焗住出貨.....~_~

報紙日日都講幾多公司有花紅，幾多公司有人工加。真係唔好咁大聲！至少我公司今年應該唔會有花紅。早幾日開會，有廢柴同我地講一大埋廢話，意思只有一個-「今年可能無花紅。」仲叫我地唔好用「無花紅」呢樣o野o黎講笑，話怕俾「腦細」聽到會有反效果。好一個管理層，夠膽講 d 咁o野，你只顧上面o既感受，又有無理過我地o既感受呢？既然知道可能無花紅，你更加要安撫大家o既情緒，穩定軍心。你一句「唔好講」。其實已經影響o左人地o既心理。我可以好負責任咁講，今年，至少有兩個人會離開公司。

俾條廢柴咁講一講，攪到我要賣o左隻 3383 套返 d 錢返o黎。年尾啦，點都要有個錢o係身。
呢隻係我少數看好o既大陸股票，上市價$3.3，我已經睇 $5。不過唔想搓太耐，覺得過年前都有$4.5，就定下目標，$4.5出o左佢。點知個廢柴話無花紅，我怕無錢過年，(話曬股市有起有跌，無人陪膽保證唔會跌！)死死氣$4.3出o左..........點知第二日佢就爆上 $4.5。~_~" 想死！