joyce 都走啦！

joyce 下個月開始會離開六個月，去讀書。唉！公司無o左佢，邊個會做佢 d o野呢？阿輝話，如果 roland 接手，咁就 pk 啦！「唉！都唔知點講。」

我只係笑o左一笑，但無將心中o既答案講出o黎，阿輝，你唔係唔知點講，係唔敢咁講o者。 roland點做o野，人人都知，三個字「閃、避、卸」。咩事都唔關佢事，所有工作都交俾人，自己永遠唔負責任。你知道真相，但因為你同 roland 有交情，感性上你唔想承認呢個事實o者！

特別呢個星期，中國銀行招股，我地根本唔夠人手去處理成千上萬o既申請。o個班咁o既「膏層」，諗o左條屎坑橋，叫其他同事先記低 d 客o既姓名同電話號碼，再叫我地打去搵返 d 客同佢地正式做返個認購程序。一個理論上無械可擊o既計劃，可惜，佢地計少o左一件事，就係 d客唔會乖乖地等你打ｏ黎，佢地可以不停打，而同一時間，我地又接受客戶o既 eipo。即係話，有 d 客有可能先留o左姓名同電話，但之後自己又打o黎做o左 eipo。到我地跟進返之前留o左姓名電話o既名單時，好多客o既回應都係「我已經做o左 eipo。」

本來當客戶一講呢一句，我地就會認為:
1, 個客自己再打o黎
2, 成功被我地接到
3, 正式完成 eipo 呢個手續

之後o既所有責任，就應該係個客自己負責。但是，唔知係其他同事講得唔清潔，定係呢個世界實在太多低能人。竟然有人以為其他同事同佢記錄姓名電話呢個動作，就已經係完成o左 eipo 呢個手續。而又咁好彩被我地發現，之後就 pk 啦！老闆基於「優質服務」，要我地打返俾所有話自己「已認購」o既客戶，再確認佢地 o既 eipo！

站在公司立場，係一個必然做法，但你有無o係客戶o既立場考慮一下？唔係人人都二十四小時等你打電話去o既。呢個係一個「擾民」o既方法。同你班「膏層」反應，你地竟然話，「咁而家都無辦法o架啦！一係你話我知有咩辦法o丫！」 嘩！聽講諗辦法係你地o既工作o黎o架喎！你要我做埋你o個份？你痴 x 線o架！

而防止呢件事發生o既方法好簡單。一開始，其他同事就應該登記「客戶全名」「聯絡電話」「賬戶號碼」三種資料。再者，我地唔應該同一時間接受客戶o既 eipo。我地應該係o係交易時段以外o既時間去做 eipo。再將我地o既工作時間延長到晚上八時，當然，有人性 d o既，應該安排好我地分開休息。成件事就可以舒服好多。而特別延長工作時間呢件事，要一早就同所有分行公佈，由佢地向客戶發放呢個消息。亦可以減輕我地o既工作量。