得不償失.....

大市成交創新高o既一日，我地被 eipo 抽後腳。花o左唔少人力物力去處理呢件事。係有唔錯o既成績，過千單 eipo。但值得嗎？我當你所有 eipo 都係收 $80好未？
1000 x $80 = $80000
大市三百幾億成交量o既日子，我地都做三千個 order，我當真係做到o既有一半，都成 1500個 order。我當所有 order 都係收最低收費 $90+$20。
($90+$20) x 1500 = $165000

足足係一倍！大話怕計數。仲有，過去個兩日真係得失o左好多「好客」。呢 d 更加無法估計。

以上係用錢去評估，但我地花去o既時間更多！

一單 eipo，$50 o既，平均要 3分鐘去處理。
$80 o既，3分鐘，再加 fax 落分行 (都未計有 d 要 fax 三、四次)，再追返 d 簽名返 o黎。好彩o既就一日攪掂，你去問問 272 欠我地幾多 eipo 未簽返 o黎！都唔講話 d 客過唔到數要打電話追數啦！呢 d 係時間o既損失，你可以話呢 d 係我地工作o既一部分，不過，係唔係可以做得更好呢？
o係電話度我地已經講清潔，戶口唔夠錢，我地會照收手續費同埋唔會同代佢做 eipo，但一話過唔到數，就要我地打電話俾 d 客，即係我地之前講o既係唔係廢話？咁做唔係「優質服務」，叫「吃力不討好」！