懶人賤命

十二月廿六日，新聞有一段關於「休閑病」。
當時「藕」O係床度發冷發熱，全身肌肉痛O既我，聽到呢後新聞，真係被佢吹到"啤啤聲"！

我知道我係一個懶人，太勤奮咁過活唔係我所追求，
但我阿媽遺傳O左「一係唔做，一做就要做得好好睇睇」O既基因比我，
所以我都幾難可以"印印腳"等死。

我用兩年讀完六個 CFP O既單元，係最懶O既方法，我有 D 同學仲一邊讀一邊考公開試，
我心諗，「你地傻O架，又返工又返學，仲要考埋公開試？你地過緊O既係咩生活O黎O架？」
我用最懶O既方法，唔代表我O既成績係最差。到現時為止，我最差都有 C+。
我最驕傲O既係，一個會考數學唔合格O既人，竟然可以O係「投資學」考到 B+。

考到最後一個單元，我知道，我一定會病。因為我好努力咁做O左一件事兩年。
原本打算23號考完試，之後就可以玩，可以做一 D 放假至有時間做O既O野。
點知，玩完 24同25號，26號就「發病」。心諗，好 LOR，病完 LOR。27號放工仲去 GYM 玩。
點知，28號凌晨就肚瀉，瀉足 4、5次。
「痾出O黎仲多過食入去。」
到 29號都仲有得痾，死死氣去睇醫生。
「胃炎」，玩到咁大，咩都無心機做，"柄" 埋O係屋企「休息」，最後咩都無做過！


身體用「病」去休息，都好正常。
情形就好似，法定O既有薪假期滿足唔到你，你都會呃病假去玩啦。
平時都係發冷發熱一日半日，之後就行得走得。
今次衰到有胃炎，睇O黎呢兩年我都應該捱得好辛苦。

一個懶人，生成一條賤命。
又唔捱得，又唔嘆得。
我前世做錯咩事呀！