新聞剪存 08-mar-2006

經濟通專訊》港股今日（８日）繼續跌勢，恆指低開５６點，早段守於１５５００水平，惟中午受期指下跌所累，大市再度轉弱，恆指低見１５３４８，大跌２５４點。午後有買盤入市，大市稍為回穩。恆指全日收報１５４９３，跌１０９點，成交增至４１２億元。
國企指數收６２３０，挫１６９點或２﹒６％。
即月期指半日收報１５３３２，低水１６１點，成交４５６５９張。Ｈ股期指收報６１９８，低水３３點，成交２２２６６張。
重磅藍籌股方面，匯控（０００５）午後回穩，跌０﹒２元，報１３２﹒４元；中移動（０９４１）跌１﹒１％，報３５﹒９５元。
國泰（０２９３）業績遜預期，軟３﹒２％，收１３﹒６５元；港交所（０３８８）業績雖符預期，惟亦隨大市跌４﹒１％，收報３８﹒７元。
重磅國企股續回，中石油（０８５７）跌２％，報７﹒４元；建設銀行（０９３９）走低２﹒８％，報３﹒４７５元；中石化（０３８６）亦軟３﹒８％，報４﹒３７５元。
中資地產股下滑，華潤置地（１１０９）跌８﹒２％，報４﹒１７５元；富力地產（２７７７）報３１﹒９元，軟５﹒８％。
農業股逆市造好，浩倫農科（１０７３）彈２５％，報０﹒６６元；天業節水（８２８０）收２﹒３元，升４﹒５％。（ｈｌ）

新聞剪存 07-mar-2006

大市全日疲弱，收市恆指報15602.36，跌209.47，成交378億元。
長實(0001)(0001.HK - 新聞 - 公司資料)報79.25元，跌1.1元；和黃(0013)(0013.HK - 新聞 - 公司資料)報72.45元，跌0.75元；新地(0016)(0016.HK - 新聞 - 公司資料)報78.45元，跌1.8元；太古A(0019)(0019.HK - 新聞 - 公司資料)報75.8元，跌0.05元。
匯豐(0005)(0005.HK - 新聞 - 公司資料)報132.6元，升0.3元；恆生(0011)(0011.HK - 新聞 - 公司資料)報102.7元，跌0.7元；中銀香港(2388)(2388.HK - 新聞 - 公司資料)報15.3元，跌0.2元；東亞(0023)(0023.HK - 新聞 - 公司資料)報25.8元，跌0.75元。
中國移動(0941)(0941.HK - 新聞 - 公司資料)報36.35元，跌1.05元；中國聯通(0762)(0762.HK - 新聞 - 公司資料)報6.4元，跌0.05元。

新聞剪存 06-mar-2006

經濟通專訊》港股全日牛皮靠穩。匯控（０００５）即將公布業績，大市觀望氣氛濃厚。恆指今早（６日）輕微高開１０點後，於１５８００窄幅上落，中午日股升幅擴大，港股亦未跟隨。午後港股維持悶局，恆指全日波幅只有６８點。恆指全日收報１５８１１，微升９點，成交２８０億元。
即月期指收報１５７５９，低水５３點，成交２６６９８張；Ｈ股期指收報６５９５，高水２６點，成交７６７８張。
重磅股靠穩，匯控升０﹒２元，報１３２﹒３元；和黃（００１３）斥百億元投資青島小港灣項目，軟０﹒１５元，報７３﹒２元。
恆指今日更換成份股，駿威汽車（０２０３）被剔除，升０﹒０２５元，收３﹒０７５元；而新貴中國網通（０９０６）亦升０﹒０５元，報１４﹒３５元。
受禽流感消息拖累，中旅（０３０８）及永安（１１８９）下挫，其中中旅跌４﹒７％，收２﹒０２５元，而永安亦跌２﹒８％，報０﹒６９元。
國企指數今改變計算方式，引入個別股份比重上限，收６５６８，升２３點。其中中石油（０８５７）及建設銀行（０９３９）於國指比重今日同為上限１５％，中石油跌０﹒０５元，報７﹒７元；而建行亦跌１﹒４％，收３﹒６５元；交銀（３３２８）則升１﹒１％，收４﹒５７５元。
半新股造好，天業節水（８２８０）彈２４％，收報２﹒４７５元；玖龍紙業（２６８９）交投活躍，升０﹒０２５元，報４﹒７７５元。（ｈｌ）

新聞剪存 03-mar-2006

經濟通專訊》港股全日反幅偏軟，恆指今早（３日）牛皮，市場觀望下周匯控（０００５）公布業績，恆指於１５８５０窄幅上落。港股下午繼續橫行，至近尾市沽壓增加，大市回軟。恆指全日收報１５８０２，跌８０點，成交增至３７７億元。
即月期指全日收報１５７７３，低水２９點，成交３０２２９張；Ｈ股期指收報６５５０，高水４點，成交５６８４張。
重磅股方面，匯控跌０﹒８元，報１３２﹒１元；而中移動（０９４１）跌１﹒１％，報３７﹒１５元。
招商局國際（０１４４）逆市向好，升３﹒２％，報２２﹒６元，成為升幅最大藍籌股。地鐵（００６６）尾市遇沽壓，跌１﹒４％，收１７﹒２５元。
英發國際（０４３９）建議股份２０合１，急挫３０％，收０﹒０１６元。
政協今日開幕，國企股造好，國企指數收６５４５，升４０點。
中資金融股回升，建行（０９３９）揚３﹒５％，報３﹒７元；交銀（３３２８）升１﹒１％，報４﹒５２５元。
市場再度憧憬中石化（０３８６）私有化旗下子公司，上石化（０３３８）收４﹒６５元，升６﹒９％；儀征化纖（１０３３）收２﹒２元，升７﹒３％；中石化冠德（０９３４）則報２﹒３元，升４﹒５％。
中資航空股回軟，國航（０７５３）跌４％，報２﹒９７５元；東航（０６７０）亦回４﹒２％，報１﹒３６元。
新股玖龍紙業（２６８９）股價走俏，收報４﹒７５元，較招股價３﹒４元升４０％。（ｈｌ）

升吧！升吧！

港股開始上升。對我來說沒什麼關係。雖然我的工作跟股市有關，但眼見其他經紀行o既花紅講緊以年薪幾多多 % o黎計。但我地.....我地同樣都係 %，不過係以月新 %來計。叫我還可以做什麼！有什麼期待！
再加上過去 8 年觀察，凡我公司一年內請多過兩個職員去配合升市帶o黎o既大量工作時，就係大市出現暴跌o既時候。三個月，我公司已經講o左 3個人，大市又升到 baba 聲，睇o黎今年，都係時候大跌！

就由我來做"長毛"啦！

如果一間機構，對解決問題o既方法係 -- 唔見棺材唔流眼淚
好，既然係咁。就等我o黎做長毛，有咩事就(才羅)副棺材出o黎
等你地睇得清清楚楚！
係會令人難堪，但無辦法，我只係想呢間機構運行得更好。假如有一日，你同我講「阿明，公司無o左你，可能會更好。」無問題，我即刻走，但你一定要實現到你o既說話------公司會更好。

26-feb-2006

今年會出現一 d 新o既想法。好想好有決心咁去做事。即管去做。今年的整體運勢很強，它可以給你力量去完成所有事，但，要量力而為！尤其係錢財方面，都係o個句-「量入為出」，唔好亂咁使錢。
我會建議你今年將注意考放o係工作上，感情o既就唔好咁緊，反正現階段都係要等下，不如就俾 d 心機做o野好過啦。今年你事業唔差，因為有外力去幫你。感情方面仲係好迷茫，睇定 d 先啦！
凡事都要留有餘地，唔好事事都先入為主。有可能因為你o既固執而去現一 d 令你意外o既事。要多多留意。

欣賞混亂的美態

本星期"玖龍紙業"公開招股。我地得o個十個人，(其實十個都無)又落盤，又做 eipo，仲要聽埋查詢電話。個個人一時聽電話，一時跑去 fax，一時又癲o左咁行o黎行去。真係好好笑。好在我今個星期o係做 dealer，可以慢慢欣賞呢種混亂美。

點解咁混亂，因為廢人唔敢行"每人負責一、兩項工作"怕被老闆鬧。所以情願個個人都要做每樣工作。咁就叫做公平，無錯，世事亦好公平o既，你樣樣都要做o既時候，就樣樣都唔會做得好。
這就是真理。

今年又有貴人!?

黃大仙說，今年會有貴人扶助。真的嗎？又說我會"走來走去"，難道可以成功轉工！太好啦！
因為這間公司，小人比貴人多很多！

悠閒，就是這麼簡單

星期六下午，未夠時間上堂。一個人走去學校附近o既「佐敦里」坐一陣。
一條樹蔭小路，有長椅，又有一些運動設施供街坊使用。
我一個人就坐在長椅上，戴上 mp3，看看書。一個人靜靜地享受幾十分的時間。感覺很悠閒，好舒服。
不過，旁邊是軍營的入口，有兩個軍人在站崗。我想，我這樣一個人星期六下午坐在這裡，他們不會懷疑我是一個間諜吧！

心浮氣燥

本星期唔知點解，成日諗住轉工。可能見到報紙話懲教處請人啦。不過，我都唔知考唔考得入，成日o係度亂諗，而呢間公司........我講過，今年加人工加得唔多，我走！

呢幾日，日日返工都好唔開心，見到o個兩條廢人做o既o野，我真係火都o黎！可能之前有 gorman 可以同佢地比，令到佢地顯得更低能。

個個都知，老細諗到咩就即刻講。如果你當佢每一句說話都係「金料玉律」，咁你就好多o野都做唔到。唔該用o下你地個腦過濾一下，俾 d 勇氣。假如你認為係正確o既，就同佢撑下啦！又唔係要你叻過佢，只係要你提點下佢o者，咁都驚？咁你做o既o野同我地有咩唔同？有資格逗咁高人工咩？

冷血的人有福了

定義: 體溫低於外氣溫度

基本守則:
1 決不浪費同情心
2 永不心軟、流淚、窩囊地內疚
3 餓的時候，先吃掉良知
4 不相信「助人為快樂之本」，只知道「涼薄乃自娛之源」
5 見死不救，見錢開眼
6 劣幣驅逐良幣，建立人間大冰箱
7 對一切「捨己為人」「好人好事」.....嗤之以鼻
8 不介意成為公敵
9 以冷血自豪

新的一年，大家努力做個冷血動物啦！

睡少了....

從上星期開始，每天5:00就會自動醒來。不知何故，晚上已經11點多才上床，也可以這麼早起物。不會有問題吧 ~_~"
昨晚特地1點才上床，但今早 5點多又醒了，好像整晚沒有睡，但又不會精神委靡。
好奇怪，可能下星期開始去 gym，可以解決這個問題吧！

理性=冷血

香港旅行團不幸在埃及發生車禍，十多人死，幾十人受傷。實屬非常不幸。
有傷者說其他香港旅行團經過也不停下來幫忙，十分冷血。只顧自己遊樂，懶理他人生死。
但換轉身份，你也會做相同的事。我們從小就被教導不要管閒事。把同班的每個同學都視為對手，是要把對手打倒，再踏上他們頭上往上爬的對手。我們不會關心陌生人，我們會每件事都由"理性"處理。有好處的，做。沒有好處，甚至有所損失的，不做。就是這麼簡單。

不要說得大仁大義。香港人是只有理智的動物。無謂情感，他們是沒有的。

有點哀愁的年廿八

年廿八是放假前最後一個工作日。原本以為沒有花紅，但昨天突然又說有。大約是月薪的 40%。比起其大銀行，我感到有點失望。但總好過沒有花紅。

可能阿 may 已經兩年無花紅，所以就走去同阿包問點解。點知個賤人同阿 may 吵大鑊。仲炒埋阿may。全公司都好愕然，其實阿may都無咩o野，只不過係阿包唔 like 佢。所以有心唔出花紅俾佢。仲要人地即日離開公司。又同其他人講，唔好好做o野就炒埋其他人。如果係照工作表現，只少唔會得佢一個無花紅。阿包太賤，又小氣，我懷疑佢係唔係男人。

呢間公司，如果一日仲有佢o係度，我地都唔會有好日子過。我只想兩年後考到個 cfp，咁就可以離開呢間「怪獸公司」。

不能變身的矇面超人

收到一個意外消息，令我覺得，人o既能力真係有限。好多o野唔係你想點就點，有好多原因令你動彈不得。「能力越大，責任越大」真的嗎？為什麼我能力沒有大，但責任卻越來越多。好吃力！別的人，像我這個年紀，只需要考慮自己的事。家中事，無論大小都有一家之主--老爸去處理。但我卻要扛起這個擔子..........

可能受呢件事影響，令我發o左個怪夢。夢中我同"吳唱k"戰鬥，(可能我十十十十分討厭呢個人，所以用o左佢做投射) 打打o下，佢變身打到我 7 個一皮，我都唔執輸，馬上變身，但奇就奇在，我變唔到身。但我繼續同佢打，打到跌低，即刻起身又打過。無想過逃跑，無想過認輸。

我諗呢個夢，已經教識o左我點做啦！

22-01-2006

我習慣平穩o既事我唔會講，因為講都無用。但我發現你今年真係...好平淡。
今年唔會有咩大起大跌。但平平穩穩都唔差，平安是福嘛。處理任何事你都可以用「公平」同「正直」o既心態去處理。亦都因為呢個原因，令到你o既人際關係唔會差得去邊。
財運同健康都無咩問題，即係話唔會有好大筆錢到手，但夠使夠食。健康都唔差，當然，唔可以因為健康運好就唔愛惜身體。
工作上會出現「懶散」o既心態。我都明，o係呢間公司，勤唔勤力都係一樣。好易令人懶散。但時刻都要警惕自己，要糾正呢種心態。
因為戀愛運係一個比較私人o既問題 (只少我唔知你o既情況:p)。但我照占卜講啦！要忍耐，不要急進。反正「欲速則不達」。而且，你現在o既忍耐，係會為你將來帶來幸福。
(因為無咩信心，所以唔知準唔準....)
留心，雖然今年好似平平無奇。但人就係咁怪，對太平靜o既生活會感到悶。呢種悶仲有可能成為一種孤獨感。咁就要小心啦，因為孤獨會為你帶來一 d 「意外」(即意料之外)事件。

p.s. 香子小姐，這個占卜不是你的 :p

焗住出貨.....~_~

報紙日日都講幾多公司有花紅，幾多公司有人工加。真係唔好咁大聲！至少我公司今年應該唔會有花紅。早幾日開會，有廢柴同我地講一大埋廢話，意思只有一個-「今年可能無花紅。」仲叫我地唔好用「無花紅」呢樣o野o黎講笑，話怕俾「腦細」聽到會有反效果。好一個管理層，夠膽講 d 咁o野，你只顧上面o既感受，又有無理過我地o既感受呢？既然知道可能無花紅，你更加要安撫大家o既情緒，穩定軍心。你一句「唔好講」。其實已經影響o左人地o既心理。我可以好負責任咁講，今年，至少有兩個人會離開公司。

俾條廢柴咁講一講，攪到我要賣o左隻 3383 套返 d 錢返o黎。年尾啦，點都要有個錢o係身。
呢隻係我少數看好o既大陸股票，上市價$3.3，我已經睇 $5。不過唔想搓太耐，覺得過年前都有$4.5，就定下目標，$4.5出o左佢。點知個廢柴話無花紅，我怕無錢過年，(話曬股市有起有跌，無人陪膽保證唔會跌！)死死氣$4.3出o左..........點知第二日佢就爆上 $4.5。~_~" 想死！

情緒高脹的婚宴13-01-2006

其實係我部門阿頭結婚，我一直都唔想去，呢條友，公司其他同事結婚，佢死都唔去，連平時玩開o既同事都唔俾面。再者，我都同佢無咩兩句，去o黎托咩！但阿mi鬧我，話呢 d 人情一定要做足，咁死死氣都要去啦！
逸東酒店，有錢o既真係唔好o係呢間o野擺酒。食物---水準以下。服務----一般啦。
而且我都估到我阿頭唔會闊佬得去邊，但個魚翅真係唔得，有 d 蟹殼碎混o左入去，我差 d 俾 d 蟹殼哽死！x_x 唉！食完真係要過對面廟街補返個煲仔飯，唔係肚空空都幾難(目訓)得著！
加上當晚下聖旨，不能玩新娘！哈哈，睇o黎呢個女人都唔慌好得去邊，大好日子，竟然成晚唔笑。睇o黎呢 d 毫係我阿頭o既報應！呵呵！新郎又成晚避開我地唔飲酒，咁我地唯有當一人夾500蚊成班同事去食餐晚飯。好在，紅酒大量供應！我地o個圍就已經消滅o左5,6支紅酒。哈哈，你地見過有人一坐o係度，一邊講o野，一邊左搖右擺未o丫？我就見識到啦！^o^
frankie 個傻佬，成圍十一個人，佢就去隊 pc。真係未死過！我地就更係即時幫pc啦！o岩o岩肝炎好返都話之你，鬼叫你隊pc咩！都亂咁講o野，攪到pc情緒失控打爛杯 (有圖為證)。最後俾人隊到今日返工遲大到！哈哈！^o^

何志平，講得好！

都市觀微
祭天與祈福香港黃大仙祠85周年紀慶，於上周日首度封祠舉行絕跡中國近百年的「大獻供」祭禮，為港人祭天祈福。我身為民政官，嗇色園便請為主禮嘉賓，撰寫並宣讀《祈天祝文》（見民政局網頁）。卻有評論諷刺我是基督徒就不宜主祭，又訪問某些玄學家，說異教徒祭了也不靈驗。還說封祠妨礙一般信眾進內參拜，門外的香燭檔生意損失慘重之類。這麼多人盡心盡力，恢復古禮，為香港祈福，見者都應該隨喜讚嘆，分享功德，不應冷嘲熱諷。所謂德不厚，則福份薄，我們應該尊重傳統風俗，否則就會折福，尋常百姓如是，認識中國傳統的玄學家更應該如是。我在祭文初段為香港的「風教淪落」而悔罪，是有感而發，絕非無的放矢。開檔做神廟生意的某些人都不敬神，只關心半日的金錢損失，香港人真的窮到這個境地嗎？如果人人都為錢而惶惶恐恐，則果真是還未「精神脫貧」了。當日我在祭文說的「自求多福」，有批評說我未為香港祈福。其實按照中國儒家的祭禮傳統，儒官主祭，是不能鼓吹迷信，妄自求福的，只能為百姓懺悔罪過，修德行以求福報。道壇的祭天文，多是這種寫法。香港金蘭觀在辛巳年的祈天文，一樣為香港人道德淪喪而悔罪修德。直接向上蒼祈福的是道士，宣讀祝文的儒官只是借助祭禮來施行教化而已。我至多只能引周文王說的「永言配命，自求多福」，勉勵百姓，安命修德，我是不能親身向天乞求賜福的。這是儒家與佛道兩教保持距離的政治藝術，也是我為什麼能以官員身份參與，亦不須顧忌我的個人基督信仰的原因，且不說祭天必須要有天子或地方官代表主禮的傳統了。借助神道來施行教化，漢代稱為「神道設教」，我在會刊的祭文後面已有詳述，奈何評者懶惰到連看也不看，檢到丁點問題便破口大罵。假如我們還不學懂尊重風俗，不尊重知識，只識得講錢，只識得罵人，這樣的社會風氣，怎能振興文教？
何志平民政事務局長