睇住條友發夢

一套獲得"一致好評"0既電影。
又話特技好又話故事勁,
無錯特技真係"正"到無0野好講,但個故事就…


一開始,話個主角"從事"「潛意識盜取」
但套戲入面,佢好似無成功過,我根本唔知咩叫"盜取"。
「夢中夢」呢個概念係好"正",
但點樣將現實世界0既「合成物」帶入夢裡面?睇來睇去到好難理解。
每個人0既潛意識應該係唔同0既,
但經過訓練之後,無論去邊一層0既防衛都係一味玩槍戰,好悶lor!
主角為0左同老婆返回現實,將一個認為無害0既意念植入佢0既潛意識,攪到老婆自殺。
我覺得套戲後半段間始,已經係主角用0黎消除罪疚感0既夢境。
我就睇住主角不斷自圓其說。

「潛意識植入」,
運用催眠已經可進行,使鬼大費周章攪咁多0野咩!
如果你以為睇完套戲可以了解多D夢境同潛意識0既關係…你都慳返呢六十蚊啦!

假如你咩都唔諗,任由套戲帶住你,你就會覺得緊張刺激。
其實,俾幾廿蚊入埸,
咁「用腦」做mug!