逃亡潮可能出現了

阿s 做埋呢個月就唔做 lu，我地公司職員流失率之大，過去十年，我已經十分清楚。

但佢今離開，令大家都思考同一個問題，「我仲應唔應該留o係度」。根據我觀察所得，至少有兩三個人都想跳槽。都好o既，留o係度做咩o丫！而且我都無留人o既理由，唔通話，「你地唔好走啦！呢度幾好o丫。賺大錢唔會同你分，除o左落盤，仲要報價、解答問題、入信同落街拎招股書。算係咁啦！」我諗我講完呢句說話，想走o既人會更多！

唯一o既好處就係，每當呢間公司出現逃亡潮，人手短缺時，就係大市升到"吧吧聲"o既時間，到時我又可以叫人放心買股票！:p
我相信，歷史係唔會講大話o既！！