阿姐莫生氣

阿姐其實唔使咁嬲o既
「崇洋媚外」一直都係呢個政府o既"特色"
而家全世界都興「電腦動畫」
人地係"國際品牌"加上政府唔使俾一大筆錢出o黎
就算人地真係「掛羊頭賣狗肉」
呢個白癡政府都會"落疊"o架啦！
都唔係第一次O架啦！嬲咩o丫！

再講，過去幾十年，粵劇有無「與時並進」先
一講粵劇，個個就只會聯想到「嘈宣巴閉」、「大龍鳳」
o依o依o我o我，都唔知唱咩
最衰係唱來唱去都係o個幾個劇目，大部分係中國歷史
阿姐，而家中學無「中國歷史」呢科o架啦！
你搵咩去吸引年青人呀？
老D o個班又鐘意返深圳"唱曲"，
唱完仲可以揼埋骨
使鬼屈o係香港呀！

八和會館有幾個多成員係40歲以下o架？
民建聯都知道要年輕化啦！
你地有無鼓勵年青偶像去推廣粵劇先？
人地詹瑞文「單人匹馬」都可以打出名堂
你地咁"歷史悠久"o既社團
日日就話政府唔幫你
又話比人陰亁，淨係識攬住間爛鬼戲院要生要死
想點呀？幾廿歲人，識諗啦！

粵劇有太多「歷史包袱」
而且又鬼咁多"迷信o野"
呢樣又唔改得，o個樣又唔做得
有心人都俾你地BAN到無癮啦！
點樣將傳統容入現代，就係你地八和要做o既事
政府唔幫你？大佬呀，你地有人有錢有政協
咁都要人幫，即係要人睇小你o者！

責斥別人前，都要檢討一下自己
唔係話你錯曬，但有D o野係要做o既
當然，你可以一直「保持現狀」
等你地死下一個，死下又一個(唔係詛咒你地，人一定會死)
「粵劇」呢個文化就會俾你地用o黎陪葬。