(續)香港入境事務處，萬歲 \^o^/

成個換身分證o既過程，我只係用o左十分鐘左右。
香港政府部打o既效率，我夠膽講，
水準係世界一級！！！

香港入境事務處，萬歲！\^o^/

等o左咁耐，終於都到1976&1977年o既人換身分證啦！

上個星期打電話預約今日晚上7:00去換。
就由打電話講起，成個過程係可以用話音進行，即係唔使你行一大輪"電話迷宮"。不過因為我用公司電話，唔方便咁大聲，有 d 資料都要用人篤電話。預約完成。今晚早o左去到，6點十去到，行去拎o左張表去填，個阿姐就叫我睇住電視，等我個號碼出現就可以去影相同打手指模。撞鬼！我都未填完張表，電視就打o左我個號碼出o黎！心諗，「使唔使快到咁呀？」之後對一對 d 資料，scan 我兩隻手指公，影o左兩張相俾我睇o下用邊張放入身分證。其實係可以影好多張，我同事影o左有成十張相。我覺得，影咁多張咪又係你個樣，唔同影多幾張你會變吳彥祖咩！o係兩張相中揀o左張無咁醜o既(本身個人唔係靚仔，費事攪咁多o野啦！)之後，個姐姐叫我等一等，見完主任就走得。等o左幾分鐘，個主任同我對返之前 scan o既資料，問我係唔係返將軍澳拎證，走得。我多口問佢，如果呢段時間咁不幸唔見o左張身分證會點？佢就話要收錢。可能佢以為我想留起張舊證做記念，所以係咁話要錢。我知道有好多市民都有呢個打算。~_~ 其實我真係想知，唔見o左張證，補領有幾麻煩o者~~~~！
http://www.smartid.gov.hk/tc/app/index.html

不予家奴

中國電力大鑼大鼓話用過億元(唔知係 hkd 定 usd 啦)投資為香港供電。
咁就奇啦！國內時時都話唔夠電，你咁多電，唔賣返俾國內人民，走去賣俾一個地球上其中一個電力供應最穩定o既地方！有無攪錯！知唔知咩叫企業良知？國內有電費限制，令你唔能夠賺最多o既錢。唔係一個合理o既理由o黎o架！
因為唔能夠賺最多錢，你就剝奪市民用電o既權利，有無人性o架！我希望只係中國電力同大陸政府角力o既一場戲。目的係要國內放寬電費管制。唔好攪我地香港啦！你玩唔起o架！無錯香港電燈係收得比較貴但人地唔會未清楚你地o既料就買你o既電，中華電力o既穩定供電你地更加有排都追唔上。地下鐵同九廣鐵路係公共服務，你地供電穩定無保證，佢都唔會考慮你。
唔好做臭自己個名啦！話曬你老豆有頭有面。唔好攪咁多o既啦！香港同大陸唔同。我地講法治o架！

06年第一個錯盤

估唔到開o左市得幾日，我已經「破身」！
今日有個阿姑開市前打o黎落盤，一輪咀落 order。成個過程我其實無聽過佢講咩o野。之後問返佢係唔係 $0.067出貨，當時開市前時段係掛緊 bid$0.066 / ask$0.088。咁我見前收市價錢0.076。佢呢隻係 put輪，呢幾日個市都升到baba聲，你無理由掛 8仙幾o瓜！佢應我「唔。」無話我錯o架o下！最後我再成個盤覆佢一次至入電腦，「9733，$0.067出 20萬。係唔係？」佢又係答「唔。」仲無話我錯o架！
點知！個盤做返o黎 $0.07，我一打去覆佢，佢就 bilibala 話自己講 $0.087。聽返錄音佢真係有講。但係我聽唔到嘛！唔係我唔會問你係唔係 $0.067啦！我講錯你又唔出聲，仲要話你自己唔會負責任。我知，你呢 d 咁不負責任o既人，而家香港通街都係，我都無咩感覺。但我只想你明白，唔聽人覆盤係唔o岩o既！因為你會累人不知不覺做錯盤。

香港隊的黑人球員

代表香港出戰省港杯的黑人球員----卓卓
真真正正說明香港是一個多元化的城市

新一年

今年最大件事，就係考 CFP。其實都無諗過要再讀書。但為o左將來......不得不進修....
希望可以用年半o既時間去考到啦。咁就好啦！至少可以搵過另一份工

呢幾年開始有一種「等」o既心態。好似等一 d o野發生。好奇怪。因為 0708年，真係有好多 o野會發生。大陸呢幾年一定會有大事發生，可能連奧運都攪唔成。台灣又有可能攪真正o既獨立。班大陸佬仲以為自己好勁，其實全世界都開始對付緊中國，睇完本「中國現代化的陷阱」更加令我心寒。

今年 2006 年，會有好多好多雨水，夏天可能無咩時間會陽光普照。又會時時打大風，上年好好彩，好多風都打唔正香港，今年可能會唔同，又可能打唔正，但會帶來好多雨水。大陸同台灣都有可能勁打風。大陸可能出現大洪水。影響糧食o既生產，一無水無糧o既國家，如果仲話有能力成為世界強國，好明顯，成個國家o既人都係「痴撚線」！

"威武"不能屈？！

全公司，最多人o既部門係我地。最無情o既都係我地部門..........
話說，其他部門o既阿頭，o係年尾都會請番自己 d 下屬食o野。無咩原因o既，大家開心o者！
不過，我地部門o既幾個高層都無任何表示，跟手有 d "刁民"o係度"唱雙簧"，力求屈到幾個高層出錢請食o野為止。我覺得咁樣屈人有 d 唔係咁好。人地都唔係發自內心去請你地食o野！難聽 d 講，係比人威脅。咁o既飯我最唔鍾意食.......
又正正最大o既經理就覺得「唔係人地部門請，我地就要請！」打死都唔俾錢出o黎。咁就俾人單打o左幾日。唉！單打咩o丫！人地唔請咪算 lor！反正咁多年佢一條薯條都無請過我地食！一個唔會收買人心o既人，根本就無能力成為一個領袖。又一次證明我o既眼光係無錯o既。
一個無情o既部門都有好處o既。就係他日有人要離職，佢都唔會對呢度有任何留戀。

睇醫生o既壓力

長假期放睇醫生，仲要求佢簽醫生紙，唔知黠解令我好有壓力。
一入房，醫生問我咩事。我就清楚咁講我有咩病徵。我從來唔會o係醫生面前話自己有咩病。呢 d 係佢o既工作，應該係佢話比我知我有咩病。
佢 d 態度好鬼怪。一味係度「哦~」「係呀~~」聽背又好似好「求其」(但又聽好耐喎！)
睇口同鼻o個陣又好認真咁話「嘩！真係好多鼻水。」
又自動問我要唔要返工，唔要假紙。令我覺得佢以為我呃假紙.......

我真係有病o架~~~~!!!!!!!!!!!!

病氣一週......

星期六晚，睇完 king kong 成三點。星期日約o左朋友 9:00見面
(目訓) 幾個鐘。以為自己無問題。點知無問題就係最大問題！星期一仲食公司飯，又係11點幾至有得(目訓)......
即刻出事！成個星期o係度作病，又唔係真係發病發到死死o下，頭暈暈又頂得順。唉！放工之後都無去 gym。當提早一個星期休息啦！真係要睇睇醫生，清曬 d 病，聖誕節病就 pk 啦！！

個咀仲爛緊，咁耐都未試過，都唔知咩事！
~_~

有朋自遠方來

呵呵
星期日同台灣來的朋友遊了一天彌敦道。不錯不錯，可能有三、四個人的關係吧！有一些喜歡看東西，有些喜歡購物。唱 k 時看到有人好像覺得好悶。心中不禁有點涼....... 哎呀，好像待慢了人家，有點不好意思。但又不可能我帶她去逛街吧！人家誤會了就不好啦！！

玩了一整天，原來有人之前來過香港，吁~~~如果要我介紹 shopping 的好地方，都唔知點算~_~"

雖然已盡力做到最好，但仍覺得有不足 ~_~"

世貿會議第一天

第一天
會議在下午三時才開始，我等了一整天，看看會有什麼大事發生。
但
沒有什麼大事發生，衝突一定有，但不是什麼大事。希望到星期六也一樣。
來來去去，示威的都是比較"溫和"的團體。法國的無政府主義份子，原本被拒絕入境，但他向大使館抗議。昨天順利入境。看來，會有好戲看。
還有"東突"組織，曾揚言要在中國的國土進行一場恐怖活動，我希望他們只是"吹水"。

世貿會議

這邊廂，各國代表在商討國與國之間經濟合作事宜。
那邊廂，來自世界各地受到"世貿組織"不公平對待的人，在警察的包圍下，在「水碼」阻隔之中，發表一件件血淋淋的事實。

政府只說世貿推動世界經濟，到時人人都可以「搵多 d 」！真的嗎？那麼，來自世界各地的示威團體又時什麼一回事？

公司仲訂了什麼「緊急應變措施」，都多餘o既！仲話係應有關方面要求，全香港o既金融機構都要制訂有關措施。我知道我地用唔到，因為我公司都唔係o係灣仔，驚咩鬼o野o者！！封鎖中環
o既機會其實好底。我個人更係唔想我公司行「緊急應變措施」啦！因為我要同我最憎o既高級職員同一組，到時一組人要留o係公司24小時，嗚！不幸！！！

捨、得

假如你有能力殺死你的情敵，代價是情敵最心愛的人也會在世上消失。
你會如何選擇？
為了愛情，我可以不惜任何代價！好。你嬴了愛情，但情人也跟著消失。
換一個角度，如果你自動放棄這段感情，不就是把問題解決了嗎？

但
你捨得嗎？世事沒有十全十美，任何事也有它的「機會成本」。反正到最後，哪一個選擇也只有一個結果-----什麼也得不到。
選擇棄權，至少也可安慰自己，「我的退出，成全了一對有情人。也算做了一件好事。」

天份=/=天命

看過一篇專訪，主角是一個演員。他的專業態度，連鄭裕玲也讚嘆不已。
他說知道自己有天份，但年輕時不懂珍惜，胡胡渾渾浪費不少時間。到發現的時候，他的天份只可以餬口。
有時我覺得，一切都是命，上天賜你某種天份，不一定要你成為什麼什麼大人物，可能這天份只陪養活你自己。世界上沒有什麼懷才不遇，有"才"，不一定是要成就一件大事。一個小人物，靠那麼一種天賦，去圓成自己的生命，假若令他有所領悟，也是一件好事呢！

可恨的 infocast ！

今日一返工，已經聽到話用唔到 i-trade 。心諗「無事o既，最多10 點前就攪返掂啦！」
點知今次唔得，o個班「狗娘養的食飯廢物」！無啦啦 upgrade 唔知咩鬼o野！累我地部機死o左！
前一晚走兩條粉腸上o黎笑騎騎同老細開會。今日就攪單咁o野！都唔知係唔係屈唔到錢，就攪單「恐怖襲擊」俾我地！

負面的足球.....

上星期的足球比賽，我地有個球員受傷。骨折，要打成個幾月石膏。
攻擊球員o黎o架，o係人地禁區射門。人地個後衛伸隻腳出o黎柵個波，佢一踢落人地隻腳度，人地無事呀，因為佢踢落人地度，佢食返曬 d 力.............
雖然比賽係嬴o左，但有人傷得咁甘，都唔能夠盡興.......
足球比賽，講到尾都只係一個 game，唔係叫人唔好盡全力，不過，都要保護自己先。嬴了比賽，輸了身體，比輸波更難受。

歐洲四大聯賽，四五十隊球隊，每隊都有一支專業o既醫療團隊。佢地o既球員當然可以場場「打甩脾」啦！d球員幾百萬年薪o架嘛！

但我地呢 d ，都係「快樂足球」行先啦！

受薪女朋友

很難相信，一個男人會用"出糧"o黎形容拍拖時用o係女朋友身上o既支出！
兩個人一齊，咁明知人地係學生，邊有錢o者！佢想出錢你都唔好意思啦！
個人覺得，男人用得"出糧"呢個辭彙，一開始佢就認為自己比女方高一級，並不是在兩個人平等的基礎上發展一段關係。根本就唔係正常o既男女關係。應該算係「僱傭關係」。
男人只覺得，同女人一齊就只有消費，沒有「消費」呢一個活動，「女人」就唔需要存在。應該話，當我唔想消費時女人係唔需要o係我身邊。好可怕，女人在他心中只是一件死物。她的一切對男人一點也不重要，在男人眼中，她只是進行消費時的陪襯。

每次看到這個女孩，我也覺得她很可憐。

"馮"姓女子

朋友甩了拍拖年多的女友，戀情的"死因"是「女友迫婚」。朋友自覺未想"受綁"，唯有毅然分手。

冷眼旁觀，男人不想受綁，那是 DNA 影響，我明白。女人過不了"年齡"這個關口，希望三十歲前結婚，唉！這是社會價值影響，我同情。既然道不同，就最好不相為謀。所以呢，男女雙方一開始就要"先小人，後君子"，表明自己的立場和意向。發覺理念不同，就要早早各走各路。免得浪費大家時間。

近日朋友追求了另一位女子，但相處過一兩次就知道"無可能"，原因是，她是一個"老奉(馮)"。兩人出街，每次都要男方付款。不是小器，是一種表態，假如有心發展關係，就應該有一點表示，令人覺得你也緊張這段感情，起碼也作出少少付出吧！"奉旨"要男方出錢，自己就什麼也不做。男人會覺得那是緩助交際。最後，男人會看不起這個女人。

眼看香港越來越多"馮"姓女子，也好，假如有日我需要找人緩助時，一定有不少選擇。:P
我只能衷心希望朋友找到一個不"迫婚"的好女子吧！
P.S. 其實他的 ex 是一個不錯的女子，聽到他們分手，我真的替我朋友可惜。因為，那是他的損失。

吸煙

自我懂事開始，就覺得香煙一點也不香，老實說它比屎更臭！
再者，現在是公元二千年啦，請不要把上一個世紀的"潮流"帶到新世紀。
香煙原本只是部落土人的玩意。被歐洲的貴族探險家帶回歐洲，成為貴族間的玩意。慢慢吸煙就成為了身份的象徵。
土人吸煙，可能有他們本身的實用性質。但去到歐洲，已成為一種無聊玩意。輾轉"流落"民間，把煙草商養得肚滿腸肥。為了令人更易上癮，還把更多的尼古丁加入香煙內，令更多人成為煙民。政府因為煙草稅也得到不少稅收。損失的只有小市民，浪費金錢，賠上健康。現在的香煙，根本就是合法的毒品。
上世紀，吸煙是時髦的象徵。但到了現在，也是時候讓它成為歷史。

吸煙
真係好老土！！！

土弱呀.........

明年運氣會轉弱，要加倍小心。
唉，都係專心讀書啦。
呢排都唔知做咩，完全沒 mood ，連諗o野都無心機
可能同無錢有關........
呢 d 日子快 d 過啦~~~~~!!!!!!
~_~