寫於內銀供股潮之後

歷時個幾月,過萬人次既內銀供股潮終於都完。
比平日辛苦既原因唔係因為多,而係呢段時間又攪緊慈雲山裝修,
要跟好多濕碎野,精神壓力好大,
好似時時刻刻都有無數個決定要你馬上作出選擇,
裝修個邊又跟唔足咁多,攪到最後同我諗既有出入。


三隻大野供股,「到現時為止」都係爆0左兩單,
過程實在太混亂,好多事都控制唔到,希望唔好再有野爆啦!
兩單裡面,一單真係唔小心俾人"跣"到,另一單就幫RLD食0既,
遲下供股得返佢一個,我唔想佢揹住咁多「負面印象」,
不過佢份人做野唔dea唔吊,我都怕佢出年會走,
唯有睇下phbe可唔可以接收曬我套「嫁衣神功」啦!

希望去荃灣分行之前,可以教多個啦!

(寫完呢篇野之後又爆一單,連call back List 都可以出事!
還好只集中在3988,如果其他都出事,我會好X無奈 一.一" )

開始埋數

年頭又話我呢樣，又話我0個樣
humgaling 最後又係我去「跟(足)」供股，
我唔明LOR！黃先生
咁多新人，但真係可靠0既，全部都係女仔
chirs， 原本二樓得返兩個男新人，你只要發0下力都已經可以"突圍"
但偏偏就係做唔到0野出0黎
LUS 如果覺得你唔掂，佢真係會咩都唔俾你做
既然叫得女友0黎做，就0係女友面前「做D 0野」啦！
今次供股潮，
我最想將中環0既新人 train 到全面D
最少有能力耍走 D 輕KEN D客，又可以幫自己儲到經驗
CONE 開始有其他0野做，都叫上0左軌道
得返 PHYB 同MONI， KAFY ...算啦，0係三樓做堂客對佢可能更好
PHYB 我都開始過料俾佢，得唔得就睇佢做化
MONI就麻煩 D，唔知係佢定佢條仔0既關係，LUS已經唔係好睇佢
希望下個星期我過料0既時候佢會「領悟到」啦 (大前提係佢同chirs都唔走0既話)
CKVN 同 ASN 基本上我未想過太多0野俾佢地
我對佢地0既工作能力仲有存疑。

講完人就講自己
十月呢轉無升，唔緊要，因為ALN 都無升
明年開始我地睇埋分行，到時會點執位... 要睇定 D 先
成功考到1,7,8，如果明年都係咩都無，就要考慮轉工0既問題
少0左DEN 呢個AM 到底會唔會補人上去，可能啦
但中環0既人選都係0個三四個，如果 ALN 有而我無
咁我都好大機會離開呢個咁"屈辱"0既地方！

都唔知想點

莫明奇妙叫我坐上三樓,
無講原因。完全唔知佢想點。
郁我唔緊要,但大屋搬細屋0個0下仆街嘛,
成個大櫃0既0野無地方放!
煩到爆。
最R頭係我個位唔係趕住俾人坐,
點解要我咁急,又或者點解我需要坐上三樓?


我決定等一個星期,如果無「官方解釋」我就會"自行演繹"今次0既安排。
我最想知0既,係「點解有呢個決定」,至於係邊個0既決定,I don't FXXKING care!

「這就是考驗你"信念"的時候」

我想，只有宗教團體才有資格用這句說話去「教訓」別人。

聽到有人用這句說話向自己下屬「曉以大義」，我只能感到"荒謬"。
僱傭關係，只不過是一項「交易」，當中絕不可能包含「信、望、愛」。
要求下屬不問回報去為組織效力前，
作為頭目，何不「以身作則」，要求自願減薪，甚至「無償工作」。
下屬見到你舉動，必定深受感動，爭相仿傚。

RY問 H點解去升個廢人都唔升其他人，
H 竟然話係考驗「對公司信念」0既時候，「而家你走，即係你對公司0既信念唔夠」
我 X！
咩撚0野答案0黎0架！

童軍上戰場

前幾個月走0左大班人，LEELILALA 請0左一大班新人
不出所料，大部份都未做過呢行
再一次不出所料，4月之後靜到而9月
難得美國又放風印銀紙，加上基金經理要0係12月「做靚條數」
10月開始，個市就忙到癡線
呢班新0黎0既童子軍，train 0左個零星期就要面對一個咁癡線0既市
又無經驗，D客又仆街
仲「西」到個電腦DOWN埋，網上落盤竟然0係最唔應該壞0既時候死0左！
真係難為負責投訴0既ROY

落0左分行0個班，都唔知會有咩「做化」
中環呢班，睇0下點啦
不過，我都唔係太睇好

和平、理性、非暴力；團結、包容、建和諧。

「投訴！投訴！投訴！

你地有咩資格投訴！
港鐵專登為你班刁民起個站，你地都唔識感恩！
聞0下臭味都唔得？仲要出0黎投訴？
東涌班居民嘈到拆天，港鐵"0采你都有味"呀！
香港就係有太多呢D 鐘意投訴0既人，點會好！」

「你地點可以咁自私？唔擴建堆填區，全香港D垃圾點處理呀？
你地買樓個陣都知有呢個堆填區架啦！無人迫你地0架！
一買一賣，完全你情我願，合情合理合法。
『心擴神恰』呢句"神諭"，你地唔係想違抗下話！」

「你地要理性同包容，唔好俾班想撈政治油水0既政客利用。
聞0下垃圾味唔會死0既，咩話？驚有致癌物質......將來0既0野，邊個知0者，可能無事呢！
0拿，如果你真係驚0既，咪支持埋"自願醫療保險" LOR
起碼慳到筆保險費，第日真係賴0野0既，都有保險賠嘛！
不過記得喎，你自己到時都要俾墊底費0架！」

原來要諗D咁仆街0既說話，都好辛苦0架！

華爾街2 - 睇演技(唔計男女主角)多過睇故事!

第一集上畫0既時候,我只係一個十零歲0既細路,
但到第二集上畫,我已經係一個0係金融業「打滾」十多年0既"中坑",
但人0既本性一直無變過,
一樣係「貪婪得近乎白痴」


故事以雷曼倒閉為背景,現實中雷曼0既負責人好似無「像一個男子漢」咁自殺。
可能奧利華史東覺得「你班友唔死都無用」!

電影就似教育電影一樣,
男主角老闆自嘲係一條「老恐龍」,因為佢已經適應唔到(或睇唔過眼)而家0既賺錢方法,
一切都只講短期回報。
哥頓0既演講,內容人人知,但偏偏無人願意相信。
一個可能可以解決人類能源危機0既方案,
就因為「回報不確定,投資期太長」更可能"動搖"而家0既「石油經濟」而被刻意扼殺。
為怕覺得難明,電影加0左個俾觀眾更容易理解0既角色,就係男主角0既亞媽,
其實呢個角色已經解釋到「老散DayTrader」0既下埸,
更簡單咁解釋到,何謂「道德風險」。

故事結尾有點牽強。
可能太想說教,太想叫醒你地唔好追逐金錢,
普通人要努力工作,有錢人要推動社會。
「家庭」先係"終身事業",
「時間」至係人生唯一0既資產(可惜它只會不斷減值)。
基於以上理由,
一個連親生女都出賣0既人,可以0係佢將一億變成十億之後「回頭是岸」。

結論:睇演技(唔計男女主角)多過睇故事!

釣魚台次次有事，
你班友都係縮埋0係中南海「宣稱主權」，
之後咩都唔做。
人民出0黎抗議，要「保衛釣魚台」，
你走去出手打擊佢地？
唔想要返釣魚台，你出聲丫！
唔好要人民「表錯情」0麻！

「領土」係"霸"返0黎0架！
日本人已經0係尖角列島派駐海上保安廳0既艦艇
行使緊「管治權」
又將「拘捕」到0既中國人進行起訴
行使埋「司法權」
而家仲打算派陸上自衛隊駐軍
過多十年，聯合國就會承認日本對尖角列島0既「主權」
話之你中南班友日日大叫
「釣魚台係中國固有領土」
無人理你地0架！

「保衛」咩0者！
釣魚台「淪陷」0左啦！

攪清楚目標，就唔會亂屌

路經球場，見到人鬥波，
其中一隊個個 HEA 踢，得一個矮仔又上前又返後，
預計之內，睇個十分鐘，呢隊波已經俾人入0左兩球。
正想轉身返屋企，突然聽到個矮仔爆0左句
「 屌！你地咩撚0野人0黎0架！」
望一望個矮仔班隊友，個個擔天望地，
好似唔關自己事咁。
之後個矮仔繼續踢，但就一路踢一路屌。


我覺個矮仔都幾得意。
個球場明明四邊到無圍欄，
佢幾時都可以「唔撚踢」

其實呢個發表0係FB 上0既說話，係有後續0既:
假如我係個矮仔
我會考慮一0下自己0係隊波係咩角色
假如我有另一班波友，個個落場都唔HEA 0既
我即走啦！
但如果我球技麻麻，除0左呢班HEA友，根本無人會受我踢
咁我咪留低LOR，「形勢」比「人」強0麻！
但我留低都唔會「亂屌廿四」
要知道班HEA友都唔係傻0既，知道你有「利用價值」
佢地自自然然都會對你好D
咁呢個時候更係唔好自我感覺良好啦！
要知道你地位再高，係0係身處一隊垃圾波！
好好利用落場0既機會，提升自己0既球技
都適當時候，一腳飛起呢班仆街，去第二隊
咁先算「咩仇都報曬」！

關於所謂「菲仇」

我只想講一句說話: 「將憎恨發洩0係無辜0既人身上，係懦夫0既行為」


講到好似國仇家恨，不如咁啦，用石頭擲死曬所有0係香港0既菲律賓人好唔好？
唔好以為0係網上講0野唔使負責任
繼續將呢言論同情緒升溫，攪到菲律賓出現排華活動
最後受苦0既，可能係身處菲律賓0既華人
你地就0係電腦前面打飛機
其他人就要為你地0既言論擔驚受怕

「暴怒」之所以係七宗罪之一
就係因為憤怒只會令人做出愚蠢0既事。

鬧夠未？

大家都睇住直播，出事0既又係香港人，
好想做D 0野，但事實又咩都係唔到。
係，係好無奈。
我都想有個披住紅色披肩0既記者，又或者一個身穿鐵甲0既有錢仔飛去救人，
可惜，呢D事根本無可能發生。
大家都好自然會將情緒發洩0係「辦事不力」0既人身上

一個相對落後，貪污問題嚴重0既國家，
你地想佢地0既警隊有幾「卓越」？
可能我地真係睇得電影同電視劇太多，
又可能我地0既警隊相對上比人優秀
我只想講，無得咁樣比
就算0係香港，都有可能俾個傻佬捅幾刀
何況係0係人生路不熟0既地方？
講到尾，呢次係一件無人想發生0既意外。

事後孔明馬後炮，個個都識
你可以懷疑警察0既動機，甚至質疑總統0既態度，
但絕對唔應該種族歧視！
菲律賓人有咩得罪你，
點解有人可以用D不堪入耳0既說話去攻擊人？

假如呢件事無電視直播，
你地又會否「聲討」0個班警察？
假如死0既唔係香港人，
你地又會否大叫「生命無價」？

魔法師的門徒 - 一點驚喜

在"一致負面評論"下,假如不是朋友邀約,這部「暑假電影」根本不會成為我的"選擇"。


「沒有期望就不會失望」,抱住這句說話入場,但卻較預期好看。不是<哈利波特>式的魔法世界,把"現代"科學融合在"古代"魔法之中,「最強魔法師」的現代轉生就是「物理學天才」。從沒想過廸士尼會用物理學(當然是入門初階)去解釋魔法的「原理」,也沒想到這部「小朋友電影」也會出現Tesla Coil(當然,電影沒有說明它的"真正"用處)。

出色的電腦特技,把不可能的事物「真實地」呈現觀眾眼前,更借電腦之助,讓魔法師的對戰變得更有可觀性(相對於<神火之賊>),如果大家有看過<米奇魔法師>這套動畫,相信你會「眼前一亮」,因為電影把動畫其中一幕帶到現實世界。

可能因為這些原因,所以我覺得這部電影不至於「垃圾級別」。

睇完耀才本招股書,就知到證券行0既未來一定係「電子化交易」。
「真人落盤」係落後到痺０既交易方式。


我唔明何解仲要提供埋報價，萬幾蚊請個人返０黎報價同落盤，
其實已經限制0左佢0既成長，
要學多Ｄ，就要花額外0既時間同精神。
今時今日，有幾多人肯付出？
加上收市後都已經得返半條人命，想學，都未必學得好！

請班人返0黎，又要等佢地適應，又要搵多個人去教。
不如襯「人少少」，整返個自動報價系統，
減輕前線0既壓力，再將部份人分去交收部同電腦部，學更多落盤以外0既0野，
將佢地由「落盤機器」升級做可以解答客戶大部份問題0既「客戶主任」好過啦！

上星期五,無啦啦俾H拉0左去食午餐,
個組合又古古怪怪,我、isab、基斯同阿偉。
真係「老中青」三代同堂!
阿P 又在坐,
講埋D「HeHo哈嘻」。
浪費0左我一個寶貴0既LUNCH!


唉,攪咁夠多,都係想同班新人打好關係,
但根本就係個制度出問題,
加上「平時食開肉,無可能一下子轉食素!」
0係我眼中,只係一埸吃力不討好0既鬧劇。

而家出面度度都「搶」人,
939仲話只要你肯走,最少都俾多幾仟,
你地出手咁孤寒,點同人爭?
與其高薪去請D低能0既返0黎,
不如一次用舊錢整個電話自動報價,
一來可以減輕同事壓力,又可以upgrade佢地去做/學多D 0野,
唔只做死一世「落盤機器」,
等佢地對呢度有期望,無咁易"話走就走"。

係，香港係女人多過男人，

但我一直認為，
有D男人，無論去到咩境地，
都係唔應該成為你0既選擇！

今日行旺角，
過馬路時迎面走來一對十零歲0既「小情人」
男的"MK"，女的普通
可能後生仔拍拖鍾意親密 D 啦
個男0既用近乎「箍頸」咁攬住個女仔，兩個人好貼
我望望0下發現有D 唔對路
因為個男0既順勢將隻手放到女仔0既胸前，
再用手掌完全包住個女0既一邊胸
心中暗 X一句「仆街，影衰曬 D男人！」
行0左幾步，個女0既望住個男仔
我聽到個男0既笑笑口 SAY SORRY
短短幾十秒0既事
之後人地個女會點，我已經無咩興趣
反正最懷0既情況都係去搵「母親的抉擇」

我只係覺得
細路女，拍拖無問題
但唔好因為「人有我有」0既心態
事事但但搵個「拍拖」同「嫖妓」都分唔到0既賤男做「男朋友」
唔好因為虛幻0既「愛情」，錯誤地成為別人0既"飛機杯"！

睇住條友發夢

一套獲得"一致好評"0既電影。
又話特技好又話故事勁,
無錯特技真係"正"到無0野好講,但個故事就…


一開始,話個主角"從事"「潛意識盜取」
但套戲入面,佢好似無成功過,我根本唔知咩叫"盜取"。
「夢中夢」呢個概念係好"正",
但點樣將現實世界0既「合成物」帶入夢裡面?睇來睇去到好難理解。
每個人0既潛意識應該係唔同0既,
但經過訓練之後,無論去邊一層0既防衛都係一味玩槍戰,好悶lor!
主角為0左同老婆返回現實,將一個認為無害0既意念植入佢0既潛意識,攪到老婆自殺。
我覺得套戲後半段間始,已經係主角用0黎消除罪疚感0既夢境。
我就睇住主角不斷自圓其說。

「潛意識植入」,
運用催眠已經可進行,使鬼大費周章攪咁多0野咩!
如果你以為睇完套戲可以了解多D夢境同潛意識0既關係…你都慳返呢六十蚊啦!

假如你咩都唔諗,任由套戲帶住你,你就會覺得緊張刺激。
其實,俾幾廿蚊入埸,
咁「用腦」做mug!

單單一個月,BingLingBoomLoom走幾個人,
"已知"0既都有兩個人可能會走。
其實,連阿釘都「走得郁」,我諗我都要為自己考慮o下。


出面0既起薪點起碼15K,
你俾得果十一二K就以為自己出手好重,
唉,如果我唔係有而家呢份人工,我都走啦!

最慘0既係,走0既全部係有潛質0既人才,
留返D弱智同屎忽鬼0係度,太新0既,資質又普普通通。
連DL呢D咁HEA 0既都走,出面可能真係好好Pay。

其實班巨頭係真唔知,定係不願面對真相,
十幾年,你呢個制度留到幾多人才?又走0左幾多人才?
睇睇遲D會請D咩「極品」返0黎啦!

突然間空0左兩個位,你問我點諗?
多餘0既,一早講0左,唔升就走,仲要問?

反斗奇兵3 - 十年後一樣有驚喜

原來距離上一集已經係十年前0既事,不過今集一樣咁好睇。
我懷疑自己開始"適應"0左3D動畫,又可能動畫其實無必要用3D技術。
因為對我0黎講,好似無咩分別。

一開始0個埸「西部警匪追逐」,一次過見曬成班主角。等觀眾有足夠時間"熱身"。
之後0既新角色,都有交代佢地0既背景同身世,特別係KEN,真係好"頂癮"。而由攬攬熊為首0既「霸權」,未去到"赤裸裸",但我想小朋友會睇得明當中0既寓意。

去到尾段,我真好佩服度故仔0個個/班人,
明明成班主角手拉住手「等死」,
但又有本事逢兇化吉,
不得不大叫一句「三眼仔好勁呀!」

今集0既「人類角色」戲份都好重,
特別係ANDY,我無諗過今集會有「感動位」,
仲係由一個一直"無咩戲份"0既人類角色帶動!

無人玩0既「玩具」同垃圾有無分別?
將唔再用0既0野轉贈俾有需要0既人,
又或者一D同你一樣懂得珍惜佢地0既人,
其實都幾環保。

如果個個人(包括我)都小心d

根本就唔會攪到咁大件事
所有事都係因為睇漏眼
如果睇到修訂文件
如果睇到news 0既訊息
可能就會避免
始終人唔係電腦，犯錯係少不免
我只希望做到將錯誤0既影響減到最低
當然我都有責任
被人問兩問就攪錯曬d條款
但咁大件事，佢地竟然可以唔去問威廉
我講mug 就信mug
唔好咁啦，我ae 0黎0架咋
咁信我做咩0者！
唔好俾咁多責任我啦！

可能位置唔同，大家睇0野0既角度有分別
我覺得出信係無問題
因為供股比例無變，變0既只係送wt0既比率
而且仲係送多0左，我覺得「扮傻」出信，
可以將件事0既「殺傷力」減到最低。
但偏偏就要我地打電話
將出事0既機會率大大提高
仲要搵人0係開市時段做呢0野，
呢頭叫我地接多d電話，0個頭又要我地做呢d 0野
想點？

加上而家個個都話想走
攪到佢地都唔敢太責怪負責0既同事
當然佢地都無責怪我
但我反而覺得唔舒服
佢地都唔明，
d人要走，唔係因為俾你地鬧
係你地成個制度有問題
人地先想走！
你地成日話威廉呢樣唔知，0個樣唔知
梗係啦，次次都「case by case」
有規矩又唔跟，你問佢點做？
佢鬼知你地今次又會唔會「case by case」咩！
成日問d低級過你0既人點去解決問題
到最後又唔係用佢地建議0既方法
反而用一個最 on9 0既方法解決問題
阿差識答你咩！
咪玩啦！

民主黨賣香港實錄! 一夜轉軚大騙局!

當世界 不知不覺的變了 有時候 我懷念以前的我

作的夢 雖然遠遠的 想像是 一種快樂
擁有了 同時也失去什麼 而眷戀 原來會帶來軟弱
你讓我在霧裡成熟 心開始曲折

我不想捨得 不想懂得 是誰惹誰 言不由衷
說謊傷害 都是不安犯的錯 怕抱不緊什麼

我不想捨得 不想懂得 誰說割愛 才更深刻
彼此依賴 是愛不是負荷 互相照顧就是 幸福的

當世界 不知不覺的變了 有時候 我懷念以前的我
作的夢 雖然遠遠的 想像是 一種快樂
擁有了 同時也失去什麼 而眷戀 原來會帶來軟弱
你讓我在霧裡成熟 心開始曲折

我不想捨得 不想懂得 是誰惹誰 言不由衷
說謊傷害 都是不安犯的錯 怕抱不緊什麼

我不想捨得 不想懂得 誰說割愛 才更深刻
彼此依賴 是愛不是負荷 能握著手就是 感動的

我願意 一秒鐘放棄全宇宙 擠在只有我們 緊靠的小星球

我不想捨得 不想懂得 是誰惹誰 言不由衷
說謊傷害 都是不安犯的錯 怕抱不緊什麼

我多不捨得 多不懂得 誰說割愛 才更深刻
彼此依賴 是愛不是負荷 能握著手就是 感動的

說謊傷害 都是不安犯的錯 怕抱不緊什麼

我多不捨得 多不懂得 誰說割愛 才更深刻
彼此依賴 是愛不是負荷 能握著手就是 感動的

陰謀論

一個擲公字遊戲，你十二次中猜中了十一次結果，那麼，

你下一次猜中的機率是多少？「接近」九成？還是「二分之一」？
當所有人都把一隻八爪魚的「行為」"奉若神明"
反智至此，真的令人莫名其妙。
我情願相信，這是一個「世紀大騙案」

如果用陰謀論「解讀」
我會話係荷蘭奪標
話西班牙要用世界杯冠軍去"沖起"經濟
歐豬國入面，意大利同葡萄牙出局，國內經濟有無崩潰？
好似無被人「沽爆」喎！
即係國家隊0既表現同國家0既經濟無關係啦。
西班牙入面，主力大部來自巴塞隆那
但巴塞代表0既，其實係加泰羅尼亞
加泰羅尼亞一直希望能獨立成為一個國家
如果被今屆0既西班牙贏到冠軍，就更會助長呢股風潮
今屆歐聯，「地上最強」0既巴塞敗於國際米蘭
同樣可以用呢個「陰謀論」去"解讀"
(準決賽係用主客制，比決賽一場過，「贏波出局」較"合理")

陰謀論，一百個人有一個演繹
0係我眼中，比賽前0既陰謀論叫「段估」
比賽後0既陰謀論叫「馬後炮」

我真係唔知呢個人點做人「阿頭」
上一次招行供股
你一句說話都無出過
我同rd 咪又係咁樣做，有事咩！

今日無厘頭走0黎問交行供股做成點
「做成點？」
今日幾多號呀！
2918 上0左市幾耐呀！
咁多日你都無理過
偏偏0係最後交易日0既中午收市你走0黎問我做成點
我同RD 一早已經有曬計劃，無必要花其他同事0既時間
但偏偏條友就走0黎「指手劃腳」
一句，「全部都要 Call 0下喎」之後自己走食飯
個波就交俾joyce
咩人0黎0架！

好啦，得返個半小時
其他 AE 根本唔知頭唔知路
攪到我同rd 要花額外0既時間處理其他同事0既問題
令我地無時間處理需要盡快解決0既問題
仲要0係下午開市前積落一大埋碎股盤
ryn 又要接阿p d盤，咁咪入錯價lor，好在係小事0者
如果入錯行家no. 你話點算
收市後仲笑笑口，你 pk 啦，唔係你屎忽袈
我地使咁狼狽！

我唔介意你「指手劃腳」
我講過好多次，我好想只係做一部落盤機器
上次招行供股，你老兄一句說話都無講過
今次唔知抽起邊條筋走0黎「了解情況」
OK ！但你唔好0係隻rights 最後交易日0既中午過後
先走0黎同我「了解情況」再好輕率咁講你0既「決定」
我明白你「為公司利益」
但唔該你了解一下同事會遇到0既困難
一個缺乏計劃0既決定，通常都唔會係一個有益0既決定

2010 上海遊記

因為女友一句「想睇世博」，我呢個視返大陸為畏途0既港喱，
唯有陪女友去參觀呢件「祖國盛事」。

因為計過自由行無著數，咁就揀跟團。
女友又話唔想只睇世博，咁就報0左個由南京一路"玩"到上海0既團。
第一次跟美麗華還好同團0既大部分都係退休人士，
「後生」0既，得我地同埋另外兩對夫婦，領隊都好有責任，呢樣真係要讚。
反正上到大陸都係內地0既中旅社跟返，邊間旅行社其實都係一樣。

第一日由香港去南京，就係「苦難」0既開始，
由我腳踏南京開始，呢一日我坐足三個幾鐘頭車！
我知道會有「自費項目」，但無諗過第一日就要俾錢
好在都只係總統府同烏義古城兩個地方要自費。
南京，好多有歷史價值0既地方可以遊覽(空氣真係好差)，
但我地只係留得大半日，只可以去一去總統府同夫子廟
晚飯之後返酒店，第二日去一去南京大橋就要去蘇州

第二日由南京去蘇州，呢日仲經典
由南京食完午飯就去蘇州
去完寒山寺之後，就直殺上杭州食晚飯
其實寒山寺都係睇唔真，下次要再去睇真D
坐車坐到人都癲！
全日做得最多0既，就係0係架車度sleep！

第三日開始好D
0係杭州遊西湖，坐船0個隻
天不做美，下雨，但西湖真係好靚
午飯後再去烏義古鎮
不得不讚，成個區0既管理同規劃都做到好似日本0既旅遊區
亦都係呢個原因，我會再去一次蘇、杭。
之後又係每日重點-坐車
由杭州去上海！

第四日同第五日就開始入世博園區
人多，係好多好多
入場都用0左成個鐘
入到園區，周圍睇0下，影0下相
之後下定決心，排隊入德國館
感覺係 - 大開眼界
講0既唔係入德國館，係排隊0既過程
真係非筆墨所能形容，有心理準備0既先好「排隊」
去0左好多無人0既細館仔
有人話，無人排0既館無0野睇，
其實視乎你對咩有興趣0既0者。
第二日入場，可能「太好天」
烈日之下，我地0既團友同當地0既「遊人」差D 開拖！
好好彩，第二日0既世博行程可以入到中國館
好奇怪，入到去，睇住《清明上河圖》
你個自自然然就會擘大個口！

第六日，「上海半日遊」之後就上機返香港


去完呢個團，就決定要再去一次華東
蘇杭0既景色真係會"迷死人"！
入到世博園區，我覺得用排隊0既時間去睇多D 0野，可能更有價值
其實入面0既風景區好靚，夜晚就更「謀殺菲林」(而家應該叫「打爆記憶咭」)
同事去完話下午5:00之後，好多大館都好易入
鬼唔知咩，但我0個兩日係星期六、日，好多上海人入場
所以都係入唔到曬五大館。


P.S
你要預0左俾人打尖
特別係一大班戴住"鴨仔帽"0既"鴨仔團"
佢地一大堆咁湧埋0黎，你係完全無招架能力
最好避開呢一種人！
個個大陸人都以為自己識「千里傳音」
所以，小心保護自己0既聽覺！
唔好行埋去一D企定定望實一個方向0既大陸人身邊
因為佢地下一個行動就係大0益！
我發現佢地好奇怪
無論係五米之內還是相距街頭至街尾
佢地都係大大聲咁0益
所以，記得同大陸人「保持距離」！

4den

我一直以為自己係0個D「係朋友，就一定撐到底」
我以為，只要你係我朋友，無論你做任何事我都會企0係你0個邊
我以為，「無論朋友做過咩事，只要你係我朋友，我都會接受同包容」

但原來，有D底線
只要你越過0左，我就唔會再當你係朋友
盡管係十幾年0既「情誼」
濫藥？吸毒？
真又好，假又好
你已經不再是我認識的你
更可悲的是
我已經不懂得如何面對你
你想要的，已經得到
以後的日子如何，請你好自為之

dinner with gorman

今時今日0既民主黨

為0左可以同政府「同一陣線」

可以放棄 0708、2010普選

為0左保住現任議員日後0既議席
可以支持保留「功能組別」呢個當日聲稱係"過渡安排"0既政治癌細胞

我唔知道明年區議會選舉你地會點樣面對你地0既選民。
你班X 樣，有資格要我選你咩！

「中立」定「偽善」？

某位世界杯足球評述員講過「vuvuzela」0係非洲人0既文化
雖然會令人感到煩厭，但呢個係人地0既文化
希望香港0既觀眾應該包容....

已經有人証明0左，如果成場比賽都聽住「vuvuzela」0既聲音
無論對比賽中0既球員同欣賞比賽0既觀眾，都會對聽覺產生傷害
0係之前0既熱身賽已經有球員同教練投訴呢樣"樂器"
一種對別人做成傷害0既「文化」係唔係都需要「包容」？

如果係
「食人」呢個文化係想得到別人0既力量同保護自己
係唔係又應該包容？
部分非洲部落會0係少女進入青春期前進行「割陰唇」呢個"儀式"
咁出於「香港人0既尊重同包容」又係唔係應該容許呢D事繼續存在？

八九民運實錄（二十周年再版）

http://1989report.hkja.org.hk/site/portal/Site.aspx?id=A27-136&lang=zh-TW

飛砂風中轉 - "笑"0既唔止古惑仔

如果話套戲「笑」港產黑社會片
我覺得，更似「笑」緊呢一刻我地0既社會

郭峰0個班"叔父"
就好似建制內0個班既得利益者
下面班0靚只要搵到錢，呢班"叔父"做咩都唔會有人理
連亂吹出0黎0既"龍尾棍"都可以無人質疑
引用戲入面0既一句對白 -「公民意識太低」
余安安呢位「黑道阿媽」就更好笑
為0左可以令自己繼續可以吸毒
就「義無反顧」咁推個仔去做坐館
我地社會0既"毒品"，當然就係「投機炒賣」啦！
陳子聰個角色仲好笑
0係黑社會講「民主自由」
而目的就係為做"龍頭"
電影入面，鄭伊健係真正有能力做龍頭0既人
但佢已經睇清楚黑社會0既本質
佢同阿肥0係書店入面0既對白
就清楚講出，「黑社會」係一個好落後0既"制度"
好似現實社會上0既有識之士，只想追求自己0既人生
無興趣對黑社會"作出貢獻"
陳小春就好似你同我一樣
0係無選擇之下入0左黑社會
好努力咁上位，之後再想脫離黑社會
唔需要再做"狼"，亦無必要做"狗"
大家都可以做返一個"人"。

電影本身好好睇
係一套睇完笑完之後，有D 0野可以拎得走0既電影
如果有人睇完呢套戲之後仲想入黑社會
咁我諗佢同陳子聰個角色一樣 - 係低能0既！

散兵游勇！

幾時至學識團結？
用余若薇做代表，反映你地全體泛民0既立場
我唔覺得有需要「酸葡萄」
陶君行都仲叫有「量度」
何俊仁就真係不知所謂，人地無叫你，你走去「拉衫尾」！
有時間開記者會，不如約余若薇出0黎，合力"做好"呢場辯論啦！

為什麼?只不過是四十多年的事。竟有人妄想"改變歷史"。


「六七暴動」係香港一段重要歷史,係共產黨0既餘毒0係香港策動0既暴亂。當日0既"鬥委"承認,港英政府亦都清楚,香港市民看在眼裡,就更加知道,這些"左派害人虫"根本就是想配合大陸0既文化大革命去「解放」香港。

當中傷亡0既,有左仔,有警察,更加有無辜0既市民。
左仔為0左壓制"敵對聲音",用電油將播音員林彬活活燒死,事件發生後,「左報」都對此作出讚賞。

一切一切,歷史早已有定論。
今天,竟然有人試圖推翻歷史,將左仔當日0既暴行淡化。
身為一個有良知0既人,都只能嘆一句
「民建聯,最無恥。」

2010年5月16日 - 香港首個"變相公投"

種因得果
但大多數人都不想種因就妄想得到好果
沒有自身利益的話，連因也懶得去種
他日結出的，必定是一大堆苦果。

唔知會唔會有人同我一樣咁諗:
一個要依靠機器生存，用電腦同外界溝通0既人類
要用其他0野去「取代」佢，唔係一件難事
我相信
真正0既霍金可能一早死0左...

72 小時鬧劇

鍾舒漫 - 八十之後

主唱: 鍾舒漫

作曲：林立基
填詞：周耀輝

大人教導 用心的工作別太囂
我們 沒法相信我要折腰
誕生後 只看到生活無聊
還是大時代過了 才會更妙

可以去愛 盡情地去愛
相信我的心 我的心會跳
抑壓要叫 悶煩就當要笑
為曾拒絕現實 不緊要
信過先緊要

不必憂慮 若青春的我太輕佻
我們沒法相信世事難以預料
80之後 廣告蓋掩了童謠
還是大時代過了 才會做回自己了
我覺得不渺小

可以去愛 盡情地去愛
相信我的心 我的心會跳
抑壓要叫 悶煩就當要笑
為曾拒絕現實 會開竅
痛不緊要 我不渺小

或者有些出路少了 才會令我大志不少

可以去愛 盡情地去愛
給我片刻好嗎 我的心會叫
都市冷了 地球亦暖化了
為誰渴望日後 我的心會笑

活了活了 讓我為愛活了
但求美麗存在 我的心可以笑
活了活了 願你為愛活了
為曾拒絕現實 不緊要
痛不緊要

記得理想 先緊要

葉問2 - 教你做個中國人

我唔明點解大家對呢套戲有咁大評價
特別係電影入面0既「說教」，裡面"宣揚"0既0個套「中國人傳統」
我廿年前已經全部聽過
假如你對呢一套「價值」"驚為天人"
可能你來自一個唔講傳統道德價值0既國度
又可能證明我地0既教育制度唔再係「育人」0既制度

上一集係介紹「葉問」呢個人
去到今集，就係介紹「詠春」呢套功夫
由黃樑拜師，到葉問單挑各門派
都顯示出「詠春拳」0既"實用性"
將一個拎住米字旗出場0既拳手打底
有人睇到拍手叫好，又引申到"大國論"
我只覺得
"詠春"係一種好實用0既近身武術
招式變化俾拳擊多，嬴，係好正常
但兩師徒0係魚欄0個場戲，就真係「搵戲0黎做」
文戲少了
唯一叫做有D人情味0既，只係得兩師徒「話當年」0個幾分鐘

現今0既"黑社會"，以前叫"三合會"
"三合會"又源自"洪門"
洪門同洪拳唔多唔少又有D關係
睇睇葉師傅拒絕「交會費(陀地)」之後0既遭遇
就明白黑社0既「歷史演變」
但六、七十年代0既香港龍蛇混集
加入呢D"武術團體"，其實係好正常
電影入面亦都幫洪師傅搵到一個理由
但呢個理由，我接受唔到。

如果將電影入面0既「洋人警察」轉換成我地而家0既"宗主國"
你會睇到好多「洪師傅」同「肥波」呢 D 角色
不過
今日0既香港一定唔會出現「肥波現身報館」0個場戲為

上集打日本人，係剛勁0既空手道
今集打英國人，就係力量形0既拳擊
兩者都係擂台上單對單0既較量
但當去到中國人同中國人對打0既時候
單對單唔夠打，咪"圍揼"你LOR
你一個打十個？我咪搵十幾人拎刀砍你LOR
就係因為無，所以先拍套《葉問》出0黎
教你地咩叫「武德」之嘛！

IRON MAN 2 - 預期中的水準

一切都係預期中咁好睇。
不過，之前坊間吹0既電影內容就無曬影
咩失意、酗酒甚至 HULK 0既出現
全部都係亂吹一通

第一集救佢一命0既裝置
今集就成為佢0既生命威脅
而 TONY STARK 0既性格缺陷
令佢選擇一個人去承受呢個「生命倒數」0既壓力
因為呢個「不可告人」0既秘密
身邊0既朋友都以為佢成為超級英雄而性格大變
佢0既上校老友質疑佢，就連佢0既愛人都放棄佢
正當佢眾叛親離0既時候
就發現由細到大對自己漠不關心0既父親原來一直以自己為榮
仲留底0左一份最有用0既禮物俾佢

今集0既壞人只有一個
我對佢0既「上位」方式幾有興趣
老豆俾人屈0左幾廿年
對頭人個仔就風風光光做人民英雄
同樣係父親引以為榮天才
所以佢0既上位方式都充滿智慧
用有效限0既資源去挑戰對手
目的唔係打倒佢
係吸引其他「同道中人」0既注意
借用呢D「同道中人」0既資源
去完成自己真正0既目的
即使去到最後，佢都係選擇一個「以逸待勞」0既方法
用智慧多過力量
唔好俾呢個角色0既外型呃0左

其實今集有D位都幾騎呢
TONY STARK 個老豆用0黎留"訊息"俾佢0既方法
上一代0既恩怨，由下一代去解決
我覺得好"武俠小說」
短短半日就可以靠一己之力造一台"粒子加速器"？
0係摩納哥逃獄真係咁兒戲？
最後0既「二打一」，我覺得......超級英雄....二打一！@.@"

我的收音機只預設了兩個頻道-"881"同"903"

我一直都「引以為傲」

不過，竟然夠膽跟一個在FACEBOOK 有超過十萬人聲言「討厭」的政黨合作造節目
我真的呆了
就好像那位住在你隔鄰十多年的鄰居
一直以為他是好好先生
但某日警察上門
發現原來是一個專門姦殺少女的變態殺手
不是開玩笑，我真的有這種感覺

商台的營業部"見錢開眼"
是否不代表商台？
情形是否等同「本節目嘉賓說話內容，與本台立場無關」
是不是營業部找什麼客戶來，
你這位節目部阿頭也只考慮節目內容
不理會客戶身份
想提醒你，這是一個缺口
今天是政黨的「民生節目」"讓市民發聲"
他日共產黨跟你合作宣揚「環保」
你這位節目部阿頭又如何取捨？

黃永先生，多謝你把商台正式"正名"為「商業電台」
你把前人那套「堅守正義，悍衛自由」的價值完全抺掉
更不要提
「你對得住林彬先生嗎？」

林夕-法術勢

法術勢


2009年05月15日

母親節家庭聚會，我問在港大唸法律的外甥，有就學生會會長陳一諤去留投票嗎？答案是「沒有」。為甚麼？「因為覺得他罪不致死。」那為甚麼不投反對罷免一票？「因為看形勢，估計倒他台的人多，不投票是一種策略，如果最後總投票率低過十分一，公投的結果就會作廢。」

這倒是個新鮮的答案，讀法律的人，未畢業便鑽起遊戲規則的空子來，這令我想起法家法、術、勢三派，想保住會長，不依法制直接反對，而是用術去達到目的，看見了民意之勢，又錯估了投票率的走勢。

我不跟他糾纏在這個會長該去該留的問題，最重要的問題是投票的意義。投票率高低，可以反映了學生對讀書考試自身之外的課題，還有多上心；投票結果，反映港大生對他們會長的表現有甚麼看法。說到底，陳一諤的去留不重要，有意思的是看看大學生對這「一士諤諤」的奇詭六四言論，有甚麼反應，還有沒有反應。

為甚麼不行法道正道，爽快直接表態，而要迂迴地以不投票為暗票，以術來得到自己想看到結果？很多投票除了為了得出個結果，也為了看看正反意見的比例，譜出個民意所向的面目。

這修法之小子，那麼早就學會此等謀術，可能值得中聯辦參考。反對罷免陳會長的，倘能全部以拖低投票率為策略，尚有一線希望令投票結果無效。可惜的是，假如大家都玩這樣的遊戲，最後即使意外地因不能有法定足夠的票數，得保陳生會長一席，但出來的結果，從表面上看是一面倒支持罷免，保陳派也會面目無光，落得個雙輸局面。由此看來，世間很多真理雖若真如假，小聰明不能成大事、走小道達到目的也得不償失、機關不可能算盡，倒是值得緊記的常理。



history repeats itself, first as tragedy, second as farce

明明係負心0既一方,點解要扮作一個受害者。

內地0既歡埸,老實講,更本就無可能搵到真愛。
"北京"同阿芳,0係我眼中係一個「不尋常案例」
太多故事證明,
中港兩地0既所謂「愛情」只不過係一段建立0係金錢上0既性關係。

係「愛情0既偉大力量」定係「鬼迷心竅」
我呢個外人無資格出聲,
但呢段所謂"愛情",令你毀掉一段十年0既關係,
對你0既財政造成壓力,
更甚者影響工作表現同埋屋企人關係0既時候,
係唔係應該退一步,睇一睇,
問0下自己知唔知自己做緊咩!

股票的現價只反映"現在"
不過，供股權就是一個讓你在將來以某個價值得到股票的工具
個人覺得，從供股權的價值多少可以"推敲"到股票的未來值(短期)

現在值$1.16的東西
幾個星期後，會否變成$0.46？
我不知道
不過，我相信"市場"的無形力量

呢一刻#585 @ $1.16
如果你可以買一個行使價$0.07 0既認購權
咁呢個認購權0既「合理」價就應係 ($1.16-$0.07)
即大約 $1.09
因為短短幾個星期，相關股價唔應該相距太遠
但你而家0係市場上可以用$0.39買到
你心入面即刻會彈出以下算式
$1.16-($0.39+$0.007) = $0.7
嘩，無啦啦就「套戥」到$0.7落袋
但市場上，人人認為認購權"只值" $0.39 0既時候
你就要懷疑而家隻正股個價0既「可信性」
因為你要兩個星期後才收到股票在市場放售
單日波幅講緊廿幾三十個% 0既股票
兩個星期真係可以「翻天覆地」

中國人的「借」

在沒有知會下取去別人的東西
還在全世界面前展示出來
無恥地大談自己艱辛的 "創作經歷"
到事件被揭發
更可厚顏到去信人家說要「借用」
是哪門子道理
人家見你如此窘態
也不好意思拒絕閣下
向你落井下石

「禮義之邦」這四個字
現今日本可能更有資格引用

《勁揪俠》- 想像以外的好看

一套只係講「現實的超級英雄」0既電影，
竟然被評為"只許十八歲以上人士觀看"。
十六歲可以發生性行為，但睇戲要等到十八歲，
難怪咁多未婚懷孕同墮胎少女。

套戲真係好睇又好笑
近年好多"漫畫英雄電影"都著力將主角「人性化」「現實化」
好似「黑夜之神」同「蜘蛛俠 3」
都強調主角人性化0既一面。
不過，
《勁揪俠》就同大家睇睇
我地0既現實世界，如果真係有人走出0黎做超級英雄
咁件事又會係點呢？

一個好簡單0既問題
「如果超級英雄真係咁受歡迎，
點解無人走出0黎做？」
主角就係因為呢個問題，所以就"挺身而出"做一個「英雄」。
靠網絡0既力量，真係無啦啦俾佢做到「萬人愛戴」，
但其實佢做0既事，
唔需要面具，
唔需要奇裝異服，
更加唔需要腰纏萬貫或超能力。
只要你有勇氣走上前，其實任何人也可以是「超級英雄」
到男主角0既"感情"有著落之後
佢0既行動話0左俾你知，
點解現實世界無「超級英雄」

電影0既下半部，就到BIG DADDY 同 HIT GIRL呢兩父女玩曬！
呢兩父女就係照搬漫畫0個套0黎現實世界去演繹，
佢地"超乎想像"0既表現，為電影帶來應有0既「動作場面」
但大家細心諗0下，
其實所謂0既"超級英雄"只不過係為個人私怨去執行私刑0既變態暴力狂。
成套戲最後去返天馬行空0既「漫畫英雄模式」
當中唔少動作場面都有向其他電影「致敬」之嫌
最後勁揪俠0既出場方式，睇到有人拍手掌
我就笑到標眼水！

當中一幕黑幫「處決超級英雄」，
佢地0既扮相，令我諗起早幾年網上一段"割人頭"0既片段
不禁嘆息
現實世界沒有超級英雄
但瘋狂的惡魔卻到處張牙舞爪...

義工黃福榮遺體運送抵港 政府舉行遺體迎接儀式



18.04.2010 21:15


在青海地震捨身救人遇難的港人義工黃福榮，遺體在晚上九時過後，由靈車由廣州運抵深圳灣西部通道 ，特區政府舉行遺體迎接儀式。 黃福榮的家屬、多名中聯辦及特區政府官員，包括律政司長黃仁龍、民政事務局長曾德成到場迎接，專車稍後會將黃福榮的靈柩運往紅磡世界殯儀館。
 
 
我覺得香港政府做到過曬位
真係有心幫人，使唔使大鑼大鼓慌死無人知？
人地辦緊喪事，俾人地清靜一下啦...

Elaine 姨係我由細到大都覺得係一個好"犀利"0既人
今次阿恩結婚，佢都有出席
又見到阿mi

呵呵，我估唔到Elaine 姨0既評語係
「有眼光」
你明唔明俾一個你細細個就非常尊敬0既人讚你有眼光
0個種感覺
真係開心到痺

阿mi 我一定會娶
因為佢真係一個好女仔
仲會係一個好老婆(係唔識煮飯0既好老婆)

呵呵~~~~

516 五區公投！

可以參選一個由香港特區政府舉辦，但中央政府強烈反對0既選舉，本身已經係一件好有意思0既事。

我唔想廿年之後，有年輕人問我「點解你無參加當年0既新民主運動？」我怕我到時候會無地自容

好多人怕亂，特別係受過戰亂走難0黎香港0既市民。
你地最大0既願望你一家人安安樂樂有飯開，咩事都唔想理。
問良心，你覺得而家個市道真係好得過以前？
如果咩都唔做，你個孫一定比你個仔生活得更艱難！
唔係要你「作反」，只係想你表個態，話俾政府聽「唔該你做返0的0野！」
無人可以保證投0左票就「一天都光曬」
但你唔投票，坐0係度等，就「餓死都未天光」

有目的0既「蛋散」，根本不值一哂
今次0既五區公投，係睇投票率，係睇有幾多選民出0黎表態！
唔好俾人混水摸魚。

「投唔投都一樣0架啦！而家 D 議員入到去都做唔到0野！一味吵吵鬧鬧！」
希望大家了解，立法入面，民選議員只佔半數。
加上立法會議員只可以
「根據《基本法》第七十四條規定：「凡不涉及公共開支或政治體制或政府運作者，可由立法會議員個別或聯名提出。凡涉及政府政策者，在提出前必須得到行政長官的書面同意。」
而通過呢D 議案0既條件係:
「要分別得到功能組別，普選和選舉委員會兩個分組的過半數通過才算通過。」
睇唔睇到0個 4 個字，「功能組別」
一班我同你都無份選出0黎，但就足已影響我地生活0既「人上人」
如果你唔知「功能組別」係咩0黎，
請睇返之前0既"高鐵事件""$20最低工資"同"80%業權強行拍賣"
現實係，一日有功能組別同保皇黨，
任何人入到立法會，都係「咩都做唔到」。

我同你都無份選特首
我地0既選票，過去一直俾人當係「搵食工具」
今次我地可以用呢張選票去表態，大大聲咁講我地0既要求
唔好放棄呢個機會
話俾中央政府知
香港特別行政區0既市民有資格得到更多！

「愛多D，回報梗高D」- ~.~"

我唔知道原來"愛"係要求「回報」！
香港，
一個連"愛"都要用「月結單」量化0既地方。

最恐怖0既係，
佢灌輸一種概念 - 「今日"儲落"0既愛，0係將來係有回報0既」
咁就PK啦！
同一個人一齊，係望有回報？！ 咁結婚即係一單「收購合併」交易。
生個小朋友出0黎，要佢「報答」你一世？ 唔怪得咁多「仔斬老豆」新聞啦...

http://www.youtube.com/watch?v=1wBCfPTH044

勤勞有價？

唔知由幾時開始，我地個社會開始懲罰「勤勞0既老實人」

安安份份打工，用勞力去換取生計，就俾D仆街層層剝削，換到0既，係一個近乎可恥0既回報。

廿幾蚊一個鐘，以時薪計，乞兒都搵得多過你！

當社會上人人都想透過投機炒賣去「一朝發達」

政府又包庇特權富豪，漠視底下層0既基本生計，唔夠膽進行「財富分配」

你同呢班人講「勤勞有價」，得到0既，只會係一個涼薄0既恥笑。

簡簡單單，邊個睇我，我就撑邊個！！

為保障市民0既居住安全
政府決定通過一條可以俾人強制用低價去「拍賣」你間屋0既法例

點解唔選擇收緊「樓宇維修條例」？
一樣可以解決市民0既居住安全問題
呵呵
唔會0架！因為到最後政府要負責任
香港政府唔係向市民負責0架！
佢地0既思維係:
「 X ！你拿拿聲賣0左間屋，等我可以起樓"骨"水，
你拎住舊錢無資格拎綜援，柄埋一二邊等死啦！」

我係卡比路就安樂曬！

唔叫你去，成個英格蘭都話我係衰人！
叫埋你去，又唔知叫你做咩好
你個位，年輕過你0既大把，
一個大吉利是，唔搵你打正選輸Q 0左
一定被人 X 到仆街，放你落場，又一味得0個一招
大佬，0係美職聯就話呃到人0者！世界杯呀！
而家
英格蘭(才羅)冠軍我都覺得有可能！

愛麗斯夢遊仙境 - this is my dream

Tim Burton 呢個名已經係「必睇」
仲要有埋Johnny Depp同Anne Hathaway
點可以錯過！

睇完之後，我覺得套戲係想講
「你就是你自己的主人」
引伸到今時今日香港0既教育制度
真係睇到人萬分感慨...

alice 係一個「不按本子」0既年輕人
討厭"權威"同"盲目遵從"
0係現實世界，因為種種原因令佢失去選擇
不過，就算佢去到「仙境」
入面0既人物都不停叫佢「你要做呢樣，你要做0個樣」
跟現實一樣處處受人操控。
但佢不斷同自己講「THIS IS MY DREAM！」
一切都可以改，一切都可以由佢自己決定
「I MAKE MY PATH」
年輕人就是要有這種敢於做夢的可愛。

紅心女王沒有想像中的大奸大惡，
相反我有點同情佢，
一個不懂得"仁愛"0既人，其實都幾可悲！
如果你係一個關心社會運動0既人，
仙境入面0既人物會否令你將社會上某D人對號入座？

戲入面時時都有一個鏡頭
就係ALICE 0既主觀鏡望住一大班將視線集中0係佢身上0既人
原來
一大班人望實你，唔一定係向你「施壓力」
同一個畫面，都可以表示一大班人支持緊你。
睇完套戲你就明0架啦！

華麗后台 - 原聲大碟一定要買！

散場聽到有人(目訓) 0左，
心諗，無0野0下話(一.一)"

一開場男主角腦海入面0個場歌舞
已經講曬成個故事

每場歌舞都好正
每一場歌舞其實都講緊故事
好好睇
成班女主角都變成唱得又跳得
真係唔得你死！

電影原聲大碟一定要買！！

調查發現九成學校有學生吸毒
但"驗毒計劃"又一個「毒生」都查唔到
咁係個調查充滿水分
定係個驗毒計劃得啖笑

神火之賊- 無下次

先唔講套戲
一套"賀歲猛片"0既中文字幕
可以出現「謀朝"散"位」同「遊人如"織"」,
足可見香港電影從業員有幾…墮落。

講返套戲先,
完埸個個都話似哈利波特
都係0既,三個人、冒險、魔法
加上目不暇給0既電腦特技
不過,哈利仔無父無母
但波西就有個海神老豆
咩部未學就「大把水幫手」
論故事,哈利波特好好多!

有幾多香港人了解希臘神話呢?
「睇星矢大」0既我都只係"知D唔知D"
但套戲又好似預你咩都知咁
真係睇到"R"哂頭!
個故事又騎呢
眾神之神宙斯0既閃電捧俾人偷0左,
硬屈係海神個仔做0既,
仲威脅唔交返出0黎就整舖「大戰」
OK啦!反正希臘神話入面D神個個都有性格缺憾。

但故事發展竟然係"救老母+大冒險"@_@
直頭O曬咀!
例牌"鬥智鬥力"「打機式過關」
尾段真正0既小偷走出0黎「自白」,
0個偷"閃電棒"0既原因,真係搵戲0黎做
簡直令人想割櫈!

好睇0既
只係加0左特0既打鬥埸面
不過數埋都唔夠十分鐘....
原本我對呢套戲都有D期望
又一次證明「無期望就唔會失望」
會唔會睇第二集?
如果要我睇班主角0係營地入面好似戰狼300咁舞刀弄劍
都係等電影台好D!

一個關於食牛肉0既問題,
其實,係何解不可食牛肉呢?
如果係出於"戒殺生",
咁可能「食素」就更合適喎!

個人覺得呀0下!
去海鮮酒家指一條「即叫即蒸」0既海鮮,
又或者監生將D蝦用滾水「白灼」,
積落0既"孽"可能比食牛肉更大。
因為你0既慾念,
好地地一條魚就無o左條命,
D蝦仲慘,要活活比滾水淥死!

睇睇有D牛,一生出0黎就預0左比人食,
牛農會對佢呵護備至,
用成擔心機將隻牛成為餐桌上0既美食。

講0左咁多,都只係想講「戒肉不容易,守齋就更難!」
還時遵守老一輩的教誨「食齋不如講正話」
共勉之!
其實近年已經食少0左肉，
牛就更加絕少食
原因不是宗教問題
係因為-「食肉唔環保」

《緣滿情人節》

我覺得過年最「值得」睇0既電影一定係呢套。
俾六十五蚊，可以睇到Jessica Alba、Anne Hathaway同Taylor Swift仲想點？

荷里活明星演愛情小品，由小朋友0既 puppy lovez到老夫老妻0既愛。
真係男女通殺！
「散修修」0既故事情節，開始時令我出現"到底邊個打邊個？"0既問題
(Jennifer Grarner 同 Julia Roberts 都幾似樣)
但睇到中段，已經"控制"到，
仲開始玩「到底佢0既故事係點呢？」呢個遊戲。
一開場，Jessica Alba同Anne Hathaway 0既"床戲"
真係睇到我暈暈地

當中幾個人物0既故事係幾老套0既
好似花店老闆(Ashton Kutcher)
體育記者(Jamie Foxx)
同埋"詩人"(Anne Hathaway)

而兩位老人家(Hector Elizondo同 Shirley Maclaine)0個條線呢
我又覺得好睇喎
「坦白讓一切變成謊言。」
結尾大團圓，不過，
兩人的「愛」是半個世紀的"陳年佳釀"
唔好 ON 居居走去學呀！:P

四個中高生就話你知，愛情係好難「make it happen」
仲有，只有年輕人先有條件享受愛情 ~.~"
睇完 Taylor Swift 同 Taylor Lautner 個段你就知。

Julia Roberts 戲份好少
同佢做對手戲0既係 Bradley Cooper ，
如果你知道「情人節」到底係記念邊個
佢就係Julia Roberts 0既 "VALENTINE"
套戲去到結尾會講出佢0既"身份"
我覺得係「神來之筆」。

「THE END」之後會有 NG 片段
令我想起上世紀成龍0既"賀歲片"

祝大家「虎中作樂」

唔好否定我0既能力去將你0既決定合理化！

無得升，我預0左。
我唔會因為咁而扯火
但你話「睇唔到你工作上0既積極性」
我真係同你死過！

真係覺得我唔掂0既
留多D"機會"俾其他人啦！
再唔係掟我去分行做落盤機器
疊埋心水等退休，我仲開心！

都唔明係咩心態
覺得你唔好
但又係咁俾0野你做
大佬你精神分裂得好緊要喎！

一隊波，如果個個都「好積極」咁就去追波
輸死未天光啦！
你話我懶又好，咩都好
我係一個"防守型"
我鍾意企0係後場，堵塞球隊0既漏洞
如果咁樣0係你眼中係「唔積極」
OK，我認我唔積極！

見上げる星

それぞれの歴史が輝いて

星座の夜を

線で結ぶ瞬間

始まるLegend

オーロラ揺らめく

時空超えて

飛び込む

迷走するParalle World

on the Road

誰も旅の途中

本当の自分自身

出会うため

歩き続けるのさ今を

Weare All travelers

僕の目の前に広がる

九つの道はいつか

重なって

新しい夜明けと続く

道に変わるのだろう

目撃せよ

Jouney through the Decade

レンズ越しに

切り取った景色を

見つめても

真実とは

心の眼の中に

映るものさ

どこかで

戦いの幕が開き

『僕』という現実さらう

Halation

on the Road

旅に出る理由は

世界が滅びる未来

変えるため

もっと強く夢を抱け

Were　all　dreamers

僕の運命は必ず

十度目に立ち上がった

その時に

新しい風通り抜ける

道が開くのだろう

目撃せよ

Jouney through the Decade

自分が瞬間ごとに

決断する

そのすべてで

未来は

理想にも　絶望にも

変わってゆく

だからきっと

信じた道　走れ

on the Road

誰も旅の途中

本当の自分自身

出逢うため

歩き続けるのさ今を

We are All travelers

僕の目の前に広がる

九つの道はいつか

重なって

新しい夜明けと続く

道に変わるのだろう

目撃せよ

Jouney through the Decade

世紀「冤大頭」

香港起高速鐵路，講緊只係香港至深圳
造價-港幣六百八十億(或更多)

2010年，美國總統奧巴馬在國情咨文中
提撥80億元，補助興建13條高速鐵路和更新鐵軌、整修車站、購買設備，以創造大量就業機會。資助興建涵蓋31州的13條高速鐵路，包括800哩長的加州沙加緬度到聖地牙哥高鐵、美國鐵路公司(Amtrak)的波士頓─紐約─華府高鐵計畫，以及中西部9個州的高鐵計畫。
折算港幣約七百億

沒有比較，可以天花龍鳳
但美國用相約價錢可以興建覆蓋全國0既高速鐵路網絡
唔好再同我講第日會幾好幾快(攪唔到一地兩檢，永遠都唔會"快")
我只知道呢一刻，我同全香港人都做0左「老襯」
俾我地0既"代議士"出賣
我很不爽！！！

點解一個參加社運0既0靚妹，會成為香港垃圾週刊0既"目標"
將偷拍照放0係封面，又係咩居心？
偷拍"偽人"，你都仲可以話「佢地係"公眾人物"」呢個白癡理由蒙混過關
但佢只係一個0靚妹，你夠膽死賤格到偷拍佢！？
仲用抺黑"偽人"0既方式去「做」佢，你地咩 L 0野人0黎0架？
0係我眼中，主流媒體已經向權力下跪

如果你話佢係公眾人物，「讀者有興趣知道佢係咩人」
我都對梁愛思同譚惠珠0既感情生活好有興趣，你地幾時"做一做"呢兩位公眾人物？
再唔係睇睇民建聯內部爭鬥0丫，一定唔會比TVB 差得多！
一個咁0既0靚妹，點解你地要花咁多心力？

「呢條女成人日走出0黎出風頭，今次抵佢死啦！」
假如呢句係你0既心底話。
咁你即係覺得，一個著背心短裙0既女人俾人強姦係"應該"0既？
著得咁暴露係佢自己(才羅)0黎衰。
我會懷疑你係來自清朝.......

"硬" 0既，差佬已經秋後算帳，玩白色恐怖
"軟"0既，就係用呢D方法去搵代表人物0黎抺黑

早說過，政治係好污穢0架！

如果唔係Joyce走來問我,
我真係無興趣做「工作人員」
吃力不討好,仲要硬食"做馬"
我呢D,天生係「花生友」來架嘛!
只係想撓埋手睇戲
睇住班友為D唔值錢既野鬥到反哂面,
真係得意過TVB既垃圾劇

工聯會出賣工人! 反對高鐵工程優先聘用本地工人議案!

當日廿二條都未有咁"上心，今次0係度「張牙舞爪」，呢班人無"切身利益，我真係唔多信LOR！

高鐵撥款申請投票結果

－支持（ 31票）－
民建聯（ 9票）陳鑑林 李慧琼 劉江華 陳克勤 譚耀宗 張學明 *葉國謙 *黃容根 *黃定光

工聯會（ 4票）黃國健 王國興 *潘佩璆 *葉偉明

自由黨（ 3票）*劉健儀 *張宇人 *方剛

經濟動力（ 3票）*梁劉柔芬 *林健鋒 *梁君彥

*黃宜弘、葉劉淑儀、*霍震霆、*林大輝、*李國麟、*詹培忠、*梁家騮、*陳茂波、*謝偉俊、*劉秀成、*譚偉豪、*李鳳英



－反對（ 21票）－
民主黨（ 8票）甘乃威 李華明 涂謹申 鄭家富 黃成智 李永達 何俊仁 *張文光

公民黨（ 5票）余若薇 陳淑莊 梁家傑 湯家驊 *吳靄儀

社民連（ 3票）黃毓民 梁國雄 陳偉業

民協（ 2票）馮檢基 *張國柱

職工盟（ 1票）李卓人

街工（ 1票）梁耀忠

何秀蘭

－缺席投票（ 6票）－
*李國寶、*石禮謙、*梁美芬、*何鍾泰、*林健鋒、*陳健波

大家明明生活在同一個地方,為什麼要分成「八十後」「五十後」?
一月十日0既城市論壇,完全暴露香港呢個"國際城市"幾咁封建同守舊。
當班後生仔講0野大聲少少,發表自己0既主見。
你班老鬼就要佢地"冷靜",「接受人地0既意見」,
如果呢句說話0既潛台詞係"你班細路識咩0丫,等阿叔教精你啦"。
唔該你班老鬼早早收皮!

即使班細路真係有偏差,
作為長輩都要有一個胸襟,容許佢地犯錯。
再講,0個班細路講0野有板有眼,
要虛心聽人講?,其實係你班老鬼。
一唔0岩聽就叫人收聲。
詞窮理屈就話人「想奪權、攪港獨」,真係笑死人!

個世界咁多0野玩,班細路先無咁得閒走去從政。
佢地而家只係行使一個市民0既權利-監察政府。
當政府0既施政係行之有效,
制度可以保障所有人0既權益0既時候。
呢班人根本唔使去到咁"激",
係你班人無視佢地0既聲音,
係你地班享受緊既得利益0既老鬼迫佢地行呢一步。

班細路0既要求其實好簡單,
佢地只想地位對等0既溝通。
咁簡單0既要求,點解你地都視為「洪水猛獸」?
班細路個個拎住"成人身份證"0架!
尊重0下佢地啦!

荒謬的24小時

2010-1-09晚，廟街有人擲漒水。
2010-1-10早上，警方一隊人守0係電台門口以"襲警"「拘捕」陳巧文。
兩件事如果分開進行，其實無咩"殺傷力"，
但兩件事夾埋一齊，
警察就樣衰到痺.......................

呢一刻0既香港，我覺得好醜陋
抗爭，每一個世代都有，點解要抹黑呢班年輕人！
今日0既所謂「建制派」，回歸前咪又係港英眼中0既「搗亂分子」。

要知道，"M型社會"會產生大量低下階層。
而政府又無視呢班人存在同佢地0既需要，繼續同富裕階層夾手夾腳「利益輸送」
盲0既都會眼火爆啦！佢地都係「香港人」0黎0架！
有一班「衣食足後知榮辱」0既細路走出0黎開聲，
我真係開心都0黎唔切。
你班老鬼鬧佢地「食飽飯無事做？」
梗係啦，你地都就死咯，第日香港衰成點都唔關你事啦！

落馬洲線、西部通道，用0左幾多錢？又為香港帶來多少「利益」？
所為0既"融合"，除0左令廣東道企滿大陸人之外，香港有幾多好處？
點解窮人0既數目會多過港英時代？
大陸0既資金炒起香港樓市股市，但真正0既香港人得到幾多利益？
生活有無改善過？

六百幾億起一條無迫切性0既鐵路，一切配套都未有具體方案
但就已經攪到民怨沸騰，原因係咩？
既得利益集團可以毫不避嫌咁支持方案通過，
仲調返轉頭話人阻頭阻勢，咩人0黎0架！

香港已死！