烏龍曬太陽

眼見咁好太陽，一於走去海灘曬太陽。咩都唔理，就坐 91 去清水灣。總站o係二灘，去到唔係太多人，都 ok o既！但就出現一個大危機！
無士多！點算呀？我一心諗住去到海灘先買所需物品，但而家無喎！真係死火！我終於明白，有 d 時候，錢，唔係萬能o既！
死死氣行過去一灘，睇下有無運行啦！唉！二灘有好多三點式曬緊太陽o架！嗚嗚.......
行o左十零分鐘，好在一灘有間士多咋，真係救命士多。買o左張沙灘蓆同一樽水，就o係熱情o既太陽下「攤屍」。真係好正！

一灘比較少人，無咩三點式........曬o左個零鐘就走，因為天色有 d 唔對路，果然，我一走，就落雨。