對付投訴必殺技！

教大家一個對付投訴的必殺技。假如在市旺的時候，有人打電話o黎投訴你地o既電話好耐都無人接聽，大家可以理直氣壯咁同投訴人講，「個市太旺，我地o的同事已經不停咁聽，但真係聽唔切。」攪掂，嬴哂！！

之後大家就可以自我感覺良好咁繼續和稀泥。唔使去諗o下可以點樣做好件事。我可以好負責任咁講，即使係淡市，一樣有同樣o既情況。原因好簡單，因為有人覺得自己係「經紀」只負責落盤做生意。什麼問價、什麼查詢，一律不理。只有少數人會聽 9888 呢條線，我知道有呢o的情況發生，所以我只會聽 9888。呢個係我地工作o既一部分，公司一日無明文規定，我地一日都要做呢 d 「無收入」o既工作。你地只想落盤， ok ，咁我就做你地唔想做o既工作，「分工合作」。但最賤的是，開哂兩條線，但將電話教到無聲，任由它響個不停，但自己就傾其他電話，同其他人吹水，炒自己o既股票！！！