天份=/=天命

看過一篇專訪，主角是一個演員。他的專業態度，連鄭裕玲也讚嘆不已。
他說知道自己有天份，但年輕時不懂珍惜，胡胡渾渾浪費不少時間。到發現的時候，他的天份只可以餬口。
有時我覺得，一切都是命，上天賜你某種天份，不一定要你成為什麼什麼大人物，可能這天份只陪養活你自己。世界上沒有什麼懷才不遇，有"才"，不一定是要成就一件大事。一個小人物，靠那麼一種天賦，去圓成自己的生命，假若令他有所領悟，也是一件好事呢！

可恨的 infocast ！

今日一返工，已經聽到話用唔到 i-trade 。心諗「無事o既，最多10 點前就攪返掂啦！」
點知今次唔得，o個班「狗娘養的食飯廢物」！無啦啦 upgrade 唔知咩鬼o野！累我地部機死o左！
前一晚走兩條粉腸上o黎笑騎騎同老細開會。今日就攪單咁o野！都唔知係唔係屈唔到錢，就攪單「恐怖襲擊」俾我地！

負面的足球.....

上星期的足球比賽，我地有個球員受傷。骨折，要打成個幾月石膏。
攻擊球員o黎o架，o係人地禁區射門。人地個後衛伸隻腳出o黎柵個波，佢一踢落人地隻腳度，人地無事呀，因為佢踢落人地度，佢食返曬 d 力.............
雖然比賽係嬴o左，但有人傷得咁甘，都唔能夠盡興.......
足球比賽，講到尾都只係一個 game，唔係叫人唔好盡全力，不過，都要保護自己先。嬴了比賽，輸了身體，比輸波更難受。

歐洲四大聯賽，四五十隊球隊，每隊都有一支專業o既醫療團隊。佢地o既球員當然可以場場「打甩脾」啦！d球員幾百萬年薪o架嘛！

但我地呢 d ，都係「快樂足球」行先啦！

受薪女朋友

很難相信，一個男人會用"出糧"o黎形容拍拖時用o係女朋友身上o既支出！
兩個人一齊，咁明知人地係學生，邊有錢o者！佢想出錢你都唔好意思啦！
個人覺得，男人用得"出糧"呢個辭彙，一開始佢就認為自己比女方高一級，並不是在兩個人平等的基礎上發展一段關係。根本就唔係正常o既男女關係。應該算係「僱傭關係」。
男人只覺得，同女人一齊就只有消費，沒有「消費」呢一個活動，「女人」就唔需要存在。應該話，當我唔想消費時女人係唔需要o係我身邊。好可怕，女人在他心中只是一件死物。她的一切對男人一點也不重要，在男人眼中，她只是進行消費時的陪襯。

每次看到這個女孩，我也覺得她很可憐。

"馮"姓女子

朋友甩了拍拖年多的女友，戀情的"死因"是「女友迫婚」。朋友自覺未想"受綁"，唯有毅然分手。

冷眼旁觀，男人不想受綁，那是 DNA 影響，我明白。女人過不了"年齡"這個關口，希望三十歲前結婚，唉！這是社會價值影響，我同情。既然道不同，就最好不相為謀。所以呢，男女雙方一開始就要"先小人，後君子"，表明自己的立場和意向。發覺理念不同，就要早早各走各路。免得浪費大家時間。

近日朋友追求了另一位女子，但相處過一兩次就知道"無可能"，原因是，她是一個"老奉(馮)"。兩人出街，每次都要男方付款。不是小器，是一種表態，假如有心發展關係，就應該有一點表示，令人覺得你也緊張這段感情，起碼也作出少少付出吧！"奉旨"要男方出錢，自己就什麼也不做。男人會覺得那是緩助交際。最後，男人會看不起這個女人。

眼看香港越來越多"馮"姓女子，也好，假如有日我需要找人緩助時，一定有不少選擇。:P
我只能衷心希望朋友找到一個不"迫婚"的好女子吧！
P.S. 其實他的 ex 是一個不錯的女子，聽到他們分手，我真的替我朋友可惜。因為，那是他的損失。

吸煙

自我懂事開始，就覺得香煙一點也不香，老實說它比屎更臭！
再者，現在是公元二千年啦，請不要把上一個世紀的"潮流"帶到新世紀。
香煙原本只是部落土人的玩意。被歐洲的貴族探險家帶回歐洲，成為貴族間的玩意。慢慢吸煙就成為了身份的象徵。
土人吸煙，可能有他們本身的實用性質。但去到歐洲，已成為一種無聊玩意。輾轉"流落"民間，把煙草商養得肚滿腸肥。為了令人更易上癮，還把更多的尼古丁加入香煙內，令更多人成為煙民。政府因為煙草稅也得到不少稅收。損失的只有小市民，浪費金錢，賠上健康。現在的香煙，根本就是合法的毒品。
上世紀，吸煙是時髦的象徵。但到了現在，也是時候讓它成為歷史。

吸煙
真係好老土！！！

土弱呀.........

明年運氣會轉弱，要加倍小心。
唉，都係專心讀書啦。
呢排都唔知做咩，完全沒 mood ，連諗o野都無心機
可能同無錢有關........
呢 d 日子快 d 過啦~~~~~!!!!!!
~_~

偷拍 @ 廸士尼

睡得很甜，好唔抵得 :p

萬聖節

早幾年唔知係唔知 d 人唔使錢。 d 商人為o左谷旺個市，就開始玩萬聖節。
我其實係好唔喜歡為消費而慶祝o既節日，你地連萬聖節係咩都唔知，學咩人慶祝o者！都癡孖根o既！
今年連 d 學校都玩埋一份，ok！我唔知學校 d 教師會唔會話比 d 細路知萬聖節o既由來，雖然呢 d 教師細個o個陣從未慶祝過萬聖節。
今日返工，可能學校準許(或者係要求)學生可以扮鬼扮馬返學。原本係一個唔錯o既意念。可惜，一班無創意o既家長，為o左方便，唔幫 d 細路造衫，只係去買現成o既。攪到我今日見到 7個蝙蝠俠同 8 個蜘蛛俠！！！大好一個親子活動被懶惰o既家長糟蹋！真係好嬲 \_/
玩都要玩得投入，求求其其就不如唔好玩啦！攪到好似被迫咁！

破戒.....

曾立下宏願，一生也不會去 disneyland。
可惜，昨天，在偉大的愛情推動下，我，不得不去一趟。
但不得不承認，園裡的遊戲真的很好玩，show 也很好精彩。畢竟那些都是經過精密計算的商業活動，哪會不好玩？

原以為是去 disneyland park 門口的售票處就可以換入場券，但我所訂的套票是"酒店連入場券"，是要到酒店check in時同時在酒店裡換入場券的。因為 check in 的時間是 1500，所以我從沒想過這個問題。下午3時才可 check in，難道要我下午3時才入樂園？我一心就以為拿著那信確認信走到樂園門口就可以換入場券，玩到下午3時以後才再拿那套確認信去酒店 check in。

我們的計劃如下: 上午10時去酒店放下行李，再去樂園玩到晚上7時才去酒店 check in。
但我們做少了一步 -我們只說我們是當晚入住，沒有向職員說明我們訂的是套票。之後走到樂園門口，職員才說我們要在酒店取入場券......~_~ 唉！失策！

幸好有辦法解決，要不，我們就要再返回酒店再到樂園。哎呀！到時又不知要浪費多少時間。

有時，有事真要"問到底"！

再說一次我愛你

明知道成個故事講咩o野
但 d 眼淚就係都忍唔住......
差 d 喊o左出o黎，~_~

愛，就是"不捨"
但當你懂得愛，就學會"放下"

;_;

太感動啦~~~~~~~!!!!!!!!!!

投資愛情

職業病，覺得每件事都可以用會計準則去衡量。
假如你o既回報係要一段對方從一而終o既愛，咁你就要用返同樣o既去作去投資。
不過
"市場"係非理性o既，同係不能預期
你投資幾多，未必有返相同o既回報，所以要好小心咁搵"投資工具"

但如果只係想o係市場上追求剌激，咁你輸到清袋就關人鬼事啦！

手寫心想

並未帶著銀匙出生
我只有顆善良的心
年幼時常常羨慕別人所有的
長大了才發現擁有的已比別人多

所有人都做的事，就一定是對的嗎？
你有夢想嗎？有否想過實現它？

大眾的標準，恕我未能認同
我只想把夢想實現
就是這想簡單，這就是我的生命的義意

遲了兩年的新發現

我一直以為自己部 notebook 只得 cd-r
直到昨晚我至發現原來佢仲有埋 dvd rom o既功能
我摸住佢兩年，竟然唔知佢o既真正功能
一部 notebook 我都尚且如此
何況對住一個人，我對身邊o既事物太唔上心.............
我時時都同自己講，新一天o既開始，一切人和事都係新o既
因為，世界不斷在變！令我對任何事都唔會太上心記得。因為天天都會變，無必要記太多，了解太多。

我都要怪自己粗心大意！我怕我對人都係咁就死！mi 一定受了不少委屈 (/_\)

我唔喜歡後悔

你話我係無膽又好，咩都好。我係唔會做一 d 有機會令自己後悔o既事。
特別係影響到別人。更加唔會做！
所以o係感情上。我會係一個幾無膽o既人，唔會冒險。
好在咁o既人都搵到女朋友，唔係我就一早成為"毒男"！

有個女仔同你傾兩句，你就亂咁諗。罪過！！

意念

意念真係一樣好奇妙o既o野。食食o下飯就會走出o黎。但一坐o係電腦前面，就完全唔記得。你話死唔死。有時我覺得係另一個我至會有o個 d 咁奇怪o既意念。
人o既心真係好怪。

1:1

分組賽第二場，情況好 d ，迫和對手 1:1。
無上一場咁核突。中場o既情況好 o左，唔會咁易比人反擊得手。
今日最後一場，出線就一定無可能，希望唔好輸啦，一輸就排第尾.......
對手連輸兩場，但人地同中銀其實係五五波，有一球如果唔係球證判無效，係永隆先開記錄o架！
我怕佢地自我感覺良好，今日輸大意波就好笑啦！

近來好怪

近來當我一靜下來，不想東西，就會「入定」。之後有一種感覺，靈魂快要離開身體。
我想是心理病。原因是我開始不適應這個世界的節奏。
可能是身邊的事物令人討厭吧！
但也無辦法，鬼叫我要食飯咩！如果我唔使食飯，你睇o下我仲會唔會返工！！！

今日個市勁跌，都唔知咩事
不過
我仍然睇好！

「神話」觀後感

所謂的古蹟，又不是什麼大寶藏。假如沒有什麼大意義，就由它長埋在地下吧！
找到它又有什麼意義？反正真正的秦皇陵不會真的有反重力的殞石吧！
再美的東西，也是沒有意義。不要去證實它，讓它成為一個疑幻疑真的一個傳說吧！
什麼鬼斧神工，管它的！！
我不想看到先人們的心血被後人白白糟塌了。

10年少了10年

北極o既冰，10年前科學家話2070年北冰洋就會消失
10年後o既今日，科學家話 2060年就會完全溶曬...........
想不到我在生之年可以睇到 「97回歸」呢個和平移交主權o既大事
仲有可能見證另一件世界大事.........