我而家完全相信，我公司已經唔再係一間追求收益o既商業機構。原來o係開市時間，我地要做埋「客戶服務」。我夠膽講，呢個世界，任何一間有理性o既商業機構，都會將「營業部」同「客戶服務」分開做兩班唔同o既人。特別係我地服務性行業。因為我地係處o係一個被動o既位置，我地無可能知道，下一個電話打入o黎，係查詢定係落盤。所以一定要有「分流」，有另一班人去處理無收益o既電話查詢，而留我地去接盤，咁只可以發揮更大o既效益。

可惜，一聽到要請人，就諗到要俾錢，跟手就"o依o依哦哦"。覺得俾o左出去o既錢會賺唔返，又話公司無咁多資源。好！既然無資源，就唔該考慮併入銀行，話曬銀行o既資源一定會比我地自己多！咁就可以有更好o既服務。口口聲聲話要做好服務，但唔考量自身條件是否有能力。我只會覺得你地成班人都係智障！

銀行o黎緊會開好多分行，大部分都係屋村居民。佢地唔會有足夠o既知識，一定會有好多o野問。我睇你到時點？