想不到放假回來就聽到將有人離開。
有人走不奇怪,但奇在走的人位置也不低,而且都是新入職,實在有點"耐人尋味"。

"多馬" 是新來的「MARKETING MANAGER」。他來的時候，公司高層們都是躊躇滿志。當然啦！那時候，錢是自己送上門的。但卻有人以為 " WE ARE THE KING OF THE WORLD"
可能某人發現當初"擺大個頭",要作出修正,從而令到有人覺得不是味兒,決心求去。
當初多馬的職務就是「推廣公司業務」。可惜目下的情況，收支平衡已經萬幸，仲要求「推廣」！

以下純粹個人推測:
阿P 見個市唔對路，但姓廖O既今年想大攪證券業務。
由於失去天時，同時仲要保住今年業績好好睇睇(阿 P 佢老人家要面嘛！)
而多馬又真係天真到係咁攪新O野。攪咩都要使錢，阿 P 更係唔想啦！但又唔方便自己出面喎，唯有同阿 H 扯貓尾，總之多馬有咩提議，阿 H 都唱反調。而阿 P 就可以堂而皇之咁拖住所有建議。試多幾次，我係多馬都覺得「我將心向明月，可惜明月照溝渠」。咁無癮，加上打O既又係風流工，我都走啦！
我懷疑多馬只會想到係阿 H 玩辦公室政治，畢竟佢O黎O左唔係好耐，阿 P 想點，佢又點會知丫！

辦公室政治從來都引人入勝,特別華人背景的公司就更有"睇頭"。
但假如置身其中,真的令人心力交猝。所以嘛,與其費盡心力去成為管理層,倒不如退一步,安守本份做個薪優糧準的小職員更自在。