學校的鬼故事，多數都只是在學生之間流傳，
而且大多都是以訛傳訛，又或者是老師們為了跟同學生建立關係而胡亂杜撰出來。
其實，學校裡面有一些人，學生平日很少機會跟他們接觸，
但他們在學校遇到的鬼故事，可能比出自教師口中的更可信。
霞姐在一間天主教中學當校工。
今年的新學年比以往特別，因為負責某班的老師在開學前一天自殺身亡，
全校上下除了應付新學年繁瑣的工作外，
更要花精神及時間處理這一件特別事故。
一星期過後，大家都以為事件已經平息，
但怪事卻開始出現。
起初怪事出現在教員室，
所有老師都有一個疑問，每一日最早坐在教員室入面的人是誰？
那些平日比較早回校的老師，
全都說一入門口就看到有人坐在裡面，但沒有開燈又沒有開空調，
到他們開燈之後回頭再望，那個人已經不見了。
之後，有老師在某班的課室上堂時，會見到有個人影站在課室出面，
但奇怪見到的老師都沒有出聲，
因為這一班原先的班主任，就是是那位自殺過身的老師。
成年人的心理很奇怪，明明問題就擺在面前，
但卻選擇自欺欺人，以為大家都不去說，問題就會自己消失。
某日放學後，教員室只有一、兩位老師在處理事務，
霞姐亦在這裡進行日常清潔。
突然，其中一位老師問霞姐有沒有聽到男人的飲泣聲。
霞姐起初都不以為意，但再留心一下去聽，
又真有有一把男人聲在教員室入面，但就分辨不出聲音由什麼方向傳過來，
那聲音就好像在房入面飄來飄去一樣，
最後，房入面所有人都聽到那一把男人聲，
在所有人都慌亂的時候，其中一位老師提議找神父過來看一看。
於是所有人走出教員室，而其中一位老師就去找神父。
傳統的天主教學校，都會有神父留守，
了解一下學校的運作以及處理教會事務。
過了大約十多分鐘，神父來到教員室門口，
大致了解過是什麼狀況，就一個人走入教員室。
站在門外的老師，都不其然一齊祈禱，霞姐因為不是教徒，好自然就走開了。
霞姐望出去校門旁邊的聖母像，竟然見到一個男人跟神父面對面站在聖母像前面，
眼見神父已經走了出來，霞姐以為事件已經完了，
便打算回到教員室看看有什麼要善後。
但幾位老師仍然在門外祈禱，霞姐不明所以，
心想，「事情不是完結了嗎？神父不是在聖母像那邊嗎？」
回頭望向聖母像那邊，兩個人影竟然慢慢在聖母像前消失。
當兩個人影完全消失後，教員室的門亦打開了，
神父只向大家說了一句說話，
「迷途的人已經得到天父指引，事情已經解決了。」
之後就帶著慈祥的微笑返回自己的辦公室。
霞姐相信，除了她以外，沒有人看到那兩個消失的人影，
假如其中一個男人是那位已過世的老師，
那跟他一起在聖母像前消失的另一個，又會是什麼人呢？
星期一, 11月 14, 2011
006婚禮攝影師的鬼故事：
世君雖然三十出頭，但已經有十年婚禮攝影師嘅經驗。由最初以兼職形式，到近年跟朋友合資做老闆，見識過不少婚禮上光怪陸離嘅事情，但講靈異事件，估唔到呢個專門同人家「贈慶」嘅婚禮攝影師，都有令人意想不到嘅經歷。
話說世君創業初期，仍然要靠做婚禮統籌嘅家姐轉介一啲生意俾佢地。有一次，世君家姐有個客將婚禮延遲咗半年，咁啱同原先負責嘅攝影師撞期，唯有搵世君臨時頂上。
結婚當日，世君一早就同男家一齊出發去接新娘，之後玩完一輪新郎，就一齊返去男家拜祖先同敬茶。入到男家屋企，世君不停咁搵有利位置去拍攝整個過程，需知道香港居住環境狹窄，要喺一個逼滿人嘅地方影相，其實係一件勞心勞力嘅工作。但影影吓世君發覺有啲奇怪，間屋嘅其中一個角落企咗一個老伯，面無表情，只係眼都唔眨咁睇住一對新人敬茶，對其他人嘅嘻哈玩笑全無反應，而奇怪嘅係，全屋人都無同呢個阿伯講過一句說話。直到所有嘅儀式做完，世君嘅家姐叫佢同拍片嘅同事返去剪輯好相片同影片，等晚宴嗰陣可以俾來賓欣賞。但世君心想，「敬完茶啦咩？個阿伯未飲茶喎！」為怕多口講錯嘢，只好聽家姐講，返去做嘢先。
世君如常喺下午五點前去到婚宴場地，一對新人就好似要開演唱會嘅天王天后一樣，由化妝到換衫都有專人照顧，而呢啲專人，大多數係一對新人嘅親友。世君好喜歡呢個畫面，一班人盡心盡力咁為一對新人，其實就係最大嘅祝福。
夜晚嘅主要工作，其實就係不停咁幫一對新人同來賓影合照，時間好容易就過。到開始入席，世君先有時間休息十零分鐘，呢個時候，世君又見到嗰個喺男家出現嘅阿伯，今次個阿伯企咗喺主家席側邊，世君唔理得咁多，因為螢幕開始播出一對新人嘅成長片段，播完之後就係律師監禮同埋一對新人講個人感受嘅時間。
世君見到個阿伯出現喺新郎嘅成長片段入面，心想，原來真係男家親戚，但睇返啲相，佢同新郎關係應該幾密切，點解成晚無人理佢嘅呢？之後，世君聽到席上嘉賓嘅耳語，原來呢位阿伯，就係新郎嘅父親，不過大半年前癌症復發而離開人世。聽到呢度，世君大約都估到係一個咩嘢故事。直到聽完新郎喺台上發表嘅感受，知道原來新郎嘅父親老來得子，新郎畢業嗰陣，父親已經七十歲，新郎一直希望父親能夠見到自己成家立室，滿以為捱過癌症治療，父親就可以為自己嘅婚禮做證婚人，可惜好景不常，喺婚禮之前，父親嘅癌症復發，最後都唔可以成為新郎嘅證婚人。講到呢度，新郎已經泣不成聲，婚禮主持亦都出嚟打完塲，免得令氣氛變得太傷感。
世君呢個時候望過去嗰阿伯企喺度嘅地方，阿伯仍然係面無表情，不過就望住泣不成聲嘅新郎不停點頭。可能靈體大多數唔會喺臉上表現出情感啦。原來自己撞鬼撞咗成日，世君呆咗咁望住個阿伯，如果唔係拍片嘅同事打咗一下，可能佢已經唔記得自己有工作在身。而同事見佢突然面青口唇白，就以為佢被冷氣吹到病咗，叫佢去飲返杯熱茶。之後婚宴繼續進行，好順利咁結束，世君唯一要克服嘅就係佢嗰對震到停唔到嘅手。
直到一對新人送就哂所有來賓，世君亦都可以執嘢收工。就喺佢同其他同事走嘅時候，新郎走埋嚟同世君講咗一句令佢唔知好嬲定好笑嘅説話，「嚇親你唔好意思，我知我爸爸全日都同我地一齊，因為我都見到佢。」
世君雖然三十出頭，但已經有十年婚禮攝影師嘅經驗。由最初以兼職形式，到近年跟朋友合資做老闆，見識過不少婚禮上光怪陸離嘅事情，但講靈異事件，估唔到呢個專門同人家「贈慶」嘅婚禮攝影師，都有令人意想不到嘅經歷。
話說世君創業初期，仍然要靠做婚禮統籌嘅家姐轉介一啲生意俾佢地。有一次，世君家姐有個客將婚禮延遲咗半年，咁啱同原先負責嘅攝影師撞期，唯有搵世君臨時頂上。
結婚當日，世君一早就同男家一齊出發去接新娘，之後玩完一輪新郎，就一齊返去男家拜祖先同敬茶。入到男家屋企，世君不停咁搵有利位置去拍攝整個過程，需知道香港居住環境狹窄，要喺一個逼滿人嘅地方影相，其實係一件勞心勞力嘅工作。但影影吓世君發覺有啲奇怪，間屋嘅其中一個角落企咗一個老伯，面無表情，只係眼都唔眨咁睇住一對新人敬茶，對其他人嘅嘻哈玩笑全無反應，而奇怪嘅係，全屋人都無同呢個阿伯講過一句說話。直到所有嘅儀式做完，世君嘅家姐叫佢同拍片嘅同事返去剪輯好相片同影片，等晚宴嗰陣可以俾來賓欣賞。但世君心想，「敬完茶啦咩？個阿伯未飲茶喎！」為怕多口講錯嘢，只好聽家姐講，返去做嘢先。
世君如常喺下午五點前去到婚宴場地，一對新人就好似要開演唱會嘅天王天后一樣，由化妝到換衫都有專人照顧，而呢啲專人，大多數係一對新人嘅親友。世君好喜歡呢個畫面，一班人盡心盡力咁為一對新人，其實就係最大嘅祝福。
夜晚嘅主要工作，其實就係不停咁幫一對新人同來賓影合照，時間好容易就過。到開始入席，世君先有時間休息十零分鐘，呢個時候，世君又見到嗰個喺男家出現嘅阿伯，今次個阿伯企咗喺主家席側邊，世君唔理得咁多，因為螢幕開始播出一對新人嘅成長片段，播完之後就係律師監禮同埋一對新人講個人感受嘅時間。
世君見到個阿伯出現喺新郎嘅成長片段入面，心想，原來真係男家親戚，但睇返啲相，佢同新郎關係應該幾密切，點解成晚無人理佢嘅呢？之後，世君聽到席上嘉賓嘅耳語，原來呢位阿伯，就係新郎嘅父親，不過大半年前癌症復發而離開人世。聽到呢度，世君大約都估到係一個咩嘢故事。直到聽完新郎喺台上發表嘅感受，知道原來新郎嘅父親老來得子，新郎畢業嗰陣，父親已經七十歲，新郎一直希望父親能夠見到自己成家立室，滿以為捱過癌症治療，父親就可以為自己嘅婚禮做證婚人，可惜好景不常，喺婚禮之前，父親嘅癌症復發，最後都唔可以成為新郎嘅證婚人。講到呢度，新郎已經泣不成聲，婚禮主持亦都出嚟打完塲，免得令氣氛變得太傷感。
世君呢個時候望過去嗰阿伯企喺度嘅地方，阿伯仍然係面無表情，不過就望住泣不成聲嘅新郎不停點頭。可能靈體大多數唔會喺臉上表現出情感啦。原來自己撞鬼撞咗成日，世君呆咗咁望住個阿伯，如果唔係拍片嘅同事打咗一下，可能佢已經唔記得自己有工作在身。而同事見佢突然面青口唇白，就以為佢被冷氣吹到病咗，叫佢去飲返杯熱茶。之後婚宴繼續進行，好順利咁結束，世君唯一要克服嘅就係佢嗰對震到停唔到嘅手。
直到一對新人送就哂所有來賓，世君亦都可以執嘢收工。就喺佢同其他同事走嘅時候，新郎走埋嚟同世君講咗一句令佢唔知好嬲定好笑嘅説話，「嚇親你唔好意思，我知我爸爸全日都同我地一齊，因為我都見到佢。」
星期四, 11月 10, 2011
行山客的鬼故事：
阿森係一個喺紀律部隊工作嘅公務員，平時喜歡同同事去行吓山。對於鬼怪事，阿森雖然未遇過，但身邊同事嘅經歷，令佢不得不信呢個世界有啲嘢係解釋唔到嘅。
夏天嘅時候，阿森喜歡同同事一齊行夜山。呢一晚，阿森成班同事就去行西貢，因為西貢近海，海風吹埋嚟，感覺行得無咁吃力。
一班人邊行邊的傾偈，講講吓就講到喺西貢行山而失蹤嘅人，原來除咗本地人之外，亦有外國遊客喺香港行山嘅時候失蹤。當中最廣為人知嘅就係失踨探員丁利華，一來因為佢本身係警務人員，警察自然會比較著緊。二來網上流傳一段據稱係丁利華打去報案中心嘅對話，令成件事變得撲朔迷離。
之後，阿森成班人嘅話題就圍繞住呢啲古靈精怪事物。當大家講到百花林名墓嘅狐仙嗰陣，有人提到最早有狐仙修練的地方係大嶼山，更話寶蓮寺選址大嶼山，就證明嗰度與別不同。又有人話曾經出現狐仙像嘅溫莎大廈，即係而家嘅皇室堡，嗰隻狐仙就係百花林嘅狐仙。
呢個時候，阿森發現周圍嘅霧越來越濃，而溫度亦越來越低，再行咗一陣，有人覺得好似不斷重複行緊同一段路，有人就凍到頭痛同起雞皮。阿森見唔對路，想用GPS確認位置，但身邊所有電子儀器都運作唔到，而指南針嘅指針就不斷打轉。大家都意識到發生緊咩事。
更嚇人嘅事，而家先出現，樹林入面有一啲類似野獸嘅目光盯住阿森成班人，最初只係一兩對眼，漸漸數量越來越多，濃霧加上夜深，令人睇唔清數十對眼睛到底係咩嘢生物，或者應該問，到底佢地係唔係生物。
出身紀律部隊嘅阿森同佢班同事，就算驚都要頂硬上，阿森就向住樹林大叫，「我地只係行山路過，無心打擾你地，如果有咩得罪，希望你地原諒。」跟住就將用作補充體力嘅水果同麵包放喺地下。做完哂所有嘢之後，樹林入面嘅眼睛開始消失，霧亦開始散去，成班人馬上走出樹林。當佢地離開樹林行返去大路嘅時候，有五個人迎面企咗喺度，一個老伯帶頭，後面跟住一對中年男女同兩個少女，呢五個人全部著住灰色衫，無任何行山裝備，連電筒都無一支。其中一個老經驗嘅同事就叫大家唔好理咁多，行出大路先算。阿森好記得行過呢五個人嗰陣嘅情形，見到佢地手上拎住嘅水果同麵包，個心已經涼咗一半，而佢地身上嘅嗰股氣味，阿森形容比狗房嘅氣味強十倍。
一段十零米嘅山路，阿森感覺好似行咗好耐好耐。到成班人走哂出樹林之後，阿森見其中一個同事驚到坐咗喺路邊喊咗出嚟，到佢情緒平伏返之後，大家就問佢發生咩事，原來佢行過嗰五個人嘅時候，個中年女人好惡咁喺佢耳邊講咗一句「我地唔係妖！」大家都唔明，點解淨係同佢講呢？有心水清嘅人就記起，大家一直都係用「狐仙」去尊稱佢地，就只有佢一直叫佢地做「狐妖」可能係咁激嬲咗佢地。而呢個人之後亦患咗啲莫名其妙嘅皮膚病，一直都無法根治。
最後我問阿森，「你真係信嗰五個係狐仙？」阿森就話，「可能啦！不過如果佢地真係狐仙，咁嗰兩個女仔又無我想像中咁靚。」
阿森係一個喺紀律部隊工作嘅公務員，平時喜歡同同事去行吓山。對於鬼怪事，阿森雖然未遇過，但身邊同事嘅經歷，令佢不得不信呢個世界有啲嘢係解釋唔到嘅。
夏天嘅時候，阿森喜歡同同事一齊行夜山。呢一晚，阿森成班同事就去行西貢，因為西貢近海，海風吹埋嚟，感覺行得無咁吃力。
一班人邊行邊的傾偈，講講吓就講到喺西貢行山而失蹤嘅人，原來除咗本地人之外，亦有外國遊客喺香港行山嘅時候失蹤。當中最廣為人知嘅就係失踨探員丁利華，一來因為佢本身係警務人員，警察自然會比較著緊。二來網上流傳一段據稱係丁利華打去報案中心嘅對話，令成件事變得撲朔迷離。
之後，阿森成班人嘅話題就圍繞住呢啲古靈精怪事物。當大家講到百花林名墓嘅狐仙嗰陣，有人提到最早有狐仙修練的地方係大嶼山，更話寶蓮寺選址大嶼山，就證明嗰度與別不同。又有人話曾經出現狐仙像嘅溫莎大廈，即係而家嘅皇室堡，嗰隻狐仙就係百花林嘅狐仙。
呢個時候，阿森發現周圍嘅霧越來越濃，而溫度亦越來越低，再行咗一陣，有人覺得好似不斷重複行緊同一段路，有人就凍到頭痛同起雞皮。阿森見唔對路，想用GPS確認位置，但身邊所有電子儀器都運作唔到，而指南針嘅指針就不斷打轉。大家都意識到發生緊咩事。
更嚇人嘅事，而家先出現，樹林入面有一啲類似野獸嘅目光盯住阿森成班人，最初只係一兩對眼，漸漸數量越來越多，濃霧加上夜深，令人睇唔清數十對眼睛到底係咩嘢生物，或者應該問，到底佢地係唔係生物。
出身紀律部隊嘅阿森同佢班同事，就算驚都要頂硬上，阿森就向住樹林大叫，「我地只係行山路過，無心打擾你地，如果有咩得罪，希望你地原諒。」跟住就將用作補充體力嘅水果同麵包放喺地下。做完哂所有嘢之後，樹林入面嘅眼睛開始消失，霧亦開始散去，成班人馬上走出樹林。當佢地離開樹林行返去大路嘅時候，有五個人迎面企咗喺度，一個老伯帶頭，後面跟住一對中年男女同兩個少女，呢五個人全部著住灰色衫，無任何行山裝備，連電筒都無一支。其中一個老經驗嘅同事就叫大家唔好理咁多，行出大路先算。阿森好記得行過呢五個人嗰陣嘅情形，見到佢地手上拎住嘅水果同麵包，個心已經涼咗一半，而佢地身上嘅嗰股氣味，阿森形容比狗房嘅氣味強十倍。
一段十零米嘅山路，阿森感覺好似行咗好耐好耐。到成班人走哂出樹林之後，阿森見其中一個同事驚到坐咗喺路邊喊咗出嚟，到佢情緒平伏返之後，大家就問佢發生咩事，原來佢行過嗰五個人嘅時候，個中年女人好惡咁喺佢耳邊講咗一句「我地唔係妖！」大家都唔明，點解淨係同佢講呢？有心水清嘅人就記起，大家一直都係用「狐仙」去尊稱佢地，就只有佢一直叫佢地做「狐妖」可能係咁激嬲咗佢地。而呢個人之後亦患咗啲莫名其妙嘅皮膚病，一直都無法根治。
最後我問阿森，「你真係信嗰五個係狐仙？」阿森就話，「可能啦！不過如果佢地真係狐仙，咁嗰兩個女仔又無我想像中咁靚。」
貨車司機鬼故事
貨車司機鬼故事
德哥是一位客貨車司機，每天的工作就是接收總台的工作，又或者熟客的電召。德哥這一行很自由，只要你肯接，任何時候都可以是工作時間，同樣，想休息的時候，將工作轉交其他行家就沒有問題。
德哥從來沒有想過自己會遇到什麼神怪事，但有一件事，每次想起都會令他毛骨悚然。
有一晚，其中一位熟客劉先生致電德哥，希望他把貨年由北角去運往淺水灣，由於是熟客，加上劉先生又主動加五百蚊，德哥當然樂意，出門前還問太太想吃什麼作宵夜。
德哥去到約定收貨的地點，就在殯儀館附近，劉先生已經站在約定的地方等待。要運送的其實是兩個行李箱，劉先生交代好地址後，因為要趕住處理妹妹的房子，所以不打算跟車。德哥眼見目的地是「有錢人地方」，正想問沒有人跟車是否可行的時候，見到原來已經有一女子坐在車廂入面，德哥立時放心，至少有什麼事，那女子也可以幫手解圍。德哥問一下那女子懂不懂目的地甚麼走，但那女子一直都只是低下頭，一聲不響。由於是熟客的朋友，德哥唯有自己查看地圖，選定路線後就專心駕駛，免得得失客人。
德哥前往目的地的時候，奇怪的事就開始出現。車廂的溫度越來越底，起初以為是空調調教得太低，於是就將溫度調高一點，不過，車子去到大潭道的時候，德哥真係受不了，不單止冷得雙手發抖，仲看到自己口中吐出來的暖氣，眼見空調壞了，德哥就把它關掉，正想向後面那位小姐解釋，因為空調壞了覺得太熱可以打開車窗嘅時候，倒後鏡入面竟然看不到那女子，「不會那麼邪門吧！」德哥心中暗叫不妙，內心正掙扎要不要回頭看清楚的時候，他感覺到背後不斷有一股寒氣湧過來，車窗吹入來的風，跟背後湧過來的寒氣對比實在大強，德哥估計那女子絕對「不是人」。而那女子又好像知道德哥心裡枇什麼，忽然一股寒氣貼近耳邊，傳來一把女人聲說「我...想...回家...」。
大潭道跟淺水灣道都是路窄多灣的山路，即使德哥害怕得心跳到就快爆炸，亦不斷提醒自己要專心駕駛。好不容易捱到去目的地，德哥馬上跳落車找大門保安，因為劉先生事先已向保安表示會有人送貨來。保安問過德哥送去哪一戶之後就叫他等一等，離開車廂，德哥才夠膽望去車廂入面，他當然想車廂入面空無一人，那就可以跟自己講只是自己看錯，根本一開始就沒有人跟車。但車入面依然有一個女子坐著，而那女子依然是低下頭，動也不動。
這時候，有三個人由大廈大堂走出來，是一對年老夫妻跟一個外藉女傭。德哥估計是收貨的人，於是走去貨車車尾，一邊把兩個行李箱放下來，一邊喃喃自語「既然回到定就好下車啦！拜託。」說完之後，那把女聲竟然回應一句「多謝你。」，把德哥嚇得全身「毛管棟」。三人走到行李箱面前，老婦一見到兩個行李箱就哭了出來，而老伯就一邊道謝一邊把一封利是塞到德哥手上，之後就叫傭人跟自己一起各自拉走一個行李箱。
因為劉先生已經預先付了車資，德哥一時間來不及返應，直到抬頭望那三個人時，竟然看到行李箱上面坐著那個低下頭的女子，她更向德哥揮手道別，德哥下意識笑了出來，但其實他仍然害怕得心臟狂跳。
坐上司機位，德哥什麼都不理馬上駛回家中。至於那個女子是什麼人，她背後有什麼故事，德哥就真的不清楚啦。
德哥是一位客貨車司機，每天的工作就是接收總台的工作，又或者熟客的電召。德哥這一行很自由，只要你肯接，任何時候都可以是工作時間，同樣，想休息的時候，將工作轉交其他行家就沒有問題。
德哥從來沒有想過自己會遇到什麼神怪事，但有一件事，每次想起都會令他毛骨悚然。
有一晚，其中一位熟客劉先生致電德哥，希望他把貨年由北角去運往淺水灣，由於是熟客，加上劉先生又主動加五百蚊，德哥當然樂意，出門前還問太太想吃什麼作宵夜。
德哥去到約定收貨的地點，就在殯儀館附近，劉先生已經站在約定的地方等待。要運送的其實是兩個行李箱，劉先生交代好地址後，因為要趕住處理妹妹的房子，所以不打算跟車。德哥眼見目的地是「有錢人地方」，正想問沒有人跟車是否可行的時候，見到原來已經有一女子坐在車廂入面，德哥立時放心，至少有什麼事，那女子也可以幫手解圍。德哥問一下那女子懂不懂目的地甚麼走，但那女子一直都只是低下頭，一聲不響。由於是熟客的朋友，德哥唯有自己查看地圖，選定路線後就專心駕駛，免得得失客人。
德哥前往目的地的時候，奇怪的事就開始出現。車廂的溫度越來越底，起初以為是空調調教得太低，於是就將溫度調高一點，不過，車子去到大潭道的時候，德哥真係受不了，不單止冷得雙手發抖，仲看到自己口中吐出來的暖氣，眼見空調壞了，德哥就把它關掉，正想向後面那位小姐解釋，因為空調壞了覺得太熱可以打開車窗嘅時候，倒後鏡入面竟然看不到那女子，「不會那麼邪門吧！」德哥心中暗叫不妙，內心正掙扎要不要回頭看清楚的時候，他感覺到背後不斷有一股寒氣湧過來，車窗吹入來的風，跟背後湧過來的寒氣對比實在大強，德哥估計那女子絕對「不是人」。而那女子又好像知道德哥心裡枇什麼，忽然一股寒氣貼近耳邊，傳來一把女人聲說「我...想...回家...」。
大潭道跟淺水灣道都是路窄多灣的山路，即使德哥害怕得心跳到就快爆炸，亦不斷提醒自己要專心駕駛。好不容易捱到去目的地，德哥馬上跳落車找大門保安，因為劉先生事先已向保安表示會有人送貨來。保安問過德哥送去哪一戶之後就叫他等一等，離開車廂，德哥才夠膽望去車廂入面，他當然想車廂入面空無一人，那就可以跟自己講只是自己看錯，根本一開始就沒有人跟車。但車入面依然有一個女子坐著，而那女子依然是低下頭，動也不動。
這時候，有三個人由大廈大堂走出來，是一對年老夫妻跟一個外藉女傭。德哥估計是收貨的人，於是走去貨車車尾，一邊把兩個行李箱放下來，一邊喃喃自語「既然回到定就好下車啦！拜託。」說完之後，那把女聲竟然回應一句「多謝你。」，把德哥嚇得全身「毛管棟」。三人走到行李箱面前，老婦一見到兩個行李箱就哭了出來，而老伯就一邊道謝一邊把一封利是塞到德哥手上，之後就叫傭人跟自己一起各自拉走一個行李箱。
因為劉先生已經預先付了車資，德哥一時間來不及返應，直到抬頭望那三個人時，竟然看到行李箱上面坐著那個低下頭的女子，她更向德哥揮手道別，德哥下意識笑了出來，但其實他仍然害怕得心臟狂跳。
坐上司機位，德哥什麼都不理馬上駛回家中。至於那個女子是什麼人，她背後有什麼故事，德哥就真的不清楚啦。
外賣仔鬼故
外賣仔鬼故
香港大街小巷都有不少茶餐廳，
除了經營堂食之外，「外賣」亦佔了生意額一個好重要的部分。
加上現今流行小家庭，夫妻同時要外出工作，放工後已無時間準備晚餐。
每當晚飯時間，在大形屋苑附近，
也會看到不少茶餐廳的「外賣仔」，拿著大包小包的食物於大廈之間穿梭，
以下，就是一個關於「外賣仔」的故事。
公開考試完結之後，阿勤就在附近的茶餐廳找到一份送外賣的兼職。
起初一兩個星期都沒有什麼問題，
茶餐廳附近的街道，阿勤由細走到大，這份工作對他沒有任何難度。
直到農曆七月開始，老闆叫阿勤送外賣時不要再抄捷徑走冷巷，最好走大街。
阿勤心想，走大街要多用十多分鐘，無必要花這些時間，
因此沒有將件事放在心上。
某一晚，
阿勤如常行經一條無人冷巷。
兩手各拿著一袋食物，邊走邊聽著 MP3 的阿勤突然感到有人跟在後面，
但回頭一望，什麼人也沒有。
之後繼續行，阿勤開始感到兩袋食物越來越重，
膠袋的手抽似要快被扯破，
阿勤以為是食物太重，為怕袋子真的破掉，阿勤快步跑出冷巷，
奇怪走出冷巷後，袋子竟然變得輕了，
最後食物平安無事送到目的地。
這一刻，阿勤也不相信與鬼神有關。
直到有一晚，
因為夜晚有足球直播，到接近午夜仍會有人叫外賣。
老闆在這些日子也會對送外賣的額外加多一點人工，
又可以賺多一點錢，又可以留在茶餐廳睇波，阿勤當然樂意開工開夜一點。
大約晚上十一時，開波前接到有單order要送，
阿勤唯有用最快的方法送完，好等自己可以早點回來睇波。
如常地，阿勤又穿梭於冷巷之間，
因為要盡快，阿勤連MP3也沒時間聽，一心只想送完回去睇波。
走到半路，阿勤感到雙腳的步伐越來越重，手上的食物又一次好像被人拉扯一樣，
而最可怕的是，阿勤耳朵傳來的聲音，
「乾炒牛河..排骨飯...凍咖啡...」陰沉嘅聲音重複叫著阿勤手上的食物。
慌亂之間，也不知道是驚慌還是憤怒，阿勤大叫了一句，
「那些食物是要送結客人的，你們不可以硬搶！我待會再拿給你們好不好？」
話音未完，一切回復正常，阿勤即刻飛奔出冷巷。
送完外賣的回程途中，阿勤在大街偷偷望入冷巷，
眼前的景象把他嚇得僵直，
他看到數個白影站在冷巷入面，
不知是否心理作用，阿勤感到「他們」正盯著自己，
彷彿在提醒他要信守諾言。
回到茶餐廳，阿勤將整件事告訴老闆，
老闆責備了幾句之後，
就命廚房準備剛才那一張單的食物，再拿一些豆腐芽菜以及金銀衣紙回去那條冷巷，
阿勤將食物放在地上，之後就開始燒衣紙，
在燒衣的時候，冷巷無故刮起一股怪風，
把正在燒衣的阿勤弄得非常狼狽。
阿勤之後亦辭了工，而且，他以後也不敢在晚上走入那些陰森的冷巷。
香港大街小巷都有不少茶餐廳，
除了經營堂食之外，「外賣」亦佔了生意額一個好重要的部分。
加上現今流行小家庭，夫妻同時要外出工作，放工後已無時間準備晚餐。
每當晚飯時間，在大形屋苑附近，
也會看到不少茶餐廳的「外賣仔」，拿著大包小包的食物於大廈之間穿梭，
以下，就是一個關於「外賣仔」的故事。
公開考試完結之後，阿勤就在附近的茶餐廳找到一份送外賣的兼職。
起初一兩個星期都沒有什麼問題，
茶餐廳附近的街道，阿勤由細走到大，這份工作對他沒有任何難度。
直到農曆七月開始，老闆叫阿勤送外賣時不要再抄捷徑走冷巷，最好走大街。
阿勤心想，走大街要多用十多分鐘，無必要花這些時間，
因此沒有將件事放在心上。
某一晚，
阿勤如常行經一條無人冷巷。
兩手各拿著一袋食物，邊走邊聽著 MP3 的阿勤突然感到有人跟在後面，
但回頭一望，什麼人也沒有。
之後繼續行，阿勤開始感到兩袋食物越來越重，
膠袋的手抽似要快被扯破，
阿勤以為是食物太重，為怕袋子真的破掉，阿勤快步跑出冷巷，
奇怪走出冷巷後，袋子竟然變得輕了，
最後食物平安無事送到目的地。
這一刻，阿勤也不相信與鬼神有關。
直到有一晚，
因為夜晚有足球直播，到接近午夜仍會有人叫外賣。
老闆在這些日子也會對送外賣的額外加多一點人工，
又可以賺多一點錢，又可以留在茶餐廳睇波，阿勤當然樂意開工開夜一點。
大約晚上十一時，開波前接到有單order要送，
阿勤唯有用最快的方法送完，好等自己可以早點回來睇波。
如常地，阿勤又穿梭於冷巷之間，
因為要盡快，阿勤連MP3也沒時間聽，一心只想送完回去睇波。
走到半路，阿勤感到雙腳的步伐越來越重，手上的食物又一次好像被人拉扯一樣，
而最可怕的是，阿勤耳朵傳來的聲音，
「乾炒牛河..排骨飯...凍咖啡...」陰沉嘅聲音重複叫著阿勤手上的食物。
慌亂之間，也不知道是驚慌還是憤怒，阿勤大叫了一句，
「那些食物是要送結客人的，你們不可以硬搶！我待會再拿給你們好不好？」
話音未完，一切回復正常，阿勤即刻飛奔出冷巷。
送完外賣的回程途中，阿勤在大街偷偷望入冷巷，
眼前的景象把他嚇得僵直，
他看到數個白影站在冷巷入面，
不知是否心理作用，阿勤感到「他們」正盯著自己，
彷彿在提醒他要信守諾言。
回到茶餐廳，阿勤將整件事告訴老闆，
老闆責備了幾句之後，
就命廚房準備剛才那一張單的食物，再拿一些豆腐芽菜以及金銀衣紙回去那條冷巷，
阿勤將食物放在地上，之後就開始燒衣紙，
在燒衣的時候，冷巷無故刮起一股怪風，
把正在燒衣的阿勤弄得非常狼狽。
阿勤之後亦辭了工，而且，他以後也不敢在晚上走入那些陰森的冷巷。
人口普查員的故事
短篇鬼故
這是一個關於人口普查員的故事：
阿思是今屆人口普查的其中一員，負責的地方是西環一帶。這裡不單是全香港最早發展的地方之一，更是當年令各富家子弟流連忘返的銷金窩，時至今日，坊間仍流傳不少令人津津樂道的塘西風月事。
故事發生在某日下午，早班的阿思跟拍檔們吃過午飯後，兩人走到一座約有三、四十年樓齡的唐樓下，這是今天最後一個地方，阿思希望對方可以「合作」一點。好讓她快點下班趕往爺爺的壽宴。
當走到某個單位門前，門竟然自動打開了，門後走出一位個子矮小的女士，五官精緻，但面色比紙更白，年齡不過二十開外，但身上穿著一身三、四十年代的服飾。「你終於都來了。」說罷，女子自顧自走回屋內，阿思不由自主跟著她走。女子坐在飯桌旁，幽幽地看著阿思。「賽春公子鞭先墜，花月佳人鬢影香。還記得那夜你跟我解釋賽花寨門口那對聯嗎？」阿思站著不動，一邊望著這個女子，一邊聽著她的說話。女子彷彿跟故人閒話家常，但阿思完全不明所以，但眼淚卻不斷流出來。「想不到你還留著這個玉佩，只怪我命賤，連當一個小妾也不可。」阿思只知道玉佩是爺爺自小送給她的，她期望女子可以說更多，好讓她知道這個女子跟阿思家族的瓜葛。
突然有人從後拍了阿思一下。那是阿思的拍擋，發現阿思沒有跟在後面，便馬上回頭去找，原來她呆呆站在一個連大門也沒有的廢置單位內。拍擋看到阿思淚流滿面時大感錯愕，當阿思問拍檔自己站了多久時，實在不能相信自己跟拍擋分開只不過不到一分鐘。因為，阿思的手錶的確比拍擋的走快了十多分鐘。
當晚，阿思在爺爺的壽宴上不斷向長輩們打聽家族中有誰曾經納妾，結果，爺爺的故事完全是阿思的想像以外。原來爺爺的父親，即阿思的太公，年輕時是塘西風妓寨的常客，而且更打算將一位妓女納為妾士，好讓她可以「埋街食井水」。但長輩們堅決反對，認為會敗壞家聲，最後更命人將太公綁起送上船，舉家搬到南洋定居。爺爺深信太公是真心愛上這個妓女，因為阿思身上的玉佩，正是當日那妓女送給太公的信物，多年來一直帶在身邊。自太公過世後，爺爺把玉佩好好收藏，及至阿思十六歲才轉贈給她。而太公這個秘密，爺爺從來沒有跟其他人提及過。
聽罷爺爺的故事，阿思為自己＂白日見鬼＂感到憂慮，但爺爺卻認為她解開了兩人多年來的心結，是好事，一定會得到兩人庇佑。阿思凝視著手中的玉佩，一邊想，現在還會有這種愛情故事嗎？
這是一個關於人口普查員的故事：
阿思是今屆人口普查的其中一員，負責的地方是西環一帶。這裡不單是全香港最早發展的地方之一，更是當年令各富家子弟流連忘返的銷金窩，時至今日，坊間仍流傳不少令人津津樂道的塘西風月事。
故事發生在某日下午，早班的阿思跟拍檔們吃過午飯後，兩人走到一座約有三、四十年樓齡的唐樓下，這是今天最後一個地方，阿思希望對方可以「合作」一點。好讓她快點下班趕往爺爺的壽宴。
當走到某個單位門前，門竟然自動打開了，門後走出一位個子矮小的女士，五官精緻，但面色比紙更白，年齡不過二十開外，但身上穿著一身三、四十年代的服飾。「你終於都來了。」說罷，女子自顧自走回屋內，阿思不由自主跟著她走。女子坐在飯桌旁，幽幽地看著阿思。「賽春公子鞭先墜，花月佳人鬢影香。還記得那夜你跟我解釋賽花寨門口那對聯嗎？」阿思站著不動，一邊望著這個女子，一邊聽著她的說話。女子彷彿跟故人閒話家常，但阿思完全不明所以，但眼淚卻不斷流出來。「想不到你還留著這個玉佩，只怪我命賤，連當一個小妾也不可。」阿思只知道玉佩是爺爺自小送給她的，她期望女子可以說更多，好讓她知道這個女子跟阿思家族的瓜葛。
突然有人從後拍了阿思一下。那是阿思的拍擋，發現阿思沒有跟在後面，便馬上回頭去找，原來她呆呆站在一個連大門也沒有的廢置單位內。拍擋看到阿思淚流滿面時大感錯愕，當阿思問拍檔自己站了多久時，實在不能相信自己跟拍擋分開只不過不到一分鐘。因為，阿思的手錶的確比拍擋的走快了十多分鐘。
當晚，阿思在爺爺的壽宴上不斷向長輩們打聽家族中有誰曾經納妾，結果，爺爺的故事完全是阿思的想像以外。原來爺爺的父親，即阿思的太公，年輕時是塘西風妓寨的常客，而且更打算將一位妓女納為妾士，好讓她可以「埋街食井水」。但長輩們堅決反對，認為會敗壞家聲，最後更命人將太公綁起送上船，舉家搬到南洋定居。爺爺深信太公是真心愛上這個妓女，因為阿思身上的玉佩，正是當日那妓女送給太公的信物，多年來一直帶在身邊。自太公過世後，爺爺把玉佩好好收藏，及至阿思十六歲才轉贈給她。而太公這個秘密，爺爺從來沒有跟其他人提及過。
聽罷爺爺的故事，阿思為自己＂白日見鬼＂感到憂慮，但爺爺卻認為她解開了兩人多年來的心結，是好事，一定會得到兩人庇佑。阿思凝視著手中的玉佩，一邊想，現在還會有這種愛情故事嗎？
星期二, 10月 18, 2011
星期二, 10月 11, 2011
「問米」是"迷信"，那「Channeling」是什麼？
我尊重一切宗教及信仰，為免不必要的誤會，我不會用「」和 ” 。
話說，有日聽了某網台進行直播問米。節目初段，主持人循例訪問一下那位問米婆，好讓大家知道她何以從事這工作以及得知那些通靈知識。情況大都是這樣，某天身體出現某些病症，之後某些神仙在夢中告知要成為靈媒去幫助世人，在多次推搪之下最終接受這份天職。主持人再問，在未曾接受過正規教育下，何以懂得這些知識。問米婆說一切知識都是菩薩在夢中教授。
聽到這裡，腦海忽然"叮"一聲。很多通靈者(Channellers)的訪問中，也有相同的經歷呀！不從何而來的高靈，某天透過通靈（Channeling）獲告知一些忘掉了的天職，所有知識也由Channeling獲得。跟問米的唯一分別，就是部分通靈者很樂意開班教你如何提升心靈去獲取高靈的信息。因為，自身感受的，永遠比別人告知的確切。而且大家也要趕快提升自己的心靈，去過渡2012這個大轉變。
有人認為問米是迷信和騙人的把戲，卻又可以把Newage的一切奉為金科玉律。假如有一日，有問米婆用英文教人如何跟菩薩溝通。在那些人眼中，這個問米婆也可以升格為通靈者（Channeller）了。
話說，有日聽了某網台進行直播問米。節目初段，主持人循例訪問一下那位問米婆，好讓大家知道她何以從事這工作以及得知那些通靈知識。情況大都是這樣，某天身體出現某些病症，之後某些神仙在夢中告知要成為靈媒去幫助世人，在多次推搪之下最終接受這份天職。主持人再問，在未曾接受過正規教育下，何以懂得這些知識。問米婆說一切知識都是菩薩在夢中教授。
聽到這裡，腦海忽然"叮"一聲。很多通靈者(Channellers)的訪問中，也有相同的經歷呀！不從何而來的高靈，某天透過通靈（Channeling）獲告知一些忘掉了的天職，所有知識也由Channeling獲得。跟問米的唯一分別，就是部分通靈者很樂意開班教你如何提升心靈去獲取高靈的信息。因為，自身感受的，永遠比別人告知的確切。而且大家也要趕快提升自己的心靈，去過渡2012這個大轉變。
有人認為問米是迷信和騙人的把戲，卻又可以把Newage的一切奉為金科玉律。假如有一日，有問米婆用英文教人如何跟菩薩溝通。在那些人眼中，這個問米婆也可以升格為通靈者（Channeller）了。
星期一, 10月 10, 2011
白蛇傳說-國產得嚟又幾好睇
少數想睇嘅國產電影，少數覺得好睇嘅國產電影。
白蛇嘅故事，由細聽到大。但一直以嚟都係用白素貞嘅角度去睇成個故事，包括我在內，大部分人都認為法海大師只係一個多管閒事嘅和尚，人地好地地一對夫妻，無啦啦攪人做乜呢？
幾個月前嘅宣傳，仲用緊《白蛇傳說．法海》呢個名，亦因為呢個名我先會留意呢套戲。今次用法海嘅角度去睇呢一對夫妻，白蛇隱瞞自己嘅身份，認為自己嘅愛，可以彌補對許仙嘅傷害，著眼嘅，係「過程」，但法海就以「結果」去衡量成件事，結論係「你係愛佢嘅，就自己一個流淚，好過佢同你一齊流淚。」法海唔明嘅係，偉大嘅愛情故事，結局無論是悲是喜，都係兩個人一齊流淚。
可能原著嘅人物太少，所以今次搵到唔少人去做「串星」。唔止林雪、楊千嬅，就連張達明都「聲演」法海嘅徒弟，可能同合資片嘅條件有關。徐若瑄演嘅雪女，同李連杰對打嗰幾招又打得幾好睇。不過，法海大師也太操勞啦！雪女係日本妖怪嚟㗎！
特技太多，反而影響到成套戲，好在去到尾段已收斂。同徐若瑄嗰場雪山戲，已經同自己講「唔好同荷里活比較」，但杭州的湖泊有竟然有珊瑚，就真係令我笑了，再見到白蛇青蛇嘅造型，李連杰喺火山入面可以全身而退，只能嘆一句，「大佬你想點？」。去到尾段，少一點"原創"反而睇得舒服，起碼去到水漫金山，雖然有一幕係跟足《2012》，但出嚟個效果又唔差喎。慶幸嘅係，尾段嘅劇情無受到「為特技而特技」影響，竟然感動到我！
其實個故事跳得都幾快，好多情節都只用幾句對白就交代完，對我地呢啲由細睇到大嘅更知咩事啦，但拎去外地嘅電影節參展，人地跟唔跟到個故仔㗎？
星期五, 9月 16, 2011
貨車司機鬼故事
德哥係一位客貨車司機，每日嘅工作就接收總台嘅order，又或者熟客嘅電召。德哥呢行好自由，只要你肯接，任何時候都可以係工作時間，同樣，想休息嘅時候，將order轉俾其他行家就無問題。
德哥從來無諗過自己呢行會遇到咩神怪事，但有一件事，每次諗起都令佢毛骨悚然。
有一晚，其中一個熟客劉先生打俾德哥，想佢幫手車一轉由北角去淺水灣，由於係熟客，加上又自動加五百蚊，德哥當然樂意走多轉，出門前仲問老婆想食乜嘢宵夜。
德哥去到約定收貨的地點，就喺殯儀館附近，劉先生已經企喺街度等緊佢。要運嘅其實係兩個行李箱，劉先生交代好地址後，因為要趕住處理妹妹間屋，所以唔打算跟車。德哥眼見「有錢佬地址」，正想問無人跟車得唔得嘅時候，見到原來已經有個女仔坐咗喺車入面，當堂無咁驚，起碼有咩事個女仔都可以幫手解圍。德哥好正常問吓個女仔知唔點去目的地，但個女仔一直都只係dup低頭，一句聲都唔出。由於係熟客嘅朋友，德哥唯有自己睇睇地圖，專心（才查）車，費事得失客人。
德哥架車駛去目的地嘅時候，奇怪嘅事開始出現。車廂嘅溫度越來越底，起初以為冷氣教得太低，於是就將溫度定返高啲，不過，架車去到大潭道嘅時候，德哥真係頂唔順，佢唔止凍到手震，仲見到自己把口吐出嚟嘅暖氣，眼見冷氣壞到咁，德哥就熄咗個冷氣，正想同後面位小姐講聲唔好意思，因為冷氣壞咗，覺得熱嘅就開窗嘅時候，倒後鏡入面竟然見唔到個女仔，「唔係咁邪下話！」德哥心中暗叫不妙，內心正掙扎好唔好擰轉頭望清楚嘅時候，佢感覺到背後不斷有一股寒氣湧過嚟，車窗吹入嚟嘅風，同背後湧過嚟嘅寒氣對比實在大強，德哥估計個女仔九成「唔係人」。而個女仔又好似知道德哥諗緊咩嘢咁，一股寒氣貼近耳仔，傳嚟一把女人聲話「我...想...返屋企..」。
大潭道同淺水灣道都係路窄多灣嘅山路，即使德哥驚到個心跳到就嚟爆炸，佢都係咁提醒自己要專心駕駛。好不容易捱到去目的地，德哥即刻跳落車搵大門保安，因為劉先生事先已向保安表示會有人送貨嚟。保安問咗德哥送去邊一戶之後就叫佢等等，離開車廂，德哥先夠膽望返去車入面，
佢更係想車入面一個人都無，咁佢就可以同自己講係自己睇錯，根本一開始就無人跟車。但車入面依然有個女仔坐喺度，而個女仔依然係dup低頭，郁都唔郁。
呢個時候，有三個人由大廈嘅大堂行出嚟，係一對年老嘅夫妻同一個外藉女傭。德哥估係收貨嘅人，於是行返去架車嘅車尾，一邊拎兩個行李箱落嚟，一邊喃喃自語「返到屋企就好落車啦吓，唔該。」講完之後，嗰把女聲竟然回應一句「多謝你」，嚇到德哥全身「毛管棟」。三人行到行李箱面前，老婦一見到兩個行李箱就即刻喊咗出嚟，而老伯就一邊道謝一邊將一封利是塞到德哥手上，之後就叫傭人同自己一人拉走一個行李箱。
因為劉先生已經預先俾咗車費，德哥一時間嚟唔切返應，到佢抬頭望返嗰三個人嘅時候，竟然見到行李箱上面坐住咗嗰個dup低頭嘅女仔，見到個女仔向佢揮手道別，德哥下意識笑咗出嚟，但其實佢仲係驚到個心係咁跳。
坐上司機位，德哥咩都唔理即刻駛返屋企。至於個女仔係咩人，佢背後有咩故事，德哥就真係唔清楚啦。
德哥係一位客貨車司機，每日嘅工作就接收總台嘅order，又或者熟客嘅電召。德哥呢行好自由，只要你肯接，任何時候都可以係工作時間，同樣，想休息嘅時候，將order轉俾其他行家就無問題。
德哥從來無諗過自己呢行會遇到咩神怪事，但有一件事，每次諗起都令佢毛骨悚然。
有一晚，其中一個熟客劉先生打俾德哥，想佢幫手車一轉由北角去淺水灣，由於係熟客，加上又自動加五百蚊，德哥當然樂意走多轉，出門前仲問老婆想食乜嘢宵夜。
德哥去到約定收貨的地點，就喺殯儀館附近，劉先生已經企喺街度等緊佢。要運嘅其實係兩個行李箱，劉先生交代好地址後，因為要趕住處理妹妹間屋，所以唔打算跟車。德哥眼見「有錢佬地址」，正想問無人跟車得唔得嘅時候，見到原來已經有個女仔坐咗喺車入面，當堂無咁驚，起碼有咩事個女仔都可以幫手解圍。德哥好正常問吓個女仔知唔點去目的地，但個女仔一直都只係dup低頭，一句聲都唔出。由於係熟客嘅朋友，德哥唯有自己睇睇地圖，專心（才查）車，費事得失客人。
德哥架車駛去目的地嘅時候，奇怪嘅事開始出現。車廂嘅溫度越來越底，起初以為冷氣教得太低，於是就將溫度定返高啲，不過，架車去到大潭道嘅時候，德哥真係頂唔順，佢唔止凍到手震，仲見到自己把口吐出嚟嘅暖氣，眼見冷氣壞到咁，德哥就熄咗個冷氣，正想同後面位小姐講聲唔好意思，因為冷氣壞咗，覺得熱嘅就開窗嘅時候，倒後鏡入面竟然見唔到個女仔，「唔係咁邪下話！」德哥心中暗叫不妙，內心正掙扎好唔好擰轉頭望清楚嘅時候，佢感覺到背後不斷有一股寒氣湧過嚟，車窗吹入嚟嘅風，同背後湧過嚟嘅寒氣對比實在大強，德哥估計個女仔九成「唔係人」。而個女仔又好似知道德哥諗緊咩嘢咁，一股寒氣貼近耳仔，傳嚟一把女人聲話「我...想...返屋企..」。
大潭道同淺水灣道都係路窄多灣嘅山路，即使德哥驚到個心跳到就嚟爆炸，佢都係咁提醒自己要專心駕駛。好不容易捱到去目的地，德哥即刻跳落車搵大門保安，因為劉先生事先已向保安表示會有人送貨嚟。保安問咗德哥送去邊一戶之後就叫佢等等，離開車廂，德哥先夠膽望返去車入面，
佢更係想車入面一個人都無，咁佢就可以同自己講係自己睇錯，根本一開始就無人跟車。但車入面依然有個女仔坐喺度，而個女仔依然係dup低頭，郁都唔郁。
呢個時候，有三個人由大廈嘅大堂行出嚟，係一對年老嘅夫妻同一個外藉女傭。德哥估係收貨嘅人，於是行返去架車嘅車尾，一邊拎兩個行李箱落嚟，一邊喃喃自語「返到屋企就好落車啦吓，唔該。」講完之後，嗰把女聲竟然回應一句「多謝你」，嚇到德哥全身「毛管棟」。三人行到行李箱面前，老婦一見到兩個行李箱就即刻喊咗出嚟，而老伯就一邊道謝一邊將一封利是塞到德哥手上，之後就叫傭人同自己一人拉走一個行李箱。
因為劉先生已經預先俾咗車費，德哥一時間嚟唔切返應，到佢抬頭望返嗰三個人嘅時候，竟然見到行李箱上面坐住咗嗰個dup低頭嘅女仔，見到個女仔向佢揮手道別，德哥下意識笑咗出嚟，但其實佢仲係驚到個心係咁跳。
坐上司機位，德哥咩都唔理即刻駛返屋企。至於個女仔係咩人，佢背後有咩故事，德哥就真係唔清楚啦。
星期三, 8月 31, 2011
竊聽風雲2
少數睇完我想寫啲嘢嘅港片。
個個都讚班老戲骨好戲，
「阿媽係女人」都認為係發現新大陸，
係你班老闆歧視老人，拍埋啲咩＂夜蒲戀戀吓＂啫。
最後吳彥祖場戲如果對手唔係曾江，
我懷疑會唔會咁好睇。
唔好信咩所謂「局中局」，算把啦！
吳彥祖嗰招草船借箭，
現實要做嘅話，可以簡單好多。
身為一個業內人士，我覺得個「局」都唔成立嘅。
呢套戲，我當cult片去睇！
但電影入面嘅「地主會」，假如換一換中間個字，
根本就係控訴緊地產霸權。
最初，香港嘅地產商的確係為香港嘅建設出咗好多力，
但三十年後嘅今日，同一班人已經放棄咗當日嘅理想，
一心只想搵更多更多嘅錢，
電影入面用超現實嘅方式去作出反擊，
但走出戲院，你知道現狀根本無可能改變。
唯一要彈係個故仔條橋啫，
有人喺電台話配樂正到要睇多次，
又唔使吹到咁大，
淨係睇一班識做戲嘅人做戲，
六十蚊真係抵到爛。
個個都讚班老戲骨好戲，
「阿媽係女人」都認為係發現新大陸，
係你班老闆歧視老人，拍埋啲咩＂夜蒲戀戀吓＂啫。
最後吳彥祖場戲如果對手唔係曾江，
我懷疑會唔會咁好睇。
唔好信咩所謂「局中局」，算把啦！
吳彥祖嗰招草船借箭，
現實要做嘅話，可以簡單好多。
身為一個業內人士，我覺得個「局」都唔成立嘅。
呢套戲，我當cult片去睇！
但電影入面嘅「地主會」，假如換一換中間個字，
根本就係控訴緊地產霸權。
最初，香港嘅地產商的確係為香港嘅建設出咗好多力，
但三十年後嘅今日，同一班人已經放棄咗當日嘅理想，
一心只想搵更多更多嘅錢，
電影入面用超現實嘅方式去作出反擊，
但走出戲院，你知道現狀根本無可能改變。
唯一要彈係個故仔條橋啫，
有人喺電台話配樂正到要睇多次，
又唔使吹到咁大，
淨係睇一班識做戲嘅人做戲，
六十蚊真係抵到爛。
星期日, 8月 07, 2011
美國隊長------諷刺現實的＂政治電影＂？
假如美國隊長呢個咁象徵性嘅人物係代表美國總統的話，咁我估呢套戲係想話俾所有美國人（包括總統）聽美國總統並不是一個「賣債券的小丑」。見到主角諷刺自己嗰幅漫畫，我覺得「你似寸緊奧巴馬多啲喎！」美國借二次大戰，喺英國嘅軍事同德國嘅科技下，得到超人嘅力量。而故事入，主角都要靠一班唔同國籍嘅隊員先可以完成任務。當中有無對現實嘅＂隱喻＂，就自行聯想啦。但佢好似忘記咗兩樣嘢，「尊重你擁有的力量」同「當一個好人」。
連＜Thor＞我都入場睇，呢套我又點會錯過呢。假如你想睇明年嗰套大雜會＜復仇者＞，我估今集埋咗唔少伏線，唔單止解釋到雷神何解會加入呢個＂凡人組織＂，仲話你知 iron man 嘅加入只不過係＂子承父業＂。
唯一可惜嘅係，故事用倒敘，所以未到尾段已經知道男女主角無可能大團圓。
超期待明年嘅＜復仇者＞！
連＜Thor＞我都入場睇，呢套我又點會錯過呢。假如你想睇明年嗰套大雜會＜復仇者＞，我估今集埋咗唔少伏線，唔單止解釋到雷神何解會加入呢個＂凡人組織＂，仲話你知 iron man 嘅加入只不過係＂子承父業＂。
唯一可惜嘅係，故事用倒敘，所以未到尾段已經知道男女主角無可能大團圓。
超期待明年嘅＜復仇者＞！
星期六, 8月 06, 2011
星期四, 8月 04, 2011
星期二, 8月 02, 2011
短篇鬼故
這是一個關於人口普查員的故事：
阿思是今屆人口普查的其中一員，負責的地方是西環一帶。這裡不單是全香港最早發展的地方之一，更是當年令各富家子弟流連忘返的銷金窩，時至今日，坊間仍流傳不少令人津津樂道的塘西風月事。
故事發生在某日下午，早班的阿思跟拍檔們吃過午飯後，兩人走到一座約有三、四十年樓齡的唐樓下，這是今天最後一個地方，阿思希望對方可以「合作」一點。好讓她快點下班趕往爺爺的壽宴。
當走到某個單位門前，門竟然自動打開了，門後走出一位個子矮小的女士，五官精緻，但面色比紙更白，年齡不過二十開外，但身上穿著一身三、四十年代的服飾。「你終於都來了。」說罷，女子自顧自走回屋內，阿思不由自主跟著她走。女子坐在飯桌旁，幽幽地看著阿思。「賽春公子鞭先墜，花月佳人鬢影香。還記得那夜你跟我解釋賽花寨門口那對聯嗎？」阿思站著不動，一邊望著這個女子，一邊聽著她的說話。女子彷彿跟故人閒話家常，但阿思完全不明所以，但眼淚卻不斷流出來。「想不到你還留著這個玉佩，只怪我命賤，連當一個小妾也不可。」阿思只知道玉佩是爺爺自小送給她的，她期望女子可以說更多，好讓她知道這個女子跟阿思家族的瓜葛。
突然有人從後拍了阿思一下。那是阿思的拍擋，發現阿思沒有跟在後面，便馬上回頭去找，原來她呆呆站在一個連大門也沒有的廢置單位內。拍擋看到阿思淚流滿面時大感錯愕，當阿思問拍檔自己站了多久時，實在不能相信，自己跟拍擋分開只不過不到一分鐘。因為，阿思的手錶的確比拍擋的走快了十多分鐘。
當晚，阿思在爺爺的壽宴上不斷向長輩們打聽家族中有誰曾經納妾，結果，爺爺的故事完全是阿思的想像以外。原來爺爺的父親，即阿思的太公，年輕時是塘西風妓寨的常客，而且更打算將一位妓女納為妾士，好讓她可以「埋街食井水」。但長輩們堅決反對，認為會敗壞家聲，最後更命人將太公綁起送上船，舉家搬到南洋定居。爺爺深信太公是真心愛上這個妓女，因為阿思身上的玉佩，正是當日那妓女送給太公的信物，多年來一直帶在身邊。自太公過世後，爺爺把玉佩好好收藏，及至阿思十六歲才轉贈給她。而太公這個秘密，爺爺從來沒有跟其他人提及過。
聽罷爺爺的故事，阿思為自己＂白日見鬼＂感到憂慮，但爺爺卻認為她解開了兩人多年來的心結，是好事，一定會得到兩人庇佑。阿思凝視著手中的玉佩，一邊想，現在還會有這種愛情故事嗎？
這是一個關於人口普查員的故事：
阿思是今屆人口普查的其中一員，負責的地方是西環一帶。這裡不單是全香港最早發展的地方之一，更是當年令各富家子弟流連忘返的銷金窩，時至今日，坊間仍流傳不少令人津津樂道的塘西風月事。
故事發生在某日下午，早班的阿思跟拍檔們吃過午飯後，兩人走到一座約有三、四十年樓齡的唐樓下，這是今天最後一個地方，阿思希望對方可以「合作」一點。好讓她快點下班趕往爺爺的壽宴。
當走到某個單位門前，門竟然自動打開了，門後走出一位個子矮小的女士，五官精緻，但面色比紙更白，年齡不過二十開外，但身上穿著一身三、四十年代的服飾。「你終於都來了。」說罷，女子自顧自走回屋內，阿思不由自主跟著她走。女子坐在飯桌旁，幽幽地看著阿思。「賽春公子鞭先墜，花月佳人鬢影香。還記得那夜你跟我解釋賽花寨門口那對聯嗎？」阿思站著不動，一邊望著這個女子，一邊聽著她的說話。女子彷彿跟故人閒話家常，但阿思完全不明所以，但眼淚卻不斷流出來。「想不到你還留著這個玉佩，只怪我命賤，連當一個小妾也不可。」阿思只知道玉佩是爺爺自小送給她的，她期望女子可以說更多，好讓她知道這個女子跟阿思家族的瓜葛。
突然有人從後拍了阿思一下。那是阿思的拍擋，發現阿思沒有跟在後面，便馬上回頭去找，原來她呆呆站在一個連大門也沒有的廢置單位內。拍擋看到阿思淚流滿面時大感錯愕，當阿思問拍檔自己站了多久時，實在不能相信，自己跟拍擋分開只不過不到一分鐘。因為，阿思的手錶的確比拍擋的走快了十多分鐘。
當晚，阿思在爺爺的壽宴上不斷向長輩們打聽家族中有誰曾經納妾，結果，爺爺的故事完全是阿思的想像以外。原來爺爺的父親，即阿思的太公，年輕時是塘西風妓寨的常客，而且更打算將一位妓女納為妾士，好讓她可以「埋街食井水」。但長輩們堅決反對，認為會敗壞家聲，最後更命人將太公綁起送上船，舉家搬到南洋定居。爺爺深信太公是真心愛上這個妓女，因為阿思身上的玉佩，正是當日那妓女送給太公的信物，多年來一直帶在身邊。自太公過世後，爺爺把玉佩好好收藏，及至阿思十六歲才轉贈給她。而太公這個秘密，爺爺從來沒有跟其他人提及過。
聽罷爺爺的故事，阿思為自己＂白日見鬼＂感到憂慮，但爺爺卻認為她解開了兩人多年來的心結，是好事，一定會得到兩人庇佑。阿思凝視著手中的玉佩，一邊想，現在還會有這種愛情故事嗎？
星期日, 7月 17, 2011
星期四, 7月 14, 2011
Transformers 3------犯駁到無朋友
嚟到第三集，同樣用上「外星陰謀論」做＂調味料＂。
所以，即使麥加登變咗貨車，音波唔再係手提卡式機，我都無咩所謂。
反正自從睇完第一集，就已經同自己講「呢套嘢根本就唔係我細個嗰陣睇嗰套」。
呢啲戲，就算講哂成個故仔俾你知，你都會入場睇，
我睇嘅只係2D 版，大部分嘅變身都做得好仔細。
個人最欣賞嘅係「音波」同「大黃蜂」嘅變形造得最仔細。
從來，變形金剛系列都「只係」睇特技。
上集玩大場面，今集就玩仔細。
今集由月球講起，
由於探測到月球有不明撞擊，所以先會發展登月計劃。
電影一開始用咗「偽紀錄片」手法，俾大家回顧返成個計劃嘅由來。
咁現實中呢件事係咪同外星人有關，就你諗你啦。
中段其實都幾悶，又有啲亂。
如果唔係間唔中拎啲陰謀論出嚟玩吓，真係會（目訓）咗。
班博派無啦啦好似變咗美國政府嘅打手，
外星人介入國際事務...也算是「外星政治學」吧！
又講到狂派其實一早有人潛伏喺地球，
故事犯駁就預咗你，但你好似連上兩集都駁埋喎！
最後又玩埋今期流行嘅「世界末日大反擊」。
第二集對付＂破壞者＂都用到電磁波軌道炮，
今集竟然用返戰斧導彈？起碼都用激光武器吖！
麥加登可以因為佢最討厭嘅人類而背叛自己嘅盟友，
咁就真係抵你死啦！
所以，即使麥加登變咗貨車，音波唔再係手提卡式機，我都無咩所謂。
反正自從睇完第一集，就已經同自己講「呢套嘢根本就唔係我細個嗰陣睇嗰套」。
呢啲戲，就算講哂成個故仔俾你知，你都會入場睇，
我睇嘅只係2D 版，大部分嘅變身都做得好仔細。
個人最欣賞嘅係「音波」同「大黃蜂」嘅變形造得最仔細。
從來，變形金剛系列都「只係」睇特技。
上集玩大場面，今集就玩仔細。
今集由月球講起，
由於探測到月球有不明撞擊，所以先會發展登月計劃。
電影一開始用咗「偽紀錄片」手法，俾大家回顧返成個計劃嘅由來。
咁現實中呢件事係咪同外星人有關，就你諗你啦。
中段其實都幾悶，又有啲亂。
如果唔係間唔中拎啲陰謀論出嚟玩吓，真係會（目訓）咗。
班博派無啦啦好似變咗美國政府嘅打手，
外星人介入國際事務...也算是「外星政治學」吧！
又講到狂派其實一早有人潛伏喺地球，
故事犯駁就預咗你，但你好似連上兩集都駁埋喎！
最後又玩埋今期流行嘅「世界末日大反擊」。
第二集對付＂破壞者＂都用到電磁波軌道炮，
今集竟然用返戰斧導彈？起碼都用激光武器吖！
麥加登可以因為佢最討厭嘅人類而背叛自己嘅盟友，
咁就真係抵你死啦！
星期六, 6月 18, 2011
3D 綠燈俠----勇氣產生的意志力
我比較喜歡台灣個譯名:綠光戰警。
原因係，戲入面解釋0左「綠光」代表咩0野，
而且The Green Lantern 唔係得一個人，
而係一個為數幾千人，由唔同星球0既生物組成0既組織。
台灣個譯名其實好好。
香港最早知道有The Green Lantern，
應該數返去三、四十年前，當年引入0左超人、蝙蝠俠呢D超級英雄
而 DC Comics 更將呢班超級英雄組成「正義聯盟」
當年香港都有播過「正義聯盟」0既卡通，The Green Lantern係其中0既成員，
可能0係香港唔係太受歡迎，所以就求求其其見佢拎盞燈，個名又叫Green Lantern，
所以就叫佢做綠燈俠，基於「約定俗成」個名就用到而家。
雖然係基本0既「英雄打壞人」，
但中段就已經留定拍續集0既伏線。
睇0黎 DC 對呢套戲都好有信心。
同其他超級英雄唔同，由於綠燈俠0既力量來自意志力，
所以戲入面0既打鬥場面唔似 IRON MAN 咁「硬橋硬馬」。
會睇到D完全「估你唔到」0既招式。
如果少0左 3D同電腦特技，套戲定會失色好多，
純粹想「搵套戲去睇」
呢套絕對物超所值。
喜歡外星文明0既人，會覺得呢套戲幾得意。
我地一直都相信，地球以外係有其他生物。
而近年好多「信息」，都話比我地知，
宇宙係有一班人，佢地組成0左一個集團，
只不過我地人類未有資格加入佢地。
The Green Lantern 就將呢個論述，具體咁表現出0黎。
但我在意0既係....點解全部係三次元0既生物？
同變形金剛一樣，我覺得戲入面植入0左好多同外星文明相關0既教育。
留意其他The Green Lantern對主角0既批評就知我地有幾落後。
但只要好好加強我地0既意志，我地係有資格加入佢地個集團0既。
最後主角打完壞人，The Green Lantern領袖對主角0既「褒獎」，
其實可以笑0下就算。畢竟呢套係「人類0既電影」。
我欣賞呢套戲0既係，
佢講到明，0係地球上的確係有一個影子政府，
控制住所有同外星生物有關0既消息。
戲入面亦好清楚話你知呢個係咩機構。
仲有0既係，戲入面有兩個奸角，
而其中一個奸角有一幕出場0既造型，
令我諗起stephen hawking。
真係令人有「無限暇想」。
原因係，戲入面解釋0左「綠光」代表咩0野，
而且The Green Lantern 唔係得一個人，
而係一個為數幾千人，由唔同星球0既生物組成0既組織。
台灣個譯名其實好好。
香港最早知道有The Green Lantern，
應該數返去三、四十年前，當年引入0左超人、蝙蝠俠呢D超級英雄
而 DC Comics 更將呢班超級英雄組成「正義聯盟」
當年香港都有播過「正義聯盟」0既卡通，The Green Lantern係其中0既成員，
可能0係香港唔係太受歡迎，所以就求求其其見佢拎盞燈，個名又叫Green Lantern，
所以就叫佢做綠燈俠，基於「約定俗成」個名就用到而家。
雖然係基本0既「英雄打壞人」，
但中段就已經留定拍續集0既伏線。
睇0黎 DC 對呢套戲都好有信心。
同其他超級英雄唔同，由於綠燈俠0既力量來自意志力，
所以戲入面0既打鬥場面唔似 IRON MAN 咁「硬橋硬馬」。
會睇到D完全「估你唔到」0既招式。
如果少0左 3D同電腦特技，套戲定會失色好多，
純粹想「搵套戲去睇」
呢套絕對物超所值。
喜歡外星文明0既人，會覺得呢套戲幾得意。
我地一直都相信，地球以外係有其他生物。
而近年好多「信息」，都話比我地知，
宇宙係有一班人，佢地組成0左一個集團，
只不過我地人類未有資格加入佢地。
The Green Lantern 就將呢個論述，具體咁表現出0黎。
但我在意0既係....點解全部係三次元0既生物？
同變形金剛一樣，我覺得戲入面植入0左好多同外星文明相關0既教育。
留意其他The Green Lantern對主角0既批評就知我地有幾落後。
但只要好好加強我地0既意志，我地係有資格加入佢地個集團0既。
最後主角打完壞人，The Green Lantern領袖對主角0既「褒獎」，
其實可以笑0下就算。畢竟呢套係「人類0既電影」。
我欣賞呢套戲0既係，
佢講到明，0係地球上的確係有一個影子政府，
控制住所有同外星生物有關0既消息。
戲入面亦好清楚話你知呢個係咩機構。
仲有0既係，戲入面有兩個奸角，
而其中一個奸角有一幕出場0既造型，
令我諗起stephen hawking。
真係令人有「無限暇想」。
星期三, 5月 18, 2011
星期五, 5月 06, 2011
雷神奇俠---不要猜想神的思維
土生香港人，如果唔係太迷美國漫畫，應該都唔會太知道《THOR》 0既由來
反而佢老豆奧汀，有睇過星矢北歐篇0既都知道佢係「眾神之神」
故事嘛，都係0個D 英雄落難，覺今是而昨非之後重新振作。
但千萬不要以為套戲去到最後會打到七彩，
反而中段0個場以寡敵眾仲好睇。
睇0黎 MARVEL 0黎緊0既《美國隊長》都會係咁，
畢竟重點係0係《復仇者》，咁一定要花時間交代返裡面D人物性格。
呢班漫畫英雄人物都已經五、六十歲，
如果今次被MARVEL 「扑中」，
用全新形象包裝呢班英雄係俾新一代所受落0既，
咁佢地真係好過「開金礦」！
奧汀因為雷神0既「傲桀不馴」而沒收佢0既能力，仲將佢放逐到人界。
但又將佢0既戰鎚同時掉去人界，仲要放埋0係同一個國家同一個洲。
一開始明明想傳位被雷神，之後又話佢幾唔掂放逐佢，
到佢真係搵到自己0既身份同能力0既時候，又要佢等等先喎！
唔通奧汀一早知道傳位0個日會有事發生，之後順水推舟等雷神可以成長？
都唔知係「搵戲0黎做」定係「神0既安排」。
我一直以為呢套戲會"暗喻"「神，其實係外星人」
但見佢地0係自己地方竟然會騎馬，馬喎！唔係人界先有0既生物0黎0既咩！？
咁我已經覺得呢套0野怪怪地，
雖然講0左少少蟲洞理論，又將我地現時所發現0既宇宙同「北歐神話」掛勾。
但明顯套戲講0既同我預期0既有出入。
最後想講，《THOR》0既 3D特技，係近期「唯一同《阿凡達》同級數0既3D電影」！
反而佢老豆奧汀，有睇過星矢北歐篇0既都知道佢係「眾神之神」
故事嘛，都係0個D 英雄落難，覺今是而昨非之後重新振作。
但千萬不要以為套戲去到最後會打到七彩，
反而中段0個場以寡敵眾仲好睇。
睇0黎 MARVEL 0黎緊0既《美國隊長》都會係咁，
畢竟重點係0係《復仇者》，咁一定要花時間交代返裡面D人物性格。
呢班漫畫英雄人物都已經五、六十歲，
如果今次被MARVEL 「扑中」，
用全新形象包裝呢班英雄係俾新一代所受落0既，
咁佢地真係好過「開金礦」！
奧汀因為雷神0既「傲桀不馴」而沒收佢0既能力，仲將佢放逐到人界。
但又將佢0既戰鎚同時掉去人界，仲要放埋0係同一個國家同一個洲。
一開始明明想傳位被雷神，之後又話佢幾唔掂放逐佢，
到佢真係搵到自己0既身份同能力0既時候，又要佢等等先喎！
唔通奧汀一早知道傳位0個日會有事發生，之後順水推舟等雷神可以成長？
都唔知係「搵戲0黎做」定係「神0既安排」。
我一直以為呢套戲會"暗喻"「神，其實係外星人」
但見佢地0係自己地方竟然會騎馬，馬喎！唔係人界先有0既生物0黎0既咩！？
咁我已經覺得呢套0野怪怪地，
雖然講0左少少蟲洞理論，又將我地現時所發現0既宇宙同「北歐神話」掛勾。
但明顯套戲講0既同我預期0既有出入。
最後想講，《THOR》0既 3D特技，係近期「唯一同《阿凡達》同級數0既3D電影」！
星期一, 4月 25, 2011
source code 危機解密--被錯誤的宣傳累死
我不打算把這個放上FB，只放上BLOG作為一個＂私人紀錄＂。
因為無人會相信，我看了二十分鐘已知道整個故事在說什麼。
戲入面定咗一個規則-我地可以讀取人死之前嘅八分鐘記憶。
個故事就喺呢個規則下發展，因此主角要做嘅，唔係去阻止一個「事件」發生，
而係利用呢個規則去進行調查。
開始，其他角色已經否定咗主角「改變未來」呢個企圖，
認為佢改變緊嘅只係一個死人嘅記憶，及至故事結尾，
最後佢「正式」死亡，但一切仍然進行。
主角用另一個身份在另一個時空繼續生存，
就令我想到「平行宇宙」同「輪迴」係咪可以＂溝得埋呢？
而假設故事嘅結局係成立，
咁一開始嘅＂記憶入侵＂，
又可能係「奪舍」嘅一個＂科學解釋＂呢！
因為無人會相信，我看了二十分鐘已知道整個故事在說什麼。
戲入面定咗一個規則-我地可以讀取人死之前嘅八分鐘記憶。
個故事就喺呢個規則下發展，因此主角要做嘅，唔係去阻止一個「事件」發生，
而係利用呢個規則去進行調查。
開始，其他角色已經否定咗主角「改變未來」呢個企圖，
認為佢改變緊嘅只係一個死人嘅記憶，及至故事結尾，
最後佢「正式」死亡，但一切仍然進行。
主角用另一個身份在另一個時空繼續生存，
就令我想到「平行宇宙」同「輪迴」係咪可以＂溝得埋呢？
而假設故事嘅結局係成立，
咁一開始嘅＂記憶入侵＂，
又可能係「奪舍」嘅一個＂科學解釋＂呢！
星期五, 4月 15, 2011
海猿中的新仔「服部」， 其實係個幾「反映現實」0既角色。
胡裡胡塗入咗海保，做住一份自己都唔知啱唔啱自己嘅工作。「打份工啫」可能係現今年輕人對工作嘅心態。但當身陷險境，迫住靠自己解決難題嘅時候，＂恐懼＂令佢地好自然咁否定自己嘅能力，覺得自己其實係一個無用嘅廢人。
戲入面，服部同大輔講嘅說話，其實係現今年輕人面對困難時嘅心態。我欣賞嘅係，大輔無責備呢種心態，相反仲認同有呢種心態係正常，但就要克服佢。即使再不濟，也是經過海保訓練的精英，絕對不是一無是處。
可能父母太好服待，又或者十幾年嘅＂校園生活＂，令新一代已經失去「單打獨鬥」嘅能力。每每遇到問題只會「等指示」，更甚者會選擇逃避。電影中，服部最後鼓起勇氣面對現實，仲夠膽一個人去救大輔。但現實中，根本就不會有這種大災難去讓你成長。即使只係「打份工」，也請好好學習，「表現自己的機會不是＂等＂出來，是＂造＂出來的。」
胡裡胡塗入咗海保，做住一份自己都唔知啱唔啱自己嘅工作。「打份工啫」可能係現今年輕人對工作嘅心態。但當身陷險境，迫住靠自己解決難題嘅時候，＂恐懼＂令佢地好自然咁否定自己嘅能力，覺得自己其實係一個無用嘅廢人。
戲入面，服部同大輔講嘅說話，其實係現今年輕人面對困難時嘅心態。我欣賞嘅係，大輔無責備呢種心態，相反仲認同有呢種心態係正常，但就要克服佢。即使再不濟，也是經過海保訓練的精英，絕對不是一無是處。
可能父母太好服待，又或者十幾年嘅＂校園生活＂，令新一代已經失去「單打獨鬥」嘅能力。每每遇到問題只會「等指示」，更甚者會選擇逃避。電影中，服部最後鼓起勇氣面對現實，仲夠膽一個人去救大輔。但現實中，根本就不會有這種大災難去讓你成長。即使只係「打份工」，也請好好學習，「表現自己的機會不是＂等＂出來，是＂造＂出來的。」
星期一, 4月 11, 2011
海猿3D--探訪老朋友
呢套戲上0既時候遇正三一一日本九級地震。
令一套平平無奇（即使用咗3D我都唔覺有咩特別）0既＂系列電影＂變得有話題，
意料之外的，反而是故事的結局，
只可以說「預告」剪接得比電影更感人。
也好，免得我要淚灑電影院。
睇住大輔加入海保，再拍拖、結婚生仔，
我真係唔忍心睇住佢死。
一個由日韓俄三國聯手0既鑽油台出現事故，
加上超級颱風，就成為今集0既故事骨幹。
緊張得來又預計得到0既情節，
再加少少大輔對環菜0既「表白」，
有睇開海猿系列0既，今集無可能唔睇。
值得放棄一個千五億0既跨國建設去救五個人嗎？
現實中，會是一個難題。
但在電影中，根本就無需要考慮。
「人命最優先」法則，可能只適用於電影世界。
電影尾段，內閣官員一邊用電話交代「願意負起全責」，
一邊看著電視新聞中，大輔一家三口的片段。
我心中只想到一句說話「電影的確是逃避現實的良方妙藥」。
令一套平平無奇（即使用咗3D我都唔覺有咩特別）0既＂系列電影＂變得有話題，
意料之外的，反而是故事的結局，
只可以說「預告」剪接得比電影更感人。
也好，免得我要淚灑電影院。
睇住大輔加入海保，再拍拖、結婚生仔，
我真係唔忍心睇住佢死。
一個由日韓俄三國聯手0既鑽油台出現事故，
加上超級颱風，就成為今集0既故事骨幹。
緊張得來又預計得到0既情節，
再加少少大輔對環菜0既「表白」，
有睇開海猿系列0既，今集無可能唔睇。
值得放棄一個千五億0既跨國建設去救五個人嗎？
現實中，會是一個難題。
但在電影中，根本就無需要考慮。
「人命最優先」法則，可能只適用於電影世界。
電影尾段，內閣官員一邊用電話交代「願意負起全責」，
一邊看著電視新聞中，大輔一家三口的片段。
我心中只想到一句說話「電影的確是逃避現實的良方妙藥」。
其實，由幾時開始，會有人以「領取綜援」為榮？
我記得以前眞係山窮水盡，
啲人先會硬著頭皮去社會福利署。
因此，我一直認為，
拎綜援0既都係社會上最需要幫助0既群。
但由於社工呢個＂行業＂嘅「變質」，
加上On 9 0既人口政策（用移民政策會俾到位人入）。
造成班人可以成為香港社會福利0既「既得利益者」，
而因為呢班人都係合資格選民，一眾政客當然願意＂支持到底＂。
辛勤工作的人看在眼裡，不論是土生還是新來港的，也會怒火中燒。
「蝗蟲」呢個稱號，十幾年前我已經用來形容香港人，
無論日本、台灣同泰國，香港人都係去到邊買到邊。
我想講，「蝗蟲」絕非國內人士的＂尊稱＂。
現在香港人開始「知榮辱」，不再蝗蟲。
但看來國內人士很難不成為別人眼中的蝗蟲，
如果內地0既食物係安全，佢地又使鬼仆落嚟掃奶粉，
如果內地嘅名牌係眞嘅，產品係有質量保證，
使鬼走嚟波鞋街、百老匯，喺LV門口＂輪大米＂咩！
可憐0下人地啦香港人！
我記得以前眞係山窮水盡，
啲人先會硬著頭皮去社會福利署。
因此，我一直認為，
拎綜援0既都係社會上最需要幫助0既群。
但由於社工呢個＂行業＂嘅「變質」，
加上On 9 0既人口政策（用移民政策會俾到位人入）。
造成班人可以成為香港社會福利0既「既得利益者」，
而因為呢班人都係合資格選民，一眾政客當然願意＂支持到底＂。
辛勤工作的人看在眼裡，不論是土生還是新來港的，也會怒火中燒。
「蝗蟲」呢個稱號，十幾年前我已經用來形容香港人，
無論日本、台灣同泰國，香港人都係去到邊買到邊。
我想講，「蝗蟲」絕非國內人士的＂尊稱＂。
現在香港人開始「知榮辱」，不再蝗蟲。
但看來國內人士很難不成為別人眼中的蝗蟲，
如果內地0既食物係安全，佢地又使鬼仆落嚟掃奶粉，
如果內地嘅名牌係眞嘅，產品係有質量保證，
使鬼走嚟波鞋街、百老匯，喺LV門口＂輪大米＂咩！
可憐0下人地啦香港人！
星期二, 4月 05, 2011
星期四, 3月 24, 2011
五十烈士為 堅守這島國土地
有任何難題 卻不提起
這最後任務 縱捨身為國未怕分離
強忍過 就算擠不出那力氣
你若能重回 我感恩答謝你
人性照耀大地 這光輝遍世紀
歷劫中總不會退避 儘管很想痛哭喘氣
勇氣 已仿佛寫進傳記
無言的等等等 輻射更深
仍留守崗位 心裡沒悔恨
祈求這意外沒發生 危機都不降臨
我流淚了 寄望從沒有 這地震
這就是人情 那光輝暖著我
而你做成人牆 為了家鄉會怕麼
若要哭不哭訴為何
每種悲泣也都聽過
願你 挽手此刻 會渡過
無言的生身心 耗盡每分
仍寧願將身體化做劍刃
還能笑說著沒要緊 危險都不過問
你瞞住我 繼續 留在那 化護蔭
天災 磅礡的海嘯算甚麼
用你肌膚頑抗 用熱血維護我
無窮的風火海 侵襲眾生
寒流中饑荒失意 淚與恨
仍前進 笑著臉 強忍
還等櫻花再臨
你陪著我 我亦 陪著你 去渡過
星期三, 3月 02, 2011
千萬不要被宣傳誤導，《宇宙戰艦大和號》特技0既比重其實唔多。
而且所謂0既得技，同近年日本0既特撮片所見0既都差不多。
我們都被荷里活寵壞了...
未看過松本零士的原版，不能作出比較。
不過，未睇過原版係無影響0既。
套戲成兩個幾鐘，
主要都係講日本人0個種"武士道"精神，
睇主男主角點樣成長，但其實好多0野你都估到點發展。
但戲入面，大和號0既任務都幾夾硬0黎。
故事0既作用只係用0黎就各主角0既武士道精神，
而最後大和號0既下場，
應該係反映日本人對「武士道」0既最終極表現。
唔好拎佢同star trek 比，star trek 高幾班。
戲入面係有"運用"「蟲洞理論」，不過表現得好簡單。
係有「以集體意識為主導的外星生命」，但睇完又唔知佢想帶出咩信息。
外星生命可以「鬼上身」，點解仲要攪咁多"大龍鳳"？
如果有睇過之前0個套《大和號》，
咁《宇宙戰艦大和號》只係《大和號》0既"太空版"。
都係一班「男子漢」傾盡一切去體現武士道精神。
而且所謂0既得技，同近年日本0既特撮片所見0既都差不多。
我們都被荷里活寵壞了...
未看過松本零士的原版，不能作出比較。
不過，未睇過原版係無影響0既。
套戲成兩個幾鐘，
主要都係講日本人0個種"武士道"精神，
睇主男主角點樣成長，但其實好多0野你都估到點發展。
但戲入面，大和號0既任務都幾夾硬0黎。
故事0既作用只係用0黎就各主角0既武士道精神，
而最後大和號0既下場，
應該係反映日本人對「武士道」0既最終極表現。
唔好拎佢同star trek 比，star trek 高幾班。
戲入面係有"運用"「蟲洞理論」，不過表現得好簡單。
係有「以集體意識為主導的外星生命」，但睇完又唔知佢想帶出咩信息。
外星生命可以「鬼上身」，點解仲要攪咁多"大龍鳳"？
如果有睇過之前0個套《大和號》，
咁《宇宙戰艦大和號》只係《大和號》0既"太空版"。
都係一班「男子漢」傾盡一切去體現武士道精神。
星期六, 2月 05, 2011
新少林寺-----係齋定狗肉？
是不是大家都有一個不成文規定,對平民可以用槍械,
但對少林僧人就要用拳腳功夫?
可以用機關槍掃射平民,但對付吳京這些武僧就要先「對拆」一輪,才可了結對手?
血肉之軀的武僧，除了被手持槍炮的軍隊壓迫之餘，更要「抽空」對付偷運國寶的洋人，
對於這些造出來的悲情,實在難以體會。
當少林功夫都要加入特技的時候，
「禪武」就只能靠演員間幾句對白去"表現"，
太多的「大場面」，確實是一套大製作，
不過，弘揚佛法嘛...
相比起來，十多年前一套《達摩祖師》我覺得更好。
每次看到「大場面」，我都不禁有點納悶，
「那些馬...拍完這些鏡頭之後...不可能"全身而退"吧？」
不過些片的總監製是釋永信大師，出家人大既不會殘害眾生吧！
最後看住持身中幾槍後仍可做出一個跪拜合十的姿勢，
再看到劉德華躺在大佛的手中，
心中不禁大叫:
「嘩！使唔使口咁"白"呀！」
但對少林僧人就要用拳腳功夫?
可以用機關槍掃射平民,但對付吳京這些武僧就要先「對拆」一輪,才可了結對手?
血肉之軀的武僧，除了被手持槍炮的軍隊壓迫之餘，更要「抽空」對付偷運國寶的洋人，
對於這些造出來的悲情,實在難以體會。
當少林功夫都要加入特技的時候，
「禪武」就只能靠演員間幾句對白去"表現"，
太多的「大場面」，確實是一套大製作，
不過，弘揚佛法嘛...
相比起來，十多年前一套《達摩祖師》我覺得更好。
每次看到「大場面」，我都不禁有點納悶，
「那些馬...拍完這些鏡頭之後...不可能"全身而退"吧？」
不過些片的總監製是釋永信大師，出家人大既不會殘害眾生吧！
最後看住持身中幾槍後仍可做出一個跪拜合十的姿勢，
再看到劉德華躺在大佛的手中，
心中不禁大叫:
「嘩！使唔使口咁"白"呀！」
星期四, 2月 03, 2011
發生0左好多事。
明明放幾日假想執0下間屋0者,
都差 D "家變",我只係想一個人諗0下0野0者!咁都唔得,
好在唔鍾意同人嗌交,否則一定分手收場。
大吉利是直到今日都無三隻內銀股供0既問題出現,
證明我想出0黎0既方法係可行0既,
可惜,無人想用。
OK!不過我辛辛苦苦幫你搵到個可以頂我手做供股0既人俾你,
Humgaling 你踢佢去分行落盤!
又白白浪費一個可造之材。
唔止要我花時間再Train另一個,仲延遲我落分行0既時間,
根本就係一個雙輸0既決定。
要lSB跟供股,其實大材小用,我唔教佢,係想佢多D時間做其他0野,
佢0既背景,留0係度0既發展應該會好好。
Coni無工作經驗,一下子要佢跟供股…
大佬「HKU」都係人一個,
好多0野都未識得處理,花0既時間要多D。
講到尾,我最慶係將我認為"得"0既人調走,
Diulasing!即係咩意思呀!唔信我眼光呀?
最後,如果ROND過左年之後遞信,
咁我就好有可能係一個「0係總行返工0既分行副經理」…
明明放幾日假想執0下間屋0者,
都差 D "家變",我只係想一個人諗0下0野0者!咁都唔得,
好在唔鍾意同人嗌交,否則一定分手收場。
大吉利是直到今日都無三隻內銀股供0既問題出現,
證明我想出0黎0既方法係可行0既,
可惜,無人想用。
OK!不過我辛辛苦苦幫你搵到個可以頂我手做供股0既人俾你,
Humgaling 你踢佢去分行落盤!
又白白浪費一個可造之材。
唔止要我花時間再Train另一個,仲延遲我落分行0既時間,
根本就係一個雙輸0既決定。
要lSB跟供股,其實大材小用,我唔教佢,係想佢多D時間做其他0野,
佢0既背景,留0係度0既發展應該會好好。
Coni無工作經驗,一下子要佢跟供股…
大佬「HKU」都係人一個,
好多0野都未識得處理,花0既時間要多D。
講到尾,我最慶係將我認為"得"0既人調走,
Diulasing!即係咩意思呀!唔信我眼光呀?
最後,如果ROND過左年之後遞信,
咁我就好有可能係一個「0係總行返工0既分行副經理」…
訂閱：
文章 (Atom)
文章
