投訴信封

一個我一早就知道會比人投訴o既個案。大佬，我日日去寄信，點會唔知o者！大半年前我已經話 d 信封有問題，同人反映，個個就依依哦哦拖得就拖。大災難o係由幾個小問題造成，你地認為小問題係小事，唔應由你地呢 d 大人物處理。好，我就等睇好戲，反正我有出過聲，揹鑊o既又唔係我。

一個二個話係部機o既問題，ok！(我唔明點解一個問題只會有一個原因，可以你地太單純！)但唔代表信封無問題，連銀行都已經轉用另一款信封。我地都應該考慮跟住轉。反正而家都要買部新o既機，點解唔一次過轉埋。o個款信封因為係側邊做開口，所以開口比較細，就算再發生「自動開口」，封信都無咁易跌出o黎。只要手持兩款信封，就會發現我地用緊o個款係比較差，一般書信可以用，但用o黎寄私人信件..... 我想又會好似 2222 電話號碼事件咁。到時就頭痕！

慳錢，唔代表唔使錢，有咩錢應該使，就唔可以慳。有 d 錢用o個陣好似好無謂，但當你唔使o個少少錢，導致將來出現一個你無想過o既損失，呢個就係失敗o既風險管理。保險o既入門ABC，無理由唔識o瓜.......