社區銀行，唔係咁玩o架！

如果擴大存戶數量，用高息去吸引客戶。一味"平霸"式o既經營手法就叫「社區銀行」，會俾人笑o架！
你定位自己做「社區銀行」，咁你有無諗過為社區作出貢獻？
你有無問過區議員，佢地o個區最需要o既，會係咩o野形式o既銀行服務？
社區銀行係一種最貼身o既服務形式，你夠膽講你地 d 員工有咁高o既能力咩！

你唔好玩我啦！
你地而家仲日日玩緊宮廷鬥爭，其他銀行已經知道自己要做 d 咩去避免被淘汰。你地，個個薪高糧準，得閒玩下自己 d 手下，同其他部門阿頭玩o野。你地唔死都無用！

社區銀行最重要o既就係靈活。你睇你地，個個死頭死腦。一味擦鞋，以身為太監為榮。姓廖o既都唔知係盲 x 曬，定老到有 d 懵懵地。朝令夕改，根本就係管理o既大忌，但你竟然視若無睹！
你鍾意睇你 d 手下鬼打鬼，而滿足你o既權力慾係你o既問題。其實都唔係咩壞事，反正權力只會令人腐化。你唔玩呢 d o野，我仲覺得你有問題。但唔好玩到咩都唔理至得o架！一個二個o係度呃飯食，你睇唔到o架！

大佬呀！你唔要面，我要o架！你玩到間銀行咁 on 9，我都同人講我o係參記做，都覺得有 d 唔好意思。