢個行為0既動機。
因為，將來真係出現佢所講0既「惡行」
佢就可以站在正義0既一方大叫「一早就話呢班人PK 0架啦！」
如果事情唔係佢所講呢，佢又可以扮無事置身事外。
除0左「抽水」，
我真係諗唔到有其他原因。
可能當事人會覺得係「完美0既辦公室政治」
但0係我眼中，手段之底，就好似"小學生選班會主席"。

我無興趣知道點解有人要將公司分成「新人」同「舊人」
仲要將「新人」放0係一個"被欺凌" 0既角色入面。
但我奇怪0既係，身為一個總行0既職員。
不停咁0係分行職員面前數落總行0既同事，
但就從未聽過總行其他部門0既同事知道我地呢班舊人0既所謂「惡行」
一切0既事，都只係0係分行同事之間流傳。
總行0既所有人就完全「聽都未聽過」。
「來說是非者，便是是非人」

公司攪旅行，係一件開心0既事
如果有人想借呢件事去搵著數，
或者去影響人地(包括我)
唔該手段高明D，
因為到我反擊0個陣，我怕你連我手影都睇唔到
死0左都唔知咩事，你話幾唔抵呢！

今日黃金0既價格係幾多呢？
點解會值呢個價呢？
分析員會有九萬幾個原因去解釋。
但最直接0既原因係，「市場認為黃金值呢一個價。」

人力市場同黃金市場都係一樣。
呢一刻黃金做緊$9000一兩，你就要$15000至肯賣
好明顯就係「高於市場預期」
「唔係喎，有人用$11000 買0左條唔足兩0既金條喎。點解我明明足一兩重，要賣$9000先？」
有人肯用高於市場0既價格去買一條唔足兩0既金條，
原因只有一個 - 欺騙。
可能係買家俾人呃，又可能係你俾人呃。
反正你又唔係買家，又無金錢損失，你嬲咩0者！

市場0既力量唔係由人控制，
你認為價值被低估。
可能只係基於「市況低迷」，實在無需動氣，
你覺得有人刻意調低你0既價值，不要緊，
只要市況好轉，市場上就會有好多「識貨之人」
到時就可以「善價而沽」，
再向曾把你評為「低於市價」0既人高舉中指。
「真係咩仇都報曬！」

假如你手上0既金條，明明係唔足兩，純度唔高0既。
咁你就要諗一諗，市場上會唔會有買家對你手上0既金條有興趣
話人地「唔識貨」之前，要衡量一下自身0既價值。
自問係「真金不怕紅爐火」0既，眼前0既所謂"挫折"，
實在係小菜一碟。

「值錢0既，去到邊度都會有買家！」

原來,今每「編制更新」已經進行完畢。
今次呢,我無份。
之前兩年都有份,今年無,其實好正常。

但你問我有無唔開心?咁就一定有啦!
特別係考完CFP,個人就更加"心雄"

身處一間「傳統」華資銀行,連續兩年都升,都好少有
仲想連升三級?大想頭喎
算啦!0係度DUM多一年
睇睇出面有咩世界?
而家最緊要係開心過日子!

希魔撞正殺人狂 - 一貫的Quentin Tarantino

根據記載,希特拉應該係自殺0既。
但其實都唔需要太認真睇呢件事,
我覺得套戲最精彩0既係人物之間0既對話
唔需要理個故事犯唔犯駁
因為套戲值錢0既地方,不是「故事」

特別係一開始0個埸一個德軍,一個法國農民
一問一答,看似不著邊際
但德軍最後問一條問題,就迫到農夫無彎轉

畢比特0係樹林審問德軍
同埋蓋世太保0係酒吧裡面識破美軍身份
各人0既對白,就好似一埸棋局,
有攻有守,引人入勝

賣弄血腥亦係導演0既招牌貨,
保證唔會令你失望
喜愛"怪雞"電影0既會覺得OK
但如果你係"主流觀眾",
可能會唔高興
因為套戲斬開0左做一個個「章節」
習慣一氣呵成睇故好0既,
會覺得套戲散收收。

點解香港人咁白癡？

校園驗毒，如果學生接受呢種粗暴手段
十年後，香港只會得返一批唔識反抗0既"順民"，政府講咩就做咩。
香港就會「死路一條」

正生書院，幾個星期前仲個個都撐
壹仔爆佢「開雞竇」，個個就彈開扮唔識
喂，你地死曬去邊，鄉議局班"鄉紳"就即刻跳出0黎抽水
政府仲賤，明明係你當唔去修訂呢個「陰陽怪氣」0既條例，迫正生走灰色地帶
而家就撓埋手「睇你點死」
如果我係正生0既校長同校監，你老味我一0野就摺0左正生書院
將班細路過返比你去攪。
你話我不負責任，唔係喎，咁多年，你呢過政府幫過我D咩先！
成間正生都係靠班學生一手一腳起出0黎，
我用我自己0既方法去搵錢撑落去，你老味你話我「不道德」！
我做唔落去啦，你搵返社署又好，鄉議局又好，甚至民建聯接手都好
你唔好再攪我啦。
十幾年，我都好(支力)啦！

B仔旅行

公司又攪旅行，地點不外大陸，澳門都唔考慮！
今年唔使應付考試，都應該會參與
無理由為0左一個西人而放棄呢個福利，畢竟，上年已經無出B仔！

其實，呢D活動唔多唔少都係一個俾面派對
放假都仲要對住同一班人，都幾悶。
而且，你都已經知道曬會有咩事發生，因為有老闆在場，大家都唔會玩得好放
唉~~~~~~~~~~~~~~~
折現啦！！！！

G.I. Joe - 沒有毒蛇黨的義勇群英

世界輪流轉。
一套原屬「大美國主義到痺」0既卡通片
遇上"國力不濟"，不得不把電影「修正」一下
把GI JOE "移植"到「NATO (北大西洋公約組織)」上，
看到這裡，心中暗叫
「你都有今日啦！美國佬！」

故事的結構比「變形金剛」好，有"前因後果"
唔係一味打打打打到飛起
電影0既動作場面又比 ironman 豐富
可能 ironman 來來去去都係得一個 tony 0係度打0既關係啦
0係巴黎0個場追逐戰，係就係"有D假"，但都好緊張喎
我最唔滿意係0個套"加速戰衣"，咩0黎0架?!? 都唔關事0既
套"隱形衣"就有少少 GI JOE 0既味道啦!!

套戲係講「毒蛇黨的誕生」
"納米蟲" 呢個概念解釋0左點解毒蛇黨首領可以控制所有人
當然，唔接受0既就會話「0車！咩都係你講曬啦！」
但有睇過「PREY」呢本小說，就會知道，電影講0既，唔係亂0黎。

而且，套戲有好多"隱藏信息"
埃及同北極
世界"最重要0既城市"係 - 北京，莫斯科同華盛頓 ?!?!?!
點解被破壞0既係巴黎鐵塔？喂，「粒子加速器」0既研究，唔係0係巴黎市中心喎!!
搵一個韓國0既演員，做一個日本0既忍者？
你有無諗過，美國總統會俾人「掉包」??

「如無意外」大家都應該接受過九年免費教育
即使你唔係一個「有教養」0既人
但對基本0既"德育"都應該有一定0既認識
我唔會話我係聖人
我只想講0係你樂此不疲咁去恥笑同羞辱人地0既時候
有無企0係人地0既角度去想
你笑人「15分鐘一次」
如果人地身體真係有問題，真係有咁0既需要
你仲可唔可以笑得咁開心？
羞辱一個工作能力比你低的人，
真的會給你帶來快感嗎？

我從來不相信「團結」的力量
但我也不會打擊自己的同袍
我知道，要抬高自己，是不用踩低別人的
當一個人不斷放大別人的缺點時
那個人本身，其實也充滿惡念
有時間的話，請多看一點書
了解一點「吸引力法則」
可以的話，請把心靈提升到一個「可以令人接受的程度」
至少，不要"明目張膽"地把自己的醜惡暴露人前
因為這樣是無法晉升為「經理級」的.....

同檯食飯，各自修行
你0既個人品德，同我絕對無關
但近來我開始有一個感覺
「同呢d人做同事，令我覺得好羞恥」
我認識很多人都比你更"粗口爛舌"
但我好肯定，他們的靈魂都比你更美麗。

某日，酒樓經理向樓面發出指示
「晚市時段推出特別優惠，客人可以$1優惠價享用足料冰糖燕窩。為期一個星期。」
酒樓在門口亦掛上宣傳海報
在每張檯上也放上單張吸引客人

優惠好評如潮
直到優惠期的最後一個晚市
樓面的主管向下屬作出一個指引
「由於今晚是優惠期的最後一晚，假如是十人以上的大檯，
定必要在結帳前提醒客人今晚仍有優惠。」
樓面職員問
「其他的細檯又甚麼辦？」
「門口的海報和檯上的單張已說明，其實我們是沒有提醒客戶的責任。放心！」
樓面職員有點莫名其妙，但一時間說不出所以來。

晚市一切如常。
突然，一句粗話打破了晚市的氣氛
「他媽的！為什麼你們沒有對我說今晚仍有優惠？」
客人怒氣沖沖的質問樓面職員
這時候，主管上前向客人解釋
「其實門口的海報跟檯上的單張已有說明，
閣下應該主動提出，我們沒有責任特意提醒有關優惠。」
聽完主管的解釋後，客人變得更激動
「那為什麼在我結帳時，親耳到你們的職員跟隔鄰的兩張大檯推廣這個優惠？」
「因為他們人數多，所以我們會額外提醒，但不是必然的。」
主管說出了一句無可挽回的說話。
「我們只有四個人，就不額外提示。那你他媽的不就是歧視我們人少嗎？」
其他食客也覺得客人說得有道理。
樓面職員這時也想通了，
「只提醒大客，那就不是對其他客人不公平嗎？難怪被人投訴。」
情件驚動到酒樓經理，
經過一輪擾攘
酒樓最後也作出補償

所謂"好事不出門，醜事傳千里"
酒樓被外界冠上「歧視」的壞名聲。

其實，我已經差不多有八年沒有去「香港書展」
原因？可能是我變了，又可能是書展變了

中學年代，我是"書展"的常客
排長龍，迫入場
都算得上是青春期的「ON 居事」之一
那一年，"迫爆玻璃門"
到今天，我仍引以為傲

不知道是人大了，還是書展越來越失去價值
以前入場，都會有空間去"看書"
接收不同層面的資訊
但今天，大部份人入場的目的只有一個
「用折扣買書，"折扣"省下的補貼入場費。
然後讚賞自己是一個"精明消費者"。」
而出版又把書展變成一個「散貨場」
"要錢唔要貨"就是各「參展商」的目標
這樣的一個書展，實在找不到一個入場的理由
同樣現象不只發生在書展
食品展、婚禮展各式各樣的"展覽"，說穿了，只是一個又一個的「散貨場」
或許是"香港地"的宿命
絕對是香港人的悲哀

作為一個漫畫迷，當初書展"引入"漫畫出版商
對我來說是一個天大喜訊
也是我每年參與書展的原因之一
大量的漫畫迷入場
令主辦單位"誤會"香港不是「文化沙漠」
基於可觀的入場費收益
主辦單位對漫畫商也「隻眼開隻眼閉」
漸漸把書展變成"限量物品銷售活動"
以致發展成日後的「兵器展」
而我，亦在「兵器展」開始，絕跡於書展

及後，"偶像"也出書
狗屁不通的文筆加上無聊到極的內容
唯一的可取之處，就是作為語文科的「反面教材」
借「簽名會」的招徠，販賣的，是附有文字的色相
在我看來，書展已經變成一場「一年一度的鬧劇」
當然，淫審處的荒謬，又是另一場鬧劇

直到今年的「0靚模事件」
積壓的情緒開始爆發出來
"0靚模"成了眾矢之的
有人跳出來說要"悍衛書展"
又有人跳出來說「寫真集也是"書"，到場推銷有何不可？」
冰凍三尺，非一日之寒
沒有當日主辦單位讓「偶像」矇混過關
今天的「0靚模事件」也不會發生

眼前的"爭論"，一開始就放錯了焦點
你說香港有很多「愛讀書的市民」
我說香港有更多「愛襯墟的鄉民」

我考慮將「純種香港人」呢一項，加入我0既個人覆歷上面

就好似"出生地"同"籍貫"一樣，係一項有必要0既個人資料

殺人犯 - 掛羊頭賣狗肉！

唔好被海報呃0左
唔好被宣傳呃0左
當你買飛入場，完場之後只有一個感覺 - 中伏！
除非你真係好BUY 郭富城啦！
佢「做戲」又真係做得好好0既。

明明一開始係「玩心理」
去到結尾，阿導演聲稱「扭橋」0既方法
原來係用一件無呢啦更0既事去串返成套戲
仲要係用一個角色一輪咀自己講曬出0黎
真係好有當年「金田一少年事件簿」，有佢講無你講

無錯，我地係要俾多D機會新進導演，支持香港電影
但我真金白銀買飛入場
你呃我！？

變形金剛 2 狂派再起 - 物超所值的垃圾片

作為一套商業電影，我會話「好好睇！」
但如果你係一個喜歡睇"故事"0既觀眾
咁就真係SORRY 啦，呢套戲絕對唔係你杯茶
純粹用故事去評分0既話，呢套屬於「垃圾級別」
剔除所有同機械人有關0既情節
成個故事就係男、女主角0既感情問題
我唔明白，如果自己個女朋友「好有市場」
而自己只需要主動講一句「我愛你」就可以穩住呢段關係
點解會要求女方講呢句說話先呢？
我真係"R"曬頭！

俾0左 $70 入場，都仍然覺得「好好睇」0既原因
係因為呢套戲"算得太盡"
有特技，有打鬥，有追蹤，有攪笑，仲有 「美瑾霍斯」
官能上0既刺激完全令你忘記，其實呢套戲有2小時40分！
一開始0既「上海激戰」到之後0既「柯柏文以一敵三」
仲有「攻擊航空母艦」同「"破壞者"合體」
齋睇呢幾場已經睇到你「嘩嘩聲」
不過最後柯柏復活0個場「大戰」，我就真係"跟唔切"
有D睇到眼花0既感覺，可能真係「年紀大」

「承接」上一集，今集都有意無意宣揚"外星人訊息"
總統代表同柯柏文0既對話，反映出人類0既「領導者」有幾短視到無知
又笑0下0個班「外星人狂熱者」幾咁"葉公好龍"
不停去調查"真相"但當佢地處身"真相"0既時候，郤驚慌失措，要求「置身事外」
今集將外星文明同古文明聯結起0黎，
上集都無講0既
但我覺得個「聯結手法」唔係太靚
三言兩語再加幾幅相就交代成件事，太兒戲啦
"異獸戰"就做得好睇好多
堅持要用呢條橋，我想可能係要向觀眾「灌輸一D概念」

要彈0既係，「沙拉保夫」個樣越來越"樣衰"，咁都有得紅落去，就真係天無眼！
明明係「變形金剛」，高智慧外星機械生命體
又撈埋其他0野
無啦啦又有個「美女機械人」，都唔夾0既
仲有0個隻「索斯機械犬」呢兩隻0野識唔識變形0架！
我最接受唔到0既係，狂派好多機械人都唔多識變形，
因為一出場就死，而且個個"差唔多樣"，
我有時都唔知死0左0個個係博派定狂派
睇死人咩！

今年開始，有人0係遊行之後"留守"0係政府總部「要求對話」

但口痕友話「0車，得0個幾丁友！」

但我想話比班口痕友知，今年無50萬人上街

"最多"得7萬幾人。我覺得，遊行人士0既"質"，開始起變化。

今次"只有"百零人，下次、再下次？

係唔係要等到一日，七一遊行只有「萬零人」，但呢萬零人遊行完之後，全數留0係政府總部「靜坐」，到時我睇你叫幾多個差佬"做0野"

定還是0係「國際城市」實施"宵禁"，將執法權過戶俾解放軍。

如果真係有呢一日，我好想睇睇北角班土共有咩反應!!!

你班差佬咁樣跣一哥？

保安局局長、公務員事務局同行政會議
呢D全部都高一哥幾級
你班差當佢地臭四，完全無得傾
甚至煲0太都當佢唱歌

但一哥同你地講幾個鐘，其實都係0個D 0野
你班友個個拍膀頭，即刻「收韁」

大佬呀，而家你地係「中國人」管0架
你地有無讀歷史0架
咁樣攪一攪
一哥就「功高蓋主」
呢四個字係中國官場大忌
而警察仲係香港0既"武裝力量"
睇怕一哥都係「堀頭進士」無得再上0架啦
0係阿爺眼中，你"擁兵自重"
俾你做埋保安局局長，你咪連駐港解放軍都趕返上深圳?!?!
阿爺對差佬一定「抓得更緊」
「作法自斃」，就係你班差佬0既寫照

"漒水強"已經玩到第三單
呢件事除0左證明香港有好多「計時炸彈」之外
更說明，今時今日0既香港警察有幾"廢"
「回歸」之後，警察0既辦事能就每下愈況
當然，包括他們的"一哥"！

之前兩單，都係發生0係星期六0既傍晚
好易令人推測兇徒可能係一個有固定職業
返星期一至五0既上班族
有可能係一個白領
而星期六傍晚係案發地開始"熱鬧"0既地方
進一步估計，「嘈雜聲音」就係觸發佢行兇0既"因素"
人多嘈雜，但唔係最"旺"0既時間
如果兇徒0既"目的"係要「對社會做成最大傷害」
我想佢會選擇星期日0既下午
所以，兇徒好大機會係一個"精神有問題"0既人

但去到第三單案發生之後
因為時間係星期一，
「返星期一至五0既上班族」呢個論點開始站唔住腳
亦有可能係佢0係呢幾個星期"俾人炒0左"
但好肯定佢會係一個精神有問題0既人
而且，佢會係案發地點付近0既居民
而0係第一次犯案之後
警方「大鑼大鼓」話加派人手
但兇徒仍"冒險"0係附近犯案，睇得出兇徒唔係一個「理性」0既罪犯
因為「理性」0既人，係唔會"冒險"去滿足自己0既慾望
0係香港，人多0既地方唔止旺角，犯不著"冒險"
但之後兩次0既案件都係0係附近發生
證明「旺角」，亦係行兇因素之一

而我最擔心0既係，原本第一次0既犯案只係兇徒情緒上0既發洩，
係偶發性0既
不過，特首0既行動，同警方0既表現
將兇徒"激化"成一個「反社會傾向」0既人
第二次同第三次犯案時，用返相同0既手法，
唔多唔少會係一種"TRADE MARK" 0既手段
目的係向警方表明，「我叻過你地，無人可以捉到我」
到第三次犯案，警方「天眼」0既"荒謬"，一定會助長兇徒繼續行兇
因為警方0既「醜態」，會為兇徒帶來更多「滿足感」同「成就感」
可以推斷，兇手係一個屬於「受社會壓迫0既階層」
平日0既生活充滿「挫敗感」，係被社會定性為失敗者0既人

最可怕0既係，而家兇徒可以0係任何日子"犯案"
下次會係幾時，真係無人會知
但估計佢仍會0係旺角行兇
因為第三次犯案，令佢帶來空前0既成功感
佢點會捨得呢度
而下次佢0既行兇目的會開始轉為「對社會做成最大傷害」

目前，我估計兇徒有以下"背景"
中年男性
居住0係旺角
低下階層、低學歷
一個唔需要輪班0既「低級打工仔」
有可能剛失業
精神有問題(但無精神病紀錄)
獨居、性格孤癖、報復心強
有「反社會行為」、「被迫害妄想」

作為一個「必需」於旺角出沒0既市民
可以"自保"0既方法
就係唔好0係下午三、四點之後係案發地點附近出沒
盡量行一 D 唔會太多人同太嘈0既地方
「亞皆老街」同「西洋菜南街」都會係"高危地方"

沒有參與本想參加的活動
原因是「藥物反應」
那夜的心情其實不大好
畢竟是「二十年」的紀念，好應該支持一下
不能出席，感覺很難受
看了相關的新聞之後
六萬幾，十五萬，二十萬
"出席人數"從來是「沒有共識」，已經見怪不怪
但我在新聞上，
看到台上那些人總令我覺得有點「不自然」
為什麼這些「主持人」總喜歡把這些紀念活動弄得如此"嬌柔造作"
觀看著電視畫面，也令我起了「雞皮疙瘩」
來來去去就是唱歌，"分享"
難怪被親共陣營訕笑「吃老本」
不是要你把"活動"攪得有「殺傷力」
但也不必要一直活在二十年前吧？
看完新聞，之前的難受感覺，忽然間減輕了
過去二十年，一直沉醉在「出席人數」
這個迷思中
就當那夜有二十萬人，又如何？
我更希望有二十萬人會在那一夜以外的時間用真相去感染身邊的人，
那種「幅射效應」
比起「出席」，更有價值
我不是否定晚會的意義，
每年一次的活動，提醒我們不要忘記
更提醒當權者，我們沒有忘記
比起"破紀錄的出席人數"
我高興看到有內地的自由行旅客出席
當然，加入了年輕人的力量就更令人鼓舞
成功在下一代埋下種子
才可以把歷史傳承下去
我相信，在我有生之年，
當權者會承認自己當日的惡行
「六四紀念館」一定可以在中國的土地上建立

我懂得是非曲直
但不代表要我絕對認同你的價值
當日陳同學的論述，也不是被你們一句「你講錯！」
被壓得不能翻身，更被你們打成"隱形左派"
在我眼裡，也是一種語言暴力
假如他的觀點有錯，應該用真相去反擊
當日程翔先生的理據已經十分有力
但之後「百犬吠聲」，
更有人用扮訪問去「騙取真說話」
手法之"低"，令人側目
呂志偉在城市論壇上被主持追問得啞口無言
也令實在大快人心
你可以「薪火相傳」
難道別人就不可「找繼承人」嗎？
沒有理據支持的"論述"，
一定會消失在歷史中
其實我認同這種反向的論述存在
只有在不同言論之下，下一代才有空間去分析
去明辨是非
我們要做的，是提供歷史的真相給下一代去思考
而不是當「一言堂」去命令下一代"接收"我們的價值觀

「我不認同你的言論，但我也誓死保護你的言論自由」
這才是民主。

尸位素餐

在為一個制定財務政策0既官員，受到別人提問一D自己無能力解決0既問題時，就爆一句「咁你有咩提議」，喂，個皇點唔係我有咩提議，係你採納咩提議，執行咩提議。

引申到任何管理人，如果有人批評你0既指揮，質疑你0既決定，你要做0既，係檢討自己0既決定，認為自己無錯0既，就做到底。咁當然你要有接受失敗0既勇氣。

如果個個「在位者」，自己攪唔掂都問"咁你有咩提議？"你對唔對得住個個月入落戶口0個筆「人工」？我會質疑你到底有無資格坐0係呢個位。

0係好耐好耐之前，有一個地方
有間電訊公司，因為"編制"問題，
將「銷售熱線」跟「查詢熱線」轉駁到同一批"職員"處理
而理由係「呢 D 0野係佢地0既職責，梗係要佢地做曬啦！」

碰巧，這個地方遇上了"經濟起飛"
市民對電訊服務的需求與日俱增
而這個地方對電訊業的銷售時間有一個古怪的規定 - 每天 4 小時
在規定時間以外，是絕對禁止一切銷售活動的

這間電訊公司的職員開始面對一個"結構性問題"
在「規定時間內」不止要處理"銷售熱線"的「生意」
更要處理"查詢熱線" 的客戶問題
而這間電訊公司的管理人認為，
在規定時間內職員應該用最短的時間處理"查詢"，
好讓有更多時間去處理"銷售熱線"
但職員所面對的查詢，往往非三言兩語可以解決
如是者，因為要同時處理兩條性質完全不同的"熱線"
這班「電訊職員」根本就不可能在"規定時間"內提高自己的「銷售數字」

可惜，管理人卻認為是這班「電訊職員」未盡全力
不斷地逼迫這些「電訊職員」，
卻不打算在編制上解決這個"結構性問題"
可憐這班「電訊職員」，
一方面受著"電訊公司"的壓力
另一方面，因為客戶不會理會這所「電訊公司」的編制
他們只想「我的要求要馬上得到回應」
所以常常投訴「無人聽電話」，
而管理人又會基於這些客戶投訴對「電訊職員」施予更大壓力
活在這個「無間地獄」下，
這些「電訊職員」真是啞子食黃蓮 - 有苦自己知。

這時候，看著這個故事的你會問「把客戶查詢留在"規定時間"以外處理不就可以嗎？」
但，這正正就是這班「電訊職員」不幸的地方
因為在"規定時間"以外，他們有著各式各樣的「文書工作」
更甚者是電訊公司的伺服器都會在"規定時間"以外進行更新，
有時更會關掉
「理論上」可行的，「實際上」難以連作