06年第一個錯盤

估唔到開o左市得幾日，我已經「破身」！
今日有個阿姑開市前打o黎落盤，一輪咀落 order。成個過程我其實無聽過佢講咩o野。之後問返佢係唔係 $0.067出貨，當時開市前時段係掛緊 bid$0.066 / ask$0.088。咁我見前收市價錢0.076。佢呢隻係 put輪，呢幾日個市都升到baba聲，你無理由掛 8仙幾o瓜！佢應我「唔。」無話我錯o架o下！最後我再成個盤覆佢一次至入電腦，「9733，$0.067出 20萬。係唔係？」佢又係答「唔。」仲無話我錯o架！
點知！個盤做返o黎 $0.07，我一打去覆佢，佢就 bilibala 話自己講 $0.087。聽返錄音佢真係有講。但係我聽唔到嘛！唔係我唔會問你係唔係 $0.067啦！我講錯你又唔出聲，仲要話你自己唔會負責任。我知，你呢 d 咁不負責任o既人，而家香港通街都係，我都無咩感覺。但我只想你明白，唔聽人覆盤係唔o岩o既！因為你會累人不知不覺做錯盤。