一週記事(1)

阿mi呢個星期有三日去o左分行做o野。令我確定，佢係我留o係呢間公司o既「唯一」動力。o個三日，我完全覺得自己係一個行屍走肉。加上上星期竟然可以有一日係三個人放假，兩個人落分行。好o丫！時時話我地多人嘛！而家咪自食惡果 lor！廢柴同盟仲夠膽話，「無問題o丫！係睇我地無o左五個人都仲攪得掂呀。」我希望佢係講笑。不過，呢 d 笑話，佢地係唔應該講o既！

「農莊裡所有動物都是平等，但有些動物比其他動物更平等。」一句源自<動物農莊>o既說話。當我睇完<動物農莊>。發現同我公司差不多，應該說，地球上 80%的機構都是<動物農莊>吧！幾年前定下一個規矩，「每年6-7月，所有人要計劃未來12個月裡，誰人在什麼時候放假。再把結果交給部門主管評審，如同一段時間多過兩個人選擇，咁o個幾個人就要協商一o下。因為我地部門唔可以同時間多過三個人缺勤。(但容許同時2個人放假2個人落分行，即4人不在工作崗位)之後再要在放假前一個再正式填假紙，確定你要放你之前計劃o左o既假期。」成件事好簡單。咁如果你之前計劃在 4 月放假，但可能好多原因令你放唔到。(畢竟，無人可以完全掌握自己未來12個月o既動向) 一個月前都唔填表，基本上已經放棄o左之前o既"權利"。咁其他之前無計劃到要放假o既人就可以"執死雞"。哈哈，到有人要"執死雞"o既時候，就係咁拖，係咁話"有人要o左o架，你再問清楚啦！"到有 d 高級 d o既話要放，就即時俾人。你話呢間公司有幾公平。5月尾好多人想請假，我亦知道有 d 無"留位" o既人已經填o左表請假。如果我4月填表時佢同我講唔俾我放.......我可以容忍廢人o既存在，但大前題係唔可以影響我。否則-------惡即斬！